Ekonomia

Turismoaz beldurrik gabe hitz egitea proposatzen duen liburua aurkeztu du Asier Basurtok, ARGIAren eskutik

2026-04-17

"Arazo handi bat daukagu eta denon artean konpondu beharko dugu", baieztatu du Asier Basurto soziologoak ostegun honetan Donostian, Turismoa. Desazkundera bidaia (ARGIA, 2026) liburuaren aurkezpenean. Turismoaren kontrako "kexa-zerrenda" bat baino, haren inguruan hausnartu eta alternatibak bilatzea bultzatzeko lana da. ARGIAren Azokan eta liburu-dendetan salgai dago jadanik.

Arraun egin dezagun elkarrekin lehen sektorea babestuz, euskal gizartearen alde

2026-04-17

Lehen sektoreari buruz, beharbada, gero eta gutxiago hitz egiten da gaur egun. Sektorean inpaktu aktibo gutxiago dagoelako izango da arrazoietako bat, nire ustez. Gizartea gero eta kaletarragoa da edo nekazaritzarekiko gertutasuna galtzen doa behintzat. Indar gabezia handia daukagu gure barrenean sektore bezala, salbuespen bat edo beste kenduaz, agian.

Duela lau hamarkada, esango nuke, gure garai modernoko unerik ederrena geneukala sektore barrenean: Europako merkatuaren sorrera,... [+]

Etxegabetzeetan parte hartzeko presioak salatu dituzte Bilbon esku-hartze sozialeko 50 bat langilek

2026-04-17

Desalojoetan parte hartzeari uko egiten dioten langileak zigortzen ari dira; bi behargin kaleratu dituzte Zorrotzaurreko etxegabetze masiboan esku hartzeari ezetz esateagatik. Pobretzearen gorakadaz, baliabideen kolapsoaz eta esku-hartze sozialaren "norabide autoritarioaz" ere ohartarazi dute: "Ez dugu miseriaren erantzukizuna hura jasaten dutenen gain jarriko".

"Jabetza intelektualarekiko itxitasun bat dago maiz, Olatukoopen ezagutza hori irekian geratzea nahi dugu"

2026-04-16

Kooperatibismoaz eta Ekonomia Sozial Eraldatzaileaz jakintza jaso nahi duenak eskura du Olatukoop sareak online jarrita daukan Olatukoop Eskola. Urteetan Olatukoopen dabilen eta Ekintzakoop kooperatiba berriko kide den Leire Udaberekin hitz egin du ARGIAk formazio tresna horren nondik-norakoak hobeki ezagutzeko xedez.

Europak agerian utzi du Espainiako Gobernuak ez duela nahikoa egin behin-behineko langile publikoak babesteko

2026-04-16

Europak belarritik tira egin dio Espainiari, beste behin, langile publikoak behin-behinean masiboki kontratatzeagatik. Lehendik, Espainiak behin-behinean urte luzez aritu diren langile publikoak plazarik gabeko langile finko bilakatu zituen, Europak emandako lehen abisuaren erantzun gisa. Orain, baina, Europako Justizia Auzitegiak ebatzi du hori ez dela nahikoa, langileen egoerak “prekarioa” izaten jarraitzen delako.

Martxoa joan da ta...

2026-04-15

Zenbat gertakari esanguratsu sartzen dira hilabete batean? Gurutzatzen diren zenbat krisi ikusarazi ditu martxoak?

Petrolioaren prezioari buruzko titularrak. Beste gerra bat –orain Iranen–, eta eragin ditu petrolioaren hornidura globalaren etenaldia, prezioen igoera handiak eta inflazio energetikoa. Erakutsi digu, berriro ere, erregai fosilekiko daukagun egiturazko mendekotasuna. Baina ikusten ari garena ez da krisi energetikoa besterik gabe. Elkarrekin mantendu ezin diren bi... [+]

Hithium multinazionalaren bateriak: Txinan diseinatu, Nafarroan egin, eta Andeetan erauzi

2026-04-15

María Chivite Nafarroako Gobernuko lehendakariak akordioa sinatu du Hithium txinatar konpainia erraldoiarekin, Nafarroan berriztagarrientzako bateriak ekoizten hasteko 2027. urtean. 450 milioi euroko inbertsioa eta 700 lanpostu ekarriko ditu lurraldera, baina zer geratuko da bidean?

Buffeteko gogokoena, lasaitasuna

2026-04-15

Udaberriko oporretan harrapatu nau artikuluak. Ez artikuluen grebarik, ez oporrik. Libretarekin hondartzara, libretarekin bingora, libretarekin buffeta duen hoteleko jatetxera. Geurean, udaberriko oporrak gutxiago pentsatu, gutxiago lan egin eta hotel handi honetan ilara txikienak ze ordutan egongo diren ikertzera mugatzeko garaiak direlako. Bereziki turismo eredua hain bortitza bihurtu den honetan, langile klasearentzako eraikitako hotel handien xarma deskubritu dugu. Langile klasearentzat,... [+]

Eider Mendozak dio CAFek ez duela erantzukizunik Palestinaren kontrako genozidioan

2026-04-15

Gipuzkoako Diputatu Nagusia CAFen defentsan atera da, eta adierazi du palestinarren kontrako genozidioa ez dela “ez erakunde publikoen, ez enpresen, ezta unibertsitateen erantzukizuna” ere. “Erantzukizun bakarra Netanyahurena da”.

Gimnasioak: abdominalak indartzetik, komunitateak altxatzera

2026-04-15

Ez da soilik gurean gertatzen ari, ezta gutxiago ere. Luze-zabalean ari da hazi eta hazi gimnasio kopurua, “fit” aurre edo atzizkidun soinketa-modalitateek zein borroka-kirolek geroz eta jende gehiago erakarrita. Herri erdian batzuk, merkatal-gune handietan edota industrialdeetan besteak, hirietako paisaia aldatzen ari dira, bizi eta harreman modu –eta moda– berrien ikur bihurturik. “Komunitatea” eraikitzea dute helburu askok, norbanakoen gorputzak moldatzetik harago, sare kolektiboak sendotzea.

Tubos Reunidosek 118 milioi euroko galerak izan dituela berretsi dute bere kontu ikuskatuek, eta auditoreek "zalantza nabarmenak" plazaratu dituzte enpresaren jarraikortasunari dagokionez

2026-04-15

155,1 milioi euroko kontabilitate-doikuntza egin du konpainiako sozietate nagusiak, taldeko enpresetan dituen partaidetzetatik eta taldeari emandako maileguetatik berreskuratu ahalko duen dirua berkalkulatuta.

ELAk 'jo ta ke' jarraituko du LGS hemen erabaki arte

2026-04-14

Txingudiko uretan 100 greba egun eta negoziazio erritmo geldoa

2026-04-14

Lan hitzarmena negoziatzeko otsailaren 4an izandako aurreneko bileratik ez da aurrerapausorik eman ELA sindikatuaren arabera. Negoziazioak azkartzeko eskaera egin ondoren, «inposatutako bilera egutegia edukirik gabe» luzatzea, eta «saiatzen ari dela adierazteko postureo hutsa» leporatu diote grebalariek Leire Zubitur Txinzerreko kudeatzaileari. Hiru hilabeteko greba eta gero, uraren zikloan matxurak eta arazoak iragarri dituzte grebalariek «gaur langileei ordaintzen ez zaiena, herritar guztiok garesti ordainduko dugu gero», salatzen dute.

CAF salatu du Espainiako Fiskaltzaren aurrean gizarte eragileen koalizio batek

2026-04-13

Israelen “apartheid agenda” bultzatzen duela argudiatuta, CAFeko zuzendaritzaren “balizko erantzukizun penala” ikertzeko eta Auzitegi Nazionalera eramateko eskatu diote Fiskaltzari. Gogorarazi dute nazioarteko legediak eta Espainiako Estatukoak berak ere estatuak derrigortzen dituztela neurriak hartzera.

Seme-alabak soldadutzara, gurasoak arma lantegira

2026-04-13

“Jakinarazi al diozu jada soldadutza egin beharko duela?”, esan dit liburu-dendako langileak, 4 urteko semeari begira. Ez da txantxa egin didaten lehen aldia. Bada azkenaldian errepikatzen den beste solasgai bat ere: gerra (bat behintzat) gure larruazalean bizitzea tokatuko zaigu. Eta tarteka zalantza pizten da: guk biziko dugu, ala gure seme-alabei gordeko diegu oparia?

1990eko eta 2000ko hamarkadetan soldadutza desagerrarazi zuten Europako herrialde ez denek baina baina bai... [+]

Ostegunean aurkeztuko du ARGIAk 'Turismoa. Desazkundera bidaia' liburua, Donostian

2026-04-13

19:00etan izango da aurkezpena, San Jeronimo kaleko Kripta aretoan, Donostiako alde zaharrean. Solasaldia egingo da Asier Basurto Arruti egilearekin, ARGIAk eta Bizilagunekin plataformak elkarrekin antolatuta. Apirilaren 15ean amaituko da ARGIAk ipini duen eskaintza berezia: epe hori baino lehen ARGIAkoa eginez gero, liburua opari.

HITZAURREA: Desazkunde baikorraren alde

2026-04-13

[Turismoa. Desazkundera bidaia liburuko hitzaurrea da ondorengo hau. Eskaintza berezia apirilaren 15era arte: ARGIAkoa eginez gero, jaso liburua opari. Apirilaren 16an aurkeztuko dugu liburua Donostian.]

Metanizatzaile baten proiektuak polemika sortu du Itsasun

2026-04-10

Itsasuko Agerrea etxaldean, laborari batek metanizatzaile bat handitu nahi du, baina proiektu horren kontra mobilizatzen hasiak dira herritar batzuk. Petizio bat abiatu dute.

UGTk Euskotreneko hizkuntza eskakizunen kontra jarritako helegitea atzera bota du Espainiako Auzitegi gorenak

2026-04-09

Lehenago EAEko Auzitegi Nagusiak ebatzi zuen UGTren salaketaren kontra. Horri helegitea jarri zion sindikatuak, eta orain, erabakia berretsi du Espainiako Auzitegi Gorenak. Hala ere, LAB sindikatuak ohartarazi du “tentuz” aztertu behar dela epailearen erabakia, ez delako sartzen “hizkuntza eskakizunen muinean”.

Olaberrian eraiki daiteke estatuko biometanizazio-planta handiena

2026-04-09

Oraindik ez da proiektu zehatza publiko egin, baina ezaguna da CAFek eta Olaberriko (Gipuzkoa) ArcelorMittalek biometazazio-planta bat eraikitzeko proiektua aurkeztu diotela Olaberriko Udalari. Delfos enpresarekin ari dira lantzen proiektua. Dauden datuak ikusita, Espainiako Estatuko handienetakoa izan daiteke.

Glavista eta Guardianen azpiegiturei "irtenbidea eta etorkizuna" emateko akordio bat laster lortu ahal izatea espero du Jaurlaritzak

2026-04-07

Hala adierazi du Mikel Jauregi Industria Sailburuak Vocento taldeari eskainitako elkarrizketa batean.

