Greenpeace

Hegazkinez bidaiatzea trenez baino 26 aldiz merkeago izan daiteke Europan

2025-08-22

Europa barruan hegaldiak hartzea trenez bidaiatzea baino 26 aldiz merkeagoa izan daiteke, 31 herrialdetako 142 ibilbidetan oinarritutako Greenpeaceren ikerketa baten arabera. Hegaldien zerga pribilegioei egotzi die desparekotasuna, eta trenbidea merketzeko neurriak eskatu ditu.

Bizkaia eta Gipuzkoako hainbat hondartza desagertzeko arriskuan daude

2025-07-18

Gaztetape (Getaria) eta Muriola (Barrika) hondartzak 2050. urterako desager daitezke Greenpeaceren txostenaren arabera. Itzurun (Zumaia), Karraspio (Mendexa), Isuntza (Lekeitio) eta Azkorri (Getxo) hondartzek hedaduraren erdia gal dezakete.

Lorea Flores: “azken urteotako klimaren inguruko akordiorik etsigarriena izan da”

2025-03-27

Lorea Flores Greenpeace Hego Euskal Herriko koordinatzailea elkarrizketatu du Izaro Zinkunegik Iratzar Fundazioaren eta Sorturen Erria aldizkarirako. Bakuko klimaren goi-bileraz aritu dira, alternatiba posibleez eta Euskal Herrian Greenpeacek duen egoeraz.

Ekologismoaren kontrako oldarraldia AEBetan: Greenpeace 660 milioi euro ordaintzera zigortua

2025-03-20

Dakota Access oliobidearen kontrako protestengatik zigortu du Ipar Dakotako epaimahai batek erakunde ekologista, Energy Transfer Partners enpresak salaketa jarri ostean. Standing Rockeko sioux tribuak protesten erantzukizuna bere gain hartu du.

Hasi da AEBetako Greenpeace desagerrarazi dezakeen epaiketa

2025-02-25

Greenpeaceko kideak Dakota Acces oliobidearen aurka protesta egiteagatik auzipetu dituzte eta astelehenean aztertu du salaketa Dakotako auzitegiak. AEBko Greenpeacek gaiaren inguruan jasango duen bigarren epaiketa izango da, lehenengo kasua epaile federal batek bota zuen atzera 2019an. Enpresak 300 milioi dolar inguru eta kalte-ordain gehigarri bat eskatzen dizkio Greenpeaceri 900 milioi dolarreko ordaina ekar dezakeena, Le Mondek informatu duenez.

Greenpeace-k Guggenheim museoan Urdaibaiko proiektuaren kontrako ekintza burutu du

2025-02-03

Igande arratsaldean Greenpeace-ko 30 kide inguruk Urdaibaiko proiektuaren kontrako ekintza burutu dute Bilboko Guggenheim museoan. Hamar landare eta animalia-espezie errepresentatu dituzte.

Caparrosoko makroetxaldea salatu zuten Greenpeaceko kideen aurkako epaiketa atzeratu dute

2024-10-24

Valle de Odieta etxalde erraldoiaren kontrako ekintza 2021ko martxoan egin zuen Greenpeacek, Nafarroan. Makroetxaldeak 79 txahal gaixotzea leporatzen die ekologistei, orain Greenpeaceren defentsak salaketa ezeztatzen duen albaitaritza-txostena aurkeztu du eta epaiketa atzeratu egin da perituak txostena aztertzeko adina denbora ez duelako izan.

Greenpeacek salaketa aurkeztu du Urdaibaiko Guggenheimen aurka, Kosta Legea urratzen duela eta

2024-10-23

Auzitegi Nazionalean aurkeztu du salaketa eta “proiektua berehala eten dezaten” galdegin du. Bi lege urratzen dituela ohartarazi du: Kostaldeko Legea eta Europako Legea, Red Natura 2000ri dagokiona. Auzitegi Nazionalak Gobernuko Trantsizio Ekologikorako eta Erronka Demografikorako Ministerioari zein Eusko Jaurlaritzari salaketa helaraziko die azter dezaten.

Greenpeaceko zortzi ekintzaile epaituko dituzte Nafarroako makroetxalde baten aurkako ekintzagatik

2024-10-22

2021eko martxoan, Greenpeaceko aktibistek nitratoz kutsatutako mila litro ur itzuli zizkioten Caparrosoko Valle de Odieta enpresari. Enpresak isun eta espetxe zigorrak eskatu ditu haien aurka.

