Frackingaren arriskua

Hasi da AEBetako Greenpeace desagerrarazi dezakeen epaiketa

2025-02-25

Greenpeaceko kideak Dakota Acces oliobidearen aurka protesta egiteagatik auzipetu dituzte eta astelehenean aztertu du salaketa Dakotako auzitegiak. AEBko Greenpeacek gaiaren inguruan jasango duen bigarren epaiketa izango da, lehenengo kasua epaile federal batek bota zuen atzera 2019an. Enpresak 300 milioi dolar inguru eta kalte-ordain gehigarri bat eskatzen dizkio Greenpeaceri 900 milioi dolarreko ordaina ekar dezakeena, Le Mondek informatu duenez.

AEBetako Greenpeace desagerraraz dezake Dakota Access oliobidearen enpresak jarritako salaketak

2024-07-23

900 milioi inguru eskatzen dizkio Energy Transfer Partners enpresak AEBetako Greenpeace erakunde ekologistari, 2016 eta 2017an oliobidearen aurkako protestetan kalteak eragin izana leporatuta. “Epaiketa honetan porrot eginez gero, Greenpeace justizia klimatikoaren aldeko borrokatik kanpo gera liteke”, adierazi du elkarteak.

Gas naturalaren dilema Herbehereetan: prest gaude Groningen hobia ixteko?

2022-11-09

Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea eskatzen duela dioen "sakrifizioaren" eztabaida hauspotzen ari dira eliteak, Ukrainako gerraren testuinguruan. Eztabaida pozoindua, herritarrak aterako baitira galtzaile.

Gasteizen gasa esploratzeko helegiteari eutsi dio Eusko Jaurlaritzak

2021-08-27

Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.

“Fracking” gasa dator, erregai fosil zikin eta suntsitzailea

2021-06-30

Komunikabide handi batzuek saldu dutenez, teknologia berriei esker orain arte baino gas natural askoz gehiago edukiko dugu erregai. “Iraultza isila” ei dakar. Aldiz, gas “berri” hori idokitzen ari diren lekuetan ikasi dute gas berria eskuratzea ez dela batere merkea, ez garbia... eta ez isila. Liskarrak eragingo ditu gure inguruan laster.

Armentia-2 putzuan gasa dagoen ikertzeko baimena ukatu du Gasteizko Udalak

2020-12-23

Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.

Frackingaren kiebrak: zorrak herritarrentzat eta kalteak klima, natura eta osasunarentzat

2020-09-30

Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat azaldu zuen.

2020ko uda hartan COVID-19a zabaldu zen, klima zoratu... eta fracking-ak porrot egin zuen

2020-09-30

COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan hondamendi bakoitzaren xehetasun txikienez, guztien oinarrian dagoen sakoneko fenomenoaz ohartu barik: hazkunde ekonomikoa bere osotasunean dago krisian.

PODCAST #19 | TioBad hil dute, frackingaren eta ustelkeriaren aurkako koblakaria

2020-01-29

Rapero ezaguna zen TíoBad gaztea Sayula de Aleman (Veracruz, Mexiko) herrian eta haren oihartzuna askoz urrunago ere heldu zen, Mexikon Barrena AEBetaraino. Bertsotan salatzen zituen narkotrafikatzaileekin elkar hartzen duten agintariak, kazetari eta ekintzaileen hiltzaileak eta lurraldea izorratzen dien frackinga. Abenduaren 27an aurkitu zuten haren gorpua, torturapean isilarazia.

Frackinga berpizteko arriskuaz eta Euskal Herriko erakundeen erantzukizunaz ohartarazi du Fracking Ez mugimenduak

2019-12-19

Euskadiko Hidrokarburoak (SHESA) enpresa publikoak Espainiako Ingurumen Ministerioaren oniritzia jaso du Armentia 2 putzuan lanak hasteko. Zulaketak egiteko baimena eskuratzea Eusko Jaurlaritzaren, Arabako Aldundiaren eta Gasteizko Udalaren ardura dela adierazi du Fracking Ez-ek. Erregai fosilak alboratu eta trantsizio energetikoa egiteko beharra aldarrikatu du mugimendu ekologistak.

Gasteizen gasa erauzteko baimena eman du Espainiako Gobernuak

2019-11-27

Espainiako Biodibertsitaterako eta Ingurumen Kalitaterako Zuzendaritza Nagusiak egindako ingurumen-inpaktuaren azterlana aldekoa izan da Armentia-2 putzuan gasa erauzteko, txostenaren arabera zundak ingurunean ez baitu ondorio kaltegarririk eragingo. Horrenbestez, Espainiako Barne Ministerioak argi berdea eman dio Gasteizko putzuetan gasa ateratzeari.

