UEMA

Udalerri euskaldunenek hamar neurri proposatu dituzte normalizazioan pausoa emateko

2026-05-18

Udalerri Euskaldunen Mankomunitateak, Udalerri Euskaldunen Egunean, euskararen egoera larria eta euskara indartsuen dagoen lurguneetan antzematen diren joera kezkagarriak mahai gainean jarri ditu. Hala, udalerri euskaldunen atzerakada gelditzeko hamar neurri proposatu ditu.

Udalerri Euskaldunen Eguna, maiatzaren 16an Otxandion

2026-05-11

Bi urtetik behin antolatzen du UEMAk Udalerri Euskaldunen Eguna, udalerri euskaldunen ekarpena festa giroan ikusarazteko eta aurrera begira dituzten erronkak nabarmentzeko. Aurten tokatzen da, eta gaur zortzi egingo da, datorren maiatzaren 16an, Otxandion.

UEMAk Esnatu dinamika aurkeztu du, eremu euskaldunen gainbehera “iraultzeko arduratik”

2026-04-14

“Arnasguneak eta lurgune euskaldunena giltzarriak dira euskararentzat, eta eremu horiek babestea eta sendotzea ezinbestekoa da”, azaldu dute aurkezpenean. Hamazortzi kirol elkartek, mugimendu herritarrek, enpresek edo erakundek helburu hori bultzatzeko hartu dituzten konpromisoak jakinarazi dituzte.

Indarrak ipini eremu euskaldunenean, lurralde osoan eragin dezan

2026-03-04

UEMAk proposatu du indarrak eremu euskaldunean ipintzea, lurralde osoan eragin dezan

2026-02-25

UEMA Udalerri Euskaldunen Mankomunitateak Lurralde Estrategia euskararentzat proposamena aurkeztu du otsailaren 25ean. Euskararen egoeraren inguruko alarma gorriak piztuta daude, baita eremu euskaldunetan ere. UEMAk orain arteko hizkuntza politikan norabide aldaketa proposatu du, eta eremu euskaldunenek euskararen indarberritzean lidergoa hartzea.

“Esku-hartzeak egoera soziolinguistikoaren arabera moldatu behar dira”

2026-02-25

UEMA Udalerri Euskaldunen Mankomunitateak Lurralde Estrategia euskararentzat proposamena aurkeztu du otsailaren 25ean. Orain arteko hizkuntza politikan norabide aldaketa proposatu du, eta eremu euskaldunenek euskararen indarberritzean lidergoa hartzea. Martin Aramendi UEMAko lehendakariaren ustez, bidegurutzea gurutze-bide bihurtzen hasita dago eta bide berria hartzeko garaia da.

UEMA euskara legez babesteko akordioetara iristen ahaleginduko da 2026an

2025-12-15

Urte amaierako Batzar Nagusia egin du UEMAk Etxarri Aranatzen. Orain arteko hizkuntza politikak "eman beharrekoa eman duela, aldatzeko garaia dela eta erakunde publikoei horri erantzutea" dagokiela adierazi dute. Urdiain eta Zeberio UEMAko kide berriak izango dira.

Jarraipena eta elkar-dependentzia: galesera hiztun dentsitate baxu, ertain eta altuko komunitateen dinamika

2025-11-29

Arnasguneek hizkuntza gutxituen biziberritzean duten garrantzia izan zen urriaren 16an eta 17an Azpeitian egin zen nazioarteko konferentziaren ardatza. UEMAk, Soziolinguistika Klusterrak, Udako Euskal Unibertsitateak (UEU) eta Europako Coppieters fundazioak antolatutako konferentziak 250 lagun inguru elkartu zituen Soreasu antzokian. Soziolinguista, hizkuntzalari, irakasle eta erakunde publikoetako ordezkariekin batera, nazioarteko zein Euskal Herriko hainbat eragilek zuzenean entzun zituzten... [+]

Iragarpen beltzak hizkuntza-politika ausarta eskatzen du

2025-10-22

Hego Euskal Herrian hamarkada baten buruan euskararen egoera zein izan daitekeen ikertu du UEMA Udalerri Euskaldunen Mankomunitateak. Eskuratutako emaitzak ez dira hizkuntzaren bizi-indarraren aldekoak eta arreta jartzeko modukoak dira belaunaldi gazteen ezagutza-mailan izango den beherakada eta arnasguneen ahultze nabarmena. Aurreikuspenak beteko balira, datorren hamarkadan gero eta gehiago izango dira nagusiki erdaraz inguratuta biziko diren euskal hiztunak, eta azken urteetako indartze eta egonkortze aldien ostean, euskararen galera fase argia letorke. Hizkuntza-politikak aldatzeko beharra mahai gainean dago.

Euskararentzat eta euskaldunentzat justizia aldarrikatu dute milaka herritarrek udaletxeen aurrean

2025-07-21

UEMAk antolatuta egin dituzte kontzentrazioak larunbat eguerdian, Espainiako Auzitegi Gorenaren azken epai euskarafoboaren aurka eta euskararen alde. Euskara “benetan” babesteko “adostasun sendoak” eskatu ditu UEMAk, “euskarak eta euskaldunok bigarren mailakoak izateari” uzteko. Aurki beste mobilizazio batzuk izango direla iragarri dute.