Sex on the beach

2026-04-07

Irla iparraldeko aireportuan utzi gaitu hegazkinak, eta hegoaldera eraman autobusak, edo guaguak, bertakoei ikasi diegun moduan. Ez dira Aste Santuko oporrak, ez eta udakoak ere, unibertsitateko klaseek bere horretan jarraitzen dute gu hemen egon arren. Behe-denboraldi deritzon horretan etorri garela hona, alegia. Ohikoa den moduan, hegaldi merkeenaren legeak iradoki digu lau eguneko ihesaldi honen jomuga: Los Cristianos, Tenerife.

Egoki edo dezente bezala deskriba daitekeen apartamentuan... [+]

Errusiak 730.000 petrolio kupel eraman ditu Kubara krisi energetikoari aurre egiteko

2026-04-01

Donald Trumpek urtarrilean jarritako energia blokeoari aurre eginda, Errusiak 730.000 petrolio kupel eraman ditu Kubara. Azken hamarkadetako krisi energetiko handienetan murgilduta daude Kuban: itzalaldiak eta janari eta medikamendu eskasia.

"Gatazka ez da turisten eta bizilagunen artekoa"

2026-04-01

Turismoa ez da gaur goizeko kontua, baina mugak begien bistan ipini dira bereziki azken urteotan. Gaia aztertzeko eta gogoeta bultzatzeko liburua argitaratu berri du ARGIAk: Turismoa. Desazkundera bidaia. Donostiako Bizilagunekin plataformako kide da Asier Basurto. Euskal Herriko markoan kokatu du liburua. Ez da irakurgai akademiko bat, ezta datuen azterketa bat ere; oinarrizko azalpen bat da gaira sartu nahi duen ororentzat.

6850

2026-04-01

Duela 20 urte hasi ziren gurean ezagutu den makro-eraikuntzarik handiena eta garestienaren obrak, proiektua hamarkada batzuk lehenago eztabaidagai bazegoen ere. Urteak pasa dira, diru publikoaren xahutzea handitzearekin batera, eta obra faraoniko horren kontrakotasuna ez da apaldu azken aste honetan Sakanatik erakutsi digutenez. AHT Iruñea–Altsasu kolektiboak 6.850 alegazio aurkeztu ditu Espainiako Garraio Ministerioan. Irurtzun, Arakil, Irañeta, Uharte Arakil, Arruazu,... [+]

Ramon Zallo, ikertzaile eta militante nekaezinaren profila

2026-03-31

Ramon Zallo (Gernika-Lumo, Bizkaia, 1948-2026) EHUko katedradun, ikerlari eta ekintzailea zendu da 77 urterekin. Komunikazioaren ikuspegitik ekarpen akademiko oparoa egiteaz gain, hamaika borroka eta ekimenetan engaiaturik ibili izan zen bere bizitzan, politika, kultura eta ekologismoari lotuta. “Eskerrik asko, Ramon, erakutsi diguzun guztiagatik eta borrokan bidelagun izateagatik”, halaxe eman du bere heriotzaren berri Guggenheim Urdaibai Stop plataformak. Astearte honetan agurtuko dute herriko Uribe beilatokian.

CAF-ek 300 milioi eurotik gorako akordioa egin du Serbiako tren konpainiarekin

2026-03-30

CAF enpresak 300 milioi eurotik gorako kontratua itxi du Serbian. NBEko txostenetan Gazako genozidioa finantzatzen ari den enpresetako bat dela ikusi bada ere, %10 igo zen bere jarduera 2025ean.

Nora zoaz oporretan?

2026-03-30

Kezka sumatu dut Bilboko aireportuan astelehenetik aurrera abian diren greba deialdien inguruan. Ulergarriki, jakina. Greba horrek kolpatuko baninduke, eta opor sasoia (batik bat opor plangintza, eta bereziki poltsikoa) moldaraziko balidake, ni ere urduri nengoke. Gauza bertsua sumatu nuen duela hilabete, Ekialde Hurbila misil-truke handi batean murgildu zenean. Hegaldi asko bertan behera geratu ziren orduan ere; Irandik gertu samar zebiltzanak benetan larritu ziren, zenbait estatu artifizial... [+]

Gipuzkoako odol bankuko langileak greban daude, lan-hitzarmen berria eta garapen profesionala eskatzeko

2026-03-30

Martxoaren 30etik apirilaren 2ra greba egingo dute Gipuzkoako Transfusio eta Giza Ehunen Euskal Zentroko langileek, lan-hitzarmen berria adostu eta langileen garapen profesionala bermatu dadila eskatzeko.

Esaera zaharren haria

2026-03-30

Aurreko hilabeteetan erleei entzuteaz eta begiratzen ikasteaz idatzi dut. Erlauntzaren aurrean geldituta, presarik gabe, naturak zer esaten duen ulertzen saiatzeaz. Baina azkenaldian beste gauza batean ere pentsatzen ari naiz: gure herriak zer esaten zuen erleei buruz. Izan ere, erleak ez dira soilik erlezainen kontua izan; hizkuntzan bertan ere bizi izan dira.

Euspelek nabarmen egin du gora eta Ernek behera Ertzaintzaren hauteskunde sindikaletan

2026-03-27

Hamar ordezkari lortu zituen 2022ko hauteskundeetan Euspelek eta orain hogei lortu ditu. Kaltetu handiena Erne sindikatua izanda, azken hogei urteetan nagusi izan dena, 22 ordezkari zituen eta 15ean gelditu da.

AHTaren obrak beste urtebete atzeratu daitezke egin beharreko azterketa geoteknikoarengatik

2026-03-26

Nafarroako AHTaren Aldeko plataformaren urteurrenean adierazi dute azpiegituraren obrak urtebete atzeratu daitezkeela. Ikerketa geotekniko bat egin behar dela jakinarazi dute, “28 hilabeteko iraupena” izan dezakeena.

Tubos Reunidosek kaleratu nahi dituen 42 langileren behin-behineko kontratua ez da legezkoa, eta behargin finko bilakatu beharko ditu

2026-03-26

Enpresak bazekien hori, baina ez du aipatu enplegua erregulatzeko espedientearen dokumentazioan. Hala azaldu dute sindikatuek Lan Ikuskaritzarekin izandako bileraren ostean. Sindikatuek, euren aldetik, iragarri dute helegitea jarriko diotela espedienteari.

Euskal kapitalaren hamarkada

2026-03-25

Urtero, Espainiako Observatorio de Márgenes Empresariales erakundeak enpresa-marjinen datuak argitaratzen ditu. 2022tik 2024ra bizi izan dugun inflazio-garai gogorrean, datu horiek bereziki deigarriak izan dira: enpresen marjinak nabarmen igo dira, langile klasearen egoerarekin kontraste zuzenean.

Baina zer gertatzen da Hego Euskal Herrian? Hemen, oso ohikoa da entzutea lehiakortasunaren diskurtsoa, punta-puntako enpresen garrantzia eta kapital pribatuaren funtzio sozial ezinbestekoa... [+]

"Matticken testuok gaur egun ere kapitalismoaren muinari heltzen diote"

2026-03-25

Garazi Goldarazenak (Berriozar, Nafarroa, 2002) bere lehen liburua itzuli du Katakrakekin: Paul Matticken Marx eta Keynes ekonomia mistoaren krisia. Iruñeko Baratxurien plazan elkartu gara berarekin, eta luze jardun dugu liburuaren muinaz. Hain zuzen ere, itzulpen prozesuaz baino gehiago, mamiaz hitz egin nahi zuen Goldarazenak, Matticek krisiaz eta sistema kapitalistaz dioenak gaur egungo errealitatea azaltzeko balio digulako.

Petrolioa, izua eta gerra

2026-03-25

Beldurra, ikara, laztura, lotsa ere erabiltzen dute Iparraldean. Horixe da Petronor enpresak (Muskiz, 1968-) Enkarterrietako biztanleriarengan sortzen duen sentimendua.

Azken 58 urteetan petrolioaren birfindegi horren inpaktu toxikoak jasan dituzten herritarrak gogora ekarri nahi ditugu. Pairamen horiek ederto islatzen dira Hil ala bizi meatzaldean? Tximinien azpian Meatzaldea Bizirik talde ekologistak 2007an sortutako liburua.

Hiru ataletan herriak izandako borrokako momentu ezberdinak... [+]

Langile bat hil da Goiaingo industrialdean

2026-03-25

Astearte iluntzean gertatu da lan istripua, egurra lantzen duen enpresa batean. Larrialdi zerbitzuak bertaratu dira, baina ezin izan dute ezer egin langilea bizirik mantentzeko. 2026an Araban lan egiten hil den bigarren pertsona da.

Patronalak laugarrenez entzugor egin dio gutxieneko soldata negoziatzeko sindikatuen eskaerari

2026-03-24

ELAk eta LABek Lan Harremanen Kontseiluan deituriko bilerara ez da azaldu Confebask enpresarien elkartea. Sindikatuek "probokaziotzat" jo dute greba orokorra egin berritan patronalak hartu duen jarrera eta mobilizazio gehiago iragarri dituzte, "interlokuzio fasea" akordiorik gabe amaituz gero: "Gutxieneko soldataren aldarria geratzeko etorri da".

Tubos Reunidosek 285 langilerentzako espedientea aurkeztu du azkenean

2026-03-24

Iragarritakoa baino kaleratze gutxiago izango diren arren, 285 langile utziko ditu kalean Tubos Reunidoseko zuzendaritzak azkenean, horietatik 205 "borondatezkoak" eta 80 behin-behineko langileak; azken horiek hilaren 31n kaleratuko dituzte. Sindikatuek salatu dute "presio, xantaia eta mezu alarmisten" ondorio direla zifra horiek. Asteazken honetan agerraldia eta manifestazioa antolatu dituzte Gasteizen.

"Gure Moneta proiektuarekin, helburua da epe luzera zazpi lurraldeetan tokiko moneta bat eskaintzea"

2026-03-24

Euskoaren esperientzian oinarrituta, tokiko moneta osagarri bat sortzeko urratsak egiten ari dira Hego Euskal Herrian. “Gure Moneta” izeneko proiektua Oarsoaldean eta Baztanen jarriko dute martxan lehenik, esperimentazio fase gisa, eta 2026ko azken hiruhilekoan erabiltzen hasteko aurreikusten dute.

130 greba egun egin eta gero, patronalek negoziatzera deitu dituzte langileak

2026-03-23

Hamalau hilabetez patronalek proposamenik ez dietela helarazi jakinarazi du ELA sindikatuak. Negoziazio mahaia geldirik, Gipuzkoako zaharren egoitzetako langileak greban eta mobilizazioetan aritu dira 2025eko maiatzetik. Lanaldiak egun osokoak izatea eta langile publikoekiko soldata arrakala murriztea eskatzen dute.

