Alkartasunaren egunaren testuinguruan autoinkulpazio kanpaina egin dute EAko kritikoek
Igande honetan ospatu zuen EAk Alkartasun Eguna Zumaian, alderdiko barne gatazkaren testuinguruan. Idazkari nagusi berriaren hautaketa eta honen inguruan sortu den afera presente izan zen egun alderdiak urtero ospatzen duen festan, aurten Alkartasunetik Askatasunera goiburupean egindakoa.
Pello Urizarrek idazkaritza nagusia utzi zuenetik krisi giroan bizi da alderdia, primaria prozesuari aurre egiteko kritikoek afiliatuen errolda eskuratu nahi dutelako eta EAko zuzendaritzak orain arte berau ukatu egin dielako, lege kontuak argudiatuta.
Testuinguru horretan sortutako ika-mikan sektore kritikoa epaitegietaraino ere iritsi da, EAko zuzendaritzaren jarrera salatuz. Horrez gain, Miren Aranoa, Iratxe Lopez de Aberasturi eta Mikel Goenagaren aurka zigor espedientea zabaldu zuen EAko zuzendaritzak prentsaurreko batean honen jarrera kritikatzeagatik. Hurrenez hurren, hiruak Nafarroa, Araba eta Gipuzkoako koordinatzaileak dira.
Autoinkulpazio kanpaina
Testuinguru honetan, kritikoek autoinkulpazio kanpaina abiarazi dute eta gutun bidez zuzendaritzari adierazi diote bat egiten dutela hiru koordinatzaileek esandakoekin. Ekimenaren bultzatzaileen arabera ehunka omen dira jada inkulpatutako militanteak, haien artean Carlos Garaikoetxea lehendakaria. Irailaren hasieran Deban egindako adierazpenetan, honek publikoki ohartarazi zuen EA desagertze arriskuan egon litekeela, norabide aldaketa handia egiten ez badu.
Atzo Zumaian, behin-behineko idazkari Joseba Gezuragak adierazi zuenez, “batasunak indarra ematen badu, batasun ezak kontrako eragina dakar”. EAko zuzendaritzatik esan denez, datozen egunetan EAko militantziaren errolda finkatuko da. Urriaren 14an idazkari nagusi izateko primarioen hautagaitzan aurkeztuko dira eta 25ean bozkatu egingo da.
Baztango lehen festak hastearekin batera, mutil-dantzak dantzatzera bultzatu nahi dituzte baztandarrak; hala adierazi dute Plazara Dantzara elkarteko kideek publikatu berri duten prentsa-oharrean. Aurreko urtea Baztanen bazterketarik gabeko lehenengo urtea izan zen eta horri... [+]
Gazako osasun sistema kolapsatzeko zorian dagoela jakinarazi du Osasun Ministerioak, erregai faltaren eta erasoen ondorioz. Urriaren 7tik 500 mediku eta 138 erizain hil ditu Israelek, eta 33 ospitale suntsitu. Rafah-tik 300.000 pertsonak egin behar izan dute ihes azken egunetan,... [+]
Heziketa perfektua jasoko duen seme-alaba perfektua izateko nahiak eta espektatiba eta lorpenetan oinarritutako kulturak estresa, antsietatea eta jarrera arazoak sortzen dituzte, eta zabalduta dagoen fenomenoa da gainera. Hala dio ikerketa berri batek.
Apirilaren 2 eta 3an Parisen iragan zen epaiketa, dudarik gabe, judizialki memento historikoa izan zen. Lehen aldikotz euskal afera judizialetan, defentsa eta estatuaren ordezkariak aho batez mintzatu ziren.
51 urteko garraiolariaren kamioia irauli egin da Ejea de los Caballerosen (Aragoi). 2024an hiltzen den 23. langilea da.