110 urteko espetxe eskaera AEBetan oliobide baten aurka sabotaiak aitortu zituzten bi ekintzaileentzat

2019-10-07

Dacota Access oliobideari sabotaiak egin izana aitortu zuten bi ekintzaileren aurka 110 urte arteko espetxea eta ehunka milaka dolarreko zigorra eskatu dute. Azken hamarkadetan ingurumenarekin loturiko ekintzaileei eskatu zaien zigorrik gogorrenak dira, The Intercept hedabideak jakinarazi duenez.

Frackingaren aurkako ekintzaileentzat, Ineos (Sky) txirrindulari taldearen jabea "deabrua" da

2019-04-26

Sky txirrindulari talde britainiarra INEOS konpainia petrokimikoak erosi duela-eta, haserrea agertu du hainbat talde ekologistak, frackingaren aurkako kolektiboek tartean. Yorkshireko Itzulian protestak egingo dituztela iragarri dute.

2017ko 'Pohang' lurrikara frackingak eragin zuela aitortu du Hego Koreako gobernuak

2019-03-25

2017ko azaroaren 13ean Koreako hainbat herri –tartean izena ematen diona– kaltetu zituen Pohang lurrikara bertan erregaiak fracking bidez erauzteko teknikak esperimentatzen dituen estazio geotermiko batek eragin zuela aitortu du herrialdeko gobernuak, gertakizuna ikertzeko izendatutako aditu taldea ondorio horretara iritsi denean.

Fracking eta petroleo zulaketak gelditu ditu epaile batek AEBetan, klima aldaketa aipatuz lehen aldiz

2019-03-22

AEBetako epaitegi federal batek behin-behinetan gelditu egin ditu gasa eta petroleoa produzitzeko zulaketak 121.000 hektareako eremuan, Wyoming estatuko lur federaletan. Epaiak lehen aldiz aipatzen du Barne Sailak lizitazioa onartu zuenean ez zuela kontutan hartu jarduera hauek klima aldaketan izango zuten eragina, Democracy Now hedabideak jaso duenez.

Langileek sortzen duten aberastasunaren ia %40 enpresarien poltsikora doa

2018-11-13

Orkestraren azken txostenak hainbat datu azpimarragarri dakartza enplegu munduari buruz; bestetik, Bizkaiko ekitaldi eta negozio erraldoi handiei lupa jarriko diegu, Pello Zubiria Argiako kazetariak frackingaren egoera EAEn aztertu du.

EAEn 'fracking'-a abiarazteko urrats berriak egin ditu Jaurlaritzak: zundaketak baimendu Bizkaia eta Gipuzkoan

2018-10-17

Eusko Jaurlaritzak baimena eman du Bizkaia eta Gipuzkoako 1.300 kilometro koadrotan zehar lurpean egon daitezkeen erregaien bilaketan ikerlan eta zundaketak egiteko. Zundaketa lanetan "fracking" teknika erabiliko ez dela aipatu den arren, zundaketa berriok dira urrats garrantzitsu bat Ibarretxeren garaietatik teknika horrekin hidrokarburoak ustiatzeko Jaurlaritzak egindako apustua aurrera eramateko.

Lau ekintzaile espetxeratu dituzte Ingalaterran, frackingaren makinaria zeramaten kamioietara igo zirelako

2018-09-28

Frackingaren aurkako lau ekintzaile espetxeratu dituzte irailaren 25ean, frackingerako lurra zulatzeko makinaria garraiatzen ari ziren kamioietara igo eta beren lana oztopatzeagatik, The Guardian egunkariak jaso duenez.

Armentia 2 putzuan Eusko Jaurlaritzak gasa ateratzeko asmoa duela eman du jakitera Berriztuk

2018-06-20

“Eusko Jaurlaritzak dituen asmoak argi geratu zaizkigu berriz ere: euskal lurraldea putzuz betetzea, gas ez-konbentzionala ateratzeko”, salatu du Berriztu Araba!-k. Datozen asteetarako hainbat ekimen antolatu dituzte.

Subilla Gasteizko zundaketek 163 egun iraungo dute

2018-06-19

Fracking-aren bitartez gasa ustiatzeko egitasmoaren aurkako alegazioen berri emango du bihar Berriztu Araba taldeak.