Epai euskarafoboen gainetik, euskaraz jarraituko dutela jakinarazi eta protestara deitu du UEMAk

2025-07-17

UEMAren zuzendaritza batzordeko kideek hedabideen aurrean agerraldia egin dute ostegun eguerdian Zarautzen, Espainiako Auzitegi Gorenaren azken epai euskarafoboa salatzeko. Epaia "larria" dela adierazi dute, eta batez ere udalerri euskaldunei eta euskaraz aritzen diren udalei eragiten dienez, elkarretaratzeko deia egin dute larunbaterako, UEMA osatzen duten 118 udaletako udaletxeen aurrean. Udalei, euskalgintzako eragileei eta herritarrei ere dei egin diete, epai hau salatzera eta euskaldunon eskubideen alde egitera kalera ateratzera.

Hamar urte barru euskararen arnasgunerik ez dela egonen ondorioztatu dute

2025-07-11

UEMA Udalerri Euskaldunen Mankomunitatearen eskariz, 2036an Hego Euskal Herrian euskararen egoera zein izanen den aztertu du Siadeco ikerketa etxeak. Hipotesi batzuk beteko balira, hemendik hamar urtera ukanen genukeen errealitate soziolinguistikoari begiratuta, "egoera arriskutsuan" garela ohartarazi du UEMAk.

UEMAra beste bost herri batu dira eta plan estrategikoa adostu dute

2025-06-16

Azkoitian egindako aurtengo lehenengo batzar nagusian batu dira UEMAra ondoko bost herri hauek: Donamaria, Ibarrangelu, Mundaka, Mutiloa eta Ormaiztegi.

Euskaraldian hitanoa lantzera deitu dute

2025-02-24

Hamahiru ZirHika kide batu dira hitanoaren erabilera aldarrikatzeko eta antolakundearen ekintzen berri emateko. Azalpenak Badihardugu elkarteko Idoia Etxeberria eta Galtzaundiko Uxoa Elustondok egin dituzte. Horiei, Andoni Egaña eta Amaia Agirre bertsolariak eta Andrea Bella uruguaitarra batu zaizkie, beste ZirHikako kide batzuen artean.

Udaltzainen hizkuntza eskakizunen aurkako oldarraldia Donostian, Astigarragan eta Usurbilen

2025-02-07

Donostiako Udalak 2024ko irailean helegitea jarri zuen, urte bereko urtarrilean epaileek bi udaltzainen B2 hizkuntza eskakizuna baliogabetu zutelako. EAEko Auzitegi Nagusiak helegitea ez du tramitera ere bideratuko, “kasaziorako interes objektiborik” ez dagoelako. Usurbilgo eta Astigarragako udalek, berriz, helegiteak jaso dituzte udaltzainak hautatzeko prozesuetan euskarazko 3. hizkuntza eskakizuna zehazteagatik.

'Bertatik Bertara' kanpaina abiatu du UEMAk, turismo garaian euskara areagotu asmoz zerbitzu sektorean

2024-06-10

Udalerri euskaldunen nortasuna egokien islatzen duena euskara dela nabarmendu du mankomunitateak eta bisitariek zein bisitariekin harremana duten zerbitzu sektoreko arduradun eta langileen konpromisoa eskatu du. Kanpaina ekainaren 8tik irailaren erdialdera arte egingo da.

Udalerri euskaldunen eguna ospatuko dute Lesakan maiatzaren 18an

2024-05-10

"Zubiak zeharka” lemapean, egun osoko egitaraua prestatu dute UEMA eguna ospatzeko. Herriko eragile guztiek hartu dute parte programaren prestaketan eta ekimen herrikoi eta partehartzailea izatea lortu dute horrela.

Aukera galdua

2024-03-13

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du bermatuko herritarrek euskarazko zerbitzua jasotzea, ezta administrazioko langileek euskaraz lan egin ahal izatea ere. Eragileek kritikatu dute oldarraldi judizialaren aurrean ez duela babesik emango.

Hamabi hizkuntzatan banatuko du UEMAK Korrikari buruzko informazioa

2024-03-07

23. Korrikaren atarian, udalerri euskaldunetako bizilagun guztiek Korrikaren berri izatea garrantzitsua dela iritzita, diptikoa banatuko du UEMAk hamaika hizkuntzatara itzulita.

Udalekuak egingo ditu UEMAk euskaraz bizi diren gazteentzako

2024-03-04

Beste urte batez, uda garairako, Salto! udaleku ibiltariak antolatu ditu UEMAk. Udalerri euskaldunetako gazteak elkartuko dira aisialdiaz gozatzeko. UEMAren helburua da “euskaraz bizi diren gazteek inertziatik kontzientziarako saltoa ematea eta horrekin efektu biderkatzailea sortzea”.

