Sexismoa

Festetako egitarauaren argazkia matxista dela salatu du Cascanteko emakumeen elkarteak

2025-08-26

Candela emakumeen elkarteak eta PSNk eskatu dute argazkia kentzea eta udalak argitaratutako materialetan kontrol handiagoa egotea, ez egoteko estereotipo sexistarik.

Sustraietatik eraldatuz

2025-02-14

Haur literaturan aurreiritzi sexistak egon badirela frogatu dugu lan honekin. Errealitate hau ezagutarazi, sentsibilizatu eta bide batez, aurreiritzi sexista hauek desagertzeko bideak ipintzea izan da lanaren xedea. Haur eta gazte literaturak genero berdintasunaren eraikuntzan nola eragiten duen aztertzen du dokumentalak. Oiartzungo bibliotekan eta beste hainbat liburutegitan haurren esku dauden liburuak aztertzeko zenbait ikerketen berri ematen dute. Gaiaren inguruan aritu eta aditu diren Lur... [+]

Emakumeenganako diskriminazio sexista %18,5 igo da azken bi urteetan

2024-10-02

Honakoa dio Arartekoak argitaratu duen ikerlanak. Jarrera matxisten inguruko azterketak Euskadiko nerabe eta gazteetan jarri du fokua. Diskriminazio gehien gertatzen diren espazioak kalea eta sare sozialak dira.

Zuen etxean ere emakumeak arduratzen al dira opariak erosteaz?

2023-12-06

Opariak erosteaz batik bat emakumeak arduratzen direla diote azterketek. Durangoko Azokan murgilduta eta Gabonak gertu, gai aproposa dirudi inkestek erakusten duten errealitateaz, gizonek jartzen dituzten aitzakiez eta emakumeek duten "zama mental ikusezina" kontzeptuaz hitz egiteko.

Nolakoak dira haurrentzako ipuinak, genero ikuspegitik?

2023-11-28

Haur literaturako pertsonaietan aniztasun falta dagoela eta estereotipo eta rol sexistak gehiegitan erreproduzitzen direla ondorioztatu du Parean elkarteak, azterketa egin ostean. Sustraietatik eraldatuz dokumentala atera du orain, ikerketaren emaitzak, ipuin gomendioak eta haur literaturaren bueltako idazle, ilustratzaile, argitaletxe eta liburu-saltzaileen iritziak bilduta. "Urteotan asko aldatu dira gauzak, baina oraindik ere inkontzienteki joera dugu hainbat estereotipotan erortzeko".

Zumaiako festetan gutxienez hiru eraso salatu dituzte

2023-04-25

Zumaiako Mugimendu Feministak jakin duenez, txosnagunean bi eraso sexista izan dira, eta taberna batean eraso homofoboa. Elkarretaratzea egingo dute asteartean, 19:00etan.

Haurrei zuzenduta dauden iragarkietako genero estereotipo errepikatuenak

2022-06-21

Jostailuen interneteko iragarkiek genero rol eta estereotipo gehiago erreproduzitzen dituzte, telebistako iragarkiek baino. Hori da Kataluniako Ikus-entzunezkoen Kontseiluak egin duen txostenaren ondorioetako bat. Hamar estereotipo errepikatuenak zerrendatu dituzte, horien presentziaz konturatzea delako rolak apurtzeko lehen urratsa.

Gaztea, argala eta liraina izan behar duzu... emakumezkoa bazara

2021-10-14

Naiara Vink EHUko ikerlariaren doktoretza tesiak agerian utzi du Espainiako Estatuko emakumezko berriemaile eta aurkezleek bizi duten presio estetiko sexista. Zein da egoera Euskal Telebistan eta nola irauli daiteke? Sei euskal kazetariri bota diegu galdera.

Euskarazko hizkera sexista, baita nahi gabe ere

2021-09-22

Gasteizko Jabetze Feministarako Eskolaren baitan euskarazko hizkera sexistaren inguruan Irene Arrarats itzultzaileak 2020ko abenduaren 1ean eskainitako hitzaldia, Alaitz Andreuk dinamizatuta.

Non daude emakume entrenatzaileak?