Pauso bat gehiago frackingaren alde

2018-02-22

Espainiako Konstituzio Auzitegiak Euskal Herriko frackingaren aurkako legea baliogabetu zuen urtarrilean, eta asteazkenean gas perforazioaren Armentia 2 proiektua berrartu duela jakinarazi du Energiaren Euskal Erakundeko zuzendari Iñigo Ansolak, Eusko Legebiltzarreko batzordean.

Frackingarekin aurrera jarraituko duen edo ez argitzeko eskatu diote Jaurlaritzari

2018-02-08

Konstituzionalak frackinga mugatzen zuen EAEko legea aldarazi ondoren, Fracking Ez eta Berriztu taldeek Eusko Jaurlaritzari eskatu diote argitzeko "lurraldea zulatzeko asmoa duen edo ez".

Frackingaren aurkako EAEko legearen zati bat baliogabetu du Espainiako Auzitegi Konstituzionalak

2018-01-31

Espainiako Auzitegi Konstituzionalak baliogabe utzi ditu EAEko frackingaren aurkak legearen artikulu batzuk. Espainiako Gobernuaren helegitearen ondorioa da erabakia.

Errekaleor, frackinga eta energia berriztagarriak

2017-07-07

Fracking hitza lehenengo aldiz entzun genuenean, ezer gutxi genekien gaur egungo krisi energetikoaren inguruan astakeri hori gelditzeko geroago borrokan parte hartu genuenok. Gasa, ikatza, unanio eta petroleoaren gailurra izen arrotzak ziren guretzako, askoz jota belarria jotzen ziguten, baina ez genekien zehatz mehatz zeintzuk izango ziren frackingaren ondorioak.

Armentia-2 putzua ustiatzeko lehiaketa bertan behera utzi dute

2017-06-14

"Interes orokorreko" arrazoiak aipatu dituzte agirian.

Frackinga albo batera utzita ere, gasa jomugan du Jaurlaritzak

2017-03-28

Iazko urrian jakin zen Eusko Jaurlaritza, SHESA sozietatearen bitartez, baimena tramitatzen ari dela gas putzu bat irekitzeko Subilla Gasteizen, hainbat urtez fracking bidez zulaketa egin nahi izan zen lekuan bertan. Haustura hidraulikoa legeak baztertu duen honetan, eztabaida beste esparru batzuetara lerratu da dagoeneko. Batez ere galdera honetara: onargarria da gasa bilatzeko diru publikoa inbertitzea?

Leherketa izan da AEBetako gas hodi batean, 2.200 fracking putzu dauden Louisianako estatuan

2017-02-13

AEBetako Louisiana estatuan leherketa izan da gas hodi batean, New Orleans kanpoaldean. Josh Helms izeneko langilea hil eta beste bat larri zaurituta dago instalazioen jabe den Phillips 66 multinazionalak aitortu duenez. Inguruko 60 etxe hustu eta ondotik igarotzen den autobidea moztu du poliziak, New Orleans Advocate hedabideak jaso duenez.

Dakotako oliobidearen eraikitzea gelditu dute, protestei esker

2016-12-05

Ipar Dakotako Standing Rock siuxen erreserban hilabeteak daramatzate protestan, AEBetako estatu horretatik Illinoiseraino eraikitzen ari diren Dakota Access petrolio-hodiaren kontra. Protesten eraginez, proiektua bukatzeko baimena ukatu dute igandean ingeniariek, The Guardian-en irakur daitekeenez.

Ur garbia, frackinga eta aborigenen duintasuna jokoan Standing Rocken

2016-12-01

Siux jendeak Ipar Dakotako Standing Rocken daukan lurralde ustez autonomoan ari da jokatzen AEBetako gudu sozial handienetakoa, bere baitan biltzen dituena petrolioa ustiatzearen, klima aldaketaren eta ura eskuratzeko eskubidearen inguruko gatazkak. Baina jatorrizko herritar amerindiarrek, bizirauteko dauzkaten ezintasunak ere azaldu dira argitara. AEBetako establishmentaren agintekeria bezala.

"Eredu energetikoaren inguruko hausnarketa bultzatu nahi dugu, bide okerretik goazela ohartarazteko"

2016-11-29

Araban, Subillako putzuan hasiriko proiektuari aurre egiteko Berriztu! taldea sortu da. Ingurumenean eta gizartean gasa ateratzeko zulaketek izan ditzaketen ondorioak ezagutaraztea eta proiektu horiek geldiarazteko presio egitea dituzte helburu.