Azkoitiko Udala UEMAko kide izango da

2023-12-15

EAJren, EH Bilduren eta Azkoitia Bairen aldeko bozkekin hartu dute erabakia. Udalbatza osatzen duten hamazazpi zinegotzietatik hamaseiren aldeko botoa jaso du Udalerri Euskaldunen Mankomunitatera (UEMA) sartzeko eskaerak.

Beste epai bat udalak euskara hutsean aritzearen aurka

2023-10-20

Astebetean bigarren kolpea eman du EAEko Justizia Auzitegi Nagusiak. Lehenengoan bezala, bigarren honetan ere, udaletan euskara lehenesteko aukera zabaltzen duen udal legearen aurkako epaia izan da. PPren helegitea partzialki onartu du Auzitegi Nagusiak. Epaia ez da irmoa eta Eusko Jaurlaritzak 30 eguneko epea du Auzitegi Gorenean helegitea jartzeko.

Gaztelaniaren nagusitasuna bermatzeko beste zartako bat

2023-10-18

Uliazpi Fundazioa, Laudio, Barakaldo, Irun, Erandio... Edo beste era batera esanda: hizkuntza eskakizunak, Udal Legearen 6.2 artikulua, kontratazioetako klausulak... Sektore publikoaren euskalduntzea urrunegi joan dela esaten ari zaizkigu. Horretara dator oldarraldi judiziala. Hizkuntza politikak mugatzearen ondorioz, izango ditugu orain arte baino udaltzain, ertzain, erizain, administrari euskaldun gutxiago. Euskalgintzaren Kontseiluak manifestaziora deitu du azaroaren 4rako epai bidez zanpatu nahi dituzten hizkuntza eskubideak aldarrikatzeko.

Udal legearen epaiak azaroaren 4ko manifestaziorako arrazoiak areagotzen dituela dio Kontseiluak

2023-10-17

Epaia “larritasun handikoa” dela salatu du Euskalgintzaren Kontseiluak. Bingen Zupiriak adierazi du epaiak Jaurlaritzak helegitea aurkeztea "eskatzen" duela. UEMAren ustez, “marra gorri guztiak” gainditu ditu epaiak.

Martin Aramendi, Ataungo alkatea izango da UEMAko lehendakari berria

2023-09-25

Iraitz Lazkanoren lekukoa hartu du datozen lau urteetarako. Hautatu berriak adierazi du UEMA asko aldatu dela azken urteetan, eta tokiko errealitate berriei erantzun ahal izateko diagnostiko zehatzak egiten lan egingo duela UEMAk.

Euskarak "estatus juridiko berria" behar duela aldarrikatu du UEMAk

2023-07-07

"Ezinegon handia" sortu du UEMAko udaletan Espainiako Konstituzionalaren osteguneko erabakiak, euskalduntzean "atzera egiteko arrisku bizia" baitago. Horrez gain, "oldarraldi honek erantzun juridiko sendoa" behar duela nabarmendu, eta lege-esparru "eraberritu" batera "bideak bilatzeko" dei egin du.

UEMAk osasungintzako hizkuntza-eskakizunen azterketa zehatza egin du

2023-06-16

Udalerri Euskaldunen Mankomunitateak, UEMAk, sareko udalerrietako osasun zerbitzu publikoen hizkuntza datuak aztertu ditu txosten batean. Ondorio nagusia, UEMAko udalerrien hamar osasun-langiletik hiruk ez daukate euskara-maila egiaztatuta (EAEko Osakidetza zerbitzuan % 19k eta Nafarroako Osasunbidean % 75ek).

UEMAko herrietako bost pediatratik bik ez dute euskara gaitasuna egiaztatuta

2023-06-13

Udalerri euskaldunen mankomunitateko herrien osasun zerbitzua aztertu du UEMAk, eta ondorioztatu du hamar osasun langiletik hiruk jarduten dutela euskara maila egiaztatu gabe. Ikerketak erakutsi du ez dela aurrerapen esanguratsurik egon azken urteetan.

Euskararen gainbehera zantzuak ageri dira udalerri euskaldunetan

2023-04-28

UEMAk (Udalerri Euskaldunen Mankomunitatea) berariaz aztertu ditu VII. Inkesta Soziolinguistikoak bere herriekiko eman dituen emaitzak, eta argi-itzalak agerikoak dira berriz ere: herri euskaldunenek euskal hiztunak galdu dituzte.

Udalerri euskaldunen garrantzia nabarmendu du UEMAk Azpeitiko ekitaldian

2023-03-27

Lau udal berri sartu dira mankomunitatean: 101 dira orain. Iraitz Lazkano UEMAko lehendakariak udalen garrantzia azpimarratu du ekitaldian, eta "urgentziazkotzat" jo du erabileraren eta ezagutzaren arteko aldea iraultzea.

"Jakinda mediku euskalduna nahi dugula, lasai asko jartzen digute erdalduna"

2023-03-17

Osasunbidean dauden hizkuntza eskubide urraketez mintzatu da Joseba Otano Administrazioan Euskaraz taldeko kidea.