Ertzaintza Tubos Reunidoseko langileen kontra oldartu zen ostiralean BBVAren akziodunen batzarraren aurrean

2026-03-23

Tubos Reunidoseko langileak BBVAren akziodunen batzarraren aurrean elkartu ziren, prentsaurrekoa egin baino lehen. Polizia euren aurka oldartu zen eta behargin bat lurrera bota, identifikatu eta desobedientzia leporatu zioten. Prentsa agerraldian hori eta enpresan gertatzen ari denaren manipulazioa salatu zuten.

Sabin Zubiri: “Prebarikazio instituzional egiturazkoa eta orokortua dago hizkuntza eskakizunen aferan”

2026-03-19

Bizkaiko Batzar Nagusietan antolatutako asanblada irekian, lau LEPen helegitetan lagundu duela berretsi du Zubirik, baina gehiagotan parte hartu izana ukatu du. Agerkari honek egindako ikerketa "pelikula" gisa azaldu du, eta horren ondorengo "egurtzea" salatu du.

CCOOk onetsi du helegiteak jartzea “beldurra duen langileak eskatuko balu”

2026-03-18

ARGIAk hizkuntza eskakizunen inguruan egindako ikerketari erantzunez, CCOO sindikatuak prentsaurrekoan salatu du seinalatze kanpaina bat abian dela hainbat elkarteren eta sindikaturen eskutik. Onartu du “beldurra daukan” langile batek sindikatura joz gero, helegitea jartzeko “norbait bilatuko” luketela. Hizkuntza eskakizunen dekretua “sistematikoki” urratzen dela esan du eta euskara eskakizunak errealitate soziolinguistikoaren arabera ezarri behar direla.

"Gaur atzo baino indartsuago gaude, eta ez gara geratuko gutxieneko soldata propioa lortu arte"

2026-03-18

Sindikatuek balorazio oso baikorra egin dute martxoaren 17ko greba orokorrak izandako jarraipena eta utzitako ondorioen inguruan: "Grebaren arrakastak eta mobilizazio masiboek erakusten dute euskal gizarteak ez duela amore emango 1.500 euroren aldarrikapenean", esan dute biharamuneko prentsaurrekoan. Espainiako Kongresuan, hainbat alderdiren babesarekin lege-proposamen bat aurkeztea aurreikusten dute.

ELAren adierazpenak CCOO Korrikatik kanpo geratu ostean: "AEKk erabat koherentea den erabakia hartu du"

2026-03-18

24. korrika hasi bezperan jakinarazi du AEKk CCOO sindikatuak ez duela kilometrorik izango euskararen aldeko ekimen erraldoian; PSE-EEk sindikatuari babesa adierazi eta uko egin dio Korrikako bere parte hartzeari. ELAk AEK babestu du.

CCOOk eta PSE-EEk ez dute Korrikako lekukorik hartuko

2026-03-18

Ane Elordi Korrikako arduradunak asteazken goiz honetan Euskadi Irratian jakinarazi duenez, CCOO sindikatuak ez du egingo aldez aurretik aurreikusita zuten kilometroa. AEKk dio ez dela bateragarria euren jardunbidea eta Korrikaren mezua. PSE-EEk jakinarazi du "CCOOri jarri zaion betoagatik" ez duela parte hartuko.

Tasa turistikoa ezarriko da EAEn 2027ko urtarrilaren 1etik aurrera

2026-03-18

2027ko urtarrilaren 1ean ezarriko da tasa turistikoa Araba, Bizkaia eta Gipuzkoan. Gau bakoitzeko 0,5 eta 7,5 euro artean ordainduko du bezero bakoitzak ostatu motaren arabera, eta dirua zerbitzu publikoetara bideratuko da.

Taberna bat ixten denean, ateak irekitzen zaizkio eskuin muturrari

2026-03-18

Hogei urtean zientoka taberna (bar-tabac) itxi dituzte Frantziako estatuan. Ostatuok desagertzen direnean zartatzen da gizarte-ehundura, landa-guneetako herri txikietan eta hiri handietako auzune batzuetan ageriago geratu da hori. herritarrek sentitzen dute politikariek abandonatu egin dituztela, ahaztu dituela Parisek, zer esanik ez zerbitzu publikoak ere murriztu bazaizkie. tabernak desagertzen direnean herritarrak are gehiago bakartu eta gotortzen dira, eta polarizazioa handitzen da, diskurtso sinplistak ugaritu. Testuinguru horretan, Batasun Nazionalaren (RN) mezu gordinak erakargarriagoak zaizkie boto-emaileei, ikerketa batek erakutsi duenez. Aldiz, Frantziako Tourrak zeharkatzen dituen herrietan, eskuin muturrak boto gutxiago jasotzen du.

Betikoak

2026-03-18

Nerabe nintzela, ikasteaz gain euskaraz bizitzea erabaki nuenetik –erabakia izan badelako, eta politikoa–, bizitzaren esparru guztietan pairatu ditut hautu horrek dakarren zailtasun eta mespretxu saldoa. Oztopo horiek izen eta abizen berak izan dituzte atzean: Espainiako estamentu politiko eta juridiko guztiak, eta haien tokiko defendatzaileak. Nire herrian, Barakaldon, azken hamarkadetan bi gailendu dira nabarmen: PSOE eta CCOO. Oso ondo antolatuta, Espainiako Justizia ustela... [+]

Fortuna handiei zerga ezartzea diru horrekin hezkuntzako ratioak jaisteko, Danimarkako Gobernuaren asmoa

2026-03-18

Fortuna handiei zerga ezarri eta diru hori –803 milioi euro inguru– hezkuntzara bideratzea, zehazki eskola publikoetako ziklo jakinetan ratioak erdira jaistera. Danimarkako lehen ministroak agindutako neurriak zalaparta sortu du herrialdean.

Greba orokorra dela eta

2026-03-18

Gure baserrian bezala beste askotan, ez gara 1.221 euroko gutxieneko soldatara iristen. Inondik inora. Hori amestea ez da gutxi. 1.500 euro hilean kobratzea, utopia da, lurrarekin eta animaliekin lan eginda. Gutxieneko soldatara heltzen ez diren asko daude, baserrian zein kalean, inongo estatistiketan azaltzen ez direnak –batzuek ez dute tokirik ezta erroldetan ere: ez omen dute horretarako eskubiderik–.

Olatu urdina

2026-03-18

105.000 langile bat eginda, gutxieneko soldata propioaren alde

2026-03-17

Eguzkia lagun, eguerdian jende mordoa bildu da Iruñeko, Gasteizko, Bilboko eta Donostiako karriketan, gehiengo sindikalaren deiari erantzuteko gehiengoa, eta beste batzuk EHKSk eta beste sindikatu batzuk egindako mobilizazioei segika. Deitzaileek “arrakastatsutzat” jo dute greba deialdia, batik bat hezkuntzan, administrazioan eta enpresa handi askotan produkzioa “erabat” eten delako. Arratsaldean, tokian toki egin dituzte protestak. Sindikatuek aurreratu dute martxoaren amaieran helduko direla Madrilera atzoko aldarrikapenak.

Milaka herritar Nafarroako kale eta lantokietan, gutxieneko soldata aldarri eta txiroenen defentsan

2026-03-17

Iruñean ez da batere egun normala izan, hori da lehenik eta behin azpimarratu behar dena greba orokor egun honetatik. Greba orokorrik ez da izan Nafarroa osoan, baina sindikatu deitzaileek mobilizazio ahalmen handia erakutsi dute berriz ere. Oro har, eguna lasai joan da Iruñerrian.

JARRAIPENA | Oso jendetsuak izan dira eguerdiko manifestazio nagusiak

2026-03-17

Martxoaren 17an greba orokorra deitu dute ELA, LAB, Steilas, Hiru eta Etxalde sindikatuek, 1.500 euroko gutxieneko soldata duinaren alde Hego Euskal Herrian. Mobilizazioak egun osoan zehar daude antolatuta, herrietan dozenaka greba batzorde osatu dira eta lantokietan pikete informatiboak dabiltza. ARGIAko kazetariek greba aktiboa egingo dute eta jarraipen berezia egingo diote egunari, azken ordukoak, kronikak, bideoak eta informazio guztia eskainita.

“Determinazio ariketa erraldoia” Bilbon, gutxieneko soldata propioaren alde

2026-03-17

45.000 lagunek bat egin dute Bilbon Hego Euskal Herriko gehiengo sindikalak deitutako greba egunean. Gutxieneko soldata 1.500 eurotan ezartzeko aldarriak bat egin du gerraren aurkako eta mundu "justuago" baten aldeko aldarriekin.

Donostian piketeak lanean goizean goizetik eta jendetza bildu da manifestazioan

2026-03-17

Greba egun arrakastatsua izan da Gipuzkoako hiriburuan. Piketeak goizean goiz mugitu dira bateko eta besteko sarbideak blokeatzera, greba orokor eguna zela argi uztera; goizak aurrera egin ahala jendea biltzen joan da auzoetako pikete informatiboetan, eta eguerdian milaka pertsonak Boulevarda bete dute alderik alde. "Borroka hau irabaz dezakegu", adierazi dute amaieran hitzartzean. Egun beroa izan da, eguraldia lagun.

1.500 euroko gutxieneko soldata proposamen “justu eta egingarria” dela aldarrikatu dute milaka lagunek Gasteizen

2026-03-17

Sindikatuen ordezkariak pozik agertu dira M17ko greba orokorrak Gasteizen izan duen oihartzunarekin. Patronalak eta gobernuek itxitzat eman nahi duten 1.500 euroko gutxieneko soldataren aldarrikapena grebak berriz ere ireki duela nabarmendu dute, eta proposamen “justu eta egingarria” dela azpimarratu.

Lehen lerroan (1976)

2026-03-13

Goizeko hamarrak dira, eta errelebo txanda bakoitzean egin bezala, langileak asanbladan batzartu dira. Adi daude, lantegiaren nagusiek eta Martín Villa Harreman Sindikalen ministroak euren eskakizunen aurrean zer erantzun ote duten. Aurrerabiderik ez. Greban segi behar. Beste egun bat… eta horrela ehun arte.

Korapiloa

2026-03-11

Astero-astero zutabetxo hau idazteko bizipenak hartzen ditut gaitzat. Bizipen horiek leku oso anitzetatik datoz eta nolabait nire buruan zentzu bat haritzen joaten dira. Idaztera esertzen naizenean, idatzi beharrekoaren haria azalarazten doa. Aste honetan, hari hori ordea oso korapilatsua izan da nire buruan: nahiz eta hautematen nuen zenbait bizipen modu ikusezinean haritzen zituen gai bat bazegoela, ideiak pilatu egin zaizkit... kalera irten naizen arte. Gaur martxoak 8 da eta emakume gazte... [+]

"Duintasunaren aldeko borroka da"

2026-03-11

Protestez, aldarriz eta memoriaz betetzen ari dira Euskal Herriko kaleak azken egunotan: martxoaren 3an Gasteiz, martxoaren 8an mundua, eta martxoaren 17an badator greba orokorra Hego Euskal Herrian. Bertan, gutxieneko soldata propioa erabakitzeko aldarria kalera aterako da. Baina, zer da zehazki gutxieneko soldata bat? Zertarako balio du? Nori eragiten dio? Badu arriskurik? Eta nola lortzen da hori? Korapiloa askatu eta nondik eta nora goazen deszifratu nahian, ARGIAk sindikatu eta adituekin hitz egin du: Peio Igeregi (ELA), Oihana Lopetegi (LAB) eta Niko Cuenca ekonomialariarekin.