Standing Rocken ez dute etsi, 'Dakota Access' oliobidea kasik bukatu dieten arren

2016-11-08

AEB osotik bildu dira hilabeteotan aktibistak Ipar Dakotako Standing Rockera, indioen erreserba zeharkatzen duen petrolio-hodiaren lanak gelditu nahian, Jatorrizko Amerikarren 300 tribuk sustatuta. 400 ekintzailez goiti atxilotu ditu poliziak udaz geroztik, horietatik 142 urriaren 27an, polizia federalaren eraso bortitz eta guzti. Barack Obamak berak esku hartu behar izan du negoziaketarako hilabeteko geldialdia eskatzeko, hauteskunde kanpaina zela-eta seguruenik. Hona gatazkaren zenbait gako.

"Ezin da onartu Eusko Jaurlaritzak frackingari diru publikoko milioika euro ematea"

2016-10-18

Fracking Ez plataformak kezka agertu du Euskadiko Hidrokarburoak (SHESA), Eusko Jaurlaritzaren menpeko sozietate publikoa, Armentia-2 izeneko gas putzu baterako baimena tramitatzen ari delako. Subilla Gasteizen dago putzu hori, azken urteetan SHESAk fracking teknika erabiltzeko asmoa izan duen leku berean.

Fracking Ez Araba plataformako Amagoia Murua eta Luis Casado kideekin egon da Hala Bideo eta gas putzu horren ustiapen berriarekiko susmoak azaldu dituzte. Azken urteotan... [+]

Frackingaren aurkako EAEko legearen behin-behineko debekua kendu dute

2016-10-11

EAEko legebiltzarrak 2015. urtean onartu zuen frackinga eragozten duen legea. Espainiako Gobernuak helegitea jarri zion joan den maiatzean, eta hori aintzat hartuta, Konstituzio Auzitegiak legea bertan behera utzi zuen behin-behinean.

Subilla Gasteizen ireki nahi duten gas putzua dela-eta kezka agertu du Fracking Ez plataformak

2016-10-05

"Argi dago gasak eragotzi egiten duela berriztagarrietan inbertitzea"

2016-07-28

Kataluniako Observatori del Deute en la Globalització zentroko ikertzaile-aktibista da Alfons Pérez ingeniari teknikoa. Energi Burujabetzaren aldeko Sarean ere badabil. 2015ean ezagutu genuen, Gasteizko Frackanpadan. Han, Pérezek azpimarratu zuen frackingaz hitz egitean betiere gogoan izan beharko liratekeela hainbesteko oihartzuna ez duten beste proiektu mota batzuk: gasa, lehorrez bezala itsasoz, garraiatzeko azpiegiturak. Gaiaz solas egin dugu, ia urtebete geroago.

Frackingaren alde jardutea leporatu dio EH Bilduk Jaurlaritzari, "kontrakoa esan arren"

2016-07-19

“Lakua gezurretan ari da hastura hidraulikoari uko egiten diola esaten duenean”, EH Bilduren ustez. Dani Maeztu koalizioko legebiltzarkideak prentsaurrekoan erakutsitako txosten batean ageri denez, hidrokarburoak ikertu eta ustiatzeko sozietate publikoak (SHESA) frackingaren segurtasuna eta beharra defendatzen ditu.

Frackaman vs Kañaeman

2016-06-07

Gasteiz, maiatzaren 13ko iluntzea. Ezkerrean, Frackaman, zulatzaileen ordezkaria, Espainiako Konstituzio Auzitegiak EAEn frackingari aukerak zeharo murrizten zizkion legea bertan behera utzi izanaz pozarren. Eskuinean, berriz, Kañaeman, beren sinaduraz lege hori bultzatu zuten 103.000 herritarren izenean. Fracking Ez plataformak “borrokaldi” umoretsu honen bidez salatu zuen Espainiako Gobernuak “herri burujabetzari egindako erasoa”.

Hidrokarburoak bilatzeko baimenari uko egin dio BNK enpresak Burgosen

2016-06-06

“Ziurgabetasun politiko eta legala” tarteko hartutako erabakia dela argudiatu du enpresak. Ekologistak Martxan taldearen iritziz, “herritarren aurkaritzak” geldiarazi du proiektua.

Frackingari ezetz esateko deialdi bikoitza asteburuan, Gasteizen eta Azpeitian

2016-05-12

Fracking Ez plataformak bi hitzordutarako deia egin du: bata Araban eta bestea Gipuzkoan, datorren astebururako. Bi kasuetan, EAEn haustura hidraulikoa arautzen duen legea behin-behinean bertan behera geratu izanak edukiko du protagonismoa.

