Hedabideak

NASA, NASA, ez hadi pasa!

2026-05-05

Dagoeneko inork ez du hitz egiten Artemis II misioari buruz, 2026ko apirila hasieran AEBk ilargira bidalitako ontzia, ilargiaren aurpegi ezkutua ikustea lortu duena. Lurrean gertatzen dena ahaztu eta izarretara begira jarri gintuen NASAren misioak, distrakzio propaganda bikaina eginez. Eta nola ez, gu espaziora eta historiara begira jarri gara, zehazki, AEB eta Sobietar Batasunaren arteko espazioko lasterketari begira.

Honako abesti hauek erabili ditugu:

Neomak - 'Ilargi... [+]

‘Ogiek’ herrialdea eta transmisioa

2026-04-30

Hainbat herrialde indigenentzat sendabelarren inguruko jakintza altxor handia da, baina lanak dituzte ondorengoei transmititzen. Keniako adibide bati buruz aritu gara gaurkoan: Ogiek herrialdeari buruz, sendabelarren inguruko jakintza nola bildu eta helarazi behar den ikusteko adibide ona baitira.

Gaurko sendabelarra, berriro ere, txikori-belarra da. Baina oraingoan Japonian sendabelar honek dituen esanahi espiritualak izan ditugu kontuan. Gomendioak ere eman digu zeresana, hirugarren... [+]

'El Correo' seinalatu du Jarkik, 'inperialismoaren konplizea' izateagatik

2026-04-22

Prisa eta Vocento taldeko egoitzak markatu dituzte eta “estatu kapitalistaren makinariaren parte” direla salatu du Jarki antolakundeak.

Euskal dantzak eskolako ikasgai?

2026-04-13

Euskal dantzak interesgarriak dira, bai, baina dena ez da kabitzen eskolako curriculumean. Zergatik eskaini ikasgai bat euskal dantzei? Eta zer eta nola irakatsi? Tira, hor errazago dugu: DBH4rako proposamena egina dago jada. Gaia mamitu duen Julen Agirreri egin dizkio galderak Mikel Garcia Idiakezek.

EITBk atzera egin eta haurrentzako euskarazko edukia eskainiko du hamabi orduz ETB1 On katean

2026-04-08

Apirilaren 13an hasita, ETB1 On-ek egunean hamabi orduz haur eta gaztetxoentzako edukia eskainiko du, linea konbentzionalean transmitituko duena. Makusiko edukia, horrez gain, Youtuben ere emango dute.

‘ETB3 ez itxi!’ lelopean 25.000 sinadura bildu dituzte hamar egunean

2026-03-30

Umeei zuzendutako telebista katea ixteak euskarari kalte eta gaztelaniari eta frantsesari egingo liokeela iritzita, euskalgintzako zenbait eragile eta sindikatu bildu ditu Pantailak Euskaraz plataformak, EITBko zuzendaritzari erabakia atzera bota dezan eskatzeko.

“Telebista bezalako leihoa galtzeak ondorio kaltegarriak izango ditu euskararentzat”

2026-03-25

‘ETB3 ez itxi’ kanpaina abiatu du Pantailak Euskaraz taldeak, umeek telebista bidez euskarazko edukiak ikusten jarraitu ahal izateko. Lehenengo egunetan 23.000 sinadura baino gehiago bildu dituzte

EITBren plataformen hedapena ez dela zuzen egiten ari salatu dute EITBko langile batzordeek

2026-03-23

Berria egunkariak argitaratu duenez, EITBko langile batzordeek salatu dute EITB ere opaku eta arbitrarioan egiten ari dela bere plataformen hedapena. Ondorioetako bat, hainbat urtetako eduki artxibatua irismenetik desagertu egin dela. Era berean haur euskaldunentzako eskaintza zaildu dela adierazi dute, ETB3ren desagerpena, orain ETB1 ONek eta Makusi plataformak betetako haurrentzako espazioa, lehen baino murritzagoa delakoan irismenez.

ETBk ez du aurrerantzean haurrei esklusiboki zuzendutako telebista katerik izango

2026-03-16

Asteazkenetik aurrera, ETB3 "ETB1 ON" bihurtuko da, eta ETB4, berriz, "ETB2 ON". ETB1 eta ETB1 ON eta ETB2 eta ETB2 ON ez dira gauza bera izango: albisteei eta aktualitateari loturiko edukiak aldi berean emango dituzte ON kateetan, baina EITB taldeak hitzeman du proposamen eta eduki "bereziagoak" izango dituztela kate berriek. Aurrez grabaturiko edukiak biltzen ditu ON-ek.

Gora egin du euskarazko hedabideen Interneteko trafikoak

2026-03-10

Euskal Hedabideen Behategia bere urtekaria kaleratu du aste honetan, 2025 urteari dagokiona. Zenbait artikulu eta analisiz gain, 2025eko euskal hedabideen Interneteko trafiko gorakadaren berri ematen du.

Hedabideetan buru osasunari buruz arduraz informatzeko gakoak mintzagai izanen dituzte Donostian

2026-03-02

Agifes elkarteak ‘Buru osasuna eta komunikabideak: nola informatu estigmatizatu gabe’ solasaldia antolatu du matxoaren 3an, 18:30ean Okendo kultur etxean. Jon Larrañaga, Aloña Velasco eta Ion M. Taus kazetariak izanen dira hizlariak.

Mende laurdena bete du Antxeta Irratiak mugaren bi aldeetako errealitatea euskaraz kontatzen

2026-02-11

Urteurrena baliatuz, begirada atzera bota, proiektuaren sorreran arakatu eta berriki FM hutsetik mundu multimediara izandako jauzia eta irrati komunitario gisa dituzten erronkak, adimen artifiziala tarteko, azaltzen dira. Urteurren berezia otsailaren 26an Ficobako auditorioan ospatuko dute, irratiaren inguruan dabiltzan eta ibili diren guztiak ekitaldira gonbidatu dituzte. Agus Hernan, Antxeta Irratiko lehendakaria dena, eta Aitziber Zapirain, Antxeta Irratiko koordinatzailea, ariketa horretan murgildu dira Bidasoa ibaiaren bazterreko biztanleen eskura informazioa jartzen duen komunikabidearen eguneroko jarduna nolakoa den azaltzeko.

Euskal prentsako argazkilaritza, itzaletik argira

2026-01-28

“Inportanteena ez da kamera, inportanteena begia da”. Alfred Eisenstaedt fotokazetari ezagunaren esaldia da. Euskal prentsan azken 50 urteetan argitaraturiko irudietan ere hamaika argazkilariren begirada suma liteke kameraren bestaldean. ARGIAk 100.000 argazkitik gora ditu bilduta bere Fototekan, eta laster publiko egingo du historia bisual hori sarean, sortzaile horien lana itzaletik argira ekartzeko asmoz.

Gasteizko Udalaren 'I Love Turismo Accesible' kanpaina salatu dute

2026-01-26

Gasteizko Udalak hiri inklusibo eta irisgarriaren irudia proiektatu nahi izan du FITUR turismo azokan, baina desgaitasun fisikoa dutenen bizkar. Eginaren Eginez elkarteak salatu du kanpaina “manipulazio instituzionala” dela, bizi duten “eguneroko errealitate, soziala eta politikoa manipulatzen” duelako.

Ainhoa Albisu hil da, Egunkariaren kontrako auzi ekonomikoan auzipetuetako bat

2026-01-22

Euskaldunon Egunkaria-n aritu zen urte luzez Albisu, espainiar epaileek itxi zuten arte, eta gaur egun Berria-n zebilen lanean. Egunkariaren kontra abian jarritako auzi ekonomikoan auzipetu zuten eta hamaika urte egin zituen egoera horretan.

Arabako urre likidoaren bila | Mikel Izagirre (Erroiz proiektua)

2026-01-14

Duela 2.200-2.500 urte iritsi zen olibondoa Arabara, feniziarren eskutik. Aldiz, oraindik oso ezezaguna da euskal herritar askorentzat. Erromatarrek egin ohi zuten modura, mahastiaren inguruan dute olibondoa landatuta Lantziegoko (Araba) Erroiz proiektuan. Modu tradizionalean olibondoa nola lantzen duten azaldu du Mikel Izagirrek. Ekologikoan zaintzen dute Arroniz barietateko olibadia eta kalitate handiko olio egiten dute. Lantziegoko udal errota zaharra ere erakutsi digu, herritarrek... [+]

27 urteko ibilbideari agur esan dio Txantrean 'Auzolan' aldizkariak

2026-01-14

‘Oso polita izan da’ lerroburua irakurri daiteke auzoko aldizkariak argitaratu duen azkeneko alearen azalean.

Chivite ez da gure tribuaren laguna

2026-01-10

Nafarroako lehendakari María Chivite elkarrizketatu dute Tribuaren berbak saioan. Gezurra esanez hasi da: “El euskera estará donde quieran los navarros y navarras, pero basado en la voluntariedad… Cualquier navarro/a podrá estudiar en euskera, en cualquier lugar de Navarra”, Nafarroako Erriberan ez baitago edonon euskaraz ikasteko aukera, eta Chiviteren gobernuak trabak besterik ez baitizkie jartzen euskaraz ikasi nahi dutenei, Gimeno sailburua zigor. Bestalde,... [+]

ETB On plataformak euskarari bizkarra ematen diola salatu du Aldatu Gidoia Euskararen Alde mugimenduak

2025-12-30

Euskararen Pizkundea hizpide den testuinguruan, Aldatu Gidoia Euskararen Alde herri mugimenduak salatu du EITBren ETB On plataforma berriak euskarazko edukiak bigarren mailan utzi dituela, gaztelaniazko eskaintza nagusituz eta Primeran plataformaren bideragarritasuna zalantzan jarriz.

Zer urrun...