Hernani izango da Uemako 96. udalerria

2022-12-01

Hernaniarren %70ak euskara menperatzen du, eta horrek ahalbidetu dio Udalerri Euskaldunen Mankomunitatean sartzea. Asteasurenarekin batera, abenduaren 17an onartuko du Uemak Hernaniren eskaria, eta hala, 96 izango dira udalerri euskaldunak. Ezagutzak gora egin duen arren, euskaraz gutxiago hitz egiten da Hernanin 2011n baino.

Gero eta lehenago hasten dira gaztelaniaz udalerri euskaldunetako haurrak

2022-11-23

"Udalerri Euskaldunetako Haurrak eta euskara" ikerlana egin dute Soziolinguistika Klusterrak, UEMAk eta EHUko Dream taldeak. Udalerri euskaldunetako zazpi ikastetxetako haurrekin, helduekin, eta herriko eragileekin euskararen egoera aztertu dute, haurren gaztelaniaranzko joeraren arrazoiak identifikatzeko helburuz.

Euskararen erabilerak beherakada nabarmena izan du herri euskaldunetan ere eta neurriak eskatu dituzte

2022-11-16

UEMAk argitaratutako txostenaren arabera, herri euskaldunenetan izan da galera handiena: etxeko erabilera %81 izatetik %59 izatera igaro da hogeita hamar urtetan. UEMAtik kanpoko udalerriek, berriz, hobetu egin dute euskararen egoera soziolinguistikoa. Datuak aurkeztearekin batera, aztertzaileek egiturazko neurriak exijitu dituzte, egoerak oraindik eta okerragora egin ez dezan.

Euskarazko ikus-entzunezkoen eskaintza sustatzeko Zinuema egitasmoa abiatuko dute UEMAko lau herritan

2022-10-20

Zinema aretoetan dagoen euskarazko eskaintza urriari erantzuteko asmoz Zinuema egitasmoa sortu du UEMAk Tinko Filmeak-ekin elkarlanean. UEMAko lau udalerritan hasiko dute egitasmoa: Igorren, Etxarri-Aranatzen, Azpeitian eta Ataunen askotariko film eta dokumentalak proiektatuko dira eta proba pilotua egin ostean eskaintza zabaltzea da asmoa.

Eremu euskaldunenetako haurrek ere gaztelaniazko ikus-entzunezkoak kontsumitzen dituzte, alde handiz

2022-09-28

UEMAk agerraldia egin du Eusko Legebiltzarrean, gazteen ikus-entzunezkoen kontsumoari buruzko ikerketa aurkezteko. Azterlanean, telebista, sare sozialak, streaming plataformak, musika eta bideojokoen kontsumoa aztertu du udalerri euskaldunen mankomunitateak, eta euskara erdaren oso azpitik dagoela ondorioztatu du. Ikerketak UEMAko kide diren 94 udalerrietako 11.571 gaztek betetako inkesta du oinarri. Ondorengo lerroetara ekarri dugu elkarteak bere webgunean emandako azalpena.

Etxarri Aranazen mediku euskaldunak jartzeko eskatu diote Osasunbideari Udalak eta UEMAk

2022-04-08

Derrigortasunik ezarrita ez zegoen arren, euskaldunak ziren orain arte Etxarri-Aranatzen aritu diren bi medikuak. Haietako bat joan ondoren, ordea, euskaraz ez dakien mediku bat ekarri dute, eta erabiltzaileen hizkuntza eskubideak errespetatzeko helburuz egin dute eskaria Etxarri Aranazko Udalak eta UEMAk.

Arnasguneetako euskararen erabileraren bilakaera negatiboa erakutsi du UEMAren ikerketak

2022-03-16

Kaleko 71.000 elkarrizketa eta 227.900 solaskide behatu dituzte UEMAko herrietan, eta 2017koa baino ikerketa are sendoagoa burutu dute. Erabilera orokorra ez da ia aldatu: bostetik hiru aritzen dira euskaraz. Adina eta generoaren arabera badira desberdintasun batzuk.

UEMAk eta Behatokiak Nafarroako Gobernuari eskatu diote administrazioko tramite elektronikoak euskaratzeko

2022-01-20

Herritarren hizkuntza eskubideak errespetatzeko neurriak galdegin dituzte. Gaur egun administrazioan telematikoki egin daitezkeen tramiteen %23 soilik egin daitezke euskaraz, eta tokiko erakundeen kasuan %2,5 besterik ez.

Arnasguneetako herritarrak ahalduntzeko ekimena aurkeztu dute Nafarroako Gobernuak, Eusko Jaurlaritzak eta UEMAk

2021-03-22

Arnasgune diren Nafarroako 14 herriak “zaindu eta babesteko beharra” nabarmendu zuen Ana Ollo kontseilariak, Etxarri Aranatzen egindako aurkezpenean. Gaur jarriko dute martxan ekimena eta maiatzaren 16ra arte iraungo du, zortzi aste guztira. Aste bakoitzean bideo labur baten bidez plazaratutako gai bat izango dute hizpide.

Euskara eta turismoa: posible ote da oreka?

