AHTra bideratuko du Eusko Jaurlaritzak Ingurumeneko aurrekontuaren erdia baino gehiago

  • Ingurumen eta Lurralde Antolakuntzarako sailak 2016rako aurkeztu duen aurrekontua 671,4 milioikoa izango da. Iaz baino 1,2 milioi gehiago. Ana Oregi sailburuak legebiltzar-batzordean aurkeztutako aurrekontuen %85 azpiegitura ugaritara bideratuko da. Zatirik handiena, 350 milioi euro, AHTk jasoko du.

Asier Arrate Iruskieta @AsierArrate
2015eko azaroaren 09a
Aurkeztutako aurrekontuaren %52,2a bideratuko du Ingurumen eta Lurralde Antolakuntzarako sailak AHTra.

Oregik aurkeztutako aurrekontuaren %52,2a bideratuko du Ingurumen eta Lurralde Antolakuntzarako sailak AHTren lanetara. Oregik gaineratu du Eusko Jaurlaritza egiten ari den Gipuzkoako AHTren zatiaren lanak martxan direla. Hauek Kupotik deskontatzen dira. Ingurumen sailaren aurrekontuaren %33 EAEko trenbide azpiegitura propioetara joango da. Euskotrenek, metroak eta tranbia sareak jasoko dute partida horren zatirik handiena: 116 milioi.

Martxan diren lanek ere 2016ko aurrekontuaren zati bat izango dute. Datorren urtean bukatzeko diren Bilboko Metroaren hirugarren lineako lanetara –Etxebarri-Matiko linea– 23 milioi bideratu dituzte. Bestalde, Gasteizerako mugikortasun ikerketa eta proiektuek 900.000 euroko aurrekontua izango dute. Horren barnean sartzen dira tranbiaren handitzea Salburua eta unibertsitateetara eta BRT autobusena. Oregik jakinarazi du, Donostiako metroko Herrera-Altza linea ere martxan jarriko dutela eta Donostiako pasantearen lanak abiatuko dituztela.

Portuek ere Ingurumen sailaren aurrekontuaren zati bat jasoko dute. 11,1 milioi aurreikusi dituzte Eusko Jaurlaritzak kudeatzen dituen portuen mantentze eta berriztatze lanetarako.

40 milioi biziberritze proiektuetarako

Azkenik, aurrekontuaren %15 bideratuko dute biziberritze eta ingurumen kalitatearen hobekuntzarako proiektuetara. 36,5 milioi Urumea, Ibaizabal, Nerbioi Garaia, Zadorra eta Busturialdeako ingurumen eta ur kalitatea hobetzeko erabiliko dituzte, eta 3,1 milioi ekosistemen zaintzarako.

Pasaiako badiaren biziberritze proiektuak 4 milioiko aurrekontua izango du datorren urtean, eta konpromisoa 2017an 3 milioi jasotzeko eta milioi bat 2018an. Txingudi badiaren biziberritzeak eta Hendaia-Irun-Hondarribia bizikletentzako ibilbideak milioi erdi jasoko dute. 2016an Urdaibairen saneamendu lanak ere hasiko direla jakinarazi du Ingurumen sailburuak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azpiegitura handiak kanaletik interesatuko zaizu...
2018-08-09 | Nahia Ibarzabal
Pasaiako portuko jardueraren kalteak salatzeko Badian Bizi plataforma sortu dute herritarrek

Ostegun goizean egin dute prentsa-agerraldia. Pasaiako portuko karga-deskarga lanek, herritarren osasunean eta bizi-kalitatean duten kaltea salatzeko.


2018-08-08 | AHT Gelditu
AHT gelditu! 2018ko bizi martxa
MULTIMEDIA - bideo herrikoia

Abiadura Handiko Trenaren aurka bizikleta martxa antolatu du uztaila amaieran AHT Gelditu ekimenak. Nafarroako lurrak zeharkatu zituzten biztanleei trenaren inguruko informazio helaraziz.