2025-12-24

Zer urrun dago Kamerun abesten genuen duela urte batzuk. Afrika dago, oro har, urruti, distantzian ez bada ere. Elkartasun-misio batean joan ziren ekintzaile batzuk –haien artean seme gazteena– Ginea Bissauko Bafata hirian zeudela, estatu-kolpea eman zuten militarrek, eta egin berri ziren hauteskundeak bertan behera utzi. Whatsappez albistea jaso bezain pronto, inguruko komunikabideetara jo nuen gertatutakoaren berri jasotzeko eta egoera zein zen ezagutzeko. Hurrengo egunean,... [+]

Xentimoka pentsatzen dutenen omenaldia

2025-12-17

Inoiz baino nobedade gehiago aurkeztu eta Landakotik kanpora beste gune bi berri estreinatu diren Durangoko Azokan, 60. edizio honetan, aparteko bi-hiru datuk ere sortu dute arreta korridoreetan, nahiz boz goran askorik ez diren esan. Bagenekiena baieztatu du Siadeco etxearen txosten berriak: sektore prekarioa da kulturgileena. Standetan hamar orduz irribarrez egoten diren egileen %12 soilik bizi dira haien sorkuntza lanetatik, eta erdiarentzat, beraien diru sarreren %20 edo gutxiago dator... [+]

Isabel Octaviok ordezkatuko du Unai Iparragirre ETBko zuzendaritzan

2025-12-01

Abenduan Unai Iparragirre ETBko zuzendaritza utziko du. Bere kargua hartuko du Isabel Octavio EITBko Estrategia eta Komunikazio zuzendariak, eta EITBren organigraman postu hori utzi gabe hartuko du telebistaren zuzendaritza.

Pablo Gonzálezen epaiketarako data ezarri du Poloniako Justiziak

2025-11-26

Bi urte baino gehiago egon zen kazetaria Polonian preso, 2024ko abuztura arte. Astearte honetan jarri du Poloniako Justiziak epaiketa data: otsailak 25. Gonzálezek sare sozialetan jakinarazi duenez, ez du inolako jakinarazpenik jaso.

‘Uriola’ eta ‘Prest!’ komunikabideak itxiko dituzte, egoera ekonomiko “sostengaezinagatik”

2025-11-26

Bilboko euskara hutsezko hedabide bakarrenetakoak aurtengo abenduan itxiko dituzte, erakundeetatik jasotako dirulaguntzak nahikoa ez direla eta, proiektuak ez baitira “jasangarri”. Kideek aldarrikatu dute Bilbok apustu “sendoagoa” egin beharko lukeela euskarazko hedabideen alde.

ETBko zuzendari Unai Iparragirrek kargua utzi du

2025-11-26

Lau urteren ostean utziko du euskal telebistako kargua, "beste etapa profesional bati ekiteko". Isabel Octavio EITBko Estrategia eta Komunikazioa zuzendariak hartuko du lekukoa.

Gasteizko Gaztetxea euskaraz berrarmatuko da abenduaren 3an

2025-11-24

Hala Bedi irratiko Babazorra saioak zuzeneko irratsaioa izango du Euskararen Egunean Gasteizko Gaztetxeak antolatutako egitarauan.

Kolokan dagoela esan du 'Soberania alimentaria' aldizkariak, lurraren kulturan erreferenteak

2025-11-18

15 urteko ibilbidea du hedabide kataluniarrak. Diru-bilketa abiatu du, eta unea baliatu bere balioen aldarri egiteko: "Konbentzituta gaude lurrarekiko eta elikadurarekiko gure begirada eta lotura politikoa indartzen jarraitu behar dugula, gizartea aberasteko, inarrosteko eta eraldatzeko".

BBCko zuzendari nagusiak dimisioa eman du, Trumpen adierazpen batzuk manipulatu dituela egotzita

2025-11-10

BBCko Tim Davie zuzendari nagusiak eta Deborah Turness albistegien ataleko kontseilari delegatuak dimititu dute. Donald Trump AEBetako presidenteari buruzko dokumental batean, haren esanak manipulatzea egotzi diete. Dokumentalean, Trumpek 2021ean haren jarraitzaileak Kapitolioa hartzera hauspotzen zituela zirudien.

“Basque Segurtasun Foroa” asteazkenean Bilbon, EAJren segurtasun faltaren diskurtsoa haizatuta

2025-11-04

Jaurlaritzako Segurtasun Sailaren ekimenez, “Basque Segurtasun Foroa” ari dira egiten eskualdez eskualde. Guztira, agintari politikoek eta “gizarteko beste 30 ordezkarik” hartuko dute parte. Besteak beste, asteon kaleratu diren delituen datuak aztertuko dituzte.

"Ahots gutxiago, demokrazia gutxiago", FSER Irratien sustapenerako funtsaren murrizketa salatu dute

2025-11-04

Ipar Euskal Herriko elkarte irrati libreek salatu dutenez FSER Irratien sustapenerako funtsaren %44ko murrizketak beren geroa zalantzan jarriko luke. Frantziako Asanblea Nazionalean aurrekontua ari dira eztabaidatzen.

3x02: Landareen oihuak eta azeri buztana

2025-10-20

Landareen inteligentzia, gaitasunak eta sentiberatasuna hizpide izan ohi ditugu podcast honetan, eta azken urteetan botanikan egiten ari diren ikerketak ekartzen ditugu horretaz aritzeko, landareekiko daukagun begirada aldatzen ari baita. Gaurkoan landareek oihu egiteko gaitasuna dutela aipatzen duen albistearekin gatoz; hori gutxi ez, eta hainbat egoeraren aurrean angustia sentitzeko gaitasuna dutela ere badio notiziak. Tomatea da ikertu duten landarea eta sitsak erasotzen duenean zer nolako... [+]

Risottoa

2025-10-16

Durango ez da Iurreta pasata hasten: irailean hasten da eta ez da inoiz amaitzen. Hasi dira aurkezpenak bata bestearen atzetik: Bernardo Atxagaren eleberria, Eider Rodriguezen ipuinak, Danele Sarriugarteren beste zerbait... eta etorriko dira gehiago. Tentazio gehiago. Ping. Barkatu: mezua sartu zait.

Ni, bitartean, ari naiz irakurtzen 600 orri inguruko liburu bat. Eta zain ditut beste dozena bat. Baita ARGIA, Jakin eta Berria ere... Gero daude Telegram kanalak, Instagrameko story amaiezinak... [+]

Martxelo Otamendiren biografia liburua argitaratu dute 'Berria'-k, Elkarrek eta 'Jakin'-ek

2025-10-14

Elkarrizketa-liburua da. Garbiñe Ubeda kazetariak idatzi du: 'Martxelo Otamendi. Handira jotzeko kazetaritza'.

'Ocho apellidos vascones' aldizkari-azalaren afera

2025-10-07

Arqueología e Historia aldizkari espainiarraren 63. alea, urrikoa, aldez aurretik zetorren iragarria baskoien herriari eta historiari buruzkoa izango zela. Azala, zeinean badirudi erreferentzia egiten zaiola Ocho Apellidos Vascos filmari (bi pertsonaiak hango aktoreen oso antzekoak dira), izan zen komentagai duela aste batzuk, aldizkaria banatu aurretik, eta baten batek jarri zion goitizena, Ocho Apellidos Vascones. Baina sorpresa benetako argitalpenarekin etorri da: gizonezko baskoiaren lepoan agertzen den Irulegiko Eskuak "ESPAÑA" dauka idatzia alfabeto latinoz. Ilustratzailearen erabaki lotsagarria dela esan du argitaratzaileak, barkamena eskatu dute, eta zirkulaziotik kendu aldizkaria.

3x01: Mina tratatzeko landarerik zaharrena

2025-10-06

Deigarria egin zaigun aurkikuntza arkeologiko batekin hasi dugu saioa. Mina tratatzeko landarerik antzinakoena aurkitu dute Tafugalten, Marokon, egindako indusketetan. Ephedra (Ephedra sinica) da sendabelarra eta prehistoriako medikuntzaz, hau da, duela 15.000 urte egiten zen medikuntzaz hitz egiten du. Gaur egun ere erabiltzen dugu eta oso antzeko erabilerak ematen dizkiogu, hori da bitxiena (edo ez). Efedrina gaur egun anestesiatik esnarazteko erabiltzen da, kirurgia ondorenean, tentsioa... [+]

'El Correo', beldurra, arrazakeria eta polizia filtrazio bidezko informazio faltsua

2025-09-29

Irailaren 21eko goizaldean, herritar bat labankadaz hil zuten Bilboko Solokoetxen. Hurrengo egunetan luze jorratu zuen gertaera El Correo egunkariak. “Matxetez” egindako borroka baten ondorio izan zen heriotza aurrenik; labankada bakar baten ondorio gero. Bi talderen arteko eta aurrez prestatutako borroka izan zen hasiera batean; ezusteko topaketa batean sortutako liskarraren ondorio, ostean. Hildakoa zein hiltzaileak gazte-banda arriskutsuetako kideak ziren lehenik, magrebtarrena bata, latindarrena bestea, bilbotarren artean zabalduta dagoen inseguritatearen “errudun” nagusiak; gazte-banda horien arrastorik ez azkenik.

Kairos #05: Trantsizioaren mapa, Marta Victoriarekin

2025-09-25

Orain da unea eta ez dugu denbora askorik. Baina, zer egin? Nondik hasi? Nora jo? Badugu gaitasun teknikoa, bide-orri argi bat falta zaigu, adostasun zabal bat. Oinak lurrean eta lokatzari aurre egiteko prest, berandu baino lehen ekin beharreko bideaz aritu gara Marta Victoriarekin

Bibliografia: Carralero, D; Victoria, M; J. Gallego, Cristobal (2025) Un Lugar Al Que Llegar (Levanta Fuego)

Musika: K2 - Melenas (2023)

6x01: Arnaldokosobarrak

2025-09-12

Hasi ginenean ez genuen urrik ere emango, baina Beranduegi iritsi da bere seigarren denboraldira. Eta oraingoan, babesle eta guzti: Reparaz autoak. Guk ere agindu bat jaso dugu, George Orwellek San Mames betetzeko esan digu, baina gure aurretik Pellori utziko diogu, eta bitartean gaztetxeetan geratuko gara. Behin hori esanda, gainontzeko minutuak Kevinen Serbiako bidaiarentzat izan dira, eta oraindik bada zer kontatu.

