Euskal Kulturaren Urtekaria
Arg.: Carlos Corbella
ZAPATA KUTXA HARROPATSEZKOAK
Pausuan hurreratu da gizona.
– Hor eman ditiat nire udarik tristeenak.
Teila gorri, musu zuri, arbola hezurrez inguraturiko zelai berdeak inguruan, ederra begitantzen zait, oraindik ere, Ricardo Bastida arkitektoak Sukarrietan paraturiko etxe zabala. Menturaz harako garai haietan San Antonioko hondartzara etortzen ginenean sareaz bestalde ikusten nituen haur haietako bat zen orain, ume txiki bat duela aulkian, koskortuago bat inguruan jolasean, udetako tristuraz mintzo zaidan gizona. Estilo neovasco garbikoa, inguru zaindu paregabea, zer ume egon daiteke bihotz hondoratua honako paraje batean Urdaibaiko uda zoragarrietan?
Arg.: Gaizka Iroz
Antton Lukuk Maiatz aldizkariaren solasaldietara Pamielak publikatu eta 2008ko Juan Zelaia saria erdietsi zuen Euskal kultura? liburua ekarri zigun. Presentatu zuenean iruditu zitzaidan Luku gerlara zihoala berriz eta egoera ikusiz nolabait indarrak xahutzea debalde zela nioen nirekiko. Baina idazle gisa, zurrunbilo eta diru- publikoen urmel horietarik kanpo bizi naiz: lanaz salbu laguntzarik ez daukat. Kasik ahantzia nuen kultura bazkatzeko egiturak bazirenik ere. Hargatik uda minean neronen arrangura friboloez haratago joatera behartu eta beranduago saiakera irakurri nuenean Antton Lukuk funtsezko eskakizunak harilkatzen zituela ohartu nintzen.
guztia irakurri© 2009 ARGIA.com