AEBetako Greenpeace desagerraraz dezake Dakota Access oliobidearen enpresak jarritako salaketak

2024-07-23

900 milioi inguru eskatzen dizkio Energy Transfer Partners enpresak AEBetako Greenpeace erakunde ekologistari, 2016 eta 2017an oliobidearen aurkako protestetan kalteak eragin izana leporatuta. “Epaiketa honetan porrot eginez gero, Greenpeace justizia klimatikoaren aldeko borrokatik kanpo gera liteke”, adierazi du elkarteak.

Hegazkinak trena baino 80 aldiz gehiago kutsatu arren, 30 aldiz merkagoa izan daiteke garraiobide hau hartzea

2023-07-20

Hegazkinez bidaiatzeak trenean baino bi aldiz merkagoa izaten segitzen du, bataz bestean, Europan. Aldea are handiagoa da bidaia zehatz batzuentzat: Bartzelona-Londres 30 aldiz merkagoa da hegazkinez bidaiatzea; Londres-Bratislava 15,5 aldiz; Viena-Erroma 10 aldiz... Greenpeace-k uztailaren 20an plazaraturiko datuak dira. Trantsizio ekologikoaren alde egiteko, tren garraioaren aldeko erabaki politikoak eskatzen ditu Gobernuz Kanpoko Erakundeak.

BMW, Mercedes, Volkswagen eta Wintersahll Dea auzitara, krisi klimatikoa elikatzeagatik

2021-09-07

Volkswagen, BMW eta Mercedes-Benz auto ekoizleen aurka egingo dute hainbat talde ekologistek. Krisi klimatikoa elikatzen dutela leporatuta, auzitara eramango dituzte, barne-errekuntzako motordun autoak 2030erako eraikitzeari utz diezaiotela eskatuz. Wintershall Dea petrolio-konpainia ere eraman nahi dute epaitegietara.

Klima aldaketaren kontra agindutakoa ez betetzeagatik auzitegietan da Frantziako Gobernua

2021-01-19

Lau talde ekologistek duela bi urte abiaturiko prozesua auzitegietara iritsi da: joan den ostegunetik, Frantziako Gobernua epaitzen ari dira Parisko Epaitegi Administratiboan, klima aldaketari aurre egiteko agindutako neurriak ez betetzea leporatuta. Epaia hilabete bukaeran iritsiko da eta Gobernuaren aurkakoa izatea aurreikusten da, baina gehiago izango du sinbolikotik, benetako zigorretik baino.

Deskonfinamendua: garraio jasangarria bultzatzeko aukera?

2020-04-29

Konfinamendu osteko egoerari begira, garraio publikoetan jende pilaketak saihesteko asmotan auto pribatuak aukera bat direla adierazi du José Luis Ábalos Espainiako garraio ministroak. Talde ekologistak horren aurka agertu dira, Europako beste herrialde batzuen eredua jarraituz, Espainiako Gobernuak bizikleta eta oinezko garraioa bultzatu beharko lituzkeela adieraziz.

Kartzela-zigor eskaera Bilboko portuan armen esportazioa salatu zuten ekintzaileentzat

2020-02-17

2018ko otsailean Bahri Tabuk itsasontzi saudi arabiarraren aurkako protestan parte hartu zuten Greenpeaceko 23 ekintzailek. 200 tona arma kargatzeko asmoa zuela salatu zuten ekintzaileek, eta horietako bederatzik itsasontziaren amarretatik zintzilikatzea lortu zuten. Orain, Fiskaltzak hiru urte eta sei hilabeteko zigorra eskatu du lau ekintzailerentzat.

"Agintariek onartu behar dute klimaren argi gorria piztuta dagoela"

2019-09-17

Hamaika urte ditugu, 10+1, klima aldaketaren martxa eroa mantsotzeko. Berandu da, baina ez beranduegi. Lehenagoko egoerara ezin gara itzuli, baina gure esku dago ahalik eta kalte gutxien sortzea, natura kaotikoari neurria hartzen saiatzen garen bitartean. Lorea Flores Hego Euskal Herriko Greenpeaceko arduraduna da. Berak jarri digu puntua.

Baleak arrantzatzeari ekingo dio berriz Japoniak

2018-12-26

1982an utzi zion baleak merkataritza helburuekin hiltzeari. Beraien ur eremuan arrantzatuko dute, datorren uztailean hasita.

Mundu mailako enpresa ezagunenak Indonesiako oihanen suntsitzaile

2018-09-20

Palma olioa ekoizten duten 25 enpresak oihan tropikaleko 130.000 hektarea baino gehiago suntsitu dituzte hiru urte baino gutxiagoan, Greenpeaceren txosten baten arabera.