Saio amaieran jarri dugun kanta: Ladilla Rusa - KITT y los coches del... [+]

Hiru urteko isilaldiaren ondoren, Bermeoko Itsuki Irratia berriro uhinetan da

2025-09-08

Itsuki Irratia Bermeoko ahotsa izan zen 1985etik 2022ko otsailera arte. Orduan, zailtasun ekonomiko eta teknikoek proiektua bideraezin bihurtu zuten, eta irratiaren itxiera ekarri. Baina urtebeteko berrantolakuntza prozesu baten ondoren, irailaren 1ean berriro martxan jarri dute.

“Ikusi behar dugu zenbateraino komeni zaigun sententzia judizialen akzio-erreakzio jokoan sartzea”

2025-08-21

Euskararen biziberritzeari buruz asko hitz egiten ari azken urteetan eta horren inguruan ari da lanean Euskaltzaindiko talde bat. Talde horretan dago Jon Sarasua ere eta galdetu diogu zeregina zertan den. Galdetu diogu, halaber, udaberrian idatzi zuen Puprilusoko artikulu sozio-ekonomikoaren gainean. Besteak beste, euskal munduaren ahots publikoaz –hedabideak, bertsolaritza...– dezepzionatuta dagoela diosku.

Hedabide erdaldunen zakua, gero eta gizenago

2025-08-20

Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren publizitatearekin ere hala gertatzen da.

Aurreko urteetan bezala, Jaime Gómez-Obregon ekintzaileak Jaurlaritzaren memorien barrenak hustu ditu eta datuak agerian jarri ditu Gobiernovasco.marketing webgunean. Emaitza betikoa:... [+]

Telebista ona

2025-06-04

Alemaniako Red.media hedabidea itxiarazi dute

2025-05-22

ARGIAk aspaldi du harremana Alemaniako Red.media hedabidearekin, beren bideo batzuk topatuko ditu irakurleak ARGIAren webgunean. Baina haien aurkako jazarpen kanpaina baten ondorioz proiektua ixtea erabaki dute. Red-eko kideek arrazoiak publikoki azaldu dituzte eta artikulu honetan laburtu ditugu.

Aldatu Gidoia: "EITB ordezkapen linguistikoan eta asimilazio kulturalean sakontzen duen tresna bilakatu da"

2025-05-13

Aldatu Gidoiaren iritziz, EITB "sortze helburuetatik aldendu" da, eta "urgentziazko demokratizazio prozesu bat" eskatu du, zuzendaritza taldearen hautaketa prozesutik hasita.

2x14: Landareen burmuinaz eta elorri zuriaz

2025-05-12

Landareen inteligentziari buruzko eztabaidak hor jarraitzen du, eta podcast honetan gustatzen zaigun gaia denez, berriro ere ekarri egin dugu. Memoria, kontzientzia eta komunikazioa gauzatzeko gaitasuna gizaki eta animaliez gain landareek ere ba ote duten da oraingo ikerketa honen gaia. Burmuinik gabe pentsa ote daitekeen, hori da gaurko eztabaidaren beste ardatzetako bat.

Gaurko sendabelarra, berriz, elorri zuria da. Aurrekoan izeiarekin esan genuen moduan, zuhaitzak eta... [+]

Kartzelara, herritarrak informatzeagatik?

2025-05-05

2025ean Guatemalan gutxienez kazetari bat hil dute eta beste bat desagerrarazi. Arriskutsua da kazetaritza lana egitea herrialde horretan, eta hala jaso du Mugarik Gabeko Kazetariak erakundeak ere, maiatzaren 2an argitaratutako 2025eko Prentsa Askatasunaren Munduko Sailkapenean. 180 herrialdetatik 138. postuan dago Guatemala, iaz bezala, baina puntuazio orokorrean behera egin du: “Degradazio hori gertatu da testuinguru politiko nahasian, non Bernardo Arévalo presidentearen gobernuak... [+]

2x13: Espeziak sendabide eta izeia sendabelar

2025-04-28

Espezieei buruz aritu gara gaurkoan. Aurreko saioetan ere aipatu izan ditugu, baina gaurkoan ikerketa bat ekarri dugu, datu interesgarri asko dituelako. Kurkuma, kanela eta jengibrea oso ohikoak ditugu gure artean, baina badira espezietzat jotzen diren sendabelarrak ere (ezkaia, oreganoa edo salbia), eta baita hauts egindakoan espezietzat hartzen ditugun barazkiak ere, piperrak kasu.

Ikerketak heriotza arriskua jaisteaz, polifenolez, erradikal askeez eta superoxido dismutasa izeneko... [+]

Euscool berriaren seinaleak?

2025-04-16

Apirilaren 24an, ETB1ean, jendeak aspalditik eskatzen zuen programa eredu bat estreinatuko da: Linbo, late night formatuko ordubete inguruko saioa, gazteek eta gazteentzat egina.

Mikrofonoak antzokietan

2025-04-14

"Eskatu txanda eta egingo dugu bat zurekin", esan dio estudioetatik ari den esatari prestu eta animatuak Bilboko kaleetan dabilen berriemaile gazteari. Aurkezlea entzuleei zuzendu zaie segituan. "Bien bitartean, Iruñera goaz...". Han zabaldu dute linea. Hirugarren konexioa bost minutu pasatxoan.

A zer nolako zarata sartzen den Nafarroa Arenako korridoreetatik. Ilara luzeak egin dituela jendeak, hala kontatu du berriemaileak, eguerdi partean eman duela buelta bat Alde... [+]

Saturazioa

2025-04-09

Bekatu bat aitortu behar dut hemen. Duela lau urte, ohitura berri bat sarrarazi nuen nire bizian: igande gauetan, kaka kanoi baten antzera "informazio" jarraikia hedatzen duen CNews telebista kate ultraeskuindarra begiratzen hasi nintzen. Hasieran ordu erdi bat astero zena, noiztenkako zapping kaltekorra bilakatu da. Badakit: ez da biziki ohoragarria eta ahalke pixka batekin salatzen dut, baina Vincent Bolloré miliardunaren kate horrek xoraturik atxikitzen nau, okaztatzen nauen... [+]

2x12: Aste Santua klabe begetalean eta hirusta gorria

2025-04-07

Erramua, nardoa, benjui, mirra, sandaloa, garia, isipu-belarra eta halakoak hartu ditugu ahotan gaurko saioaren hasieran. Aste Santuari eta erlijio katolikoari loturikoak denak ere, sinbolismo handikoak, eta gure egunerokoan arruntak direnak, nahiz askotan ez dakigun izenik jartzen ere.

Gaurko sendabelarra, berriz, hirusta gorria da. Urte sasoi honetan loratze betean daukaguna. Loretxo gorri honi buruz aritu gara eta bere infusioa nola eta noiz erabil dezakegun azaldu dugu.

Botere biguna desarmatzen

2025-03-26

Martxoaren 14an Donald Trumpek agindu exekutibo bat sinatu zuen, hainbat berri agentziak jasotzen duten diru kopurua asko murrizteko. Kaltetuetako bat United States Agency for Global Media (USAGM) izan zen eta, ondorioz, Voice of America (VOA), Radio Free Europe/Radio Liberty (RFE/RL), Radio Free Asia, Middle East Broadcasting Networks (MBN) eta Radio Martí. Guztiak AEBen gerra kulturalerako tresnak dira. Martxoaren 15ean VOAko langileek e-posta bat jaso zuten, adierazten zuena beraien... [+]

Trumpen 'Kultur Iraultzak' beste gotorleku bat suntsitu du

2025-03-18

USAIDen inguruko txolopotearen ondoren, espero beharrekoa zen. Baina, hala ere, urte askotan haien jarraitzaileak izan garenok, samin-puntu batekin hartu dugu albistea. Martxoaren 15ean, Trump administrazioak, kolpetik, erabat itxi baitu United States Agency for Global Media (USAGM) erakunde ofizialak finantzatutako hedabide “pribatuen” sorta.

2x10: Garoa atzeraka eta intsusarekin zereginak

2025-03-10

Garoa atzeraka eboluzionatzen ari dela irakurri dugu, eta beste behin, filosofatzeko atea ireki digu horrek. Harvard Unibertsitateko ikerketa batek ekarri du albistea, 360 milioi urte dituen espezieak eboluzioaren inguruko ideiak auzitan jarri dituelako. Eboluzioa konplexutasunerako bidea dela pentsatu izan da orain arte, baina garoak kontrako norabidea hartu du, sinpletzera joaz.

Intsusari buruz hitz egin beharra ere badago urte sasoi honetan, negu amaiera eta udaberri hasieran hasten baita... [+]

Badator Bizi Baratzea Orria, ARGIAren aldizkari berri eta berezia

2025-03-10

Gaur abiatu da Bizi Baratzea Orrian kide egiteko kanpaina. Urtaro bakoitzean kaleratuko den aldizkari berezi honek Lurrari buruzko jakintza praktikoa eta gaurkotasuneko gaiak jorratuko ditu, formato oso berezian: poster handi bat izango du ardatz eta tolestu ahala beste irakurgaiekin egingo dugu topo. Lehen zenbakian polinizazioaren gaia ilustratuko du posterrak eta aldizkarian beste eduki hauek ere aurkituko ditugu: intsektuen galera, kukuen ugalketa, ardi-moztaileak eta artilearen aprobetxamendua eta zer egin udaberrian baratzean, basoan, sendabelarrekin eta haziekin. Bizi Baratzeako edo ARGIAko kide direnek jasoko dute aldizkaria etxean.