Kooperatibak greban (edo ez)

2026-03-11

Libreta eskutan, ea zertan nabilen galdetu dit semeak. Grebari buruz artikulua idazten, erantzun diot. “Aizu, ama, zuk noizbait egiten duzu artikuluen greba?”. Ba ez, seme, oraingoz ez. Baina... zer egingo dute ARGIAko errotatibek? Nola erantzungo dio mugimendu kooperatiboak greba orokorrari?

Olatukoopeko Batzar Nagusian, soldata duinen aldeko Greba Orokorra bultzatzeko erabakia hartu genuen. Interkooperazioa, elkartasuna eta eraldaketa soziala oinarri eta ipar izanda, gure... [+]

Makillajea

2026-03-11

Gizonezkoen 2026ko Munduko Futbol Txapelketaren egoitza diren hiru hirietako (Mexiko Hiria, Monterrey eta Guadalajara) aktibistek "garbiketa soziala" salatu dute. Txapelketa bultzada ekonomikoa izango dela eta herrialdea modernizatzen lagunduko duela dioen narratiba ofizialaren atzean –Mexikon ezkerrak agintzen du–, beste batzuek salatu dute "makillaje urbanoaren" estrategia hedatzen ari direla, etxerik gabeko pertsonak, sexu-langileak, kale saltzaileak eta... [+]

Herribakea (1988)

2026-03-04

Etxeko bonba

2026-03-04

Enpresa baten jardunak etxean konfinatzera behartzen zaituenean, botere politikoak "lasai egon" eta herritarrek "nahikoa da" diotenean, zerbait ez doa batere ondo. Areago, kontu berria ez bada. Meatzaldean hamarkadak daramatzate findegia etxeko atarian edukita; horregatik, egunotan gertatutakoak ez du inor harritu Petronorren ibilbideaz eta bost hamarkadatako istripuen historiaz jakitun direnen artean. Petronor da Euskal Herriko enpresarik kutsatzaileena, eta horrek zer esan... [+]

Ez atsedenik, ez soldata duinik

2026-03-04

Euskal Herriko Mugimendu Feministak urteak daramatza zaintza sistema publiko eta komunitarioa aldarrikatzen, baita enpresentzat zaintza negozio iturri bilakatu dela kritikatzen ere. Gaur arte, eta oraindik ere, emakumeen bizkar dago zaintza. Esparru horretan, prekarizatuen artean prekarizatuenak migratu duten emakumeak dira. Horri buruz zerbait badaki ELE Etxeko Langileen Bizkaiko Elkarteak: haien bulegoetan artatzen dituzten etxeko langileek agerian utzitako lan-baldintzen berri eman du, urtero bezala.

Dominazio sistemarik gabeko beste mundu bat

2026-03-04

Martxoak 8a borroka egun gisa erabili du Euskal Herriko Mugimendu Feministak orain arte, eta egun ere hala egiten jarraituko dutela ziurtatu diote ARGIAri Ekhi Petriati (Iruñea, 1997) eta Lide Arrieta (Iruñea, 2003) bertako militanteek. “Askotariko zapalkuntzak betikotzeko egiturak martxan” ditu sistema kolonial kapitalista zisheteropatriarkalak, eta horren aurkako borrokan dihardu EHMFk, beraz, Martxoak 8a baliatuko du “tentsio horietako batzuk mahai gainean jartzeko” eta “indar erakustaldi bat egiteko”, Beste mundu bat feminismotik: dominazio sistemen aurrean borroka eta antolakuntza lelopean mobilizatuta.

Etorkizuna

2026-02-25

Valvospain, Guardian, Talleres Abasolo, Glavista… Azken bost urteetan 500 lanpostu baino gehiago suntsitu dituzte Aiaraldean. Oraingoan Tubos Reunidos multinazionaleko zuzendaritzak jo du goia: kinka larrian jarri ditu 301 lanpostu. Eta Maderas de Llodion beste 39. Galdutakoa ez da handiagoa izan langile mugimenduaren erantzun bateratu eta indartsuari esker, 2021ean Tubacexeko lagunen greba gogoangarria kasu. 129 lagun kaleratu nahi zituzten, baina bertan behera geratu ziren 236 eguneko... [+]

Gasteiz, langileria eta emakumeak eraldatu zituen greba mugimendu asanblearioa

2026-02-25

1976ko martxoaren 3ko sarraskia Gasteizko memoria kolektiboan iltzatua dago, baina aurreko greba mugimenduaren oihartzuna askoz ezezagunagoa da. Bi hilabete eskasetan Gasteizko langile mugimenduak Sindikatu Bertikala arrakalatu eta Francoren osteko lehenengo gobernua kinka larrian jarri zuen.

M3ko sarraskia eliza barrutik

2026-02-25

1976ko martxoaren 3an, Espainiako Poliziak behin eta betiko sarraskitu nahi izan zuen langileen mugimendua. Arratsaldeko 17:00etan batzarra agindua zen Zaramagako San Frantzisko elizan, eta, garaiz joanda, haraxe egin zuten bost emakumeok. Tenplu barruan zeuden masakrea gertatu zen denboran eta, 50 urte igaroagatik ere, oroit dira, oroit direnez. Bost ahots dira, bat eginak.

Feli patrikan

2026-02-19

Aberastasunaren harrapaketa

2026-02-18

Urtero, Euskal Herriko ekonomiak milaka milioi euroko ondasun eta zerbitzuak ekoizten ditu, barne produktu gordinaren bitartez neurtzen dena. Ekoizpen hori gauzatzeko erabilitako baliabideak ordeztu eta soldatak ordaindu ondoren, zer geratzen da? Zertara bideratzen da kantitate hori? Ekonomia soberakinari buruz hitz egiten ari gara. Kontzeptu horren atzean dauden hausnarketak funtsezkoak dira ekonomia baten analisia egiterako orduan.

Soberakina gizarte gisa ekoizten dugun... [+]

Burdinbideen oihartzun mutuaren lorratzari segika

2026-02-18

Duela 100 urte, 1926ko otsailaren 22an, inauguratu zen Urola bailarako (Gipuzkoa) herriak lotzen zituen burdinbidea. Eta 60 urte geroago, 1986ko uztailaren 12an, irten zen trena azkenekoz Azpeitiko geltokitik. Hilzorian zegoen ordurako, inbertsiorik apenas egin zen urte luzeetan, baina eskualdeko biztanleek ez zuten pentsatzen, edo ez zuten pentsatu nahi, bi urte geroago Eusko Jaurlaritzak betiko itxiko zuela, are gehiago agintariek hitz eman ostean aurki izango zela Urolako trena berriro martxan. Hitzok, baina, errepideek jan zituzten.

Eskualdean berebiziko garrantzia izan zuten trenbideek, baita burdin-fabrikek ere. Urola garaiko herrietan –Legazpin, Zumarragan, Urretxun– oraindik ere badira iragan industrial horren zenbait lekuko herdoildu, azpiegitura modernoagoek inguratuta. Abiadura handiko trenak, adibidez, 200 metro azpitik zeharkatuko ditu herriok; metafora ederra da, “aurrerabidea” deitzen diotenak inguruok nola moldatu dituen azaltzeko. Urolako burdinbidearen mendeurrena amua izan da, iraganari bezala etorkizunari begira jartzeko.

Nekazarien iragarritako heriotzaren kronika

2026-02-18

Europa-Mercosur akordioa gauzatzeko arriskua mahai gainean den honetan, Europa berriz ere bidegurutzean da: tokiko elikadura sistemak indartzearen alde egin, edo elikagaiak mundu globalizatuko negozioetarako merkantzia gisa erabili. Europako Nekazaritza Politika Bateratuaren sorrera eta ibilbidea errepasatu dugu, Unzalu Salterain EHNE Bizkaia sindikatuko koordinatzaileak eman zuen hitzaldian oinarrituta. Laborantzako egungo hainbat korapilo ulertzeko gakoak daude bertan.

Etxegabetzeen aurkako egiturak

2026-02-11

Desokupazio enpresek sortutako izua eta etxegabetzeek azaleratutako drama sozialak titularretan, berriz ere. Ezer berririk ez. Badira, baina, alternatibarako espazioak. Esaterako, Les Juntes kooperatiba moduko esperientziak. Katalunian kokatutako kooperatiba honek etxegabetzeen eta mehatxuen pean egon diren etxebizitzak erosten ditu, eta irizpide sozialak jarraitzen dituzten etxebizitzen sarea sortu du. Kooperatibako bazkideen ekarpenei esker, etxeak egoera duinean jartzea lortzen dute, baita... [+]

[2003] Ez gaude oporretan

2026-02-04

Gasteizko Caballito enpresako langileek 2003ko urriaren 30ean grebari ekin zioten eta 745 egunez aritu ziren euren lanpostuak defendatzeko borrokan. Euskal Herriko ordura arteko grebarik luzeena bihurtu zen –hogei urte geroago Novaltiakoek bereganatu zuten “ohore” hori–. Pferd Ruggenberg multinazional alemaniarrak produkzioa Jundizeko lantoki berrira eraman eta lantaldearen zati bat kalean utzi nahi zuen, urtero etekinak zituen arren.

Mercosur, gure lehen sektoreari agur

2026-02-04

Azken hilabeteetan Europako Batasuneko hainbat kidek ahotsa altxa dute EBk Mercosurrekin sinatu duen merkataritza akordioa dela eta. Azkenean, europarron arteko gehiengoa erdiesteko nahiko boto zeudenez, merkataritza akordioa sinatu da, baina kalapitak, oraingoz bederen, iraungo du. Hasteko, Europako Parlamentuak bertan behera utzi du, eta EBko Justizia Auzitegira eramateko eskatu.

Baina zeri deritzo Mercosur? Mercosur Hego Amerikako lau estatuk osatzen duten merkataritza libreko akordio bat... [+]

Kontsumoaren egituraketa

2026-01-28

Aste batzuk daramat geopolitikaren zoramena orriotara ekartzea saihesten. Baina nola aritu sozioekonomiaz, kapitalismoak eta botereak ezarritako araurik gabeko nazioarteko politika testuinguru gisa jarri gabe?

Zorionez, sare libreetan topatzen ditugu ezinegona bideratzen laguntzen diguten mezuak, baita zerbait egiteko beharrari erantzuna emango dioten tresnak ere. Esaterako, kontsumitzaile kontziente gisa AEBetako produktuei boikota egiteko aplikazioak; Israelgo produktuekin deskubritu... [+]

Handientzat merkatua, ttipientzat trauma...