Cruas-Meysseko zentral nuklearraren segurtasun falta agerian utzi du Greenpeacek

2017-11-28

Greenpeaceko 22 militante Cruas-Meysseko zentral nuklearrean (Ardècheko departamentuan) sartu dira astearte goizeko seiak aldera, haren segurtasunik eza agerian utzi nahian. Erabilitako erregai erradioaktiboaren biltegietako bateko horman eskegi dute euren burua haietako lauk, eta leherketa baten soinua irudikatzen duten irudiak proiektatu dituzte.

Saudi Arabiari armak saltzearen aurka Greenpeacen ekintza Santurtziko portuan

2017-09-22

Greenpeaceko hainbat ekintzailek protesta ekintza egin dute Santurtziko portuan, Saudi Arabiara armak bidaltzearen aurka. Arma merkataritzaren ezkutukeria salatu nahi izan dute horrela, baita ohartarazi ere Espainiako Estatuan ez dela legezkoa herritar zibilen aurka erabil litezkeen armak esportatzea.

Armen esportazioan gardentasuna exijitu diote Espainiako Estatuari

2017-09-15

Espainian opakua da arma esportazioa, eta ezkutukeria hori legediak bermatzen du gainera. Suhiltzaile baten intsumisio keinuari esker jakin genuen Bilboko portutik Saudi Arabiara armak bidali direla, baina normalena bidalketa horiez ezer ez jakitea da. Ez nondik, ez nori, ez zer. Ezkutukeria hori amai dadin kanpaina abiatu dute gobernuz kanpoko lau erakundek; gaiaz argitaratu duten txostena aurkeztu dute Bilbon.

Greenpeaceko lau kide atxilotu dituzte A Coruñan, ikatz kamioi baten deskarga oztopatzeagatik

2017-09-05

Greenpeaceko hainbat aktibistak A Coruñako portuan dagoen Medusa ikatz-biltegiaren sarrera blokeatu dute astearte goizean. Modu horretan, bertara zihoan Gas Natural-Fenosa konpainiaren –hura da biltegiaren jabea– kamioi batek bere zama hustea eragotzi dute. Ikatza erretzea berotegi efektuaren eragile nagusietakoa dela salatu nahi izan du elkarte ekologistak. Euretako lau atxilotu ditu Guardia Zibilak, eta beste bost aske utzi.

Trumpen abokatuek Greenpeace salatu dute Dakotako oliobidea dela eta

2017-08-24

Dakota Acces Pipeline oliobidea eraikitzen ari den enpresak Greenpeace eta beste talde ekologista batzuk salatu ditu 300 milioi dolar eskatuz. Trumpen abokatuak arduratu dira salaketa jartzeaz.

Plastikozko 100.000 milioi poltsatik %7 soilik birziklatzen da urtean

2017-07-04

Plastikozko poltsarik gabeko eguna izan da uztailaren 3a, eta Greenpeacek oharra kaleratu du data horri lotuta: Europan urtean erabilera bakarreko plastikozko 100.000 milioi poltsa erabiltzen direla azaldu du, eta %7 bakarrik heltzen direla birziklatzera. Kalkulatzen da 8.000 milioi ingurune naturaletan galtzen direla.

Zer egingo du Nuclenorrek Garoñarekin?

2017-04-26

Garoñaren jabe den Nuclenor enpresako bi bazkideek, Endesak eta Iberdrolak, zentral nuklearraren etorkizunaz hitz egiteko bildu dira asteazken arratsaldean. Goizean, Endesako presidente Borja Pradok akziodunen aurrean adierazi du –noiz eta Txernobyleko istripuaren 31. urteurrenean– enpresak ez duela erabakirik hartu oraindik, eta ez diola Garoña berriro irekitzeari uko egiten oraingoz.

Plastiko hondakinak Europako itsasoetan, gero eta arazo handiagoa

2017-04-20

Greenpeacek nazioarteko kanpaina bat ipini du abian, Europako itsasoetara iristen diren plastikozko hondakinen kutsaduraz ohartarazteko. Elkarte ekologistaren asmoa da Europar Batasunean eztabaidatzen ari diren eta uda baino lehen onartu behar diren ontzi-hondakinei buruzko zuzentarauetan arazo horri aurre egiteko neurri eraginkorrak har daitezela. Besteak beste, erabilera bakarreko plastikozko ontziak murriztu daitezen eskatu diete europar ingurumen ministroei.