Eskuin muturrarekin lotura duen alemaniar batek egin zuen Manheim hiriko auto harrapaketa, ez etorkin batek

2025-03-06

Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak" argitaratzeagatik aurrekariak ditu.

"Hitzarmen duin bat lortzeko" mobilizazioak iragarri dituzte 'Diario de Noticias de Álava'ko langileek

2025-03-06

Lan baldintzen "prekarietatea" salatzeko kontzentrazioa egin zuten asteartean egunkariaren egoitzaren aurrean. Abenduaren 2tik sindaura greban daude langileak eta mobizlizazioak "areagotzea" erabaki dute orain.

"Bruselan kazetariak oso ohituta daude hizkuntza asko entzuten, ez diote euskarari arretarik ematen"

2025-03-05

Urtea baino gehiago da Olatz Simonek –EITBko berriemailea Parisen, garaian–, orrialde hauetan bertan ohartarazi zigunetik Bruselak kazetariari lanbideaz erakusten dionaz. Eta halaxe joan gatzaizkio galdezka Amaia Portugali. Bruselan gure irrati publikoak duen kazetari argia.

Gaztea Sariak bertan behera geratu dira, langileen eta zuzendaritzaren arteko gatazkagatik

2025-03-05

Langileek salatu dute zuzendaritzak ez diela lan baldintzen gaiari heldu nahi izan eta enpresak nahiago izan duela Gaztea Sariak ekitaldia bertan behera utzi, “horrek sortutako albo-kalte ekonomiko eta sozial guztiekin”, arazoari irtenbidea eman baino.

Txema Monterok EAJ birsortzea proposatu du, 'Deia'-k zentsuratutako artikulu batean

2025-02-27

Joan den asteartean La Vanguardia-n argitaratutako artikuluan egin zuen proposamena Txema Montero abokatu bizkaitarrak. 30 urtez Deia egunkariko kolaboratzailea izan da eta lehenik hara bidali zuen bere artikulua, baina egunkariak ez zion argitaratu.

Kapitalismoaren aurkako artikuluak debekatu ditu Bezosek 'The Washington Post'-en

2025-02-27

Hemendik aurrera egunkarian soilik "norbanakoen askatasuna eta merkatu librea" sustatzen dituzten iritziak jasoko direla adierazi du enpresaburuak. Iritzi artikuluen zuzendariak hedabidea utzi duela ere argitaratu du.

Txapa Irratia bere 40. urteurreneko ospakizunetan murgilduta dabil

2025-02-26

Egitarau mardula prestatu dute Bergarako irrati libreko kideek: musika, literatura eta tailerrak. Besteren artean, martxoaren 29an Txapa Eguna egingo dute.

EITB

2025-02-26

“Adimen artifiziala horrela erabiltzea kazetaritzari eta irakurleari iruzur egitea da”

2025-02-24

Diario de Noticias de Álava (DNA) egunkariko langileak sinadura greban daude, eta aspaldi ari dira beren lan baldintza “miserableak” eta horiek kazetaritzaren kalitatean duen eragina salatzen. 2013tik soldatak izoztuta dituzte, eta ordutik erosahalmenaren %30 galdu dutela kalkulatzen dute. Jakinarazi berri dute DNAk adimen artifizialarekin egindako albisteak argitaratzen dituela, clickbait-a helburu, eta irakurlea egiletzaz ohartarazi gabe. 2024an 337.500 euro jaso zituen DNAk Jaurlaritzaren eskutik, adimen artifizialaren arriskuei aurre egiteko. Enpresa Batzordeko kide Borja Lazkano Herrerorekin hitz egin du ARGIAk.

Kontrainformazioak haizea alde du

2025-02-19

Palestinan genozidioa, Europan gerra eta potentzia nuklearren artean tentsioa. Ez daukagu berri on askorik emateko, baina bada bat, hondamendi orokorretik eratorria, aipatzea merezi duena: aldeko baldintzak sortzen ari dira kontrainformaziorako, informazio independenterako, propagandaren salaketarako, edo deitu nahi den bezala.

Irutxuloko Hitzaren hogeigarren urteurreneko ekitaldia, iruditan

2025-02-19

Donostiako San Telmo museoko aretoa jendez bete da Irutxuloko Hitzaren hogeigarren urteurreneko ekitaldian.

EITBren Bilboko egoitza aurrean kontzentrazioa egingo dute, zuzendaritza postuak euskalduntzea exijitzeko

2025-02-18

"EITB euskalduna, zuzendaritzatik hasita!" lelopean, otsailaren 25ean egingo dute elkarretaratzea, asteartean, EITBko ELA, LAB eta ESK sindikatuek nahiz Aldatu Gidoia ekimenak deituta.

Amurrioko Udal Gobernuari entregatu dizkiete Aiaraldea Komunikabidearen dirulaguntza berrezartzearen aldeko 1.700 herritar eta eragileen atxikimenduak

2025-02-07

Komunikabideko hainbat langile eta bazkide bertaratu ziren duela astebete Amurrioko Udaleko plenora, dirulaguntza bigarren urtez ezabatu dela salatzeko. Txerra Molinuevo alkateak ez zuen inolako erantzunik eman.

EITBko Euskara Batzordearen adierazpena

2025-02-06

Idatzi honen bidez, EITBko Euskara Batzordeak eta azpian sinatzen duten EITBko organoek euren kezka eta gaitzespena agertu nahi dituzte azken hilabeteetan EITBko zuzendaritza-postuetarako abian ipini diren hautatze-prozesuak direla eta, gutxietsi egin baita euskararen ezagutzaren eskakizuna.

EITBko Euskara Batzordeak salatu du euskararen eskakizuna baztertu dela zuzendaritza postuetan

2025-01-30

EITBko Euskara Batzordeak gaitzespena adierazi du azken hilabeteetan egindako zuzendaritza postuetarako hautaketa prozesuak direla eta. Salatu dutenez, euskarazko C1 maila ez duten hiru pertsona hautatu dituzte postu garrantzitsuetarako: EITB Mediaren zuzendaritzarako, Social Media zein Eitb.eus-eko zuzendaritzarako, eta zuzendaritza komertzialerako.

2x07: Salbiaz asko daukagu esateko

2025-01-27

Gaurkoan sendabelar bakarra hartu dugu hizpide, badauka eta zer sakondua. Salbia (Salvia officinalis) da sendabelar hori, eta honen inguruan argitaratu den albiste bat hartu dugu abiapuntu, gai asko lantzeko aukera ematen digulako.

Sendabelar honen olio esentzialarekin egindako ikerketaz aritu gara hizketan. Bertan, olio esentzial hau usaindu dute menopausia ostean dauden emakumeek eta horrek euren funtzio sexualean eta asetasunean duen inpaktua neurtu dute. Izan ere, askotan ikusi da... [+]

"Dragoi Bola" maratoia, atalak Makusin ikusgai jarriko dituztela ospatzeko

2025-01-14

"Dragoi Bola" maratoia egingo da EITBren Bilboko egoitzan datorren larunbatean urtarrilak 18; 16:00etatik 21:00etara. Motiboa da Dragoi Bola euskaraz bikoiztuaren atalak Makusi plataformara iritsiko direla, euskaraz eta doan, ostiralero atalen batzuk gehituz joango direlarik gaztetxoentzako streaming plataforma euskaldunera.

Applek albiste-laburpenak asmatzen ditu inolako axolarik gabe

2025-01-10

Adimen Artifizialarekin egindako disparateen biltegia handitzen ari da. Erabiltzaile arruntok sortutakoak txorakeriak izan daitezke neurri handi batean, baina Interneteko erraldoiak berak ari dira halakoak errepikatzen eta horrek larriagoa dirudi, eragin globala izan dezaketelako. Urte hasiera honetan nabarmendu daitekeen kasu larri bat da Apple egiten ari dena bere albiste laburpenekin, gezurrezko albisteak emanez eta ez gainera bere izenean, baizik eta kazetaritza-erakunde handien izenean.

3x14: Ez dago musik I

2025-01-07

Inspirazio bila hasi gara urte berriarekin, podcasterako ideiak behar ditugu. Horregatik, musek guri bisita egiteko zain egon gabe, guk egin diegu bisita haiei.

Honako abestiek inspiratu gaituzte gaurkoan:

Hercules - 'The Gospel Truth'

Shocking Blue - 'Venus'

Aventura - 'Obsesión'

Simon & Garfunkel - 'Cecilia'

"Euskaraz ez dakien pertsona bat" izendatu dute Eitb.eus-eko zuzendari, LABek salatu duenez

2024-12-27

"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen sustapena duen hedabide baten zuzendari izateko", dio EITB Mediako LABek plazaratutako oharrak. "Ba al du logikarik belaunaldi berriei eskainitako eskaintza euskara hutsean diseinatu ondoren (Makusi, Gaztea, Primeran… ) EITBren arlo digitala gidatuko duen pertsonak euskaraz ez jakitea?", galdegin du sindikatuak.

"Ni euskaraz bizitzeak ez du esan nahi beste hizkuntzei eta kulturei ateak ixtea"

2024-12-18

Aiaraldea Komunikabidea sortu zuten lehen, eta Faktoria gero. Laudion dute egoitza, eta bertan ari da lanean
Izar Mendiguren. Kazetari, bertsolari, musikari, militante... Ipurdi batez eserleku bi ezin estali litezkeela dio esaerak, baina hori baino handiagoa da Mendigurenen ahalmena.

2x05: Iltze aromatikoa ere sendabelarra da

2024-12-16

Gaurko sendabelarra iltze aromatikoa (Syzygium aromaticum) izango da, berari eskaini diogu gaurko podcasta osorik. Hainbatentzat sukaldean dugun espezia aromatikoa dena sendabelarra ere bai baita, gero eta argiago diote hori ikerketek.