2021-07-18

Eta zuk, txikitxo, honetan [kirol zehatz batean] jokatzen duzu?”. Horixe galdetu zion irakasleak nazioarteko emakume jokalari bati, gizonez betetako entrenatzaileen formakuntza-saioan. Esaldiaren paternalismoaz mintza ninteke, edo maila hartako kirolari hori bere esparruan ere ezezaguna izateko hamaika arrazoiez. Baina ez; oraingoan, eremu maskulinoetan emakumeek jasaten dituzten egoera ezerosoek eragiten dituzten ondorioak ekarri nahi ditut gogora. Maskulino hitza aipatzean, genero... [+]

Desgaitasun bat izatea eta adina, diskriminaziorako arrazoi nagusi EAEn

2021-07-06

Ikuspegi Immigrazioaren Euskal Behatokiak Diskriminazioa eta aniztasuna EAEn ikerlana argitaratu du. Bertan agertzen diren datu ugarien artean, bat hauxe: azken urtean pairatutako diskriminazioetan, gehien agertu direnak adinari eta desgaitasunei lotutakoak izan dira. Grafikoan morez ageri dira EAEko datuak eta urdinez Europar Batasunekoak.

Seme sinpatikoak

2021-05-07

Aita sinpatikoak izeneko zutabe bat argitaratu zenuen aldizkari honetan bertan, duela ia hamahiru urte. Eta, nolabait, haren segidakoa izan daiteke orain idazten hasi zaren beste hau: Seme sinpatikoak. Oraingoan, arestiko izenburuak agertzen duenez, semearen roletik ari zara, eta, orduko hartan bezala, zenbaitek sinpatikotzat hartu berri zaituzte azkenaldian. Kalean. Paseoan.

"Zail gertatzen da, bai eta antipatiko ere, uko egitea kategoria sozial ezin atseginago bati. Zenbat txalo eta... [+]

Pom Pom Boys

2021-02-26

Parisko Sibelle lehen hezkuntzako ikasleek Agathe liburuzaina berriz aurkitu dute. Urtero bezala, tailerren bidez, giroa astuntzen duten estereotipoak desegingo dituzte. Baina aurten, mezua entzunarazi beharko dute eskolako esparru lasaigarritik haratago, sexismoaren aurkako bideo-lehiaketa nazionalean parte hartuz. Pom-Pom Boys-ek abentura kolektibo bat kontatzen du: pil-pilean den helduen eztabaida pixkanaka bereganatzen ari diren haurren ibilbidea.

Gaia argitzeaz gain, freskatuko... [+]

Adikzioa duten emakumeek zailago dute tratamendua eskuratzea eta mantentzea

2021-02-16

Mendekotasunen bat duten emakumeek askotan ez dute tratamenduetara jotzen, zigor soziala saihesteko. Eta tratamendua hasten duten emakumeen erdiek sentitu izan dute uzteko gogoa, batez ere gizonez osatutako taldeetan konfiantza falta sentitzen dutelako eta askotan jarrera matxistak jasaten dituztelako.

Oñatiko institutuko mutil eta neskek gona jantzi dute, Mikelekin elkartasunez

2020-11-10

Ikasgela bateko gazteek egindako gogoeta institutu guztira zabaldu eta azkenean ikastetxe guztiak egin du bat aldarrikapenarekin: gonaz jantzita agertu dira Oñatiko neska-mutilak, arropak ez duelako generorik. Goienak kontatu duenez, elkartasuna adierazi nahi izan diote 15 urteko Mikeli, gona janzteagatik eskolako psikologoan amaitu baitzuen.

Gona eramateagatik eskolako psikologoan bukatu du Mikelek

2020-11-09

15 urteko mutil bilbotarrak aspaldiko desioa bete zuen urriaren 27an: eskolara gona jantzita joatera ausartu zen, baina ikaskideen irainak jasateaz gain, hirugarren ordurako ikastetxeko psikologora bidali zuen irakasleak. Psikologoak, ikasleari galdetu ostean bere burua mutil ala neskatzat ote duen, gona kentzera animatu zuen. Norbera den bezalakoa azaltzeko beldurrak albo batera uzteko eskatu du Mikelek.

Mayaren udal gobernuak indarkeria matxista pairatzen duten emakumeak mespretxatzen dituela salatu dute

2020-10-15

Herritar batek eraso sexisten aurkako kartelez galdegin ostean, Enrique Maya Iruñeko alkateak erantzun zion kartel horiek kenduko lituzketela aukera eta momentu egokia bilatuz gero. Mayaren adierazpenak salatu ditu Indarkeria Sexistaren Aurkako Emakumeen Plataformak.

