Zeruko Argia 1919. urtean jaio zen, eta, ordutik, euskarazko prentsaren historiaren muinean dago.

60ko hamarkadako euskal kulturaren berpizkundean aldizkari erreferentziala izan ondoren, 1976an Europan zabaltzen ari ziren “magazine” motako astekarien itxura hartu zuen.

Geroztik, protagonista izan da euskarazko prentsak eta kulturak egin dituzten urrats guztietan.

Azken urte hauetan, produktu osagarriz aberastu du informazio-eskaintza eta ate handitik sartu da Interneten.

Etorkizunari begira -Ametzagaiña taldearen barruan dagoeneko-, azpiegiturak eta produktuak hobetzeari ekin dio, komunikazioan eta bezeroentzako zerbitzuetan kalitatea helburu estrategikotzat hartuta.

ARGIA, gaur egun, ezinbesteko erreferentzia da euskal kulturaren eta Euskal Herriko gertaeren aktualitatea jarraitu nahi dutenentzat.