Podcast honen bosgarren saioan ere aipatu genuen iltze aromatikoa. Orduan chai egoskinaz aritu ginen, Indiatik datozen edari hauek ohikoak bihurtu zaizkigulako gurean ere, bereziki udazken eta negu garaia iristen zaizkigunean. Beste hainbat espeziarekin batera... [+]

Formaedukia #02: Afektuak

2024-12-08

Forma ala edukia, estetika ala politika, autonomia ala konpromisoa: geuk ere nahi genuke «gaizki planteaturiko auziak ahantzi». Horretarako, dena den, bide bat izan liteke halakoei bete-betean heltzea, ala adbersatiboa kenduta: autonomiakonpromisoa, estetikapolitika. Formaedukia. Kirrinka egiten digutenez.

Gaurkoan: Maggie Nelson, Roland Barthes, Sara Ahmed, Remedios Zafra, Ann Cvetkovich, Mari Luz Esteban, Alicia Valdes, Amador Fernández-Savater, Laura Muelas, Eva Illouz,... [+]

Euskal hedabideen etorkizunaz

2024-12-04

Azken asteotan esku artean ibili ditut honako bi liburuak: Euskararen gogoetagunea (Euskaltzaindia, 2024) eta Mariano Ferrer, el periodismo reflexivo. Kazetaritza eta konpromisoa (Erein, 2023) . Irakurri dut euskaldunen %42,2k ikusten duela ETB1, eta %20,6k irakurtzen duela euskal prentsa, Elkar Fundazioaren enkarguz 2018an Siadecok egindako inkestaren arabera. Ez dago txarto, kontuan hartuta EAEko euskaldunen artean %22 dela –Nafarroan %6,7 eta Iparraldean %7– ohikoan euskara... [+]

Klub Kutun #08: Garrasika

2024-11-30

Garrasika izeneko saio honetan, musikan garrasia baliabide gisa nola erabiltzen den entzungo dugu, eta adieraz ditzakeen sentipen ezberdinak aztertuko ditugu, haserraldia, tristura, baina baita alaitasuna ere, gaztetasuna, freskura. Punk eta rockaren bide anitzetan murgilduko gara, batez ere, baina ez ikaratu, eremu horiek beste begirada batetik agertarazten saiatu gara-eta. Gozatu garrasi egiten, kutunok.

Tracklista

Blah Blah Blah - Girlpool
En Forma - Hinds
Etsaiak agurtzen -... [+]

2x22: Uxue Alberdi | Etsitzea

2024-11-25

Zuek etsi al duzue inoiz? Eta hala bada, hitzaren zein adieratan? Negatiboa bezain positiboa izan daitekeelako etsitzea; itxi ditzakeena adina ate ireki ditzakeelako; baita espero gabeko agertokiei leku egin ere; lehiak ez bezala, etsitzeak lasaitasuna baitu jokozelai. Etsi edo ezin izateaz ulerkera oso kapitalista eta neoliberala dugula ohartu gara Uxue Alberdi bertsolari eta idazlearekin izandako ordubeteko berriketaldian.

Grego, adliz, nahiko etsi-oneko pertsona da. Adibidez, lasai... [+]

Koro #10: Fakultateko taldeak: 90ko hamarkada

2024-11-24

Saio honetan Euskal Herriko Unibertsitateko Arte Ederretan 90ko hamarkadan egon ziren talde batzuk entzungo ditugu eta garai hartako giroa aztertuko dugu. Horretarako Oier Etxeberria izango dugu gurekin. Oier Akauzazte taldeko kidea izan zen garai hartan eta berarekin hitz egingo dugu egiten zuten musikari buruz.

3x10: Sponsorra behar dugu

2024-11-19

Oroimen Histerikoa podcastean dagoeneko 75 saio inguru egin ditugu, eta harrigarria bada ere, oraindik ez dugu babesletzarik lortu. Marka batzuen izenak bota ditugu han eta hemen, baina inork ez dio amuari kosk egin. Horregatik pentsatu dugu nabarmenagoak izan behar dugula, eta saio honetan hainbat marka izango ditugu hizpide, gure milioika entzuleen artean enpresa horietako arduradunak dauden itxaropenez.

Honako abestiak erabili ditugu aste honetan:

Mecano - 'Me Colé en Una... [+]

2x03: Eztula eta eguzkiaren beroa

2024-11-18

Gaurko sendabelarra eztul-belarra (Tussilago farfara) izango da, eztul-belar hostoa. Izan ere, eztula entzuten hasi garen sasoian gaude. Eztula egiteko gogoa etortzea da saio hau egiterakoan izaten dugun beldurrik handienetakoa eta karamelua aldamenean izaten dugu; ez baita ahuntzaren gauerdiko eztula jendaurrean ari garenean eztul eraso gelditu ezina. Baina eztulak ere ezberdinak daude, eta bakoitzarentzat erremedio ezberdinak aipatu ditugu.

Eztul belarraren hostoak aberatsak dira... [+]

Jarek bere sexu-erasoaren kontaketa zabaldu nahi du

2024-11-07

Bilboko Udalak eta zenbait hedabidek neska batek gaugiroan bizitako bortxaketaren berri eman zuten, biktimaren baimenik gabe eta modu sentsazionalistan. Emakumeak sare sozialetan bilatu zituen bestelako aliantzak, berbiktimizazioari aurre egiteko. Bere testigantza harilkatu dugu sexu-indarkerian adituak diren hiru feministaren analisiekin.
Erreportaje hau Pikara Magazine-n argitaratutakoaren (Jare no quiere que su agresión sexual caiga en el olvido) euskarazko bertsioa da.

3x08: Zer usain dute hodeiek?

2024-11-05

Zenbat mito ezagutzen ditugu hilerokoaren inguruan? Eta horietako bat bera ere ez da positiboa. Egin ezin diren gauzekin eta inguruan eragingo dugun kaltearekin lotzen dira denak: ezin bainatu, ezin mahonesarik egin, landarerik ezin ukitu... Baina kultura guztietan eta garai historiko guztietan ez da debekuaren sinonimo izan hilerokoa.

Honako abesti hauek erabili ditugu aste honetan:

Chris De Burgh - 'Lady In Red'

Marcia Belsky - '100 Tampons'

Intuizioaren ebidentzia: erdara darabilten Euskal Herriko hedabideek bizkarra ematen diote euskarazko kulturari

2024-10-30

Koro #09: Fakultateko taldeak: 80ko hamarkada

2024-09-18

Hurrengo lau saioetan Euskal Herriko Unibertsitateko Arte Ederretako musika taldeak izango ditugu protagonista. Nahiko fenomeno interesgarria dela uste dugu eta lehen saio honetan 80ko hamarkadan zentratuko gara. Hamarkada horretan talde gutxi zeuden, aldaketa sakonak gertatu ziren gizartean, eta baita Arte Ederretako falkultatean ere.

Klub Kutun #07: Lasai eta dantzan

2024-09-15

Gaurko saioa lasaitasunetik dantzara igaroko dugu. Italia, Espainia, Euskal Herria, Colorado... beti bezala, herrialde askotan eginiko musikaz blai bukatuko dugu, batzuetan trantze doinuetan murgildurik, besteetan pasioen energia indartsuetan, eta azkenik, dantza baketsuagoetan, zeruko izarrak bisitatzeraino.

Tracklist

Starcloud - Anna Caragnano, Donato Dozzy
Passage Through The Spheres - Kali Malone, Etienne Ferchaud 3- Aurora - Solea? Morente
Sonar por Buleri?as - Yerai... [+]

Euskarazko albisteak noiztik dira albiste?

2024-09-13

Esan daiteke euskarazko prentsa berandu samar abiatu zela. Bai behintzat, inguruko hizkuntzekin alderatuta. XVII. mendean sortu ziren frantsesezko eta gaztelaniazko lehen kazetak. Baina euskarazko lehenak bi mende beranduagokoak dira.

Wikipediako Atarian: https://eu.wikipedia.org/wiki/Atari:H...

Kredituak
- Edukien arduraduna: Imanol Murua.
- Koordinazioa: Euskal Wikilarien Kultura Elkartea
- Bideoa: Hiru Damatxo
- Gidoiak: Lander Arretxea
- Edizioa: Peru Isasi
- Pertsonaiaren... [+]

Mamuta #03: Hiper Iparralde

2024-09-11

Aurreko saioan Oiartzunen bipolaritatea aztertu ondoren, Euskal Herriko hegoaldea eta iparraldea parez pare jarri ditugu oraingoan, bien arteko alde nabaria aztertzeko. Iparraldean aldaketak sumatzen hasi garen honetan, Euskal Hirigune Elkargoko Amaia Artaetxebarria gonbidatu dugu ZAN legea eta iparraldeko hiritartze ereduaz hitz egiteko. Konfluentzia baterantz ote goaz?

'Mamuta' saioa Ander Gortazar eta Jonander Agirrek gidatzen dute. Arkitektura, hiria eta lurraldearen inguruan... [+]

Klub Kutun #06: Ekaitza eta loreak

2024-09-08

Saio hau udaberri bipolar baten froga da. Folk baladak, punk garrasiak, sintetizadore goxoak, udaberriko haize asaldagarri, lore koloretsu eta zeru euritsuen isladak ordezkatzen. Gehienak abesti berriak, baina beti bezala, altxor vintage batzuk tartekatuz. Ana Arsuaga musikariaren saioa da 'Klub Kutun, Basilika podcastaren baitan egiten duena.

Tracklist

Ora Cogan - Cowgirl
Yo la Tengo - Shadows
Ruper Ordorika - Zaldiak negarrez
J Martina - Gure Orbainak
Judeline -... [+]

Formaedukia #01: Autorearen heriotza

2024-09-04

Forma ala edukia, estetika ala politika, autonomia ala konpromisoa: geuk ere nahi genuke — Elena Olaveren pentsamendu irregularra poemak dioen bezala— «gaizki planteaturiko auziak ahantzi». horretarako, dena den, bide bat izan liteke halakoei bete-betean heltzea, ala adbersatiboa kenduta: autonomiakonpromisoa, estetikapolitika.

