ARGIAk ongi finkatutako merkatua lortu du, eta egunetik egunera ari zaio handitzen, gainera. Euskal Herri osora zabaltzen da, eta adin, pentsaera eta egoera guztietako pertsonek hartzen dute ARGIA.

Harpidedun gehienak banako partikularrak dira (%72). Harpidedun kolektiboetan, instituzioak, euskaltegiak, ikastetxeak eta zerbitzuak dira nagusi.

Hona hemen ARGIA irakurleen ezaugarri nabarmenenak:

• Gehienak goi-mailako ikasketadunak dira, euskaldun alfabetatuak eta egoera ekonomiko egonkorra dutenak.
• Gazte helduak dira: 25-55 urte bitartean dabiltza hirutik bi. Nahiz eta harpidedun ez izan, gazte askok irakurtzen du ARGIA (etxean, unibertsitatean edo leku publikoetan).
• Euskal munduan erreferentzialak diren pertsona eta erakunde gehienak daude ARGIAren irakurleen artean.
• Irakurle fidelak dira: %83k astero irakurtzen du astekaria. Batez beste, ordu eta erdi ematen du bakoitzak ARGIA irakurtzen.