2020ko abenduaren 06a
Pasa den larunbatean banatu ziren Rikardo Arregi sariak Andoaingo Bastero kulturgunean. Lander Arbelaitzek jaso zuen Kazetari Berria saria, ARGIA aldizkarian argitaratutako hiru erreportajerengatik (Estoniako errusiarrak. Estatua bat, bi estatu; Danimarka. Iparraldeko herri aurreratu hori eta Irlanda Iparraldea. Amaitutako guda baten arrastoak). Epaimahaiak Arbelaitzen "ofizio handia", lekukotza interesgarria bildu izana eta multimedia arloan egindako ahalegina azpimarratu zituen. Sari nagusia EITBko kazetari Xabier Usabiagarentzat izan zen. Epaimahaiaren sari nagusia Bizkaia Irratia eta Bizkaie!-k jaso zuten eta Ohorezko aipamena Joxe Mari Iriondorentzat izan zen.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