Eusko Legebiltzarra, frackingaren aurka ia aho batez

2016-05-05

EAEn frackinga eragozten duen legea bertan behera geratu arren, Jaurlaritzak bere esku dauka teknika horren bidezko hidrokarburo esplorazioa eta ustiapena (egingo balitz) geldiaraztea neurri handi batean, helburu horrekin EAEn emanda duden baimen-eremu gehienetan –denetan, batean izan ezik– SHESA sozietate publikoa baita parte hartzen duten enpresetako bat. Bestela esanda, Jaurlaritza bera.

EAEko frackingaren legea baliogabetu du Espainiako Konstituzio Auzitegiak

2016-05-03

Konstituzio Auzitegiak aintzat hartu du Espainiako Gobernuak EAEko frackingaren legeari aurkeztutako helegitea, eta ondorioz behin-behinean bertan behera utzi ditu, erabaki irmoa hartu arte, lege horren 3. eta 5. artikuluak, hala nola 2. eta 6. artikuluen zati bana. Hala jakinarazi du Josu Erkorekak Eusko Jaurlaritzako bozeramaileak, Gobernu Kontseiluaren bileraren osteko prentsaurrekoan. Jaurlaritzak hamabost eguneko epea izango du erabakiaren aurkako alegazioak aurkezteko. Erkorekak iragarri du duenez, legea ez baliogabetzea eskatuko dio Jaurlaritzak Konstituzio Auzitegiari.

Kataluniako fracking legea bertan behera; EAEkoa hurrena?

2016-04-26

Espainiako Gobernuak ipinitako helegitea aintzat hartuta, Konstituzio Auzitegiak bertan behera utzi du haustura hidraulikoari (fracking) buruzko Kataluniako legea. Beste autonomia erkidego batzuen kasuetan bezala, estatuari baizik ez dagozkion eskumenak bereganatu nahi izatea egotzi dio Auzitegiak legeari. EAEn frackinga oztopatzen duen legearen aurka helegitea jartzeko espainiar gobernuak erabilitako argudio bera da.

Ibaia sutan Australian frackingaren erruz

2016-04-26

Lurpeko gasa erauzteko fracking teknikaren arriskuez ohartarazteko, Australiako Alderdi Berdeko diputatu Jeremy Buckinghamek ibaiak su nola hartzen duen grabatu du.

Baimena eman diote Repsoli Kanadan frackinga erabiltzen jarraitzeko, urtarrilean lurrikara bat eragin eta gero

2016-04-22

Repsol konpainia espainiarraren adar kanadarrak agintarien baimena jaso du haustura hidraulikoa erabiltzeari berriz ekiteko, urtarrilaren 12an teknika horrek eragindako lurrikara bat izan eta gero Alberta estatuan.

Eusko Jaurlaritzari deia, frackingari ateak ez irekitzeko ekintza plan bat egin dezan

2016-04-13

Eusko Legebiltzarrak onartutako Fracking Ez legeari helegitea jarri dio Espainiako Gobernuak Auzitegi Konstituzionalean. Fracking ez plataformak horren arriskuez ohartarazi du.

EAEko frackingaren aurkako legeari helegitea jarriko dio Espainiako Gobernuak

2016-04-08

Espainiako Ministro Kontseiluak haustura hidraulikoa oztopatzen duen EAEko legeari helegitea aurkeztuko duela iragarri du. Gobernuaren esanetan, Gasteizko Legebiltzarrak 2015eko ekainean onartutako legea ez da Espainiako Konstituzioarekin bateragarria, “meatzaritzari eta energiari buruzko Estatuaren oinarrizko araudia urratzen baitu”.

Frackinga debekatzeko eskatuko dio Espainiako Kongresuak Gobernuari

2016-03-29

Espainiako Estatuan haustura hidraulikoa debeka dadin eskatzeko legez besteko proposamen bat onartu du Diputatuen Kongresuko Industria, Energia eta Turismo Batzordeak. ERCk aurkeztu du ekimena, eta haren alde egin dute PSOEk, Podemosek, EAJk, eta DiLek. PPk eta Foro Asturiasek aurka bozkatu dute, eta Ciudadanos abstenitu da.

Frackingarekin lotutako proiektuak EAEko aurrekontu proposamenetik kanpo

2015-11-27

Eusko Jaurlaritzak 2016rako aurrekontu proiektutik ezabatu du SHESA enpresa publikoak Burgos iparraldean, Angosto-1 izeneko baimen-eremuan, egin gura dituen hidrokarburo esplorazioaren aipamena. Hala, hidrokarburo ez-konbentzionalak aurkitzea espero den eremu guztietan datorren urtean lanik egingo ez dela aditzera eman du Lakuak, egun batzuk lehenago Enara Handia eremuari buruzko aipamena ere kendu eta gero –eremu horri dagozkio Subilla Gasteizen egitekoak ziren zundaketak– .

