Mija biloba nerabearekin bizi da Han ibaitik gertu dagoen lo-hiri batean. Mijak gustuko du loredun kapelak eta arropa dotorea janztea, baina, bestalde, jakin-min izugarria du eta batzuetan ezin jakin daiteke zer egingo duen. Ustekabean poesia tailer batean emango du izena, auzoko kultura-etxe batean, eta, bizitzan lehenengo aldiz, poema bat idatzi beharko du. Poema idazteko inspirazio bila, inoiz erreparatu ez zuen inguruko eguneroko bizitza aztertzen jarriko da. Bat-batean, energia berri baten jabe egingo da Mija eta bizitza aurkitu berri duen neskatila bat bezala sentituko da. Baina, inoiz pentsatu zuena baino errealitate askoz ere gogorrago bati aurre egin behar dionean, bizitza ez dela uste zuena bezain zoragarria konturatuko da... Gidoi Onenaren saria Cannes 2010ean. (Zinemaldikowebgunetikhartuta)
Donostiako Nazioarteko Zinemaldiaren 58. edizioaren jarraipena egingo dugu gune honetan. Irailaren 17tik 25ra, egunero zine kritikak, gomendioak, jaialdiko programa, pelikulen trailerrak, diaporamak, bitxikeriak, lotura interesgarriak... izango dira ikusgai.
