Interneteko Argia Saria: Oroibidea
Galtzaileen herri ondarea sarean jartzeko erakunde publiko batetik egindako ahaleginagatik, ahots gabeen ahotsa entzuteko aukera emateagatik, eta batez ere, Nafarroak aitzindari izaten segi dezan oroimen historikoa berreskuratzeko bidean, Interneteko Argia Saria Nafarroako Gobernuak eta Nafarroako Memoriaren Institutuak sustaturiko Oroibidea bilatzaileak jaso du. Saria Cesar Layana eta Josemi Gastónek jaso dute Nafarroako Memoriaren Institutuaren izenean.
aurre egingo dieten hedabide independenteak
ARGIAk arrazoi hauengatik eman dio saria Oroibidea bilatzaileari:
"Klik bat eta izen bat. Beste klik bat eta dokumentu bat. Aspalditik senide galduaren bila dabilen horrentzako altxor bat.
Frankismoak 36ko gerrako galtzaileak zigortu, desagerrarazi edo, besterik gabe, ahaztu egin nahi izan zituen. Baina ez zuen lortu.
Nafarroa aitzindaria izan da oroimen historikoa berreskuratzeko kontuetan. Fusilatutakoak lurpetik ateratzen lehenak izan ziren senideak, biktimen datuak kolektiboki bildu ziren herriz herri, eta beste hainbat ikerketa egin dira geroztik.
Orain, informazio hori bilatzaile baten bidez daukagu eskura, klik batean. Gaur saritzen dugun interneteko atariak milaka pertsonaren fitxak biltzen ditu. Baina ez hori bakarrik. Tresna horren bidez, ahozko testigantzak, funtsak, argazkiak, errepresioaren mapak eta beste hainbat material ere kontsultatu daitezke".
