Elkarretaratze bat egin dute gaur Arrasaten, Modragon Korporazioaren egoitzaren kanpoaldean, Edesa Industrial eta Geyser Gastecheko enpresa komiteek deituta. Aurretik, agerraldi bat egin dute komunikabideen aurrean, hartzekodunen konkurtsoa zein egoeratan dagoen azaldu dute. Hain zuzen ere, baliteke plantilla guztia kaleratzea eta aktibitate industrialarekin amaitzea.