Iberdrolaren kutsadura salatzeko ekintza egin du Greenpeacek Bilbon

2017-03-30

Ostegun goizean Greenpeaceko zenbait kidek ekintza ikusgarria egin dute Bilboko Iberdrola dorrean.

Elektrizitate autokontsumoari trabak ipintzen tematuta dago Espainiako Gobernua

2017-03-14

Espainiako Gobernuak ezetz esan dio oposizioko talde guztiek –Foro Asturiasek izan ezik– urtarrilean aurkeztutako autokontsumoari buruzko lege proposamena tramitatzeari. Autokontsumoaren gaineko zergak ezabatzea zen proposamenaren helburua.

Greenpeaceren ekintza Mobile World Congress-en, Samsung-i eskatzeko lau milioi telefono birzikla ditzala

2017-02-27

Igandean, Mobile World Congress-eko prentsaurreko baten erdian, Greenpeaceko aktibistek Reuse, recycle, rethink (berrerabili, birziklatu, birpentsatu) zioen pankarta bat zabaldu zuten. Samsung enpresari eskatu diote plan arduratsu bat egin dezala merkatutik kendu dituen 4,3 milioi telefonoak birziklatzeko.Talde ekologistak txosten bat kaleratu du telefono adimendunek uzten duten ingurumen aztarnaz ohartarazteko.

Gore-texek PFC konposatu arriskutsuak ezabatzeko konpromisoa hartu du

2017-02-06

PFC konposatuak ehun iragazgaitzak egiteko erabiltzen dira, mendiko arropa ekoizteko batez ere. Greenpeacek iragarri du Gore Fabrics, Gore-tex produktuen fabrikatzaileak ingurumena errespetatzen duten teknologietarako trantsizioa hasi duela.

... eta jaki ekologikoak soilik jango bagenitu?

2017-01-25

Esperimentua egin du Japoniako Greenpeacek bi familiarekin: hamar egunez, jaki ekologikoz soilik osatutako dieta jarraitu dute partaideek. Nola eragin ote du horrek beren osasunean?

Erleak akabatzen ari diren intsektizidak, uste baino kaltegarriagoak

2017-01-13

2013tik partzialki debekatuta daude Europar Batasunean zenbait intsektizida neonikotinoide, nekazaritan usu erabiltzen diren substantziak, erleei egiten dieten kalteagatik. Greenpeacen eskariz egindako azterketa zientifiko baten arabera, substantziok uste baino arriskutsuagoak dira erleentzat, eta gainera kalte egiten diete beste espezie batzuei ere. Erabateko debekua eskatu du talde ekologistak.

TiSAri buruzko filtrazioa: datu pertsonalen babesa eta segurtasun nuklearra ahuldu ditzake akordioak

2016-11-25

Zerbitzuen salerosketa arautzeko asmoz 50 herrialde inguru eztabaidatzen ari diren TiSA akordioak ondorio kaltegarriak ekar ditzake herritar gehienentzat, Holandako Greenpeacek zabaldu duenez. Jaso duten filtrazio baten arabera, datu pertsonalen babesa eta segurtasun nuklearra ahultzea izan daitezke akordioaren ondorioetako batzuk.

Ostiral Beltza: kontsumismoak ingurumenean eragiten dituen ondorio larriak

2016-11-25

Arroparen erabilgarritasuna urtebete luzatzeak, berotegi efektuko gas isurketa %24 murriztu eta ur kantitate handiak aurreztuko lituzke, Greenpeacek zabaldutako datuen arabera.

Hemen ari da jokatzen espainiar nuklearren etorkizuna

2016-10-24

Otsailean iragarritakoa betetzen badu, Espainiako Segurtasun Nuklearrerako Kontseiluak urtea amaitu baino lehen emango du Garoñako zentrala berriro martxan jartzeko eskaerari buruzko txostena. Aldekoa balitz, eta litekeena da hala izatea, zentralaren jabeek hurbilago izango lukete itxura guztien arabera euren benetako helburua dena: parke nuklear osoaren bizitza luzatzea. Izan ere, 2012tik lo dagoen Garoña berpiztea ez litzateke batere negozio ona beraientzat. Edozelan, zaila da zer gertatuko den igartzea.

Belgikak blokeatuta du oraingoz Europa eta Kanada arteko CETA hitzarmena

2016-10-18

Valoniako Parlamentua CETAren aurka azaldu ostean, Belgikak itunari ezetz esan dio Europako merkataritza eta kanpo harremanetarako ministroen kontseiluan. Bitartean, Greenpeacek ekintza ikusgarria egin du bilkuraren kanpoko aldean.

