Patxo Telleria
Autorea eta aktorea
Bilbotarra, 1960an sortua. Euskal Filologian eta Pedagogian
lizentziatua da. Aktore eta autore gisa hainbat talderekin ibili
da: Maskarada, Arteszena, Tentazioak... Aitor Mazo eta Lander
Iglesiasekin batera Txirene taldea sortu zuen eta berak idatzitako
«Torito bravo» eta «Birus» taularatu zituzten. Gidoilari gisa
ibilia da telebistan: «Jaun eta jabe», «Maité», «Hertzainak»...
Berak idatzitako «Kontenedore baten istorioak» antzezten eta
zinemarako gidoi bat idazten dabil.
Agus Perez
Antzerki kritikaria
Bilbon jaio zen, Abandon, 1954an. Irakasle ikasketak eginak
ditu eta irakaslea da lanbidez. Antzerkiaren zaletu amorratua
izaki, dantza eta antzerki kritikak egiten ditu «Euskaldu- non
Egunkaria»n haren sorreratik. «Hika» aldizkariko kolaboratzaile
finkoa da halaber. Kolaborazio ugari egin ditu hedabide idatzietan,
besteak beste, ARGIA eta «Artez»en. Bestalde, Bilbo Hiria, Txomin
Barulllo eta Molotoff irratiekin kolaboratu du.
Ińake Irastorza
Aktorea
Orion sortua 1955ean, Donostia du bizileku. Irakasle ikasketak
egin zituen. Orain taldearekin hasi zen antzerkian, gerora Arteszena,
Gasteiz eta Vaiven taldeekin egin du lan. Hainbat ikastaro egin
du J. C. Plaza, John Strasberg eta abarrekin. Besteak beste,
«Dartagnan», «Divinas palabras» eta «Kakatua berdea» obretan
hartu du parte. Zineman ere aritua da: «Jone, igo zerura», «Visionarios»...
Telebistan hainbat telesailetan egin du lan. «Sorginen Laratza»n
aktore zuzendari da.
Carlos Panera
Antzerki zuzendaria
Bilbon jaio zen 1956an eta bertan bizi da. Arte Ederretan lizentziatua
da, ikus-entzunezkoetan. Kilikilariak taldean hasi zen eta 1980tik
Maskarada taldean dabil. Antzerki ikastaro ugari egin du. Parisen
Teatre du Soleilekin urtebete egin zuen. EHUn Leioako Antzerki
Ikasgelako arduraduna da. Lekeitioko herritarrekin egindako
«Gastibeltzaren Karabinak», «Ikaro»... zuzendu ditu. «A ze parea»
telesaila zuzendu zuen telebistan. Zineman ere lan egin du:
«Urte ilunak», «La fuga de Segovia»...
