Jose Montilla lehendakari ohiak eskatu du independentzia aldarrikapenik ez egitea

  • EAEn Ibarretxek edo Lopezek bezala lehendakari titulua edukitzen jarraitzen duen Jose Montilla (PSC) President ohiak deklarazio instituzional bat zabaldu du Puigdemont eta Junquerasi eskatuz Kataluniaren onerako ez dezatela gaur independentzia aldarrikapenik egin.


2017ko urriaren 10an - 12:27
Jose Montilla (PSC) lehendakari ohia.

Jose Montilla i Aguilera lehendakari ohiak agirian Carles Puigdemonti eskatu dio independentzia aldarrikapenik ez egitea, katalan guztienak diren instituzioak legez kanpo geratu ez daitezen: “Ohartzen naiz Kataluniako gizartearen zati oso garrantzitsu batek sinesten duela soluzio bakarra independentzia deklaratzea dela eta, horregatik, Puigdemont lehendakariaren eta Junqueras lehendakariordearen jokatzeko tartea oso baldintzatuta daukala beraiek sortu duten dinamikak. Baina dei egiten diet herri kontzientziagatik [sentit de pais] eta adoreagatik herritarrei esan diezaieten egia argi eta garbi: horrela irtenbiderik gabeko bide batera goazela, sufrimendu asko eta gure gizartearentzako emaitza onuragarririk gabeko aldi batera”.

Gidari independentisten urteotako jokabidea Montillak alderatu du Britainia Handian Brexitaren sustatzaileek izandakoarekin. Inork sinesten ez zuenez erreferendumean Brexitak irabaziko zuenik, politikariek ez zietela egia osoa esan herritarrei, bazekitela Britainia Handia Europatik ateratzeak koste larriak ekarriko zizkiela baina ez zutela horrelakorik aipatu beranduegi izan arte.

Ez da bakarrik, dio Montillak, enpresa asko ari direla beren egoitzak Kataluniatik kanpora eramaten, horrek dakartzan kalte ekonomikoekin. Gainera, beti batasun handia eduki duen gizarte katalanean arrakala handiak eragin dira, instituzioetan, kultura eta kirol munduan, familietan…

“Ezin dugu, gizarte moduan, bide honetatik jarraitu”, dio lehendakari ohiak. “Exijitu behar diegu Kataluniako gobernuari bezala Espainiakoari ahalegin errealak egin ditzatela, ez hitz hutsezkoak, tentsioa baretzeko lehen urrats bezala esplizituki eta urgentziaz onartuz hondamendira eramango gaituzten erabaki berririk ez hartzea. Nahitaezkoa da abiatzea negoziazio prozesu bat behar diren aldaketa legal, konstituzional eta edozein klasetakoen inguruan, gaurko egoerari etorkizuna edukiko duen irtenbidea bilatzeko. (…) Legea urratzea ezin onartuzkoa da. Inmobilismoa ere bai”. Gauzak bideratzeko balio dezaketen tresnatzat aipatu du Madrilgo legebiltzarrean sortutako "Elkarrizketa batzordea".


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude