Zegama, Zerain, Idiazabal, Segura eta Mutiloari, Aizkorriko puntatik ikusten diren herriei, eskaini die Aizkorriko ataria azken diskoa Juan Carlos Irizar musikariak. Iker Zubeldia bertsolariak idatzi ditu herri horien gaineko zenbait letra, tartean Zegamako ereserki berria izango denaren hitzak. Ostiralean aurkeztuko dute diskoa Zegamako parroki-elizan, Orkatz abesbatzaren laguntzaz.