Bilboko Etxeberria parkeko talde bortxaketaren kasua artxibatu egin du epaileak

2020-07-20

Bilboko Etxeberria parkean sei gizonek bortxatu zutela salatu zuen 18 urteko emakume batek iazko abuztuaren 2an. Orain, epaileak kasua artxibatzea erabaki du baina ebazpena ez da behin betikoa, eta helegitea jartzeko aukera dago.

Paradigma alda daiteke, borondaterik baldin badago

2020-05-20

Kirola, eta futbola zehazki, balore hezitzaileak transmititu eta integrazioa sustatzeko bitarteko eraginkorra izan daiteke. Oraindik ere, baina, gizarteko beste esparru batzuetan nekez onartzen den indarkeria azaleratzen da astebururo, futbol zelai batean ez bada bestean; partidaren beroan ez bada, ezikusiarena egiten duen bulego hotz batean. Adin txikikoak dira askotan horiek sufritzen dituztenak, eta gizonezkoak gehienetan erantzuleak, izan guraso, jokalari, entrenatzaile edo klubetako presidenteak. “Gutxiengo baten kontuak” direla esango digute, eta agian horrela da. Baina, orduan, zergatik ez dira errotik mozten?

Azafatak arropa gutxirekin lanean jarri zituen enpresarentzako isunak berretsi ditu epaileak

2020-03-04

Kataluniako Auzitegi Nagusiak berretsi egin ditu Toté Vignau enpresari Lan Ikuskaritzak 2018an jarri zizkion isunak. 2017ko Conde de Godó tenis txapelketan, Schweppes konpainiak kontratatu zuen enpresa horrek gona eta mauka motzean jarri zituen lanean azafatak, hotz egiten zuen arren.

Maskarada

2020-03-03

Maskarada: gizartearen satira orokorra egiten den ikuskizuna
Gaur beste e-mail bat iritsi zaigu. Azken bi asteetan, bost. Premiazkoa dute martxoko ekimenetarako, emakumeek sorturiko emanaldi bat topatzea. Gu kontratu nahi gaituzte. Agenda hartu dut, martxoa entzuten dudan bakoitzean hotzikarak sartzen zaizkit. Ireki dut. Ez da ezer gehiago kabitzen, topera nago martxoan. Nire lankideari komentatu diot, agian saia gaitezke eskaera horri tokitxo bat egiten, gure profesio honetan ez da ezetz... [+]

Gaixoak, gu

2020-03-03

Eguna zabaldu baino lehen utzi dut oheko epela, eta etxetik bertan dagoen bidegorrira abiatu naiz argia noiz eta nondik azalduko ote den neure buruari galdezka.

Urrutira itzal bat korrika txikian datorrela iruditu zait. Gerturatzean, motots dantzaria salatari, konturatu naiz neska bat dela. Ikusi nauenean pausoa mantsotu du, mobila patrikatik atera, eta norbaitekin berriketan ari den plantak egin ditu. Ia nire parera iritsi denean “bidegorrian nabil, Okerkua baserriaren parean”,... [+]

'Pikara' aldizkariari eta 'Faktoria Lila'-ri egindako erasoak salatu dituzte euskal kazetarien elkarteek

2019-11-13

“Eraso eta jokabide hauek demokraziaren irizpideen aurka" doazela adierazi dute prentsa ohar bateratu batean Kazetarien Euskal Elkargoak eta Euskal Kazetarien Elkarteak.

Loraldiari neurria hartu nahian

2019-09-17

Bat-batean frontoian eta telebistan emakumeak esku-pilotan jokatzen ikusten hasi gara. Emakume pilotariak oso pozik daude lehen lerrora jauzi egin dutelako, nahiz eta gogorarazi nahi duten itzalean makina bat urtez jokatu dutela, bai eskuz bai palaz. Munduko txapeldunak ere badira hainbat joko moldetan, inork gutxik badaki ere. Azken hiru-lau urteko aparraldia egituratu eta jokatzeko baldintza duinak kudeatzeko EPE Emakume Pilotarien Elkartea sortu berri dute. Oraingoz eskuzkoan eta palan jarriko dute arreta.