2021-02-19

Euskarak etorkizunean izan al dezake arriskurik turismoaren hazkundea dela eta? Euskara eta turismoa bateragarriak al dira? Zer iritzi dute turistek euskararen inguruan? Iritzi horiek eta gehiago entzun ziren atzo Alondegian, Euskara, bestela ez gara hitzaldi zikloko lehen saioan.

Bertako turismoa bertako hizkuntzan

2020-07-09

Bertatik Bertara kanpaina jarri du abian UEMAk. Euskara inoiz baino erdigunerago egongo den turismoa sustatu nahi dute uda honetan, eta horretarako, 60 udalerri baino gehiagotako ostalaritza establezimenduetan dagoeneko eskuragarri dagoen material sorta egin dute.

Etxean goxo egoteko euskarazko baliabideen zerrenda ipini du UEMAk

2020-03-17

UEMAk euskarazko doako hainbat baliabide bildu ditu, haurrentzat zein helduentzat. Datozen egunetan etxean egotea dagokigu, Koronabirus familiako COVID-19 birusak eragindako ezohiko egoera dela eta. Etxeko egonaldia arinago egiteko, UEMAk eta zure udalak, euskarazko doako hainbat baliabide bildu ditu, haurrentzat zein helduentzat. Eduki hauek ez dira UEMAk eta udalak sortutakoak, euskarazko hainbat webgune, banku eta kanaletatik jaso dira. Kasu guztietan, jatorrizko sortzailearen helbidera bideratu da esteka. Espero dugu zuentzat baliagarria izatea.

Kartzela 2. kapitulua

2019-12-13

Arnasa Gara kanpainaren baitan sortu da zazpi kapitulu osatzen dituen misteriozko fikzio hau. BECen harrapatuta dauden sei lagun dira istorioaren protagonistak, arnasguneetako herritarrak dira guztiak. BECeko zenbait tokitan harrapatuta gelditu ondoren, pixkanaka topo egingo dute elkarrekin, eta eraikinetik nola atera pentsatzen hasiko dira. Horretan ari direla sortuko dira lehen galderak: zenbat egunez iraun beharko dute BEC barruan? Nola moldatuko dira hain izaera desberdina duten sei... [+]

Kartzela 1. kapitulua

2019-12-12

Bost langiletik batek ez daki euskaraz

2019-07-17

2018ko datuek diote halakorik. Bi urtean behin egiten dute kontaketa, eta datuek hobera egin duten arren, zerbitzua euskaraz ematea bermatzetik urrun dagoela uste dute UEMAko udalerriek. Azken albistea Urola Kostatik iritsi da, hainbat herri euskaldunetarako familia-mediku erdalduna ekarri dutelako. Osakidetzak dio euskal profesionalak falta direla, eta beraz, hezkuntzan eragiten hasteko beharra ikusi dute.

Turistek eskertu egiten dute euskara entzutea, UEMAk egindako azterketaren arabera

2019-04-05

Zumaia, Bermeo eta Leitzako Turismo bulegoetan, landetxeetan eta ostatuetan bisitariek erantzundako 727 inkestaren datuak aztertu ditu UEMAk.

Erronkaz betetako urte berrirako egitasmoak onartu ditu UEMAk, Legorretan egindako batzar nagusian

2018-12-17

Urte amaierako batzar nagusia egin du UEMAk gaur Legorretan. Bertako herri antzokian elkartu dira UEMA osatzen duten 86 udalerri euskaldunetako alkateak eta zinegotziak eta, besteak beste, 2018an egindakoaren balantzea aztertu eta 2019rako egitasmo nagusiak onartu dituzte. Oro har, udalerri euskaldunen garapena, hizkuntza politiken zeharlerrotasuna, elkarlana, lege babesa eta herritarren sentsibilizazioa nabarmendu dituzte 2019ko ildoen artean.

Plazeretik euskarari errazago eusten zaio

2018-07-19

Zazpi egun. Hamazazpi gazte. Bost begirale. Hamaika bizipen. Elkarren arteko lotura euskara. Horrela topatu ditugu Zestoako Sastarrain baserri-eskolan UEMAk udalerri euskaldunetako gazteentzat antolatutako Salto! udalekuetan parte hartutako lagunak.

Udalerri euskaldunen eguna Diman izango da, maiatzaren 26an

2018-05-08

UEMAk eta Dimako Udalak elkarlanean antolatuko dute aurten Udalerri Euskaldunen Eguna, Arratiako beste zenbait udalekin eta Dimako hainbat elkarte eta eragileren laguntzarekin. Maiatzaren 26an izango da hitzordua.

Eta zuk, bisitari, ba al dakizu hemen euskaraz egiten dela?

2018-04-12

Zumaiako kaleetan ikusiko dituzu hemendik aurrera. Gidak azalpenak emango dizkie turistei: euskararen jatorriaz arituko da, non egiten den eta zein euskalki dituen esango die, hiztun kopurua asmatzeko zirikatuko ditu. Ez dute flysch ospetsuaz hitz egingo, euskal nortasunaz, kulturaz eta euskarari buruz baizik. Zumaiako Udaleko euskara eta turismo sailek sortutako ekimena da, eta haien belarrietara iritsi dena kontuan hartuta, tankera horretako bisita gidatu bakarra da Euskal Herrian.

