Hendaiako Sokoa enpresako zuzendaritzak Sebastien Hiriart kaleratu du. Aipatutako langilea kaleratze arriskuan zegoen, eta, hori dela eta, lankideek hainbat mobilizazio egin zituzten abenduan. Bada, Gabonetako oporretatik bueltan, Hiriartek kaleratze gutuna jaso eta gero, Sokoako langileek batzar bat egin dute erabaki horren aurrean zein urrats emango dituzten zehazteko eta Hiriarti berari elkartasuna adierazteko.