Frantziako Tourrera 14,2 milioi euro bideratuko dituzte EAEko instituzio publikoek
Orain arte publiko egindako 12 milioi euroez gain, El Saltok argitaratu du beste 2,2 milioi euroko inbertituko dituztela, hainbat hitzarmen eta laguntza publikotan.
14,2 milioi euro bideratuko dituzte Frantziako Tourrera EAEko instituzio publikoek. Orain arte publiko egin diren gastuez gain, El Saltok jakinarazi du 2,3 milioi euro gehiagoko inbertsioa onartu dutela beste hainbat hitzarmen eta laguntza publikotan.
El Saltok Bilbao Ekintza eta Amaury Sport Organisation enpresaren (Frantziako Tourra antolatzen duen enpresa) arteko kontratua lortu du. Hor ikus daitekeenez, hasieran 7,2 milioi euroko inbertitu zituzten Eusko Jaurlaritza, Bizkaiko Foru Aldundia eta Bilboko Udalaren artean. Horri antolakuntza gastuetarako beste 4,8 milioi gehitu behar zaizkio. Guztira, 12 milioi euro.
Eusko Jaurlaritzak eta Bilboko Udalak 3,2na milioi euroko inbertsioa egingo dute, eta Bizkaiko Foru Aldundiak 2,4 milioikoa. EAEko gainontzeko aldundiek eta hiriburuek ere jarriko dute beren partea: Gipuzkoako Foru Aldundiak 1,1 milioi, Donostiako Udalak 850.000 euro, eta Arabako Foru Aldundiak eta Gasteizko Udalak 525.000 euro bakoitzak.
El Saltok jakinarazi dituen gastuak, berriz, hainbat kontratutan daude banatuta. Esate baterako, Bizkaiko Aldundiak Amaury Sport Organisation enpresarekin 480.000 euroko kontratua egin du, 2022ko abuztutik 2023ko ekainera bitarte egingo diren "Tourreko tailerrak" antolatzeko. Horrez gain, Bilbao Exhibition Center-ek 81.728 euroko hitzarmena egin du Unipublic enpresarekin, Tourreko erakusketa bat antolatzeko. Unipublic Amaury Sport Organisationen jabetzakoa da.
EAJren gertuko enpresak
EAJren gertukoak diren enpresek irabaziak izango dituzte Tourraren harira egin diren inbertsioengatik, El Saltoren arabera. Sormen Komunikazioak 119.000 euro jasoko ditu (Gorka Iturriaga Eusko Jaurlaritzako Jarduera Fisikoaren eta Kirolaren zuzendariaren emazterena da enpresa). Horrez gain, EAJrentzat lan egin duen publizitate agentziarekin ere lotu dute kontratua, 145.000 eurokoa.
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
Amonak sarritan aipatu zidan badela arrain bat, garai batean kostaldeko herrietako sukalde askotan ohikoa zena. Arrain-zopa egiteko bereziki ezaguna omen zen, oso zaporetsua baita labean erreta jateko ere. Beti platerean oroitzen dut, eta beraz, orain gutxira arte oharkabeko... [+]
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]
Cristóbal Balenciaga diseinatzailearen biografia kutsuko fikziozko telesaila egin du Moriarti hirukoteak, Disney+ plataformarentzat. Estreinakoa dute formatu horretan. Aitor Arregi eta Jon Garañorekin egin du hitzordua ARGIAk, Jose Mari Goenaga kanpoan baitzen,... [+]