Arantzazu UEMAko kide izango da

2018-03-13

Udalerri Euskaldunen Mankomunitateko 86. udalerria izango da.

Eraikitzen hasi aurretik euskararen hauskortasuna neurtu dute

2018-03-07

“Errezilen etxe gehiago egingo direla, eta zer? Euskara ahultzeko beldurra? Baina gu beti izan gara euskaldunak eta hala izaten jarraituko dugu”. Ez dugu errezildarraren ahotik entzun esaldi borobil hori, baina izan zitekeen, halakoxea baita aldartea biztanle berriak etorriko badira ere euskal komunitatea arriskuan ikusten ez denean. ARGIAk Xebero Agirretxe herriko alkatearekin, Nekane Zinkunegi zinegotziarekin eta Arritxu Zelaia hizkuntza aholkulariarekin hitz egin du. Hirigintza plana eta euskara zaku berean sartu dituzte eta “bonbilla piztu “ zaie. Alegian beste hainbeste egin du Inhar Agirrezabal arkitektoak, lantalde zabala ondoan duela.

"Arnasguneetan ez da eztabaidatzen zein hizkuntzatan egin behar den"

2017-12-06

Zergatik egiten dute euskaraz gutxiago bermeotarrek ondarroarrek baino?

2017-10-06

Ondarroan euskararen ezagutza %79koa da eta erabilera ere bai. Bermeon ezagutza %72koa da eta erabilera %33koa. UEMAk ikerketa sakona egin du askotariko faktoreak lantzeko.

Udalerri euskaldunetako gazteek Orion ezagutuko dute elkar

2017-09-08

UEMAk Salto! Gazte Topaketak antolatu ditu. Euskaraz bizi diren gazteak euskararen inguruan kontzientziatzea eta besteengan eragitea lortzea da helburua.

Euskara eta turismoa lotzeko ekimenak landu dituzte Oriok, Zumaiak, Azpeitiak eta Nafarroako Gobernuak

2017-07-06

UEMAren ustez Nafarroako Turismo Planak euskara kultur ondare garrantzitsutzat hartu izana aitzindaria da.

Zergatik du hizkuntza batek beste batek baino botere handiagoa?

2017-06-29

Udalak euskalduntzen ari diren arren, udalerriak erdalduntzen ari direla adierazi du UEMA Udalerri Euskaldunen Mankomunitateak. Horren aurrean, herritarren kontzientziazioa eta sentsibilizazioa lantzeko hezkuntza proiektua jarri du martxan UEMA osatzen duten herrietako ikastetxe guztietan. Oñatiko Txantxiku Ikastolan eta Elkar Hezi Ikastetxean izan da ARGIA.

EAEko Auzitegi Nagusiak Gipuzkoako Foru Aldundiaren Euskara Planaren aurkako epaia eman du

2017-06-23

Bost artikulu baliogabetu ditu, besteak beste, kontratazio administratiboarena eta diru-laguntza jasotzaileen betekizunena. Foru Aldundiak epaia errekurrituko du.

Nola bultzatu turismoa herri nortasuna eta euskara kaltetu gabe

2017-05-24

Azpeitiko Udalak www.azpeitibizi.eus webgunea zabaldu berri du. Herrira turismoa erakartzeko tresna da, luzea izan nahi duen prozesuaren abiapuntua baino ez. Ondoko gogoeta egin du Udalak: lehentasuna ekonomia sustatzea da, eta turismoa horretarako bideetako bat. Turismoa indartzeak ordea, nola eragingo du udalerri euskaldunean? Nola ekarri bisitariak herri nortasuna galdu gabe?

Errefuxiatuen harrera protokoloan euskararen irakaskuntza sartzea eskatu dio UEMAk Eusko Jaurlaritzari

2017-03-07

Asilo eskaera egiten duten pertsonen harrera prozesuak kudeatzeko protokolo bat proposatu du Eusko Jaurlaritzak. UEMA Udalerri Euskaldunen Mankomunitateak salatu duenez, ez du euskararen irakaskuntza aintzat hartzen. Gizarteratzea kudeatzeko euskararen transmisioaren garrantzia azpimarratu du.

Euskararen arnasguneen aitortza lortzeko bidean urratsak eman nahi ditu UEMAk 2017an

2017-01-10

Larrabetzun aurkeztu du UEMAk larunbatean, urtarrilak 15, herri horretan egingo duen batzar nagusia. Puntuetako bat, hain zuzen, Larrabetzuk eta beste lau udalek (Areatza, Ataun, Errezil eta Mendaro) mankomunitate kide izateko egindako eskaria formalki onartzea izango da.

