Langile bat hil da Laudioko Tubacex enpresan istripu baten ondorioz, ostiralean manifestazioa eguerdian
Ertzaintzak berretsi du gizonezko gazte bat zendu dela ostegunean Tubacex taldeak Laudion duen lantegian. Ekoizpena gelditu dute bertan zein Amurrion beharginek eta ostiralean 12:00etan manifestazioa aterako da faktoriatik bertatik.
Ertzaintzak adierazi duenez, 16:00ak aldera izan du istripuaren berri. Aiaraldea hedabideak jakin duenez, behargina lanean zegoela, makina batek harrapatu du. Hedabideen arabera, 25 urte zituen hildakoak.
Ertzaintzaren Prentsa zerbitzuaren hitzetan, ez dakite gehiago; Osalan erakundearen esku geratu baita ikerketa. Suhiltzaileak eta anbulantzia ere bertaratu dira lantegira.
Sindikatuko ordezkariak 17:15ak aldera hurbildu dira lantegira. Berez, langileek ekoizpena gelditu dute Laudion eta Amurrion eta faktoria hutsik utzi dute. Ostegunean eta ostiralean lanuztea egingo dute eta, gainera, 12:00etan mobilizatuko dira. Lantegiko atetik abiatuko dira herriko plazara joateko.
Ostegun arratsaldean batzar irekia egin dute lantegiaren sarreran eta giroa amorruz, tristuraz eta tentsioz beterikoa izan da. Langile batzuek aldarrikatu dute enpresan dagoen prekarietatearen ondorioz hil dela gaztea, eta arduradunei izen eta abizenak jarri behar zaizkiela. Bitarteko eta langile berrien trebakuntza falta azpimarratu dute.
Langile batzordeko ordezkariek ziurtatu dute istripuaren arrazoi teknikoak ezagutu gabe, argi dagoela Tubacex enpresan dagoen prekarietatearen emaitza izan dela gaztearen heriotza.
Duela 9 urte emaitza bereko istripua gertatu zen lantegi berean eta Ugaoko gazte bat zendu zen. Eskualdean, ordea, horrelako heriotzak ez dira eten eta, esaterako, Orozkoko harrobiko bi behargin hil ziren iaz.
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]