Danele Sarriugarte eta Ibai Atutxaren saioa da Formaedukia, eta lehen atal honi autorearen heriotza deitu diote eta honako autore hauek aipatu... [+]

Dialeko Azkenak. Esan Erranek 25 urte

2024-07-12

Ultzamaldeko Esan Erran irratiak 25 urte bete ditu.

Euskara hutseko irratia bultzatu zuten herritarrei, irratiko lehenengo esatariei, ondoren pasa zirenei, orduko euskara teknikariari, entzuleei eta kolaboratzaileei dozena bat elkarrizketa egin dizkiete.

Garaiko euskarafobiari lotuta, proiektua martxan jartzeko eta iraunarazteko izan zituzten oztopoak kontatu dizkigute, baina baita ilusioarekin, auzolanaren bidez eta komunitatearen babesarekin proiektua aurrera nola atera zuten ere. Ze... [+]

12. Euskara eta kulturartekotasuna: gurasoen parte-hartzea errazten

2024-05-24

Gipuzkoako Zaldibia herrian hasi zen dena, bai. Herriko ikastetxe bakarrean ‘Euskara eta kulturartekotasuna udalerri euskaldunetan’ egitasmoa jarri zuten abian, gero herri osora hedatuko zena. Tarte txikian beste hemeretzi herritara zabaldu da proiektua. Neurri handi batean elkarri bizkarra emanda bizi izan diren gurasoak, autoktono euskaldunak eta jatorri atzerritarrekoak, aurrez aurre begiratzen hasi dira, eta elkar entzuten. Lehen urratsa da egiteke dagoen kulturartekotasunaren... [+]

"Gure Herriaren etorkizuna eta hizkuntzarena batera joango dira"

2024-04-24

25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren hitzetan, mundua aldatzeko errealitateak erakusten.

Umorearen funanbulistak

2024-04-17

Desinformazioaren jokoa

2024-04-10

Askotan pentsatzen dut informazio larregi jasotzen dugula, eta, zeinen ondo bizi den ezjakintasunean. Hainbeste informaziorekin, pertsona xumeok botere ezberdinen helburuak eta horiei loturiko jokabideak ulertzeko ditugun aukerak inoiz ez bezalakoak direla dirudi. Baina ez da musu-truk, informazio guzti horrek lasai bizi nahi ditugun bizitzetan eragina duelako eta jasotzen dugun informazioari modu kritikoagoan begiratu behar diogulako. Zentzu horretan, Tachtical Tech irabazi asmorik gabeko... [+]

Ardatz bertikala, erabakien adierazle

2024-04-09

40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista, erreproduzitzaile gisa, antenaren emisioarekin konektatzeko baino.

Urtzi Urkizu Berria-ko kazetariak ETBren historia aztertu eta etorkizunari buruzko gogoeta egin du Txoria hodei artean (Berria, Elkar eta Jakin, 2024) liburuan, eta 35 elkarrizketatuei, sektoreko aditu, aritu eta agintariei, galdera bera luzatu die: ikus-entzunezkoen munduan bidegurutze batean egonik, etorkizun horretan behar al dugu euskarazko telebista?

G letraz

2024-01-17

Botere mediatikoak eskuindarra eta erdalduna izaten jarrai dezan

2023-12-11

Euskal Herriko erakunde publikoek urtero milioiak banatzen dituzte hedabideen artean, instituzioen publizitatea zabaltzearen edo hedabideen ekimenak babestearen truke. Oro har, datu publiko horien gardentasun ezak zaildu egiten du argazki osoaren jabe egitea, baina zorionez, tresna informatiko berri bati esker, Jaurlaritzaren azken bost urteotako banaketa aztertu dugu. Emaitza ohikoa da: Vocento, Noticias eta Prisa taldeko hedabideentzat diruaren %80, nagusiki gaztelaniaz direnei %93, euskarazkoontzat %7 eta ARGIAri %0,3.

"Datuak zabaltzen dituzte aho txikiarekin, gardena izatea beste gauza bat da"

2023-12-11

Jaime Gómez-Obregón ingeniariak oso tresna baliagarria sortu du Jaurlaritzaren diru publikoaren erabileraz gehiago jakiteko. 2018tik 2022ra erakunde horrek hedabideen artean banatu dituen publizitate kanpaina guztien datuak prozesatu, aletu eta era ulergarrian eskuragarri jarri ditu gobiernovasco.marketing webgunean. Software librea erabili du eta kode irekian eskaini. Alegia, erakunde publikoek egin beharko luketena –eta egun egiten ez dutena– egin du.

Zubi lana

2023-12-01

2018an, Rikardo Arregi Kazetaritza Sarien 30. urteurrena zela eta, euskal kazetaritzaren azken 50 urteen errepasoa egiteko helburua du dokumentalak. 1969ko uztailaren 10ean, Rikardo Arregi euskal kazetari eta saiakeragile gaztea auto istripu batean hil zen. Ordutik euskal kazetaritzak bizi izan duen bilakaera laburbiltzen saiatu dira egileak.

EiTBk zabaldu du lana.

Ekoizpena: OnTime & ETB
Zuzendaria: Iban del Campo
Gidoia: Andoni de Carlos

Genozidioa zuritzeko hedabideen hamar artefaktu

2023-11-22

Gazako inbasioak aurrera darrai, Israelgo Gobernuaren aliatu estrategikoak direlako Mendebaldeko gobernuak, eta beraz, herrialde horietako hedabide nagusiak. Israel biktima bezala aurkezteko asmoa ondorioztatzen da diskurtso nagusien azterketa semantikoa eginez gero. Eta hala ere, mundu osoan –baita Israelen aliatu diren estatuetan ere–, milioika eta milioika lagun ari dira kalera ateratzen sarraskia geratzeko eskatuz. Horrek erakusten du, hedabide horien boterea izugarria izan arren, zailtasunak dituztela marko ideologikoa iritzi publikoan eztabaidarik gabe txertatzeko. Azken batean, hitzek axola dute. Erabiltzen ditugun hitzak gara. Hala idatzi zuen Saramagok.

"Euskara ulertzen ez dutenak ere ETBren unibertsoan nahi ditut"

2023-10-18

2021az geroztik, ETBko zuzendaria da Unai Iparragirre. Telebista kateetako edukien ardura da berea, baina baita plazaratu berri duten Primeran plataformarena ere. Jaiotza horren aitzakian hartu gaitu Bilboko egoitzan duen bulegoan.

"Zuzendari berriak orain arte izan ez duen kalitate mailara eramango du 'Berria'"

2023-07-20

Euskarazko egunkariari loturik eman du bizialdiaren zatirik handiena, horixe du sor-marka eta jatorrizko izendapena. Eguneroko kazetari loturik jardun du beti, eta ekarri dizkio disgustu ez gutxi. Handiena, Euskaldunon Egunkaria-ren itxiera 2003an, eta hainbat lagun orduz lehen galtzea.

Martxelok tokia Amagoiari

2023-06-06

"Euskararen normalizazioan, bikoizketak entzumena lantzeko onura handiak ekartzen ditu"

2023-05-31

Euskarazko bikoizketa kinka larrian dago. Egunean hamalau ordu ematen dituzte gazteek, batez beste, pantailen aurrean. ETBk bikoizketa baztertu du azken bi hamarkadetan eta streaming plataformetako euskarazko eskaintza ez da %0,1era iristen. Iker Bengoetxeak ahotsa eman die pertsonaia askori eta kontziente da zeinen onuragarria den euskara ahalik eta gehiena aditzea, gero euskaraz aritzeko. Zer entzun, hura ikasi.

"Euskarazko streaming plataforma bat behar dugu"

2023-05-17

Ikus-entzunezkoetan euskarak duen presentziaz eta sarean euskarazko edukia sortzeko beharraz mintzatu dira Iruñean. EITBk Primeran plataforma proposatu du hutsa betetzeko. Plataformako eduki guztia euskaraz azpidatzita egonen da, eta parte bat bikoiztuta. Eragile batzuk temati agertu dira proposamenaren aurrean.

"Biziraun dugu, eta bizirautea bera ez da gutxi"

2023-05-17

Jon Arano bada nor gure literaturan. Nekaezina zen garai batean, poemak idazten, Eustakio Mendizabal Txikia-renak eta besterenak editatzen, Ostiela! sonatua eta gainerako aldizkariak argitaratzen, prentsan eta irratian kolaboratzen, eta beti irakurtzen. Haatik, urteak eman ditu plaza nagusitik eta foku handietatik kanpo. Oraindik orain, berriz, ipuina argitaratu du Booktegi.eus-en, eta joan gatzaizkio.

Atzera begira aurrera egiteko

2023-04-18

Euskal prentsan 1869tik 2000. urtera bitartean argitaratu diren kronika gogoangarriak bildu ditu Koldo Izagirrek ARGIArekin kaleratu berri duen liburuan. Zaldi bat ihes garrezko zelaian, hala du izenburu. Asko ezagutzen ez ditugun kronikarietatik luma ezagunetaraino, urtetan artxibategietako ilunpean egon den testu eder mordoxka bat berreskuratu digu egileak.

4. Ika, ika, ika, badator maratoia!

2023-03-21

Zergatik ditu maratoi batek 42,5 kilometro? Eta zenbat kosta zitzaien emakumeei lasterketa honetan parte hartzea? Bi argazki eskuan hartu eta hauei ahotsa jarriz kontatu digu Nagore Irazustabarrenak maratoiaren historia.