Medikuen eta pediatren lautik bat ez da gai euskaraz egiteko

2016-11-16

UEMAk (Udalerri Euskaldunen Mankomunitateak), erakundeak berak biltzen dituen 76 udalerrietan familia eta larrialdi medikuen eta pediatren euskara gaitasuna neurtu du. 76 udalerriak Hego Euskal Herrian daudenez, Osakidetzako eta Osasunbideako profesionalak dira denak. 289 profesional zenbatu dituzte UEMAko udalerrietan. 73 ez dira gai euskaraz aritzeko. Familia eta larrialdi medikuen %22 da gai ez dena eta pediatren %35.

Euskara lehenetsiko dute Kutxabankek eta Laboral Kutxak UEMAko 38 udalerritan

2016-07-19

Azpeitian bildu dira UEMAko, Laboral Kutxako eta Kutxabankeko ordezkariak, hala nola UEMAko 38 udalerritakoak –30en kasuan, alkateak–, bi kutxa horietako bulegoetan euskarari lehentasuna emango dion neurri sorta hitzartzeko. Hogei udalek kutxetako bakarrarekin sinatu dute hitzarmena, gainerakoek biekin.

Udalerri euskaldunek badute aterpea

2016-07-14

Eusko Legebiltzarrak apirila hasieran onartu zuen Euskadiko Toki Erakundeen Legea (Udal Legea ere deitua). Legearen lehen zirriborroan euskararen atalik ez zegoen. Atala sortu zutenetik legean sartu denera pauso galanta eman da. UEMA Udalerri Euskaldunen Mankomunitateak hala dio bere balorazioan: legeak helburutzat hartu du toki administrazioan euskara erabat berreskuratzea, udalak eredu eta aitzindari izatea eta euskararen garapena galarazten edo oztopatzen duten trabak alboratzea. Legearen garrantziaren jakitun, Espainiako Gobernuak pasa den astean adierazi zuen hainbat artikulu legez kanpokoak direla. Legearen indarguneak eta ahulguneak aipatu ditugu ondoko lerroetan.

Udal Legea: Espainiako Gobernuak euskara hutsezko aktak baliogabetu nahi ditu

2016-07-08

Udal Legea apirilean onartu zen EAEn eta euskara ataleko artikuluek udalerri euskaldunei babes handia ematen dietela aitortu dute eragileek. Aterpea galarazteko lehen saiakera iritsi da.

Osakidetzak mediku erdaldunekin ordezkatu ditu euskaldunak

2016-07-07

UEMAk eta hainbat udalerrik salatu dute herritarren hizkuntza eskubideak urratu eta osasun zerbitzuaren kalitatea kaltetu dituela Osasun sailak.

Pentsatu duzu inoiz herriko euskararen erabileran eragin dezakezunik?

2016-04-20

UEMA (Udalerri Euskaldunen Mankomunitatea) ikastetxez ikastetxe ibili da irakasleei soziolinguistikaz prestakuntza eskaintzen. Helburua: irakasleek ikasleak haien herri euskaldunetako egoera soziolinguistikoaz jabearaztea, euskararen aldeko jarrera bultzatzea eta eragile bihurtzea.

EAEko Auzitegi Nagusiaren lehen epaia: aktak euskaraz zilegi dira

2015-11-04

Epaia irmoa da, ez du beste helegiterik onartuko. Jurisprudentzia aurrekaria da, bi epaik sortzen baitute jurisprudentzia. Irurako Udalari eman dio arrazoia.

UEMAren ustez, epai garrantzitsua da hainbat udal aktak euskaraz egiteko zilegitasuna defendatzeko urratzen ari diren bidean. Orain arte Bilboko eta Donostiako Lurralde Auzitegien epaiak zeuden, lehenengoak ezetz ebatzi zuen, bigarrenak berriz baietz. Kontua da EAEko Auzitegi Nagusiak lehen aldiz eman duela epaia eta irmoa... [+]

UEMAk zuzendaritza berria

2015-10-06

Udalerri Euskaldunen Mankomunitateak kide berriak aukeratu ditu. Zazpi EH Bildukoak izango dira, hiru EAJkoak eta bat udal talde independenteetakoa. Josu Labaka Azpeitiko Udaleko zinegotzia izango da lehendakaria, EH Bildukoa. Lehendakariorde lanetan arituko da berriz, Gatikako EAJko zinegotzi Onintze Amezaga.

Ondokoek osatu dute zuzendaritza: Josu Labaka, Lierni Altuna (Aramaio), Mikel Ansotegi (Aulesti), Maider Arrieta (Lesaka), Amaia Azkue (Berastegi), Andere Enbeita (Muxika), Eneka Maiz... [+]

Udaletako aktak euskara hutsean: 5-1 doaz irabazten partida

2015-09-23

Amezketa, Gaintza, Bergara, Arama eta Elgetako udalek jaso dituzte epaiak. Lehenengo, Amezketako eta Gaintzako udalen albistea iritsi zen. Bi udalok aktak euskara hutsean bidaltzea zilegi zela erabaki zuen Donostiako Epaitegiak. Horrela, Carlos Urquijo Espainiako Gobernuko EAEko ordezkariaren helegiteen aurkako epaiak eman ditu epaitegiak.