Pasaiako portuko sutea datutan

Ostegunean Pasaiako portuan, Lezoko aldean piztutako suteak, aire kalitatean zuzenean eragin zuen, bereziki Pasaian, Lezon, Oreretan eta baita Donostian ere. 11:00 aldera, Pasaiako portuan biltzen den txatarra zama batek su hartu zuenean hasi ziren arazoak. Erakundeetatik lasaitasuna transmititu bazuten ere, leihoak ixteko gomendioa ere zabaldu zuten.


Altsasuko Alkateari eskutitz irekia AHTari buruz

AHT-Gelditu!-k antolatuta eta Sakana Trenaren Alde plataformak lagunduta bizikleta-martxa egin zen Martzillatik abiatuta Altsasura arte. Hori baliatuta, Sakana Trenaren Alde plataformak gutun irekia zuzentzen dio Altsasuko Udaleko Alkatea den Javier Ollo jaunari.


Herritarren haserrea eta kezka piztu ditu Pasaiako portuko suteak

Lau ordu behar izan zituzten sua itzaltzeko. Gauean ere suhiltzaileak txatarra hozten jarraitu zuten.


2018-08-01 | Maripi Arruiz
Errauskailuaren aurka gaudenok ere EITBn entzunak izateko eskubidea dugu

Gipuzkoarrok Zubietako errauskailuarekin kezkatuta gaude, eta asko. Hori dela eta, Errauskailuaren Aurkako Mugimenduko kideak, behin eta berriro eskatzen ari gara gai horretan aditu direnen arteko eztabaida saio bat bai telebistan baita irratian ere. Aldiz, ikusten dugu horietan errauskailuaren aldekoek bakarrik dutela espazioa, hau da, Asensiok eta Olanok.


2018-07-29 | Juan Mari Arregi
Tapiaren datu zoroak AHTrentzat

Lakuako Gobernuak, bere kontseilari Arantza Tapiaren bidez, jarraitzen du tematuta Euskal Y-a erakitzeko, Europako Kontuen Auzitegiak bere bideragarritasuna oso zalantzan jarri duen arren, esanez “mosaiko ez eraginkorra” eta “iruzur ekonomikoa” dela. Ajuriaeneakoek jarraitu nahi dute zorakeria faraonikoarekin, kontuan izan gabe haren xahutze ekonomiko publikoa, ez politikoki ez herritarren artean sekula eztabaidatu gabea gainera.


2018-07-27 | Ahotsa.info
Nafarroako Erdialdea zeharkatu du AHT Gelditu ekimenaren txirrindula martxak

AHT Gelditu ekimenak antolatu duen Abiadura Haundiko Trenaren aurkako txirrindula martxa Nafarroako Erdialdea zeharkatu du gaurko egunean. Martzillatik Tafallaraino, Azkoien, Faltzes eta Erriberritik pasatuz, bertako biztanleei proiektu honen inguruko informazio helarazi diete.


AHT: Amaiera gabeko trenbidea

Agintariek herritarrei “etorkizunaren” izenean hitz emandako Abiadura Handiko Trenbide sarearen hiru laurden amaitu gabe dago, lehen proiektuak hasi eta ia hiru hamarkada ondoren. Oraindik urteak beharko dituzte zati gehienak amaitzeko eta batzuk seguruenik ez dira inoiz egingo, Ipar Euskal Herrikoa kasu.


2018-07-26 | ARGIA
Erraustegia eta makro-kartzela egin nahi dituzten lekura martxa deitu du Gipuzkoa Zutikek

Gipuzkoa Zutikek jakinarazi du irailaren 23an, igandean, Gipuzkoako Aldundiak erraustegia eta makro-kartzela egin nahi ditueen lekura martxa deitzen duela. "Gipuzkoako Aldundia arazo handi bat sortzen ari da alferrikako azpiegitura hau inposatu nahian. 30 kilometroko erradioan bizi garen ehunka milaka lagun arrisku larrian jarriko gaitu, 24 orduz minbizi hodei bat sortzen ariko baita, eta haizeak batera eta bestera mugituko du. Nola onartu halakorik?", diote.


Azkenak
EGILEA
Eguneraketa berriak daude