Montauk
Esperimentazioak eta giro-musikak espazioa hartzen dute bere osotasunean, baina Montauk-en zerizana zein den ahaztu gabe. Geruzak izeneko bigarren disko honek, amets luze eta sakon batean murgiltzen laguntzen gaitu; errealitatetik urrunduz, baina arazoetatik salbuetsi gabe.
aurre egingo dieten hedabide independenteak
Gasteizko Jimmy Jazz aretoko ateak zabaldu egiten dira, eszenatokia kez betetzen den heinean. Fokuek urdintasun kutsua ematen diote ostegun gau euritsu honi eta musikariak oholtzan agertzen dira.
Iluntasuna da nagusi aretoan. Hurbiltzen doazen hots arin batzuk hasten dira entzuten eta haiekin batera ahots xuxurlatu batek aurkezten digu Hegazkina abestia. Gitarra gehitzen diote eta harekin batera bateriaren erritmo itsaskorra. Leuntasuna eta samurtasuna sartzen zaizkizu gorputzean, doinu lasai eta finak gerturatzen joaten dira zure belarrietara, gauean loak hartzen zaituen lez.
Lehengo abestiarekin abstraitzeko gaitasuna bereganatuz, gitarraren arpegioek markatutako erritmoa sintetizadoreen laguntzarekin topatzen da. Horren bidez murgiltzen gara gure pentsamendu propioen hutsunean flotatzen.
Hurrengo emanaldia:
Ekainak 28/30 · EHZ Festibala · Irisarri
Kontzertuaren erdialderantz gerturatzen goazen heinean, dunbal soinu konstante eta erritmiko bat entzuten da. Elektronikaren joera nabaritzen da eta uztartu egiten ditu perkusio, gitarra eta baxuarekin batera. Bide minimalista batetik eramaten gaitu dantza egitera, Berlin hiriko gauean egongo bagina bezala.
Barru huste eta garrasi askatzaile bat eta gero, diskoari izena ematen dion abestira heldu gara, Geruzak. Gitarra eta bateriaren arteko jolasa, ahots gardenago batekin lagunduta doa. Pop joera duen abesti honek, freskotasuna ematen dio giroari eta Gorka Etxebarria bateria-jolearen gozotasun eta sentsibilitatea agerian geratzen dira.
Amaierarako bidea harturik, Beñat Goitia, bakarrik geratzen da musikazaleen aurrean. Gitarra esku artean eta oinetan loop-a dantzan duela, haien lehendabiziko diskoko Ezintasuna abestiaren bertsio berritu batean. Arpegioak jo, grabatu eta haien gainetik beste zarata batzuk gehitzen dituen moduan, abesten hasten da bere ahots urratu eta xuxurlatu horrekin.
Abestiak aurrera egiten duen heinean, taldekideak sartzen joaten dira berriro eta hor konturatzen zara taldekide berri bat dagoela gaurkoan. Baxua, gitarra eta bateriaz gain, ordenagailu eta sinteekin lagun berri bat dutela. Bostek batera, in crescendo doa zarata eta konturatzen zarenerako azkenengo abestian sartuta zaude.
Geruzak diskoaren kontzertu hau, gure bakardadean sakontzeko aukera ezin hobea da. Norberaren hausnarketa eta ideiak, bake egoera batean pentsatzera eramanez, sentimenduak identifikatuz eta gure gogoeta guztiak ordena batera bideratuz.
DIPCko bere bulegoan izan da elkarrizketa. Argazkilaria lanean hasi denean, arroparengatik desenkusatu da [kirol-jertse bat dauka jantzita]: “Ez nintzen gogoratzen elkarrizketa genuenik”. Baina Elhuyar aldizkariarentzako dela eta, gustura egingo omen du. Euskaraz... [+]
Hautsak harrotu ditu azken orduetan Interneten WeTransfer zerbitzu oso praktiko eta erabiliak iragarri dituen erabilpen baldintza berriek, abuztuan jarriko direnak indarrean. WeTransfer da oso fitxategi (edo fitxategi multzo) handiak bidaltzeko modu bat. Ez dira kabitzen e-posta... [+]
Lintxamenduen ostean immigrazioaren aurka izan den lehen mobilizazio-saiakerak ez du jarraitzaile gehiegi erakarri, baina izu arrazistak hartu du herria.
Israelek Gazan eta Zisjordanian egindako giza eskubideen urraketak argi uzten dituen Kanpo Ekintzarako Europako Zerbitzuaren txostena esku artean, EBko Atzerri ministroek erabaki dute Israel-EB elkartze-akordioarekin berdin-berdin segitzea. EBren "ekintza-eza" ikusita,... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Giza eskubideen aldeko Sudango abokatu talde baten arabera, Sudan mendebaldeko hainbat herrixkari eraso egin zieten larunbatean eta igandean, eta zibilak tiroz hil edota bizirik erre zituzten, etxeetan giltzapetuta. UNICEFek salatu du Ipar Darfurgo 40.000 haur artatu zituztela... [+]
Jazarpen arrazistak eztanda egin du Espainiako Torre Pacheco herrian, Euskal Herrian ere ezagun zaizkigun diskurtsoak hauspotuta: immigrazioa lotzea delinkuentziaren, sexu-erasoen eta segurtasun faltaren gorakadari. Baina datuek frogatzen dute gezurra direla gorroto diskurtso... [+]
Hagako Taldeak deituta, Kolonbiak eta Hego afrikak antolatu dute gailurra. Herrialdeetako ordezkariez gain, Francesca Albanese Palestinar Lurraldeentzako NBEren errelatorea ere Bogotan da, eta Israelekin harreman oro etetea exijitu die. EBk adierazi du Netanyahuri bere aire... [+]
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]
Abuztuaren 9tik 17ra izango da Piraten Aste Nagusia, eta aurten "Auzolanari tiraka!" ariko direla adierazi dute. Abordatzea abuztuaren 11n izango da, eta Piraten Egun "berezia", hilaren 15ean.
Bederatzi egun eta gau luzeren ostean, Iruñeak normaltasunera itzuli nahi du Sanferminak ixten dituen azken ekitaldiarekin: Villavesako entzierroa, non gaizki tratatzen den gauza bakarra parte hartzaileen gibela eta osasuna baita. Ekitaldi herrikoi honen ondoren hasten da... [+]
Cervera de la Marenda (Ipar Katalunia), 1906. Herriko emakume garraiatzaileak lan baldintza eskasen aurka altxa ziren. Espainiako eta Frantziako estatuetako trenbideen zabalera desberdinak eraginda, garraiatzaileek Mediterraneoko kostaldetik zetozen zitrikoak tren batzuetatik... [+]
Herria astekariaren ez hain aspaldiko aleak irakurtzea aski da antzemateko Mixel Garikoitzek Lapurdiko, Nafarroa Behereko eta Zuberoako gizarte nagusiki katolikoan utzitako arrastoaren sakonari.
Ibarreko Garakoitxeko semea, bertze ordezkaririk ez du Iparraldeak Erromako... [+]