Mutil-dantza parekideak ez direnak gero eta urriago dira Baztanen

2019-09-16

Mutil-dantzetan bazterketarik gabe dantzatzeko ohitura gero eta ohikoagoa da, nahiz eta oraindik izaten diren zenbait unetan emakumerik gabeko mutil-dantzak antolatzeko ahaleginak. Baztango plaza gehienetan neskek zein mutilek dantzatzen dituzte mutil-dantzak azken urteetan. Elizondoko jaietan ere emakume eta gizonek dantzatzen dituzte mutil-dantzak plazan, baina gizon-talde batek elizako jardinetan emakumerik gabeko dantzaldiak antolatu dituzte oraindik.

Alardearen gatazka tarteko, Hondarribiko Udalak ez du Emagin kontratatu jaietarako

2019-09-05

Indarkeria sexistarik gabeko gunea jartzeko eskatu dio Hondarribiko Udalak Emagin elkarteari. Elkarteak alardearen gaia gunean sartzeko asmoen berri eman dionean, atzera egin du.

"Gizartearen barru-barruan dago Euskal Herriko Unibertsitatea"

2019-07-03

“Grina eta ahalegina. Uste dut horiexek direla ezelako jarduera zientifikoren oinarrizko osagaiak. Saiatu beti zure lanak zeure-zeure zigilua izan dezan, edozertarako ere bidea egin behar dela ahaztu gabe, eta bikaintasuna ez dela egun batetik bestera lortzen”. Maribel Arriortua ikertzailearen gogoeta, elkarrizketa gozo bat laburtzen asmatzen ez duena, haatik.

"Berdintasunean hezi daitekeenaren adibide garbia da Skolae"

2019-07-01

Skolae izeneko Nafarroako hezkidetza programaren eta Eusko Jaurlaritzako Hezkuntza sailaren II. Hezkidetza planaren diseinuan parte hartu du Marian Moreno (Leon, 1964) irakasle, idazle eta hezkidetzan adituak. Orain, Skolae hezkidetza programa prestatu izanagatik Nafarroako Justizia Auzitegi Nagusiak deklaratzera deitu du beste lau aditu eta irakasleak trebatzen ari diren bost lagunekin batera. Plataforma Nacional 18M taldeak eta guraso talde batek jarri zuten Skolaeren kontrako salaketa.

Donostia: gizonen hiria?

2019-06-17

Non daude emakumeen izenak? Donostiako espazio publikoen izendegian emakumezkoen izena aurkitzea lan zaila da. Grosen, esaterako, ez dago emakume izena duen elementu bakar bat ere. Emakumeak eta Hiria Foroak urte ugari daramatza hiria genero ikuspegitik lantzen, eta gabezia hori grafikoki irudikatu dute mapa interaktibo batean.

Gipuzkoako epaitegi eta komisarietako langileek hiru eguneko kanpaldia egingo dute

2019-06-17

Ekainaren 17tik 19ra Donostiako bulebarrean kanpaldia egingo dute ELA, ESK, LAB eta UGT sindikatuek deituta. Ekainaren 19an bederatzi hilabete beteko dira greba hasi zela. Ia langile guztiak emakumek dira.

Euskaltzaindiak genero markarik ez duten izen batzuk onartu ditu lehen aldiz

2019-06-14

2011n ikuspegi binarioan (gizonak eta emakumeak) oinarritutako izendegia argitaratu zuen Euskaltzaindiak. Generorik ez duten euskarazko ehunka izenei izaera aldarazi eta ordutik familia askoren buruhauste eta oztopo bilakatu da sailkapen hori. Kritika andana jaso ostean, Euskaltzaindiak izen mistoei atea ireki die. Momentuz, 4.730 izenetatik 445 genero markarik gabekoen zerrendan agertzen dira.

Euskara ez-sexistarako bidea

2019-06-14

´Euskaltzaletasuna eta Feminismoa: zer ikasi, hura elikatu´ goiburupean, bost saioko ikastaroa antolatu dute elkarlanean UEUk, Gabriel Aresti Euskaltegiak, Bilboko Kafe Antzokiak eta Jakin aldizkariak. Amelia Barquín Lopez kulturartekotasunean aditua eta HUHEZIko irakaslea izan zen hizlarietako bat.