2023-03-20

"Artea historian uzten dugun marka bat, gizatasuna eta gizartearen katalizazioa da"

2023-02-27

Lander Perez Picazo artista gasteiztarra elkarrizketatu dute Hala Bedi irratian. Atzerrian arte ikasketak egiten urte luzez egon ondoren, Gasteizen dago berriz ere, eta lanean jarraitzen du. Otsailaren 8tik erakusketa bat dauka martxan Arte eta Lanbide Eskolan, "Lehenik marrazkia izan zen" izenekoa. Artearen beharraz, bere ibilbideaz, erakusketaz eta beste gauza askori buruz hitz egin dute.

Inpunitateak 20 urte, bederen...

2023-02-22

“Ematen du ez direla 30 urte pasa”

2023-02-16

Delirium Tremens musika taldea, 80 eta 90 hamarkadetan Euskal Herriko rock talde erreferentea izan zen. Hiru hamarkadatako etenaren ondoren 2022an disko berriarekin itzuli dira. Hala Bedi irratian izan dira Andoni Basterretxea eta Haritz Harreguy solasaldi goxoan.

9. (Min)biziz ikasia

2023-02-15

(Min)bizi podkastaren azken saioa da honakoa eta minbizi prozesuak eman dizkien ikaspenez aritu dira. Zehazki, bost ikaspen zerrendatu dituzte:

Autoezagutza: bidaiarik zirraragarriena barrurantz egiten da.
Nork bere burua zaintzea. Ez masajea ematea hilean behin, geure burua zaintzea bizitzeko modu gisa.
Sare baten parte izatea balioestea, eman eta jaso.
Erresilientzia eta onarpena. Egunero, daukagunarekin, ahal dugun ondoen. Dena aldatzen da.
Oraina bizitzea. Zaila ala erraza,... [+]

“Albiste garrantzitsua labur kontatzen ikasteko, ez dago Brusela baino hoberik”

2023-01-25

Atzerrian beti, bakan izan ohi dugu etxean. Aspaldi, Paris du habia, handik ari zaigu berri ematen EITBn, batean telebistan, irratian bestean. Bere kronikek erakusten duten argitasunak beraren atzetik eraman gaitu, Hamelingo xirulariari jarraika iduri. Solasean, korrespontsalaren barruan zer den jakin nahirik abiatu gara...

Larrungo uhinak #06: Senperen ibiliz

2023-01-24

Entzule: ba ote dakizu zer den “Senperen Ibiliz”? Gure podcast berri honetan ezagutzen ahalko duzu; hain zuzen, Frédéric AEKko ikaslea da eta laguntzaile lanak egiten ditu “Senperen Ibiliz” zerbitzuan. Horrez gain, Pierre ikaskidearekin batera, elkarrizketa egin diote Dominique Idiart Senpereko auzapezari. Eta, nola ez, musika ere lagun izan dugu: Fermin Muguruzaren “Lagun nazakezu”.

"Euskarazko hedabideak ez daude Jaurlaritzaren lehentasunetan"

2023-01-18

Euskarazko hedabideei euskara sustatzeagatik legez dagokien dirulaguntzak Eusko Jaurlaritzarekin negoziatzen luze aritu da Hekimen, Euskal Hedabideen Elkartea. Baina euskarazko komunikabideentzat lortutako dirulaguntza nahikoa ez den bitartean sektorea egonkortzeko, 6 milioi euro banatu ditu Jaurlaritzak batez ere gaztelaniazko medioak laguntzeko, berriro ere agerian utziz zein hedabide indartzen eta zein baztertzen duten gure instituzioek, diru publikoarekin. Hekimeneko koordinatzaile Igor Astibiarekin hitz egin dugu.

Larrungo Uhinak #05: Amaiurko gudua

2023-01-09

Urte berriarekin batera, Larrungo uhinak emankizuna bueltan da. Oraingoan ordea, gertakizun historiko garrantzitsu bat izan dugu hizpide: Amaiurko gudua.

Seme-alabak Espainiaren alde

2022-12-21

Inor ez al doa bolantean? Hego Euskal Herrian, behintzat, badirudi euskal soufflearen hustuketak ez duela ez etenik, ez azkenik.

Gaur egungo ume eta nerabeek euskal gizartean ikusten dutena da asimilazio handi bat eta kontrakotasun gutxi. Ez dute ezer hutsetik asmatzen, gizartea hauteman eta egokitzen dira. Eta gauzak aldatu dira:

• Euskararen erabilera beherantz doa arnasgune deritzan haietan (ere). Hango ume eta nerabeek (ere) inoiz baino goizago heltzen diote erdarari. Izan ere,... [+]

Euskara, hedabideetatik karrikara!

2022-12-13

Euskararen eguna baliatu dute Euskal Hedabideek zuzenezko emankizun bat egiteko Baionako merkatutik. Euskaraldia ekimenaren bezperetan, ekimen honen bilana egin dute Zilia Heredia eta Eneko Gorrirekin, bigarren partean aldiz Sebastien Caset Euskal Konfederazioak taldeko koordinatzailea eta Antton Kurutxarri Euskararen Erakunde Publikoko lehendakariak hizkuntza politikaren betebeharrak aztertu dituzte.

Google ez, burujabetza bai

2022-11-29

Euskal Hedabideen Behategiak Donostiako Miramar Jauregian 2022ko irailaren 12 eta 13an antolatutako "Euskal hedabideen audientzia digitala: metrika adostuen garaia" ikastaroaren barruan ARGIAko Asier Iturraldek emandako hitzaldia.

Larrungo Uhinak #04: ‘Azkaine euskaraz’ gaualdia

2022-11-29

Azaroaren 10ean gaualdi berezia egin genuen Azkaingo Gaztetxean. Helburua zen gau eskolako ikasleek elkar ezagutzea, eta elkarrekin momentu goxo bat pasatzea. Euskaraz, bistan dena. Aurkezpen ttipi bat eta euskaraz maite duten hitz bat galdegin genuen.

Larrungo Uhinak #03: Sarako ‘mintzalagun’ elkartea

2022-11-22

Euskararen erabilera sustatzeko helburuarekin, 2016an sortu zen Sarako ‘mintzalagun’ elkartea, AEKko zenbait ikaslek bultzatuta. Mixel Gerendiain elkartearen presidentearen ahotik, elkarte honen lana eta nondik norakoak ezagutuko ditugu.

Esatariak: Elisabeth, Marc eta Thierry.

Larrungo Uhinak #02: Gure Irratia

2022-11-15

Gure Irratia hedabide lapurtarraren historia errepasatuko dugu Larrungo Uhinak emankizunaren bigarren saio honetan, Lukas eta Armelle, Azkaingo gau eskolako ikasleek gidatuta.

Larrungo Uhinak #01: Gau beltza

2022-10-25

Benoit eta Marlene AEKko ikasleen eskutik, Gau Beltza edo Arimen gaua zer den ezagutuko dugu. Lapurdiko hainbat herritan nola ospatzen den azaltzeaz gain, esatariek Senpereko ikastolako haurren bizipenak ekarriko dizkigute.

Arrosa Sarea, 20 urte uhinak uztartzen

2022-10-21

Arrosa Sareak Euskal Herriko 25 irrati euskaldun batzen ditu eta dagoeneko 20 urteko ibilbidea egina du. Hala Bideok ekoitzitako dokumental hau, 20 urte atzera egin eta sarea erditu zen lekutik bertatik abiatzen da, sorrera hura nolakoa eta zergatik izan zen kontatzen dutelarik orduko hainbat partaidek.

Koordinazio lanetan ibili zirenak edota Arrosak berak ekoizten duen Zebrabidea magazineneko arduradunek ere parte hartzen dute beraien bizipen eta oroitzapenak adieraziz. Irratia bizirik eta... [+]

Kontxakoa ez da baranda mitiko bakarra

2022-10-12

ARGIAren irakurle gazteenek akaso ez dute 1980ko hamarkadaren hastapenetan Egiako eskaileretan ateratako argazki hura gogoan, baina aspaldi xamarretik aldizkaria jarraitzen dutenek ezagutuko dute, seguru. Kata tabernaren pareko barandaren bueltan agertzen dira orduko kide batzuk, ARGIAri ‘Zeruko’-a kendu eta enpresa langileek erosi berritan. Hantxe bertan izan zuten lehen lokal txikia, eta berrogei urte geroago gaur egungo taldea leku berera itzuli da, bisitan.

Nola deshumanizatzen dituzten pertsona migratzaileak hedabideetan

2022-07-13

Maitane Gartziandiak egindako infograma PDFan deskargatu dezakezu (egin klik PDF jartzen duen lekuan). Eta albisteari buruzko informazio gehiago, honako loturan.

Umoretik umorera

2022-06-28

Makina bat buelta eman dizkiot nire azkena izango den kolaborazio honi nondik heldu. Urte hauetan guztietan lerro hauetara ekarri ditudan gaiak, kezkak, proposamenak, eskaerak… etortzen zaizkit bueltan. Egia esan, aipatu, gauza asko aipatu dira orri hauetan, baina horietako gutxik izan dute aldaketa edo aurrerapenik azken hamarkadatan. Denak berdin jarraitzen du Europako ikus-entzunezko legeak telebistak behartu zituenetik aurrekontuen %5-%6 bertako ekoizpen independentea bultzatzeko... [+]

Pablo González askatu

2022-04-01

Zaila da propaganda olatu erdian Ukrainako gerraren egunerokotasunean gertatzen ari dena aztertzea. Gurean hedabide gehienek hooligan moduko lerrokatze bat egin dute gertakari batzuk anplifikatuz, beste asko isilaraziz eta beste batzuk faltsutuz, histeria kolektiboa sortuz. Errusiaren inbasioa eta gerra salatzea beharrezkoa da, ukrainar herriarekin elkartasuna adieraztea bezala, baina atentzioa ematen du gehiegizko erreakzioak kasu honetan, inoiz tamaina honetako nazioarteko legediaren haustura... [+]

“Bi edo hiru administraziopean bizi bagara ere euskarak eta euskal kulturak lotzen gaitu”

2022-03-10

Bada hogei urtez, ahots goxo eta irmoa entzuten ari den bidasoarrik. Antxeta Irratiaren hogeigarren urteurrenaren karietara, bertako kazetari beteranoenetariko bat ezagutzeko parada baliatu dugu: Maia Muruaga (Donibane Lohizune, 1977), “Maia Antxeta” askorentzat. Mikrofono berdea du lagun eta ahotsaren mundua atsegin du, irudiari ihes eginez. Ipar Euskal Herriko kultur kazetari ezaguna den arren gutxitan mintzo da bere lanaz publikoki. Ez dut egunero lankide bat elkarrizketatzeko aukerarik izaten, are gutxiago horrelako aitzakiarekin.