Ekologisten zalantzak HFC gasak murrizteko nazioarteko akordioaren aurrean

2016-10-17

HFCen ordez beste substantzia kutsatzaile batzuk zabalduko ote diren kezka agertu du Greenpeacek, eta alternatiba naturalak sustatzeko eskatu du.

Greenpeacerekin akordioa sinatu du Bilbok, 2030ean erdira jaisteko garraioaren emisioak

2016-09-15

Bilboko Udalak konpromisoa hartu du, Greenpeace elkarte ekologistarekin adostuta, garraioak eragindako berotegi efektuko gasen isurpenak gutxienez erdira jaisteko 2030. urterako, 2012ko kopuruekin alderatuta.

Arrain eta itsaskien bitartez iristen zaigun plastikoaren arriskua nabarmendu du Greenpeacek

2016-08-25

Segundoko 200 kilo plastikozko hondakin ailegatzen dira mundu osoko ozeanoetara. Zortzi milioi tona urtero. Aspalditik ezagunak dira plastiko puskek itsasoko bizidunei eragindako zenbait kalte. Horrez gain, Espainiako Greenpeacen txosten batek azpimarratu du plastiko hori kate trofikora sartzen dela, eta oraindik neurtzeke dagoen eragina izan dezakeela gure osasunean, itsasoko faunarenean ez ezik.

109 Nobel saridunek transgenikoen harira egindako salaketari erantzun dio Greenpeacek

2016-07-05

109 Nobel saridunek Greenpeaceri transgenikoen aurka ez egiteko eskatu zioten uztailaren 1ean argitaratutako gutun irekian, baita urre koloreko arrozaren kontrako jarrera baztertzeko ere. Haien esanetan, elikagai horrek Afrika eta Asia hego-ekialdean A bitaminaren defizita duten pertsonei lagundu diezaieke, kasu batzuetan heriotza saihestuz.

Greenpeaceko sei aktibista Madrilgo Kio dorreetara igo dira TTIPen aurkako ekintzan

2016-05-17

Espainiako Greenpeaceko sei kidek Madrilgo Kio dorreetako baten horma eskalatu eta TTIPen aurkako pankarta bat ipini dute 80 metroko garaieran. Greenpeacek berak maiatz hasieran zabaldutako dokumentuek erakusten dute, talde ekologistaren esanetan, AEBak eta Europar Batasuna negoziatzen ari diren merkataritza hitzarmenak mehatxu egiten diela herritarren eskubideei lan, ingurumen eta osasun arloetan, besteak beste.

Artikoko izotzak inoiz baino azalera txikiagoa du 2016an

2016-03-30

2015ean inoizko tenperaturarik altuenak izan dira Munduko Meteorologia Erakundeak jaso duenez. Horren ondorioa garbia izan da: Ozeano Artikoko izotzaren zabalera azken 37 urteetako txikiena da.

Greenpeaceko hainbat aktibistak TTIPen negoziazio saioaren hasiera oztopatu dute

2016-02-22

Greenpeaceko 30 kidek beren burua kateatu dute Europar Batasuneko eta AEBetako ordezkaritzek TTIP akordioaren hamabigarren negoziazio-saioa hasi behar zuten aretoko sarreran. Beste batzuek eraikineko fatxadara igo eta “TTIP: irteerarik gabeko merkataritza akordioa” dioen pankarta eskegi dute.

Garoña berriz irekitzeko prozesua gelditu dadila eskatuko dute hainbat alderdik

2016-02-02

Greenpeace eta Ekologistak Martxan talde ekologistekin egindako bileran adostu dutenez, Espainiako Kongresuan ordezkaritza duten sei taldek eskatuko dute ez dadila har Garoñako zentral nuklearrari buruzko erabakirik gobernu berria osatu arte.

Pestiziden “koktel kimikoa” aurkitu dute Europako sagarretan

2015-10-30

Greenpeacen ikerketa baten arabera Europan era konbentzionalean ekoitzitako sagar guztiek pestizida kimikoa dute, eta aldiz, era ekologikoan ekoitzitakoek ez. Greenpeacek azaldu du pestizida horiek toxikoak direla ingurumenerako, eta oraindik ez dagoela argi nola eragin dezaketen pertsonen osasunean.

Zenbat zuhaitz kabitzen da 13 milioi hektareatan?