Epaiak dioenaren arabera, EAEko Euskararen Legeak horretarako eskubidea ematen die Gaintzako eta Amezketako udalei. Hortaz gain, abokatu eta prokuradoreen... [+]

"Udalek gaztelania hutsean jarduteko aukera izatea oso arriskutsua iruditzen zait"

2015-07-09

Ondo bidez, aurki onartuko du EAEko legebiltzarrak udalei eskumen gehiago emango dizkien Udal Legea. Euskarari buruz zer dioen galdetu diogu Iñigo Urrutia EHUko legelariari. Udalerri euskaldunak babestuago egongo direla dio, baina aukera galduak ere zerrendatu ditu.

"Udalerri euskaldunak gaur egun ez dira hain euskaldunak"

2015-05-06

UEMAk eskatuta, Soziolinguistika Klusterrarekin egin du ikerketa lana Iñaki Iurrebaso soziologoak. Udalerri euskaldunetako bilakaera soziolinguistikoa EAEn, 1981-2011 du izena azterketak. Euskalgintzak antzemanda zuen joera baieztatu baino ez da egin ikerketan, udalerri euskaldunak erdalduntzen ari dira, eta azken hamarkadan azkarrago.

Eusko Jaurlaritza Beizamako Udalaren akten auzian pertsonatuko da

2015-03-11

Oraingoz, Beizamako Udalaren auzian baino ez da pertsonatuko Eusko Jaurlaritza. Bazirudien epaitegietan diren gainerako udalen auzietan ere pertsonatuko zela, baina ez du halakorik adierazi zehazki Patxi Baztarrika Hizkuntza Politikarako sailburuordeak.

UEMA Udalerri Euskaldunen Mankomunitatearekin bilera eginda gero, Baztarrikak adierazi du ez dutela ezer baztertzen eta ikusiko dutela hurrengo pausoak zeintzuk izango diren. UEMAk, Jaurlaritzak Beizamako Udalari emango dion babesa besteetara... [+]

Euskaraz bai, baina erdarak lagunduta

2015-03-11

“Oztopoen gainetik euskaraz biziko gara” deiadar egin zioten Carlos Urquijori milaka lagunek, otsailaren 28an Donostian Kontseiluak antolatutako manifestazioan. Espainiako Gobernu ordezkariak 20 bat udal epaitegitara eraman ditu udal aktak euskara hutsean bidaltzeagatik eta Euskararen Legearen mugak agerian utzi ditu horrek.

Erreportaje osoa 2451. zenbakian irakurgai dago.

Euskaraz bai, baina ondoan gaztelania badu

2015-02-26

Jo dezagun herriko biztanleen %80 euskalduna dela. Udalak bere jarduna euskaraz egitea lortu du, gaztelaniari aurrea hartuta. Ez da erraza izan, baina herritarrak ohitu dira udalarekin duten harremana euskaraz izatera. Orain badator Carlos Urquijo, Espainiako Gobernuaren ordezkaria EAEn, eta dio euskara hutsean ez dagoela aritzerik. Ez ditu eraman epaitegietara gaztelania hutsean ari diren administrazioak.

Udalerri euskaldunek atzera, erdaldunek aurrera

2015-02-11

Ogiaren mutur batean udalerri euskaldunenak eta beste muturrean erdaldunenak. Sagua bi koskorrak jaten ari da.

Iñaki Iurrebasok UEMAko udalerrien 30 urteko bilakaera soziolinguistikoa azaldu berri du Lurraldea eta Hizkuntza, Tresnak eta Erronkak II jardunaldietan. Udalerriotako euskara gaitasuna, lehen hizkuntza eta etxeko erabilera datuak xehatu ditu. Euskarak atzera egin du, hiru aldagaiak kontuan hartzen baditugu, eta batik bat azken hamar urteotan. Iurrebasoren hitzak erabiliz,... [+]

Euskaraz gara Zarautzen

2014-06-05

Ekainaren 14an Tolosan Udalerri Euskaldunen Eguna ospatuko dutela eta, hainbat eragilek, taldek eta langilek parte hartu dute bideoan, Zarautz euskaraz bizi den herri bat dela irudikatzeko.

Zer gertatzen da herri euskaldunean mila etxe eraikiz gero?

2014-04-03

Herri euskaldun batean biztanle berriak zein izango diren jakin gabe etxe multzoa eraikitzeak edo hipermerkatu handi bat irekitzeak zein eragin linguistiko izan dezake? Prebenitzea sendatzea baino hobe dela esaten da. Gipuzkoako Foru Aldundiak tinko heldu dio gaiari, eta ingurumen inpaktua ebaluatzeko bitartekoak nola, hizkuntza eragina aztertzeko tresna sortze bidean da.

D eredua eta gurasoak erabilera gorakadaren gakoak

2014-02-06

1992an, Lasarte-Oriako (Gipuzkoa) gazteen %23k egiten zuten lagun euskaldunekin euskaraz sarri; 2012an %52k. Euskara gaitasunak eta erabilerak gora egin dute azken hogei urteotan. Gurasoen eragina faktore garrantzitsuenetarikoa da.