2009 honetan ARGIAk euskal prentsaren munduan 90 urte bete dituela ospatuko du. Nola? Urtean zehar ekitaldi bereziak antolatuko ditugu Euskal Herri osoan; astekarian, hilero-hilero, 1919tik gaurdainoko ibilbidearen zertzeladak eskainiko ditugu; eta Interneten oraintxe ikusten ari zaren kanala prestatu dugu. Bertan pixkanaka-pixkanaka atal berriak gehitzen joango gara: kolaboratzaileen testigantzak, azal eta komikien bilduma, harribitxi interesgarriak (elkarrizketa eta erreportajeen aukeraketa), antolatzen ditugun ekitaldien jarraipen zehatza...
Urte amaierarako eduki interesgarri anitz bilduko du webgune honek, historia zabala izanik aurrera begira gogoz eta beste 90 urte eta gehiago betetzeko grinez dagoen komunikabide baten ispilu.
© 2009 ARGIA.com