ARGIA astekariak aktualitateko gaien jarraipen zehatza egiten du, eta informazioa nahiz entretenimendua eskaintzen ditu.

Publiko zabal baten interesak uztartzen dituen gai ugari lantzen du, kazetaritzako hainbat estilo erabiliz: elkarrizketa, kronika, iritzi artikulua, erreportajea... Informazio interesgarria, behar bezain luze eta sakon emanda.

Astekariarekin batera, bestalde, hainbat gehigarri banatzen dira: “Larrun” pentsamenduzko aldizkaria hilero; sagardoaren gida eta posterra; euskarazko festa eta ekitaldiei buruzko dosier bereziak...

Gaztetasuna eta esperientzia batzen dituen kazetari talde batek egiten du ARGIA, izen handiko sinadurak eta kolaboratzaile-sare zabala eta espezializatua laguntzaile dituela.