Zaintzaileak prekario bizi; zainduak prekario biziraun

2019-06-10

Bizitza da lehena; jar dezagun bizitza erdigunean... Denon ahotan dabiltzan leloak dira hauek, baina bizitzari lehentasuna eman nahi badiogu, ezinbestean zaintza duina bermatu beharra dago, ez baitago bizitzarik zaintzarik gabe. Egin ditzagun ikusgai bizitza posible egiten duten zaintza lan guztiak: musu-truk egiten direnak, eta soldata miserableen truke gauzatzen direnak. Jarri diezaiegun izena zaintzaileei: Soraya, Itziar, Kati, Ana, Begoña... Izendatu ditzagun zainduak ere: Amaia, Karmen, Juan... Erresidentzia eta eguneko zentroetan, adibidez, zerrenda luzea dago. Zaintzailearen prekaritatea zainduarena ere badelako, euren istorioa da hau, baita zurea, denona, bizitza baita lehena.

Nekane Txapartegik ez du epaitegian deklaratu Espainia-Suitza estatuen arteko jokoan ez sartzeko

2019-05-23

Nekane Txapartegi maiatzaren 22an deklaratzera deitua zuen Espainiako Auzitegiak. 200 lagun elkartu ziren Bernako auzitegi aurrean elkartasunez. Bideokonferentziaz ere ez deklaratzea erabaki zuen, "Estatu Espainiar eta Suitzarraren arteko joko horretan ez sartzeko". Nazioartean elkartasuna pizten doa eta hurrengo aste-hilabeteetan bi estatuek erabakiko dutenaren zain egon beharko du euskal errefuxiatu politikoak. Hala Bedi irratian egindako elkarrizketan adierazi duenez, "Kausa berri honek balioko du tortura sexista eta euskal gatazka internazionalizatzeko".

"Ikusezinen artean ikusezinenak dira etxeko langileak"

2019-05-09

Etxeko zerbitzuaren bilakaera aztertu du Eider de Dios historialariak doktoretza-tesian, emakume langileen nortasunaren eraikuntza ardatz hartuta. 2016ko irailean egin zuen tesiaren defentsa, eta sari bi irabazi ditu egindako lanagatik. Ondorioz, liburu bat argitaratu du, eta beste bat plazaratzeko lanean dabil momentu honetan. Sopelako Plaza Beltza Kulturgunean eman duen hitzaldia aprobetxatu eta elkarrizketa egin diogu.

Ertzetako biolentziak euskal gatazk(et)an

2019-05-02

Maider Galardi F. Agirre kazetari eta ikerlariak orain arte ikusezin izandako emakumeei eman nahi izan die ahotsa bere ikerlanean eta horretarako bederatzi elkarrizketa sakon egin ditu. Ikerlanaren izenburuak zehazten du zertaz hausnartu duen: 80-90 hamarkadetan senide eta lagunak gatazkaren erdigunean izan zituzten andreen memoriaren eta praktika erresistenteen bilketa feminista.

14 sexu eraso eta 9 lan jazarpen salatu dira EHUn

2018-11-30

Pikara Magazine aldizkariak Espainiako Estatuko unibertsitate publikoetan erregistratu diren erasoen gaineko ikerketa egin du. Argitaratutako datuek eraso gehien erregistratu dituen unibertsitateen podiumean kokatzen dute EHU.

30 bortxaketa salatu dituzte urtarriletik irailera Nafarroan, iaz baino %43 gehiago

2018-11-09

Nafarroako poliziek 30 sexu erasoren berri izan dute. Hala jaso du Espainiako Barne Ministerioko txostenak, zeinetan, bestelako krimen-kopuruen berri ere ematen den.

"Zahar egoitzetako langileek sektore maskulinizatuetakoek baino %30 gutxiago kobratzen dute"

2018-10-09

Txomin Lasa ELAko erresidentzietako arduraduna da Gipuzkoan. 2017an negoziazio mahaiak ezer eman ez zuela-eta greba egunak jarri dituzte urria-azaroa-abendurako. ELAk sektore estrategikotzat du egoitzetakoa, adinekoen zaintzaz ari delako eta sektore feminizatu eta prekarizatua delako.

Women's rights violated during the Hondarribia festivities

2018-09-13

During the festivities on 8th September people in favour of the discriminatory Alarde parade cruelly persecuted the women and men taking part in the equal rights group.