2026-01-28

Dermatosi nodular kutsakorrak du orain lekuko laborantzaren sektorea inarrosten. Iazko ekainean lehen kasuak agertu ziren Italian, zehazki Sardinian eta Lombardian, eta hortik gutira, Frantziako Estatuan, Savoia eskualdean. Zabalpena geldiarazteko, osasun-protokolo drastikoa jarri zuten berehala martxan; hegazti gripea zein tuberkulosia, azken garaietan errepikatzen den logika berari segi: kasu bat agertuz gero, tropa osoa hil eta inguruetako kabala guziak barneetara sartu. Aitzineko izurriteetan beraien kabalak hil behar izana ezagutu dute Julen Perez ahate ekoizleak eta Sophie Sicre behi hazleak. Beraien amesgaiztoa kontatu diote ARGIAri. Bizitutako zentzugabekeria horren parean desobeditzearen beharra eta zilegitasuna fermuki defenditzen dituzte.

EB-Mercosur hitzarmenarekin batera, haragia ekoizteko Amazoniaren soiltzea berriz abia daiteke

2026-01-28

Urte hasiera honetan, Amazoniako oihana soiltzetik babesteko 2008tik indarrean den luzamendu pribatu bat bertan behera gelditzeko zorian da Brasilgo Mato Grosso estatuan. Bitartean, Europar Batasuna eta Mercosur erakundeko herrialdeen arteko merkataritza hitzarmena izenpetu berri da, zeinak kalte klimatikoak areagotzeko arriskua dakarren. Gizarte zibilaren mobilizazioa da horri aurre egiteko azken aukera.

Eskerrik asko, Mr President

2026-01-21

Petroputreak

2026-01-21

2026a gogor hasi da. Hiru egun baino ez, eta zapla, Estatu Batuek Venezuelan “erabaki irmoa” operazioa abiatu, jende andana erail, presidentea bahitu, eta protektoratu antzeko zerbait zirriborratu dute, bihar-etzi gertatuko dena argitu gabe. Operazioaren zaleek “Chavismo gaiztoaren” amaiera egintzat jo bazuten ere, bestelako lehentasunak daude. Tartean, azken bi hamarkadetan estatuaren esku eta, zigorrak tarteko, gainbeheran egon den petrolio ekoizpenaren kontrola... [+]

Klubak

2026-01-21

Astearte iluntzetan tortilla patata afaltzen da gure etxean. Hozkailuan zintzilikaturiko egutegian ez dator idatzita, baina denok dakigu: asteartetan tortilla. Bi arrazoirengatik. Bat: ez daukagu egun horretan zer afalduko dugun pentsatzen ibili beharrik. Bi: erraz prestatzeko modukoa da. Eta hiru, barkatu, gehitu dezadan beste bat: ia denoi gustatzen zaigu. Ia. Guztien gustura egitea ez baita erraza: batek eginagoa nahi du besteak baino; tipula bai, baina, neurrian; piperrik ez,... [+]

Immigrazioaren 22 mito: gezurrak eta egiak

2026-01-21

Hein de Haas Herbeheretako ikerlariaren How Migration Really Works (Migrazioak benetan nola funtzionatzen duen) / Los mitos de la inmigración. 22 falsos mantras sobre el tema que más nos divide bertsioa erabili dugu lan honetarako. LARRUN honetan irakurleak ez du topatuko liburuak eskaintzen duen informazio uholdearen (500 orrialde) printza ñimiño bat baino. Egingo du topo, ordea, gure gizarteek immigrazioaren fenomenoari begiratzen dioten moduarekin, eraikitako ikuspegi oker eta interesatuekin, eta horiek deseraikitzeko ikuspegi eta argudioekin.

Modu orokor batean begiratuta, gaiak dituen printza nagusien erakusle da liburua. Mezu nagusietakoa da gainditu behar dela immigrazioaren alde/kontra diskurtsoa, immigrazioa mundu modernoaren fenomeno ekonomiko, soziala eta kulturala delako, ikertu eta ulertu beharrekoa, ondoren beharrezko neurriak hobeto hartzeko. Ezin da kontrolatu immigrazioa nahieran, beraz, uler ditzagun bere egungo joerak eta ezaugarriak, eta hori onuragarria izango da guztiontzat, bai jatorrizko herrialdeentzat, bai harrerakoentzat.

Liburuak badu deserosotasun ukiturik hainbatetan, besteak beste, sustraituak ditugun hainbat ikuspegi zalantzan jartzen dizkigulako; izatekotan, alabaina, deserosotasun horretatik sortuko dira hausnarketa eta jokamolde berriak. Eta gainera, immigrazioaren gaia ezinbestean lotu behar dugu gizarteko gainerako gai garrantzitsuekin, Hein de Haasek dioskun moduan, azken finean: “Migrazioari buruzko egiazko edozein eztabaida, bizi nahi dugun gizarte horri buruzko eztabaida izango da”. Azken ohar bat: datozen orrialdeak lasai asko irakur daitezke mokoka, bakoitzari gehien interesatzen zaion atalaren arabera.

Latinoamerikaren zain urratuak

2026-01-14

Gure heroiak

2026-01-14

100 pertsona hil, beste hainbeste zauritu, presidentea bahitu eta giza eskubide eta nazioarteko arau oro urratu ostean, historiarako geratuko den eraso odoltsutik astebetera ondokoa zuen esateko Josu Jon Imazek Donald Trumpi: “Eskerrik asko Venezuela hobea izateko atea irekitzeagatik”. EAJko lehendakari, Jaurlaritzaren sailburu edota bozeramaile izan zenean behin eta berriz errepikatu zigun zumarragarrak indarkeria gaitzetsi behar dela, datorren lekutik datorrela, baina…... [+]

Sektore estrategikoen publifikazioa

2026-01-14

Izenburura publifikazioa hitza eraman arren, zerbitzuen pribatizazioa izan da urte luzez titularrak irabazi dituen politika nagusia, bereziki sektore estrategikoena. Hitz egin genezake garai batean izan genuen telekomunikazioen sare publikoari buruz, sistema energetikoari buruz, sistema finantzarioaz, osasungintzaz, hezkuntzaz...

Urte hasierak, baina, Ayesa taldearen atal teknologikoaren erosketa –lehengo Ibermática– ekarri zigun titularretara. Urrian hasi zen gaia... [+]

“Kolektiboa den oro okerra da Mileiren gobernuarentzat”

2026-01-08

Gastatu ala aurreztu egiten duzu?

2025-12-30

Erakutsi al dizuete inoiz aurrezten? Bada, gure etxean txikitatik sartu ziguten aurrezteko beharra. Gurasoek baino gehiago, aiton-amonek. Aitak kontatzen zigun aitona, zorrotza izateaz gain, oso aurreztailea zela. Diru pixka bat egindakoan, etxean mejorak egiteko erabiltzen zuela. Horrela, auzoan lehenengoak izan ziren telebista ekartzen. Hori dela eta, auzokoak baserrira etortzen omen ziren igande arratsaldetan telebista ikustera. Bera gertatu zitzaien kotxearekin. Aitonak eta amonak biek... [+]

Eskualdegintza kooperatiboa

2025-12-24

Debagoienetik dator notizia: Goiena komunikazio taldeak 25 urte bete ditu. Kooperatiba 2000. urtean sortu zen arren, eskualdeko euskalgintzak lan oparoa egin du urte luzez. Pentsa, 1990ean Arrasate Telebista sortu zuen, lehen herri telebista. Goiena ulertu behar dugu euskaldeko euskalgintzaren garaipen handi bat bezala, gai izan dena komunikaziotik eta euskaratik eskualde bat egituratzeko. Eta artikulua segitu nezake gaur egungo egoera soziopolitikoan lekuko komunikabideek duten garrantzia... [+]

Ikatza alderdi gehienentzat

2025-12-24

Gogoan dut duela hilabete batzuk Herri Ekimen Legegilea (HEL) ekarri nuela izenburura. Gutxieneko pentsioei buruzkoa izan zitekeen, edota gutxieneko soldatari buruzkoa. Bata edo bestea izan, amaiera berbera izan dute biek. Gobernuetan dauden alderdiek bideak itxi dizkiete milaka sinadura bildu zituzten ekimen legegileei.

Lanbidearteko Gutxieneko Soldata bultzatzeko sindikatuek 138.000 sinadura bildu zituzten. Nafarroan, txosten juridikoen aitzakia erabili zuten eztabaida atzera botatzeko... [+]

Ahuntzak, astoak eta mastinak otsoa uxatzeko

2025-12-24

Datu ofizialek argi erakusten dute otsoen zabalkundea Espainiako Estatuan, biologoek eskertu eta abeltzainek kezkaz bizi dutena. 370-380 otso taldeetatik gehienak Gaztela-Leon, Galizia, Asturias eta Kantabriako erkidegoetan bizi dira, eta horietan guztietan %17 eta %60 bitarteko aleen igoera dokumentatu da.

Otsoa babestu, abeltzaintza estentsiboa lagundu

2025-12-24

Obsesionatzen naute eztabaida polarizatuek. Kuba. Prostituzioa. Euskal gatazka politikoa. Nire konbikzioak zalantzan jartzen ditut behin eta berriro”. Horrela hasi nuen "Aingeruak eta neskameak" nire saiakeraren hitzaurrea: haurdunaldi subrogatuen meloia aletu nuen liburuan, ikuspegi feminista, disziplinartekotasuna eta pluralismoa ardatz. Horregatik erakarri nau otsoaren ehizaren inguruko eztabaidak.

XX. mendean desagertzeko arriskuan egon zen espeziea babesteko legeen kontrako erabaki politikoak hartu dira aurten Espainiako zein Frantziako estatuetan. Pasa den martxoan, Espainiako Diputatuen Kongresuan onartu zen Duero ibaiko iparraldeko otsoak babes berezia duten espezien zerrendatik ateratzea. Modu zalantzagarri batean ezarri dute neurria alderdi eskuindarrek: elikagaiak alferrik ez galtzeari lotutako lege berri batean sartuta. Ekainean Europar Batasuneko Kontseiluak behin betiko argi berdea eman zion otsoaren babes maila “zorrozki babestutik” “babestuta” jaisteari, eta aldaketa horretatik tiraka, irailean Frantziako Gobernuak iragarri du abeltzainei baimena emango diela otsoa tirokatzeko abereak defendatzeko helburuarekin.

Hedabideetan ohikoa da bi aldeen ikuspegia kontrajartzea: abeltzainena (ehizaren alde) eta ekologistena (ehizaren kontra). Ba al dago, ordea, animalien eskubideen aldeko abeltzainik? Ba al dago estentsiboan jarduten duten abeltzainen zaurgarritasuna aintzat hartzen duen ekologistarik? Posible da “alde/kontra” dikotomia horretatik harago joatea? Bilaketa horren ondorioa da monografiko hau.

