Zarautzen ere Zutik izenarekin sinatu dituzte orain arte atera dituzte orri informatiboak, eta sare sozialetan izen horrekin eman dute uztailaren 3an hondartzan egin zuten besarkaden ekintza: erraustegia bai edo ez, norberak erabaki zuen nori eman besarkada.

Orain artean 4 bat bilera egin dituztela kontatu digu bertako kide batek: "biltzen garenetako batzuek Gipuzkoa Zutiken Donostiako kanpaldian egon ginen, beste batzuek desobedientziaren mundutik gatoz eta beste batzuek sekula ibili ez garenak gizarte mugimenduetan". Eztabaidagai dute asanblada irekia, publikoki noiz eta nola deituko duten: "Herriko soziologia ezagututa, gaia nola aurkeztu lantzen ari gara".

Noizbait asanblada deitzen denean, deialdia sare sozial eta hedabideen bidez egin ordez ahoz aho egitea ere planteatzen ari dira, "horrek behartuko gaituelako gu gehiago inplikatzera, eta zuzenean hobe komunikatzen delako".