Benetan frackingari uko egin dio Eusko Jaurlaritzak?

2015-11-25

Enara Handia eremuan hidrokarburoak bilatzeko proiektua kendu du Eusko Jaurlaritzak 2016ko aurrekontu-proposamenetik. Baina... EAEn hidrokarburo ez-konbentzionalak esploratzeari uko egin diola esan nahi du horrek? Araba, Bizkaia eta Gipuzkoan frackinga erabiltzea eragozten duen legeak badu etorkizunik?

Jaurlaritzak Burgosen hidrokarburo prospekzioak egitearen kontra agertu dira Bilbon

2015-11-19

Burgos iparraldeko frackingaren aurkako taldeak deituta, elkarretaratzea egin dute azaroaren 21ean Bilbon, SHESA enpresa publikoaren egoitzaren aurrean. SHESAk, AEBetako Petrichor eta Cambriarekin batera, Angosto-1 izeneko eremuan hidrokarburoak bilatzeko baimena du. Mobilizazioaren deitzaileen esanetan, proiektua nahikoa aurreratuta dago, eta laster hasi behar omen dira zulatzen Loma de Montija herrian –Euskal Herritik 30en bat kilometrora–, Angosto-A izeneko zundaketa-gunean.

Frackinga eta energia

2015-11-19

EAEn frackingaren egoeraz eta orokorrean energiaren inguruko zalantzak argitzen saiatu dira Ertzak saioan. Aitor Urresti -Goiener- eta EHUko ikerlari Leire Urkidirekin izan dira.

Jaurlaritzak 161.000 euro bideratu ditu frackingaren aldeko txostenetara

2015-11-16

2013an Eusko Jaurlaritzaren menpeko den Energiaren Euskal Erakundeak (EEE) frackingak izan ditzakeen ondorioei buruzko informazioa eskatu zion Orkestra Lehiakortasunaren Euskal Institutuari. Orain arte Orkestra Institutuak eginiko txostenek (bata haustura hidrauliko teknikaz, bestea hura sustatzeko pizgarri ekonomikoez) 161.000 euroko kostua dute.

“EAJk behin eta berriro eskatu dio Madrili frackingaren legeari helegitea aurkezteko”

2015-10-30

Salaketa larria egin zion atzo Maria del Carmen Lopez de Ocariz PPko legebiltzarkideak EAJri, Gasteizko Parlamentuan. Lopez de Ocarizen esanetan, EAJk Madrilgo Gobernuari eskatu dio EAEko frackingaren aurkako legeari helegitea jartzeko, “legea onartu eta biharamunetik”.

Trantsizio energetikoari buruzko tailerra egingo dute Bilbon zapatuan

2015-09-24

Energi trantsizioa landuko dute larunbatean, irailak 26, Solokoetxeko eskoletan (Bilbon) egingo den jardunaldian. Hitz & Hitz, Parte Hartuz eta Ekologistak Martxan taldeek antolatu dute tailerra.

Azoka ekologikoa eta balorazioa, Frackanpadari amaiera emateko

2015-07-20

Amaitzear dago astebetez Subillako zelaiak aldarrikapenez, hitzaldiz eta eztabaidaz bete duen Frackanpada. Igande arratsaldean egingo den balorazio batzarraren zain, antolatzaileak pozik agertu dira lortutako emaitzarekin. 300 bat lagun inguru izan dira bertan kanpatuta, eta askoz gehiagok parte hartu dute eguneroko ekintzetan.

“Pungeștin naturari oso lotuta bizi dira; horrek indarra eman die frackingaren aurkako borrokan”

2015-07-20

Tokian tokiko trantsizio energetiko jasangarriaren aldeko taldea, horixe esan nahi dute TESLA siglek. Maria Olteanu, elkarteko presidentea, Bukarestetik iritsi da Frackanpadara, Errumaniako hiriburutik 100 kilometrora dagoen Pungești herriko borrokaren berri ematera. 2013an, Pungeștiko biztanleek errepresio latza jasan zuten, Chevron hidrokarburo konpainiak euren herrian fracking teknika erabiltzeko ziituen asmoen kontra protesta egin zutenean.