Oilasko buru

2025-12-24

Ez nago ziur oilasko buru ezizena nori eta zergatik jarri zioten, errezeloa daukat irakasleren bati jarria ote zioten, fraide bati, agian. Orain ia denoi letorkiguke neurrira. Izan ere, oilasko haztegi handietan gau eta egun gelditu gabe martxan dabilen zinta batean jartzen diete jana, eta, oilaskoek, konposatua badoala ikusirik, lepo egin arte jan! Azalak eman ahala gizendu! Eta jandakoa ongi digeritu ez denez, zirinetan jangarri asko dagoenez, konposatu berriarekin nahastu eta berriro ematen... [+]

“Gure sasikumeak”

2025-12-17

“Sasikume bat da, baina gure sasikumea da” esaldia AEBetako Roosevelt presidenteari esleitzen zaio, Anastasio Somoza diktadoreari aipamena egiten ziona. Nikaraguako herriaren kontra gauzatutako errepresio bortitza eta krimenak publikoki defendatzea zaila zen, baina yankien interesetarako baliagarriak izatekotan justifikagarriak ziren.

Esaldi hori burura etorri zitzaidan José Jainagaren defentsan egindako adierazpen batzuk entzutean. Izan ere, estatu sionistaren Elbit... [+]

Itsuan

2025-12-10

Birkokapenak azken baliabideak dira giza jarduerek edo klima aldaketak gainerako animalien biziraupena mehatxatzen dutenean. Baina operazio konplexu eta triste horiek gero eta ohikoagoak dira Kenya bezalako herrialdeetan. Azken asteotan, ehunka jirafa, zebra eta antilope mugiarazi dituzte Kedongetik. Arrazoi nagusia? Gu. Gune hori helmuga turistiko garrantzitsu bilakatu da azken urteotan, eta horrekin batera lurraren pribatizazioa eta espekulazio neurrigabea etorri dira, bizitzarekin aurrez... [+]

Egurra eta ondarea

2025-12-10

Zurgintzak garrantzi handia izan du Euskal Herriaren historian, izan itsas edo mendialdean. Baserri-dolareak dira horren lekuko, eta itsasontziak, “buruz behera dauden baserriak”, Jabier Lekuona arkitektoak dioen bezala. Bera izan da Sagardoaren Lurraldeak antolatutako Sagardo Forum jardunaldietako hizlarietako bat. Ondarea izeneko jardunaldi teknikoetan hartu du parte, Astigarragako (Gipuzkoa) alkate Xabier Urdangarin, arkitekturan doktore eta EHUko irakasle Ibon Telleria eta... [+]

Sagardoa merke… baina noren bizkar?

2025-12-10

Pasa den uztailean ENBA nekazal sindikatuak sare sozialen bidez salatu zuen Euskal Sagardoa Jatorrizko Izendapenerako sagar ekoizleak galeretan ari zirela lanean. Oharrean ziotenez, ekoizpen kostuak kiloko 0,51 eurokoak izanik, ekoizleei kiloko 0,35 euro ordaindu zizkieten. Ez da berria sagardotarako sagarraren kostuen eta balioaren inguruko eztabaida, baserriko beste produktu gehienekin gertatzen den bezala. Datuen atzean ezkutatzen dena arakatzeko asmoz, Maider Lopetegi Albizu Fruitel elkarteko lehendakari eta sagar ekoizlearekin elkartu gara, eta Euskal Sagardoa deiturako koordinatzaile Unai Agirreri ere luzatu dizkiogu zenbait galdera.

Etengabe esperimentatzen, lurrari begira beti

2025-12-10

Sagastietako bioaniztasunaz informazioa biltzeko telefono dei bat egin dugu. “Elgoibarko Lizagasar sagardotegiko Asierrekin hitz egin behar duzue”, diosku bestaldekoak, “gaiaz interesa du eta badauzka jarriak txorientzako egurrezko habiak, sagastietan gauza diferenteak probatzen dabil... izango du zer kontatua”. Deitu diogu, bada. Dei laburra behar luke, Elgoibarren hitzordua lotzeko beste. Ia ordu erdiz aritu zaigu Asier Lizarralde hizketan, txoriak direla, hontzak direla, saguzarrak, mantangorriak, sitsak, sagar-harrak, erleak, erromeroa, sabia… “Lurrari gehiago begiratu behar diogu, ahaztua izan dugu urteetan”, esan digu. Eskegi eta Dani gure argazkilariari mezua: “Ostegunean Elgoibarrera joateko prest? Emankorra izango da goiza”.

4x03: Baserritarren Bilgunea, sortu berri den sindikatua I Lur Pagoaga eta Nerea Arrizabalaga

2025-11-26

Baserritarren Bilguneak eredu agroekologikoan ari diren laborarien ahotsa izan nahi du, oraingoz Gipuzkoan kokatua, eta txikitik antolatua. Lan baldintzak eta bizitza duinak lortzeko borrokatuko du, baserrien iraupena bermatzeko. Elikadura burujabetza du oinarri eta kaletarrek ere lekua izatea aurreikusi dute. Bertako kide diren Lur Pagoaga eta Nerea Arrizabalaga elkarrizketatu ditu Eli Pagolak.

4x02: Lurramatik saio berezia

2025-11-12

Zuzeneko emanaldia egin dugu azaroaren 8an Lurramatik, Kanalduderekin elkarlanean. Laborantza herrikoiaren besta giroa eta puntako elkarrizketatuak ekarri dizkigute Mattin Jauregik eta Eli Pagolak: Sor markez Panpi Olaizola (Ezpeletako biperra) eta Ximun Bergougnan (Irulegiko arnoa) Lurramaz Delia Delanne eta Julene Etcheverry Pacheco (Euskal Herriko Laborantza Ganbara) Erreleboaz Kleina Sallaberri laborari gaztea Laborarien lan baldintzez Felipe Maitia (Lagunak elkartea)

Onintza Enbeita eta Feli Madariaga, lurrari lotutako bi emakume

2025-09-11

Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori, lurrari emana bizi izan dena Muxikako Igertu baserrira ezkondu zenetik. Estitxu Eizagirrek egin die biei elkarrizketa, eta idatziz jasotakoaren zati bat bideora ekari dugu.

Eskuratu liburua azoka.argia.eus edo... [+]

Apartheid isilaren geltokiak

2025-06-18

Mundu guztia Gazari begira ari da orain. Baina Palestina ez da lur hori bakarrik. Bada beste lurralde bat, izen bera duena, ostutako lurren atzean, moztutako gorputz adarra nola begiratzen diona galdutako lurrari: Zisjordania, eta, egoera are bereziagoan, Jerusalem. Lurralde osoaren hiriburu izan zen Jerusalem, hamaika poeta, idazle eta zinemagileren betiereko musa. Egun, legez zatituta, eta ilegalki okupatuta eta anexionatuta dago. Eta begi eta foku guztiak Gazan dauden bitartean,... [+]

Zerbitzutik kanpo

2025-05-23

Lan publikoa utzi duten bost pertsona ospitale abandonatu batean bildu dira. Epaile, polizia, larrialdietako mediku, irakasle eta postari izandakoek laneko sufrimenduaz eta zerbitzu publikoa desegitearen ostean bizi izan zuten gatazka etikoaz hitz egiten dute.

Kanaldudek zabaldu du dokumentala.

DATU TEKNIKOAK
Zuzendaria: Jean Boiron Lajous
Ekoizpena: Les Films de l’œil sauvage
Parte hartzea: Kanaldude telebista
Ekoizpen urtea: 2025
Iraupena: 01:25:54

Mantxa handia

2025-05-16

Dokumentalak 2002an 'Prestige' ontzia hondoratu zela eta euskal hondartzetan marea beltzak eragindako hondamendia saihesteko Eusko Jaurlaritzaren eta arrantzaleen erantzuna jasotzen du. Funtsezko ahotsek kutsaduraren aurkako borroka kontatzen dute.

EiTBk zabaldu du Jon Cortegosoren lana.

Iraupena: 65 min
Urtea: 2023
Zuzendaria: Jon Cortegoso Otaduy
Protagonistak: Iñaki Zabaleta, Iñigo Onandia, Iñaki Leivar eta Eugenio Helduayen
Ekoizpena: Klaka Media... [+]

3x11: Argindarren kableei jarraika | Alvaro Campos

2025-03-19

Makroproiektu energetikoen proiektuak nagusi dira albisteetan: hemen zentral eolikoa jarri nahi dutela, haraxeago zentral fotovoltaikoa... Baina gaurko saioan gakoari egingo diogu jarraipena: argindarrari eta hori garraiatzeko azpiegiturari. Nola dago antolatuta sare elektrikoa? Azpiegitura bakoitza norena da? Galdera horiei eta gehiagori erantzuteko gonbidatu dugu Alvaro Campos. Ingeniaritza Termikoan doktorea da, EHUko irakaslea Energia Berriztagarrien Ingeniaritzan, eta ikerketak egin ditu... [+]

Artzain soil

2024-12-27

Sinopsioa: Erabakia hartua da. Ondoko neguan Maina ez da gehiago artzain soil izanen. Akabo bere bizimodu ibiltaria, etengabean bizitoki berri bat bilatzea, bere lurrak nahi bezala kudeatzearen ezintasuna. Maina instalatzen da, bere lurraldean sustraitzeko asmoz eta berak nahi laborantza mota eramateko prest. Ideiak argi baditu ere, instalazioan zehar hainbat sorpresa suertatuko zaizkio.

Lucie Francini eta Sabina Hourcadek zuzendua da, Kanalduderen koekoizpenarekin. Kanaldudek zabaldu du... [+]

Komunitate energetikoak eta administrazio publikoa, kooperatibismoaren eta praktikaren ikuspuntutik

2024-12-27

Beñat Irasuegi Talaios kooperatibako eta Olatukopeko kideak Oñatin eskainitako hitzaldia, 'Tokiko administrazioa energia trantsizioaren aurrean' izenburupean egindako jardunaldien baitan.

Nora garamatza Getariako zimarroi haztegiak?

2024-12-19

Azaroaren 14an Getarian zimarroi haztegiaren inguruan eginiko mahai ingurua da honakoa. Tomas Otamendi, Lorea Flores, Leo Belaustegi eta Leandro Azkuek hartu zuten parte Mirene Begiristainek gidatuta.

Eskuz esku LAB zabaltzen

2024-12-13

LAB sindikatuak 50 urte bete ditu 2024an eta urteurrenaren harira dokumentala sortu dute Iñaki Alforja zinemagilearen eskutik. 50 urteko ibilbideari heldu diote, testigantzetan oinarrituta, hainbat une historikotako protagonistek emanak: Sindikatuaren sorrera eta lehen biltzarrak, Martxoaren 3a, Euskalduna, Ipar Euskal Herrirako zabaltzea, sindikalismo feministaren garapena, 2008ko krisia eta greba orokorrak, Nafarroako aldaketa, langile subjektuaren birpentsatzea, Huerta de Peralta,... [+]

AHTren zundaketak salatzeko mendi martxa Sakanan

2024-10-29

AHTaren Nafar korridorea eta Euskal Y arteko lotura barne hartzen duen tartean egin nahi dituzten zundaketen aurkako mendi martxa egin du AHTren aurkako mugimenduak, Iturmendi eta Bakaiku artean. Mendi martxaren helburua AHTaren aurkako herritarrak saretzea, tokian tokiko informazioa partekatu eta azpiegitura honen zundaketen aurkako borroka antolatu eta piztea da.