Plastiko beltzak jartzen jarraituko dutela diote alarde baztertzailearen aldekoek

2018-09-07

Denis Itxaso Gipuzkoako ahaldun nagusiordeari zuzendutako testu bat argitaratu du Jaizkibel konpainiaren aurkako protesta antolatzen duen Hondarribiko Emakumeak taldeak. Emakumeek gizonen baldintza berdinetan parte hartzen duten alardeari plastiko beltzak jartzea “emakumeen indar pasiboaren sinbolo unibertsala da”, talde horren arabera.

"Emakumeen esku-pilotan, 30 urtetan egin ez dena hiru urtetan egin da"

2018-09-06

Ikusi al duzue Pilota girls (Sra. Polaroiska, 2012) film laburra? Ondo baino hobeto laburbiltzen du Patri Espinarrek pilotaren munduan egindako bidea: dena oztopo, dena traba. Azken urteotan jaso du, ordea, urte luzetako ahaleginaren aitortza: munduko bi txapel eta herrikideen beroa.

11 urteko neskari galtza motzak erantziarazi eta luzeak jarri dizkiote eskolan

2018-09-05

Azalpenik eman gabe, eta zeramatzan galtza motzak janzkera egokia ez zirela iritzita, bakero luzeak jantziarazi dizkiote 11 urteko neskari ikastetxeko arduradunek (ikusi argazkian). Clermont Ferrand hirian gertatu da (Okzitania), eta berehala deitu du ikastetxera ikaslearen amak.

Generodun etxetresna elektrikoak: etxeko lanez arduratu, gizontasuna kaltetu gabe

2018-09-04

Ez da denbora asko Dyson markako xurgagailuei publizitatea egiten zien irudi surrealista harekin topo egin nuela, zeinetan 007 agentearen itxurako gizon baten soina ageri zen, trajez jantzita eta arma eskuan. Aipatu iragarkian, baina, esmokindunak esku artean eusten zuen arma ez zen Walther PPK pistola bat, Dyson V8 xurgagailu bat baizik.

Nola erabili euskara modu ez-sexista batean?

2018-08-30

Amelia Barquin Mondragon Unibertsitateko HUHEZIko irakasleak hitzaldia eskaini zuen UEUk, Gasteizko Oihaneder Euskararen Etxeak eta Jakinek elkarlanean antolatutako ‘Euskaltzaletasuna eta feminismoa: zer ikasi, hura elikatu’ ikastaroaren barruan. Euskara ez-sexista nola erabili izan zuen solasgai.

"Nikaraguako borrokaren lidertzan emakume asko daude"

2018-07-19

Tantaka eta lerroburuka heltzen dira, Euskal Herrira, Nikaraguan azken hilabeteotan gertatzen ari direnak. Herri-matxinada baketsua defendatzen dute batzuek, eta estatu kolpea egotzi, besteek, eta gatazkaren hiru bertsio daude gutxienez, mahai gainean: Daniel Ortegaren eta Rosario Murilloren gobernuarena, eskuin muturrarena eta ezker kritikoarena. Bitartean, lau gazte Europan barrena dabiltza, Nikaraguari Elkartasunezko Nazioarteko Informazio Karabanarekin, eta EAEko koordinatzailea da Sayuri Nishime (Managua, 1995).

FIFAk telebista kateei eskatu die "emakume ederrak" apropos ez enfokatzeko

2018-07-13

Federico Addiechi-k, diskriminazioaren aurkako eta aniztasunaren FIFAko arduradunak, 45 eraso sexista egon direla jakinarazi du, horietatik hamabost emakumezko kazetarien aurkakoak izan dira.

'Magdalenak', neska bekatariak zigortzeko makinaren biktimak

2018-07-12

1996an itxi zuten Irlandako azken Magdalenen garbitegia, ustez bide okerretik abiatutako emakumeak moja katolikoen agindupean zerratuta lan derrigortuan edukitzen zituen komentu-lantegia. Ingelesekiko gatazka armatuaz bezala apaiz katolikoek haurren kontra erabilitako bortxaz, oroimen historikoan bide luzea egina du Irlandak azken urteotan, baina justizia egin ezinik dabil mende luze batez elizak estatu independentearen laguntzaz emakumeei eginiko zanpaketaz.