“Gas azpiegituren aldeko interesek nahi badute, frackingaren aurkako legediarenak egin dezake”

2015-07-17

Alfons Perez Lopez Kataluniako Observatori del Deute en la Globalització-ko (Globalizazioaren barruko Zorraren Behatokia) kideak hitzaldi interesgarria eskaini zuen Frackanpadaren asteazken arratsaldeko saioan. Gaia, munduko gas-azpiegituren garapena.

Gerorik ez da

2015-07-16

Mundu mailako energia krisiari arlo askotatik heltzen dion lana. Mundu mugatu batean mugarik gabeko hazkundea oinarri duen sistema politiko eta ekonomikoaren ezinak azaltzen ditu.

Euskarazko bertsioaren lehen emanaldi publikoa 2015eko Frackanpadan egin genuen.

"Frackingaren aurkariok irrazionalak garela dioen propaganda ia inork ez du sinesten”

2015-07-16

Rachel Thompson Manchester inguruan bizi da (Ingalaterra), frackingak mehatxatutako eremu batean. Astelehenean, Frackanpadaren hasiera ekitaldian, ekimenaren aurkezle lanak egin zituen Thompsonek. “Jakin badakigu borrokaren hurrengo zikloa aurrekoak baino zailagoa izango dela, baina batera lan eginda mugimendu sendoa ehuntzeko gauza izango gara”, adierazi du. Harekin mintzatu gara Frackanpadak erdi lanak betetzear dituenean.

“Gasa orain atera ez arren behin eta berriz etorriko da frackingaren tentazioa”

2015-07-15

Frackanpadako hirugarren egunean hitz egin dugu Fracking Ez plataformako bozeramale Mikel Oterorekin. Tantaka-tantaka, jendea Subilla Gasteiz ondoko zelaietara hurbilduz joan da; hau idazteko unean 300 lagun inguru dabil haustura hidraulikoaren aurkako nazioarteko mobilizazioan, eta kopuruak gora egingo duela aurreikusten da. “Frackanpadaren bezperan zalantza sortu zitzaigun, ea gehiegizko muntaia egin ote genuen”, aitortu du Oterok, “orain berriz, etorritako guztiei behar bezalako arreta eman beharrak ematen digu beldur”.

"Alderdiok Jaurlaritzari esan dioguna argia da: gelditu frackinga"

2015-07-15

EAEn haustura hidraulikoa eragozten duen legea onartu zuen Eusko Legebiltzarrak ekainaren 30ean. Parlamentuko alderdiak iazko irailean Fracking Ez plataformak 103.000 sinaduraren babesarekin aurkeztutako Herri Ekimen Legegiletik abiatu dira legea ontzeko, baina jatorrizko debeku esplizitua ez da ageri onartutako testuan, bai ordea frackingari traba asko jartzen dion neurri sorta. Javi Carro legebiltzarkide arabarra izan da EAJren ordezkaria legea landu duen ponentzian. Jeltzaleak abstenitu egin ziren bozketan.

Subilla Gasteizeko herritarrei protagonismoa emanez hasi da Frackanpada

2015-07-13

Ekitaldi xume batez abiatu da uztailaren 19ra arte Subillako zelaietan egingo den frackingaren aurkako kanpaldia. Hain zuzen ere, bertako herritarrek mobilizazioa antolatzeko eman dituzten erraztasunak eskertu ditu Fracking Ez plataformako bozeramale Mikel Oterok.

"Hidrokarburo konpainia handiak frackingean egindako inbertsioez libratzen ari dira"

2015-06-24

Espainiako Leónen jaioa, fisikaria, Bartzelonako Itsaso Zientzien Institutua du ohiko lantokia. Eguneroko ikerketa esparrua ozeanografia fisikoa badu ere, petrolioaren gailurraren ondorioez kezka du aspalditik, eta horrek bultzatu zuen The Oil Crash bloga sortzera, energia krisiaren gakoak ulertzeko erreferentziazko iturri bihurtu dena. Frackingaren aldeko apustuaz zalantzarik ez du Antonio Turielek: “Iruzurra da”.

