Ekainaren 30ean egin zuen lehen asanblada Tolosa Zutikek. Bertan parte hartu zuen kide batek azaldu digunez, "bertan bildutako askok adierazi zuten Donostiako esperientzia jarraitu zutela sare sozialen bidez, baina ezin izan zutela han parte hartu, eta orain Tolosan aukera ikusita, plazara atera direla".

Tolosaldeko Atariak egindako elkarrizketan, kide batek azpimarratu du erraustegiaren ikono izaera: " Borroka horren ikurra erraustegia bada ere, Gipuzkoan ez ezik, Euskal Herri osoan abian jartzen ari diren neurri eta politiken aurka bildu dira herritarrak. Izan ere, neurri horiek Gipuzkoa osoko herritarren %1ari soilik egiten die fabore, eta erraustegia da neurri horien sinboloetako bat".

Gipuzkoa Zutiki buruz jardun zuten eta bi lantalde ere jarri ziren martxan: Komunikazioa eta dinamizazioa.

70 lagun inguru batu ziren "gehien bat gazteak, baina 40-60 urte arteko jende dezente ere elkartu zen". Aniztasuna nabarmendu du han parte hartu zuen kideak "hasteko, inguruko herrietatik jendea bildu zen: Ibarra, Alegi... bestetik, hainbat saltsatako jendea elkartu zen, eta baita orain arte antolatu izan ez den jendea ere".

Lehen asanbladan ideien zakua bete zuten.

Bigarren asanbladaren gai ordena (uztailaren 7an):

1.-Arauen irakurketa