Atal honetan, Irakeko Kurdistanen bildutako argazki, soinu eta ahotsez osatutako ikus-entzunezkoak izango dituzue ikusgai. Soundslide izeneko sistemaz baliaturik, Irakeko Kurdistango bazter ezezagunetan gertatzen diren hiru istorioen berri emango dizuegu. Behe-behetik hasiko gara; lur azpitik, hain justu, bertan ezkutatzen baitira kurduentzat mehatsu larria diren milaka lehergai. Mina-desaktibatzaileekin egun bat eman eta gero, mendirantz joko dugu, Irango mugarantz, kontrabandista nahiz gerlarien aterpe diren bailaretaraino. Kurdistango kale zaratatsu eta alaietan bukatuko dugu bidaldia, lasai ederrean oraingoan.
Bidaia on!
Karlos Zurutuza
Joan zen martxoan hauteskundeak izan ziren Turkian. Elur eta lokatza artean, Baskale herrixkako alkate kurduak herritarren harrera beroa jaso zuen.
galeriara sartuKarlos Zurutuza
Martxoaren 21an kurduek Newroz ospatzen dute. Urte berria ez ezik, estaturik gabeko handienaren aldarrikapen hutsa da egun.
galeriara sartuKarlos Zurutuza
Kurduerazko egunkari bakarra dago Turkiako kioskoetan. Bertako kazetariek atxiloketa, tortura eta heriotzarekin ordaintzen dute euren ausardia.
galeriara sartuKarlos Zurutuza
Itsasoa urruti egon arren, Kurdistango harribitxietako bat urez inguraturik dago. Mila urte dituen eliza ttipi bat da, armeniarrek Van lakuaren irlatxo batean eraikita.
galeriara sartuKarlos Zurutuza
Ez da zaila Irak nahiz Turkiako kurduen berririk jasotzea; bai, ordea, Iran edo Siriakoena. Damaskoren menpeko kurduak berebiziko zapalkuntza jasaten ari dira. Tamalez, nekez entzuten dira drama honen hotsak gurean.
galeriara sartuKarlos Zurutuza
PKKko gerlariak ez ezik, Kandil mendietako herritar xumeak turkiar ejerzioaren xede bilakatu dira. Horiexek dira Ankarak deituriko "mugaz gaindiko operazioak": sekretuak bezain bortitzak.
galeriara sartuKarlos Zurutuza
Yezidiek kurduen jatorriko erlijioa egundaino mantendu dute. Mendeetan zehar makina bat sarraski pairatu arren, Lalish euren tenplu sakratuak zutik dirau oraindik. Honakoa duzue bertarainoko bisita.
galeriara sartuKarlos Zurutuza
Saddam Husseinen gartzela izandakoa 300 famili kurduen etxe bilakatu da. Barroteak desagertu diren arren, zigorra biziartekoa da oraindik.
galeriara sartuKarlos Zurutuza
Roj TV kurduen telebistarik handiena eta zabalduena da. Bruselan ekoizten dituzte euren programak, eta emisioa Danimarka eta Alemaniatik bideratu izan dute satelite bidezko emisioa. Hala, joan den ekainean Alemaniako gobernuak Roj TV-ren jarduera oro debekatu zuen “terrorismo kurduaren ahotsa” direla adierazita. Horri erantzuna emanez, PKKk hiru turista alemaniar bahitu ditu berriki Ipar Kurdistanen. Une berezi hauetan, Roj TVn izan gara.
galeriara sartuKarlos Zurutuza
Martxoaren 21ean Newroz ospatu zuten kurduek, euren urte berria. Kandil mendietako herri ttipienetatik Mesopotamiako hirietarainoko ospakizun erraldoia. Irakeko Kurdistanen, familia batek dantza talde bat jarri du martxan. Errefuxiatu eremu batean bizi arren, bikain ospatu zuten euren egun handia.
galeriara sartuKarlos Zurutuza
Iranek, Irakek, Siriak, Turkiak… kurduek izan ezik, denek daukate Kurdistango zati bat. Baina baliteke milioika pertsonaren ordua iritsi izana; bere estatua inoiz izan ez duen herri zanpatuarena.
galeriara sartuKarlos Zurutuza
Gerra egoeran bizi dira Irakeko Kurdistanen, baina ez da hori bertako kaleek islatzen dutena. Azokan, unibertsitatean, etxean... borroka bai, baina egunerokoaren ohiko borroka da nagusi kale gorrian. 1991z geroztik ia independenteak dira. Etorkizuna eta esperantza bat dira herritarrentzat.
galeriara sartuKarlos Zurutuza
Erreka hau Kandil mendietan sortzen da; turkiarrek orain inbaditu nahi duten lurraldean, hain justu. Kontrabandistek garraiatzen dute bere jarioa euren mandoen bizkarretan, PKK taldeak zaindutako bide bat jarraituz. Kandil mendiak irandar eta turkiar kohetepean daude jada. Baina gasolinaren erreka da hau, eta aurrera doa; eta honekin batera, bizitza.
galeriara sartuKarlos Zurutuza
Asko dira eta urteak eman dituzte lur azpian gordeta, kakati, eta norbaiten, edonoren zapalduraren zain; ez dio axola. Bilatzaileak urdinez, oinez, eta soseguz doaz, bat-batean eztanda egin dezakeen lurraren gainetik, ausart.
galeriara sartu© 2005 ARGIA.eus