Peregrino modernoen oporrak

2024-08-02

Sinopsia: "70 minutu irauten dituen ikus-entzunezkoa da, eta mundu mailako turismoaren gaia jorratzen du eta bere ertz historiko, ekonomiko, sozial eta ideologikoak lantzen ditu. Turismoaren inguruan entzuten diren fenomeno arruntenak alde batera utzi (gentrifikazioa, masifikazioa…) eta autoreak modu sakonago batetik heltzen dio gaiari.

Dena dela, dokumentala Indotxinan zentratuta dagoenez (Vietnam, Laos, Kanbodia), penintsula horretako historia hurbilak kontakizuna ardazten du... [+]

2x20: Zer egosten da Europan? | Iker Elosegi (Euskal Herriko Laborantza Ganbara)

2024-05-29

Egonarria saioan askotan atera da laborantza ereduen arteko talka, laborantza industriala dela goiko erakundeetatik bultzatzen dena eta aldiz, agroekologia dela Euskal Herriko laborari txiki askok eusten dutena eta etorkizun modura ikusten dutena. Saio bat Europari eskaintzea pentsatu dugu, bertan zer egosten den ulertzeko. Gaurkoan, Iker Elosegi gonbidatu dugu Egonarria saiora, Euskal Herriko Laborantza Ganbarako kidea.

Olatukoopek hamar urteko ibilbidea ospatu du Donostian

2024-05-21

Ekonomia Sozial Eraldatzailearen Sareak, Olatukoopek, hamar urte bete ditu, eta larunbatean festa egin dute Donostian, sareko kide eta partaideen artean. Ekonomia eta kooperatibismoa beste ikuspegi batez landu litezkeela aldarrikatu (eta frogatu) dute: herrigintzatik, herritar guztientzako, utopiarantz, denok ospatzeko.

2x13: Ardo sektorea borborka

2024-04-10

Iragan udazkenean gain eskaintza egon omen zen, ez hemen bakarrik, mundu mailako gain eskaintza baizik. Beraz, jaurlaritzak milaka litro erosi zituen. Gaurko gaia ardogintza izango da, ustekabean bezala, azken hamarkadetan bilakaera handia izan duen produktua. Bilakaera hori lantzeko Esti Besa elkarrizketatu du Eli Pagolak, Candido Besa upategiko ardogilea.

Nafarroako zahar etxe pribatuen hitzarmenaren negoziazioen blokeoa salatu dute Iruñean entzierro bat antzezten

2024-04-07

LAB sindikatuko zenbait kidek eta zahar etxetako langilek entzierro bat antzeztu dute asteazken goizean Iruñeko karriketan barna, protesta-ekintza gisa, Nafarroako zahar etxe pribatuen lehen hitzarmenaren negoziazioek etengabeko blokeoa jasaten dutelako. Helburu berarekin, LAB sindikatuak bertze greba egun bat deitua zuen.

'Euskal Herria Bizirik' manifestazio nazionala

2024-04-07

Euskal Herria Bizirik sareak antolatuta eta 84 eragilek deialdiarekin bat eginda, 2.200 pertsona manifestatu dira "Lurraren defentsan" Azpeitian, apirilaren 13an. Goizean bertaratu direnek lau tailer eta mahai-inguru baten bidez aztertu dituzte zein diren berdez margotutako makroproiektuek lurraldean eta Lurrean eragiten dituzten kalteak, eta zein den bilatzen duten azken helburua. Borrokan jarraituko duela berretsi du Euskal Herria Bizirik sareak eta hurrengo hitzordu nazionala... [+]

2x12: Zergatik igotzen dira elikagaien prezioak?

2024-04-03

Elikagaien prezioak zergatik igo dira hainbeste? Nola ezartzen dira prezioak? Juanma Intxaurrandieta Nafarroako Unibertsitateko ekonomia irakaslea eta INTIAko kudeatzaile ohia da, egun erretiratua. Berak azaldu du badirela liga ezberdinak: mundu mailakoa eta herri mailakoa. Globalizatutako sistema oso hauskorra dela baita prezioetan ere, eta horregatik dela bermea bertako elikagaiak eta bertako laborariak indartzea: zuzeneko salmentan eta zirkuitu laburretan lortzen dela prezioak egonkorrak... [+]

"Next Generation funtsek abeltzaintza eredu industrial kaltegarria egonkortzen dute, aldaketa sustatu ordez"

2024-03-01

Euskal Herriko Greenpeace-ko kide Lorea Floresen hitzaldia da, ELA sindikatuak eta Manu Robles-Arangiz Fundazioak otsailean antolaturiko "Europar Batasunaren agenda berde eta digitala: Aldaketa politikoa ala lehengo lepotik burua" jardunaldien barruan.

Floresen aipu batzuk:

"Nafarroako makroetxaldeen aurkako plataforman parte hartzen dugu. Gure lana abeltzaintza industrialaren aurka aspalditik heldu da, batez ere sortzen dituen ingurumen kalteengatik, ez hainbertze hor... [+]

Olairon: Bilboren erraiak

2024-02-25

Dokumental honetan Bilboko erraietan sartuko gara, hiriaren iragana berriro ezagutzeko eta Miribilla auzoko lurpean dagoen Malaespera meatzea argitara ateratzeko. Bizkaiko hiriburuko biztanle askorentzat ezezaguna da meatze hori, eta dokumental honek agerian uzten du.

EiTBk zabaldu du lana.

Zuzendariak: Imanol Muro eta Raul Lopez de Gereñu
Ekozipena: Elena Moreira
Ekoizpe exekutiboa: Marcell Erdélyi eta Germán Rubio
Gidoia: Raul Lopez de Gereñu e Imanol... [+]

Emazte laborariekin solasean

2024-02-19

Martxoaren 8a, Emazteen Nazioarteko Eguna aitzakia hartuta, laborari eta ama diren lau emazterekin mahaingurua antolatu dute Euskal Hedabideek Ortzaizeko Asteburua ostatuan. Oren batez, bizipen eta bizipozak partekatuz, emazteen ezkutuko betebeharrak aipatu dira.

Parte hartzaileak: Añarbetik Maite Thicoipe, Jutsitik Jeanine Arhancet-Aguergarai, Ontzoronetik Josette Arrayet eta Ortzaizetik Elorri Aycaguer.

"Mobilizazioak emaitzak eman ditu"

2024-01-25

Gaur ostirala, nekazarien sindikatuetako ordezkariek eta azken egunotan mobilizatu direnen bozeramailek Nafarroako Gobernuko Jose Mari Aierdi Landa Eremuko kontseilariarekin izan dute bilera, eta hainbat akordio lortu dituzte. Nekazarientzako laguntza edo neurri fiskal batzuk abian jarriko dira eta elikadura katearen legea ere bultzatuko da, eta, trukean, nekazariek protestak «malgutuko» dituztela iragarri dute.

Itsasoiko, itsasotik sasoikoa

2024-01-14

Euskal Herria Kantauri itsasoari eta arrantzari estuki lotutako herria da. Itsasoa gure historiaren, gure kulturaren eta gure nortasunaren parte izan da betidanik. Baina kostaldeko herrietan, garai zaharrak bizi izan dituztenek esaten dutenez, arrantza-portuen inguruan sortzen zen bizimodua oso bestelakoa zen lehen.

Gaur egun, oraindik egunero itsasoratu eta arrainak banaka-banaka eskuz ontziratzen aritzen diren arrantzontzi txiki batzuk badiren arren, teknologiaren garapenak eta... [+]

2x01: Haragi sintetikoa hemen da

2024-01-13

Bueltan da Egonarria podcasta eta pilpilean diren gaiez elkarrizketak egingo ditu Eli Pagolak ARGIAko platoan. Gaurko saioan, Aitor Aranburu Behieko proiektuko kidea izan dugu gonbidatu haragi sintetikoari buruz aritzeko.

Arrautza - kaioletan esplotatutako oiloen bizitza

2023-11-08

Etxaldeetan ustiatutako oiloen bizitzari buruz argi pixka bat eman nahi duen testigantza bisuala da.

Etxalde industrialean, arrautzak ekoizteko presioaren, pilaketaren eta ingurumen-baldintzen ondorioz, oiloek gaixotasun eta patologia ugari izaten dituzte. Horietako asko hiltegira iritsi aurretik hiltzen dira, eta haien gorpuak kaioletako lurretan gera daitezke, bizirik dauden gainerako oiloen ondoan, egunetan edo asteetan.

Arrautzaren industriak, oiloen ongizatea, ustezko... [+]

"Bizimodua antolatuta dago hiriko jendearentzat. Gu EAEko populazioaren %11 gara, baina hemen gaude"

2023-10-13

Mendian, autoz kaletik orduerdira bizi den emakume artzain euskaldun-galegoaren eguneroko bizitzan nola eragiten dute gaurko munduan pil-pilean dauden gaiek? Klima larrialdia, berdez pintatutako kapitalismoa, basogintza, migrazioa, prekaritatea, begano mugimendua, elikadura sistema...

Josebe Blancok artzainaren egunerokoan jaso du urtebeteko gertakarien lekukotasuna. Prosaz eta poesiaz, lehen pertsonan, eta lehen lerrotik: naturarekin, beste izaki bizidunekin eta pertsonekin errespetuzkoa... [+]

'Laztan tantak', AHTren zundaketak salatzeko txirringa martxa

2023-09-07

AHTren zundaketak salatzeko Sakana, Goierri eta Lautada zeharkatu dituen bizikleta martxa egin dute abuztuaren 25etik 27ra bitartean, Abiadura Handiko Trenaren kontrako oposizioak deituta. Ahotsa hedabideak bildu du martxa iruditan eta honako laburpen bideo hau osatu dute.

Harian

2023-07-14

Pirinioetako haran sakon batean, irundegi enpresa baten kudeatzailea da Jacques, gizakiak ardiekin batzen dituen familia-tradizio luze baten azkena. Bere ondasunik preziatuena bertan behera doala dirudi, baina hala ere, Loïc, Jordane eta Laura batu dira berarekin, eta berreskuratzeko beharrezkoa den energia eroa zabaltzen dute. Sur le fil dokumenalak, ametsaren eta errealitatearen arteko transmisio hauskor hori kontatzen du.

Kanaldudek zabaldu du lana.

Antxondoa Etxaldeko esperientzia

2023-06-28

Aste honetan Itsasuko Antxondoa Etxaldea ezagutu dugu eta bertako Mirentxu Elissalde izan da gurean. Gereziengatik da ezaguna Itsasu eta Antxondoan gereziekin egiten dute lan, baina horrez gain, ardiak dituzte eta gazta ere egiten dute. Itsasuko gerezien erreximentak eta bertako ardi gaztak bikote aparta osatzen dutela ikasi dugu gaur.