Libanoko emakumezko poliziek galtza motzak jantziko dituzte "Mendebaldeko turismoa erakartzeko"

2018-07-06

Galtza motzek eta txapel gorriek osatzen dute emakumezkoei Brummanako Udalak ezarritako uniforme berria. Itxura aldaketa turista gehiago erakartzeko helburuari dagokio.

Zergatik ez arraunean?

2018-06-11

40 urte betetzekotan ziren eta modu berezian ospatu nahi zuten urtebetetzea. Bazkaria? Asteburu pasa ez dakit non? Ez, beste zerbait izan behar zuen, harrotasunez gogoratuko zutena, barrukoa, beharbada betiko amets bete gabea.

Indarkeria sexistaren aurkako mataza ehunduko dute

2018-05-31

Astigarragako Harituz elkarteak sustatutako Berdintasuna Ehunduz egitasmora batu da Amasa-Villabonako Udala eta ekimenak burutuko ditu aurtengo azaroaren 25ari begira.

Emakumeak jokoz kanpo

2018-04-12

Oso boladan daude, iritzi sortzaile indartsuak dira: irrati-telebistetako tertulia saioez ari gara. Hitz eta pitz aritzen dira, makina bat gaiez, sarri elkarri hitza kentzen eta ahotsa goratzen. Solaskideen artean nabarmen gailentzen dira gizonezkoak. Datuak EHUko ikertalde batek eskaini ditu. ARGIAk hainbat tertuliakide eta aurkezleren iritzia jaso du. Zergatik gonbidatzen dituzte hain emakume gutxi? Eta zergatik esan ohi diete emakumeek ezetz gonbidapenei? Zer egin daiteke desoreka konpontzeko?

Odolkiak eta emakumeak parekatzen dituen iragarki sexista salatu dute Baionan

2018-03-28

Lapurdiko hiriburuan Xingar azoka ospatzen ari dira urtero legez. Azokaren berri ematen duten kartelez josita ageri dira Baiona erdialdeko eraikinak. Horietako batean horrela idatzi dute frantsesez: "Baionan, odolkiak (neska itsusiak) ere zoragarriak dira".

Photoshopez garbitu dioten besapea marraztu du "Operación Triunfo" musika saioko kantari iruindarrak

2018-03-23

Amaia Romero kantari iruindarra konturatu zen TVEk besazpiko ile-itzala kendu ziola argazkietan. Argazkiok argitaratu diren aldizkarietan ileak margotu eta jarraitzaileei sinatuta bidali dizkie.

Kirol-azafata izatea, errespetu osoa merezi duen erabaki askea?

2018-03-23

Irain sexistak zigortuko dituzte Ipar Euskal Herrian

2018-03-22

Sexismoaren aurkako Salatu zure zerria kanpainak arreta publiko handia jaso du Frantziako Estatuan, eta Marlene Schiappa berdintasunerako estatu idazkariak neurriak hartuko ditu irain sexistak ekiditeko, Schiappa legearen bidez.

Bi eraso sexista salatu dituzte 40 Minutu Rock-en

2018-02-27

Antolakuntzak berak salatu duenez sare sozialetan, larunbatean Durangon bi sexu eraso salatu zituzten. Durangoko Plataforma Feministak kontzentrazioa deitu dute gaur otsailak 27 20:00etan Andra Marin eta antolakuntzatik ere bertan parte hartzeko dei egin dute.

"Ez egin kasurik, beste feminazi bat da"

2018-02-27

Lotia naiz normalean. Astean zehar batez ere. Ikastola, azterketak, lagunak, partikularrak… dena egin ondoren ez dago ohea ez den besterik nire buruan. Baina gaur, gaur ezin dut lo hartu. Ezin ditut pentsamenduak antolatu, eta oraindik gutxiago gertatutakoak ahaztu.

Jendetza Usurbilen indarkeria matxistaren aurka

2018-02-27

Inoiz ikusi gabeko jendetza ikusi zen astelehenean Mikel Laboa plazan egindako elkarretaratze isilean. Isiltasunean ozenki agertu zen Usurbilgo herria, indarkeria sexistaren aurka. Belaunaldi guztietako herritarrak batu zituen hitzorduak. Ostiralean izandako eraso sexista salatu zuten guztiek, indarkeria sexistaren aurkako pankartaren bueltan.