2015-05-22

Dibertsitate Biologikoaren Nazioarteko Egunaren karietara (maiatzak 22), Greenpeacek gogorarazi du baso birjinaren bosten bat besterik ez zaigula geratzen, eta deforestazioak ez duela atsedenik hartzen.

Greenpeaceko sei kide Artikora doan Shell enpresaren petrolio plataforman gotorturik daude

2015-04-08

Greenpeace talde ekologistako sei kidek Artikora bidean zegoen Royal Dutch Shell-en petrolio plataforma okupatu dute #SaveTheArtic kanpainaren barruan. Talde ekologistaren Esperanza itsasontzitik zuzeneko kontaketa egiten ari dira.

Gas emisioak zerora murrizteko eskatu diete NBEko adituek agintariei

2014-11-03

Nazio Batuen Erakundeko (NBE) klima aldaketari buruzko IPCC aditu taldeko zientzialariek aurrenekoz eskatu dute berotegi-efektuko gas emisioak zerora murrizteko. Prozesua arintzeko energia berriztagarrien aldeko apustu sendoagoa egin beharko lukete agintariek.

Bina hilabeteko espetxe zigorra Frantzian epaitutako Greenpeaceko 55 kiderentzat

2014-09-05

Greenpeaceko 55 kide epaitu dituzte Frantziako Colmar hiriko auzitegian, aurtengo martxoan Fessenheimeko zentral nuklearrean protesta ekintza bat egiteagatik. Bete beharko ez duten bi hilabeteko espetxe zigorra ezarri die epaileak denei.

Erresuma Batua fracking-a erabiltzen hasiko da, baita parke naturaletan ere

2014-07-29

Erresuma Batuko Gobernuak gasa lurpetik erauzteko fracking sistema onartu du, baita parke naturaletan eta babestutako beste zenbait eremutan ere. Talde ekologisten protestak ugari izan dira: landazabal ingelesaren %64 zulatu dezaketela salatu dute.

Irun hiriburu berde bihurtuko dute asteburuan Bioterra azokarekin

2014-06-06

Produktu ekologikoen, bioeraikuntzaren, energia berriztagarrien eta kontsumo arduratsuaren Bioterra azoka antolatu dute ekainaren 6tik 8ra Irungo Ficoban. Asteburu osoan hainbat hitzaldi, erakusketa eta tailer egongo dira.

Zentral nuklearren aurkako protestetan Greenpeaceko 76 kide atxilotu dituzte

2014-03-05

Zentral nuklearren segurtasun ezaren aurkako protesta ekintzak egin ditu asteazkenean Greenpeace taldeak Europako bost herrialdetan. 76 ekintzaile atxilotu ditu poliziak, haietako 9 Garoñan. Azken horiek aske geratu dira.

Greenpeaceko 29 kiderentzat fidantzapeko askatasuna ebatzi du San Petersburgoko Auzitegiak

2013-11-19

San Petersburgoko Auzitegiak fidantzapeko askatasuna ebatzi du Artikoko uretan atxilotutako Greenpeaceko 30 kideetatik 29rentzat, baina gutxienez beste hiru hilabetez edukiko du ziegan Colin Russell australiarra.

Artikoko piratak

2013-10-09

Joan den irailaren 19an, Errusiako Kostalde Guardiak Greenpeaceko 28 ekintzaile eta kameralari eta argazkilari bana atxilotu zituen, eta haiek zihoazen ontzia, Arctic Sunrise, bahitu.

British Petroleum enpresaren logo 'berrituak'

2010-06-11

Apirilaren 20an izandako leherketa batek, Mexikoko Golkoan British Petroleum enpresaren plataforman lanean ari ziren 11 langile hil eta AEBetako historiako petroleo isuririk larriena utzi du. Egunero 12.000 eta 100.000 upel bitarte isurtzen dira itsasora. Protesta moduan, Greepeace talde ekologistak BP-ren logoa "eraberritzeko" leihaketa zabaldu du bere webgunearen bitartez. Honezkero ia 1.200 diseinu jaso dituzte. Greenpeace-k duen Flickr kontuan ikusgai daude jasotako guztiak... [+]

"Gure diskurtsoak lapurtu dizkigute"

2010-03-16

Behinola natura eurekin ahaztu zela oihukatzen zutenek, gaur naturarekin gu ahaztu garela egingo lukete garrasi. Arrazoi baitzuen Sarrik: «Ea noiz konturatzen garen geure kontrariorik gogorrenak geu garela».