11. Arrantza

2023-06-28

"Azkenean zuek ere gogoratu zarete arrantzaz", bota du Leo Belaustegik Egonarriako platora iritsi orduko; eta arraina jateaz bai, baina horren atzean dagoenaz, arrantzaleen lanaz, bizi baldintzez, zein arrantza ereduaz, jendartean zeinen gutxi hitz egiten den azpimarratu eta irakaspen ugari eman ditu mikrofo aurrean jarrita.

Esperientziaren atalean, berriz, Itsasuko Antxondoa Etxaldera eraman gaitu Mirentxu Elissaldek. Bertako protagonista gereziak diren arren, ardiak, zerriak eta... [+]

8. Ekoizpen ekologikoa

2023-06-07

Egonarriaren zortzigarren saioan ekoizpen ekologikoari heldu diogu eta horretarako Biolur Nekazaritza Ekologikoaren Aldeko Elkartera jo dugu. Aurten bete ditu 30 urte Biolurrek eta ibilbide honen parte izan diren Miriam Arrizabalaga eta Pello Rubio izan dira gurean.

Esperientziaren atalean, berriz, Oiartzungo Urmendi Haur Eskola ezagutu dugu; zehatzago, bertako jantoki proiektua, nekazaritza ekologikoan eta bertakoan oinarritzen dena. Iraia Etxebeste Urmendiko zuzendaria izan da gurean... [+]

7. Abeltzaintza

2023-05-31

Egonarriaren zazpigarren saioan abeltzaintzari heldu diogu eta Xabier Sabalza Errigoitiko Bizkaigane Elkarteko kidea izan da gurean. Hamar pertsonako lan taldeak darama 40 urte dituen proiektu hau: behiak, ardiak, baratza, esnea, gazta... proiektu integrala izatea da euren indargunea. Esperientziaren atalean, berriz, ogia izan da protagonista Errezilgo Irure Txiki Baserriko Edurne Agirreren eskutik.

6. Sendabelarrak

2023-05-23

Garbiñe Larrea naturopata eta 'Sendabelarrek Dakitena' liburuaren egilea izan da aste honetako Egonarria saioan; eta osaunaz, sendabelarrez, medikuntza moten arteko integrazioaz, dibulgazio lanaz eta beste hainbat kontuz aritu da. Esperientziaren atalean, berriz, Azkoitiako Arrumarrate baserriko Joey Albert eta Koldo Ormazak Baserriloreak proiektua ekarri digute.

5. Artzaintza

2023-05-17

Egonarria podcastaren bosgarren saioan artzantzaz izan dugu mintzagai eta horretarako Pikunieta baserriko Josebe Blanco artzaina gonbidatu dugu. Abeltzaintza ereduaz, lurrarekiko eta animaliekiko harremanaz zein diru languntzez hitz egin du Eli Pgola eta Mattin Jauregirekin. Esperientziaren atalean, berriz, Perrapa baserriko Uxue eta Ander Amonarriz etorri dira eta eurek hazitako txekor haragia ekarri digute dastatzeko.

Meseta

2023-05-12

Gaztelako mesetan nonbait artzain batek Titikakara bidaiatzea amesten du, erretiratuta dagoen musika-bikote batek bere urrezko garaia gogoratzen du, bi neskatila pokemon bila dabiltza zorterik gabe eta agure batek lokartzeko hutsik dauden herriko etxeak kontatzen ditu. Film honetako pertsonaiak lurralde bateko istripu geografiko gisa agertzen dira, eta badirudi haien kultura eta bizimodua denboran desagertzen ari direla. Lurralde hori da istorio honen benetako protagonista. Behaketa eta... [+]

Igeldoko Esnea proiektuaren esperientzia

2023-05-05

Igeldoko Esnea proiektua ezagutzeko aukera izan dugu aste honetako Egonarria saioan. Eneritz Otamendi bertako kideak azaldu dizkigu euren lan moldea, handitik txikira egindako prozesua eta esnegintzaren egungo panorama.

Baztango Xurie proiektuaren esperientzia

2023-04-28

Aste honetako Egonarrian Baztango Xurie ardo naturala dastatzeko aukera izan dugu, Ana Iriarte eta Iñaki Bengoetxearen proiektua da eta Iriarte izan da gurean euren esperientziaren berri ematen. Zozketan parte hartzeko aste honetako galdera ere ekarri digu, beraz, adi.

2. Lurra

2023-04-25

Aste honetako Egonarrian lurra izan da protagonista eta gaian sakontzeko Lurzaindiako Martin Lemaire izan da gurean. Esperientziaren atalean, berriz, Baztango Xurie ardo naturala ekarri digu Ana Iriartek.

1. Energia

2023-04-19

Energiaren gaiari heldu diote Eli Pagola eta Mattin Jauregik Egonarria bideo-podcastaren lehen saio honetan. Horretarako Txetxu Ezkurra Gares Energia proiektuko kidea gonbidatu dute. Esperientziaren atalean, berriz, Balerdipeko erlezainek euren bizipenak partekatu eta ekoizten dituzten produktuak dastatzeko aukera eman digute. Zuek ere probatu nahi badituzue, adi zozketari.

AHTren lanak gelditzeko eskatu dute azpiegitura honen aurkako borrokaren 30. urteurrenean

2023-04-17

Biriatuko udaletxearen aurrean, AHTren aurkako agerraldi masiboa egin dute mugaren bi aldeetan egitasmoaren aurka azken 30 urte hauetan agertu diren mugimenduek. Azpiegituraren aurkako borrokak bizi dugun krisi ekosozial honetan inoiz baino zentzu handiagoa duela aldarrikatu dute, eta lanak gelditzeko eskaera egin dute bertaratu direnek.

Agirretarren bandera

2023-02-14

Ekida arte ekimen sozialistak ekoitzitako antzezlana da, 2022ko maiatzaren 7tik 2023ko urtarrilaren 13ra Euskal Herriko hamaika txokotan emana. Bilboko Bilborock aretoan egindako azken emanaldiaren grabaketa da honakoa.

Gure garaiari buruzko antzezlana da "Agirretarren Bandera", porrotaren eta krisiaren garaia oholtzara eramana.

Ekoizpena eta dramaturgia: EKIDA arte ekimen sozialista
Musika: Trigger
Karteleko irudia: Madalen Pinuaga

Etxekoen janari guzia ekoizteko laborantxa

2023-02-06

Odei Bimboire eta Gorka Torrek euren esperientzia partekatu dute etxean behar diren elikagaiak bertan ekoizteko. Alde praktikoan zein filosofikoan sakondu dute, gai honek soka luzea baitu eta arlo asko izan behar dira kontuan.

Giren lekurat helduak girela, eta dugun mundu hau dugula begipean, bi galde egin daitezke: Nola kendu zieten laborariei etxekoen janari guzia ekoizteko posibilitatea? Nola, merkatuan sartuz, laborantxa kutsatzailea bilakatu zen?

Laborantza mota honen helburuak... [+]

Yauri Etxalde

2023-01-13

Azken hamarkadetan Getxok urbanizazio handia pairatu du, eta baserri mundua atzean utzi da, ahaztuta. Juanan, Yauri etxaldean bizi izan da beti, herrian abereak dituen azkenetakoa da. 68 urte eman ditu animaliak hazten eta lurra lantzen. Erretiroa hartu eta Beñat bertan hasi da lanean, 34 urteko gazte kaletarra. Juananek, mendez mende transmititutako eta berak jasotako ezagutza partekatuko dio, eta Beñatek berriz, gauzak egiteko modu berriak ekarriko ditu etxaldera. Elkarrekin eta... [+]

Gaurko bizi baldintzak aztergai

2023-01-05

Edurne Larrañaga eta Idoia Zengotitabengoa bizi eta lan baldintzen adierazleen bilakaera, joerak eta hoien ondorioei buruzko zenbait gako argitzen ahalegindu dira Iratzar fundazioak bultzatutako hamabigarren on-line solasaldian. Egoerak eta datuek bere gordinean jarraitzen dutela kontutan izanik, zenbait adierazleren eta joeren bilakaera aztertu dute IparHegoa fundazioak kaleratu berri duen Euskal Herriko langileriaren lan eta bizi baldintzak biltzen dituen txostena oinarri... [+]

AHTren obrak "berehala eta behin betiko gelditzea" eskatu dute Iruñean erromatar desfile batekin

2022-12-12

Orain Ardura ekimenak deituta, manifestazio irudimentsua izan da Iruñean, Abiadura Handiko Trenaren obrak gelditzea eskatuz. Azpiegitura honen kostu ekonomikoan jarri dute fokua oraingo honetan, eta funts horiek biztanle guztientzako bizi-baldintza duinak bermatzera bideratzea eskatu dute, enplegua, osasuna, irakaskuntza, pentsioak, etxebizitza, gizarte-zerbitzuak eta kalitatezko zaintzak ziurtatuz (Argazkia: Ekinklik)

Jon Abril: Isildutako Eskuak

2022-12-06

Jon Abril Olaetxeak "Esku Isilduak, emakume langileak gerra ondoko Euskal Herrian" liburua aurkeztu du, Ortzaizeko Menta liburudendan. Udako Euskal Unibertsitateak eta Eusko Ikaskuntzak antolatuta.

Elikadura burujabetzaren alde eta makroetxaldeen aurkako manifestazioa egin dute Iruñean

2022-11-28

Makroetxaldeen aurkako Nafarroako Plataformak, beste eragile batzuen babesarekin, Iruñeko kaleak hartu ditu abeltzaintza industrialaren amaiera eskatzeko eta abeltzaintza estentsiboaren alde egiteko, elikaduraren burujabetasunaren aldeko aldarria zabalduz. Mobilizazio honek amaiera eman dio Klimaren aldeko Gailur Alternatiboari.

Hernani Burujabe, eraldaketarako pausoa

2022-11-25

Bira Produkzioak eta Hiritik At kooperatibek Hernani Burujabe egitasmoari buruz egindako dokumentala: 2022ko urriaren 1ean proiektatu zen lehen aldiz egitasmoaren lehen urteurrenean. Hernani Burujaberen asmoa, eskala lokaletik lurralde burujabetza eraikitzeko trantsizio prozesu integrala aktibatzea da. Dokumentalak gaur arteko ibilbidea jaso du, bi plano uztartu dituzte: Hernaniko lurraldean jazotzen ari denaren kronika eta hau gidatzen duen paradigma politikoaren azalpena.

Abiadura handiko txikizioa

2022-11-04

Sinopsia: "Bizi izan dugun pandemia garaian, konfinatuta egon bitartean, Elorrioko gazteok etxeetatik AHT-aren obren ondorioz gure herria txikitzen ikusi genuen. Horren haserrearen ondorioz, gazte batzuk batu eta aspaldi indarrean egon bako AHT-rik EZ lantaldea berriz martxan jartzea pentsatu genuen. Oraindik ere, makroproiektu txikitzaile honen kontra egiteko arrazoiak badaudelako. Horren harira, urtetan herriko eta inguruko mugimenduan aritutako jendearen testigantzak jaso ditugu... [+]