Munstroak irentsi ez gaitzan

2022-02-10

Globalera ohitu gaituzte. Zirraragarria da munduko edozein txokotako informaziora iritsi ahal izateko gaur egungo aukera. Zoratzerainokoa, hainbeste leiho ireki zaizkigunean. Klik bakar batean. Baina munstro handi bat ere bada, irensten gaituena bere seduzitzeko gaitasunarekin. Non geratzen gara gu munstroaren ondoan?

Alienazioa

2022-02-10

Herriko Gazte Koordinadora Sozialistaren inguruko hainbat gazterekin berriketaldi interesgarria izateko aukera izan dut, eta ahotan zerabilten terminologiak garai batean parrokiako lokalaren ilunpetan entzundako kontzeptuak ekarri dizkit gogora: proletarioen antolakuntza, biolentzia kapitalista, lan-indarra, gainbalioa, eta beti bereziki gustukoa izan dudan alienazioa, besteak beste.

Langileak, logika kapitalistari esker eta izaera mekanikoaren menpeko merkantzia bihurturik, pentsatu... [+]

Merezimenduzko Argia Saria: Gure Irratia, Irulegiko Irratia eta Xiberoko Botza

2022-02-07

Izan duten ibilbide aitzindaria omentzeko, Gure Irratia, Irulegiko Irratia eta Xiberoko Botza irratientzat da aurtengo Merezimenduzko Argia Saria. 40 urtetik gora daramate Euskal Herriari eta euskaraz emititzen, ezinbesteko ekarpena eginez.

Duela 40 urte ukandako ausardia eta orduz geroztik Euskal Herriari, euskarari eta euskaraz bizi nahi dugun herritarroi egindako ekarpena saritu nahi dugu merezimenduzko sari honen bidez.

Irakurri hemen sariaren inguruko albistea eta ikusi sarituen... [+]

Irratiko Argia Saria: Artxipelagoa

2022-02-07

Ulu Mediak eta EITBpodkastek ekoitzitako Artxipelagoa fikzio podcast seriearentzat da aurtengo irrati ataleko Argia Saria. Ulu Mediako kideek jaso dute saria.

Irakurri hemen sariaren inguruko albistea eta ikusi sarituen esker hitzak oroigarria jaso ostean.

Esker ona adierazi nahi diegu 2022. urteko argia sariak babestu dituzten eragileei:

Arabako Foru Aldundia
Bizkaiko Foru Aldundia
Emakunde
Eusko Jaurlaritza, Kultura eta Hizkuntza Politika Saila
Gipuzkoako Foru... [+]

Interneteko Argia Saria: Badok.eus

2022-02-07

Badok.eus atariarentzat da aurtengo Interneteko Argia Saria, Internetek gure bizitzetan duen gero eta presentzia duen garian euskal musikarentzat eta haren zaleentzat ezinbesteko itsasargi izateagatik. Jon Eskisabelek jaso du saria.

Irakurri hemen sariaren inguruko albistea eta ikusi sarituen esker hitzak oroigarria jaso ostean.

Esker ona adierazi nahi diegu 2022. urteko argia sariak babestu dituzten eragileei:

Arabako Foru Aldundia
Bizkaiko Foru Aldundia
Emakunde
Eusko... [+]

Prentsa ataleko Argia Saria: Aiaraldea

2022-02-07

Aiaraldea hedabidearentzat da prentsa ataleko aurtengo Argia Saria, Laudioko eta Amurrioko Tubacex-eko langileen greba, erresistentzia eta bizipenak hurretik kontatzeagatik. Aitor Aspuru, Izar Mendiguren, Aimar Gutierrez eta Txabi Alvarado bertako kazetariek jaso dute saria.

Irakurri hemen sariaren inguruko albistea eta ikusi sarituen esker hitzak oroigarria jaso ostean.

Esker ona adierazi nahi diegu 2022. urteko argia sariak babestu dituzten eragileei:

Arabako Foru... [+]

Dirutza tzar bat kostatzea

2022-02-01

Halaxe hasten da Un pognon de dingue (Dirutza tzar bat) izenburuko dokumentala (2021, Bioret, Delrue, Fourrage), Warren Buffet estatubatuar milioi askokoaren 2005eko errana gogora ekarriz: “Klase borroka izan, bada, baina nire klasea da, aberatsen klasea, gerla hori eramaten ari dena eta irabazten ari gara”. Erranaldiak iragartzen duenaren biolentzia asumituak ekibalente gutxi izanen ditu Historian, dudarik gabe.

Dokumentalaren ardatza dira kapitalismoaren basakeria eta dirudunek... [+]

Bizitza ikuskizun bihurtuta

2021-12-25

Gure Irratiak 40 urtez euskarari ahotsa emanez

2021-12-17

1981ean abenduaren 24an, Milafrangan Ernest Hirigoien-en etxean Xabier Leteren Nafarroa Arragoa hedatu zuten irratilari berri batzuk. Gure Irratia osoki euskaraz emititzen zuen irratia sortu zuten Lapurdin. Baionan egon ondoan gaur egun Uztaritzetik hedatzen ditu bere emankizunak, ahotsak, irratiak, Euskal Irratiak sareko kide diren beste lankideekin Ipar Euskal Herriko biztanleei euskarazko hedabide bat eskainiz. 40 urteen kari, irratia egin eta egiten dutenei ahotsa eman diegu dokumental... [+]

"Irrati libreek erabilgarriak izan behar dute gizarte mugimenduentzat"

2021-12-14

Linterna de Diógenes irratsaioari ahotsa jartzen dio Arkadio irakaslea ezizenez ezaguna den Arkaitz Prietok (Errekalde, 1981). Haien bizimodua, kultura, balioak eta antolaketa moduak ardatz hartuta klase desjabetuen historia azaltzea eta aldi berean menderatze sistemak aztertzea du xede. Zorroztasun akademikoaren bidetik bokazio dibulgatzailea du, adituek josten dituzte informazioz beteriko kapsulak. Monty Pythonen filmetako umoreak ematen die hasiera piezei.

Umore-mozorroa jantzita dator autoritatea

2021-12-09

"Coses estranyes, kar kar kar. El joc del calamar, kar kar kar. Eztanda egingo dut barrez! Benetan, zer ari zarete telesailak katalanez edo euskaraz ere ekoiztu daitezela eskatzen, hustutako Espainiako herrietan zuntzik ere ez daukatenean?". Itzulita: agian ergelegiak zarete zuen egoismoaz jabetzeko, baina ez dakizue hustutako Espainiako herrietara zuntzik iritsi ez bada, dela jende bat telesailak katalanez edo euskaraz ekoiztu daitezela eskatzen ari zaretelako?

Harrapazank!... [+]

Sorreratik itxierara, gizarte zibila oinarri duen kontakizun bat

2021-11-24

Joan Mari Torrealdaik hil aurretik amaitu gabe utzitako liburua kaleratu dute Berriak, Elkarrek eta Jakinek, Euskaldunon Egunkaria-ren historiaz ikerlari euskaltzaleak zuen ikuspegia azaltzen duena. Azaroaren 16an aurkeztu dute Andoainen jendaurrean.

Komunikabideen etorkizuneko erronkak

2021-11-10

Puntako berrikuntza teknologikoak, aldaketa kultural sakona eta baldintza ekonomiko zailak dakartza etorkizunak. Nola eragingo die horrek guztiak hedabideei, hedabideetako eredu, lan molde eta edukiei? Horretaz guztiaz aritu dira Hekimenek antolaturiko Euskal komunikabideak berrikuntzaren bidean jardunaldietan.

Telebistako arkitektura

2021-11-07

20 urteren ostean, Anne Igartiburu EiTBra itzuli da, zer eta arkitektura lantzen duen programa bat aurkeztera. Kuriositateak hartuta, emitituriko hiru programak irentsi ditut. Zaila egin zait Espainiako telebista kate publikoak arkitekturaren sustapenerako egiten duen Escala humana emankizunarekin ez alderatzea. Batzuetan, zenbait erdarazko saioren “euskal kopia” egiten du EiTBk, baina hau ez da kasua. Bi programen arteko desberdintasunek ez dakit zerekin duten erlazioa, arkitektura... [+]

Tipografiaren boterea eta boterearen tipografia

2021-09-09

Londres, 1931. The Times egunkariaren enkarguz, Stanley Morison-ek tipografia bat sortu zuen, zutabe estuetan letra asko sartzea eta, era berean, irakurleek erraz ulertzea ahalbidetuko zuena: Times New Roman. Letra mota hura berehala zabaldu zen prentsan, liburuetan eta, gerora, euskarri digitaletan, gaur egun egunkari horrek beste mota bat erabiltzen duen arren.

Euskalgintzaren erronkak tokikotasunetik

2021-09-06

Iraultza Txikien Akanpada egin dute Artean abuztuaren 25etik 29ra bitartean. Bertan landu diren gaien artean euskalgintzako proiektuak eta borrokak aztertu dituzte ostiral goizean Aiaraldea Ekintzen Faktoriako Gartzen Garaiok, Errigorako Peru Aranburuk eta Ipar Euskal Herriko ikasle mugimenduko Oneka Arteagak eta Aitzol Gil de San Vicentek.