Burbuila husten hasita dago

2015-06-24

Haustura hidraulikoa edo frackinga erabiliz gas ez konbentzionala ustiatzeko egitasmoek erantzun sozial bizia piztu dute Euskal Herrian, eta bereziki Araban. Horren froga, uztailaren 13tik 19ra Subillan (Gasteiz) egingo den Frackanpada. Hainbeste zeresan eragin duen teknikak ingurumenari egindako kalteez jardungo dira, zalantzarik gabe, Subillako topaketan. Non eta, ustez behintzat, Euskal Herriko lehen putzu biak zulatzekoak ziren lekuan. Haatik, akuiferoak kutsatzeko arriskua, lurrikarak eragitekoa, gehigarri kimiko kantzerigenoen mehatxua, lurraldearen okupazio neurrigabea... ez dira izango hizpide bakarrak. Ezinbestean, energiaz ere berba egin behar da frackingaz ari garenean. Larrun honen azken orrialdeetan elkarrizketatu dugun Antonio Turielen esanetan, haustura hidraulikoaren bidez ustiatzen diren baliabideen errendimendu energetikoa edota ekonomikoa aztertzean, sinestezina dirudi “frackingaren alde egiten ari den kanpainak”. Gero eta sinestezinago, gaineratu beharko. Frackinga burbuila besterik ez dela lehendik ere salatua zuten askok. Azken hilabeteetan agerian geratzen ari da arrazoi zutela batetik, eta burbuila husten hasita dagoela bestetik.

Frackingaren hondamena

2015-06-24

Ondoren datorren artikulua, neurri handi batean, Ekologistak Martxan elkarteak 2013an argitaratutako Haustura hidraulikoaren hondamena txostenean oinarrituta dago. Testuari beste iturri batzuetako pasarteak gehitu dizkiogu; besteak beste, The Oil Crash blogekoak eta David Hughes geologoaren Drill, baby, drill txostenekoak. Hondamena energiaren ikuspuntutik aztertzen da, baita ekonomiarenetik ere. Biak lotuta daude, bistan dena. Energiaz den bezainbatean, fracking bidez lortutako baliabideen itzulera tasa (EIT) baxua nabarmendu behar da: erauzketa lanetan erabiltzen den energia unitate bakoitzeko lortzen den ordaina txikiegia da, eta ez du egindako inbertsioa justifikatzen. Hala ere, ezin ukatu frackingaren bidean mozkinak lortzerik izan denik, burbuila lehertu bitartean behinik behin. Testuaren bigarren zatian azaltzen dira haustura hidraulikoaren inguruan egindako espekulazio operazioak.

Energia burujabetzaren alde

2015-02-09

Goiener kooperatibako kide Olatz Azurza, EHUko irakasle Gorka Bueno eta EHBilduko parlamentari Dani Maezturen hitzaldia, Markel Peñalbak gidatuta. Zumaiako EH Bilduk antolatu du.

Alderdiek dute orain hitza EAEn

2014-10-16

EAEn haustura hidraulikoa galaraztearen alde aurkeztutako 100.000 inguru sinadurek berriro ipini dute teknika horri buruzko eztabaida gaurkotasunaren erdigunean. Aurrekariek erakusten dute lege debekatzaile batek, onartzekotan ere, ibilbide laburra edukiko lukeela. Hor dugu Nafarroako adibidea: frackinga debekatzen duen bertako legea geldiarazi du Espainiako Konstituzio Auzitegiak, Madrilgo Gobernuaren helegitearen ondorioz. Dena den, ez dirudi Gasteizko Legebiltzarretik Iruñekotik bezain arau murriztailea aterako denik.

Eusko Jaurlaritzak atea ireki die zulatzaileei Gasteizko Mendietan

2014-06-25

Hautsak harrotu ditu Gasteizko Mendiak parke natural ez izendatzeko EAEko Ingurumen Sailak hartutako erabakiak. Horren ondorioz, Subillan haustura hidraulikoko lehen bi putzuak irekitzeko asmoak indarra har dezake berriz.

Gasaren lurraldea

2013-06-07

Dokumentalak AEBetan fracking teknikaren errealitate gordina erakusten du. fracking zer den, ingurumenean dituen ondorioak, enpresen interesak, administrazioaren jokabidea...

[2010 - 104 min]
Zuzendaria: Josh Fox.
Filmaren jatorrizko izena: Gasland

Euskaratzea: Lima - Azpitituluak.com

Momentu egokiaren zain?

2013-02-13

Frackinga egunerokotasunaren lehen lerrora itzuli da asteotan. Eusko Jaurlaritzak adierazi du, sailburu biren ahotik, momentuz baztertu egingo duela gas ez-konbentzionala ustiatzeko teknika hori. Bitartean, Gasteizko Legebiltzarrak ingurune babestuetan frackinga debekatzeko lege bat eztabaidatuko du, baina ez du onartu Fracking Ez Araba plataformak aurkeztutako herri ekimen legegilea, debekua EAEko lurralde osorako izateko helburua duena.

Gobernu berriari begira

2012-11-21