"Emakumeen talentu guztia baliatu behar dugu galtzen ari garen klima aldaketaren borrokan"

2018-02-21

80 emakume zientzialari espedizio batean ari dira egunotan Antartikan, tartean da Uxua Lopez. Duela bi urte ehuntzen hasi zen 1.000 emakume adituren sareko kide dira. Emakumeen lanari ikusgarritasuna ematea da lehen urratsa. Hurrengoa, klima aldaketaren inguruan erabakiak hartzen diren guneetarako bidea irekitzea, berandu baino lehen.

Gorputz ez-onartuak

2018-02-21

Euskaldun askok Goya sarien gala adi-adi ikusi genuen Handia filmagatik. Gala hartan emakumeen eskubideen aldarria egingo zela iragarri ziguten, andreon ikusgarritasuna errebindikatu, feminismoa ahotan hartu.

Baina itxurakeria baino ez zen egon; izan ere, hainbat emakumeren gorputzak izan ziren ekitaldi guztian zehar mintzagai. Andra batzuen loditasuna, hain zuzen ere. Andrazko batek aitatu zuen filma errodatutakoan baino argalago zegoela. Beste batek hirugarren bati esan zion dietista bera,... [+]

Komiki sexista euskaltegian erabiltzeko

2018-02-02

HABE eta AEKk elkarrekin argitaratu duten Primeran! B1 liburuan komiki sexista bat ageri da. Ikasleek zer dakiten konpontzen eta zer ez lantzeko ariketan ondorengo biñeta ageri da.

1 Formulan ere, ez dira azafatak arituko hemendik aurrera

2018-02-02

1 Formularen jabe Liberty Media enpresak adierazi du gizarte modernoaren arauekin ez datorrela bat emakume azafatak erabiltzea.

Badira izen mistoak Euskaltzaindiaren zerrendetan

2018-01-16

Euskaltzaindiak 2001etik aurrera sexuaren araberako bereizketa finkatu zuen izenetan baina IKAren Deklinabidea aplikazioa garatzen ari nintzela salbuespenak badirela konturatu nintzen. Badaude Euskaltzaindiaren gizonezkoen eta emakumezkoen ponte-izenen zerrendetan, bietan, agertzen diren izen mistoak.

BBCko kazetari batek kargua utzi du lan beragatik gizonek baino gutxiago irabazten duelako

2018-01-08

Carrie Gracie BBCren Txinako arduradunak lan postuari uko egin dio, lan berdina egiteagatik gizonezkoek soldata handiagoa jasotzen dutela argudiatuz. Bi errealitateen arteko aldea “nabarmena” dela berretsi du Graciek. 30 urte daramatza Erresuma Batuko kate publikoan lanean eta orain arte soldaten bereizketa gauza jakina zela onartu arren, gaur egun egoera onartzeko ez dagoela prest nabarmendu du.

Euskaltzaindiak bere hiztegiko zenbait definizio alda ditzake, genero-berdintasuna hobeto islatzeko

2018-01-05

Abenduaren 22ko osoko bilkuran Euskaltzaindiaren Hiztegian egin beharreko zenbait zuzenketa aurkeztu ziren, tartean, genero-berdintasunarekin zerikusia dutenak.

Euskal produktu ez sexisten txokoa

2017-12-21

Eragintzako kide den Ainhoa de Muerza izan dugu gaurkoan. Eragintza zer den eta haren lana azaltzeaz gain, esku artean duten proiektu baten berri ere eman digu: “Euskal produktu ez sexisten txokoa”.

Andere handi iduri

2017-11-22

XX. mendeko abestia da Tupintegiko Roxali, Iparraldeko jendartea traumatizatu zuen gertakari baten lekuko. Musika alegera, hitzen arteko soinu jokoak, irudimena akuilatzen duten erranak eta agerpenak: guztiak, Parisera sehi joan emazte gazte batez burlatzeko eta irri hantuak askatzeko herrietako ostatuetan gizonak biltzen zirenean.

Bai, jostailu-katalogo ez sexistak egin daitezke

2017-11-21

Neskentzat panpinak, sukaldeak eta arrosa koloreko jostailuak; mutilentzat autoak, super-heroiak eta urdina. Hori da ohikoena Gabonetako jostailu-katalogoetan, baina ToyPlanetek genero rolak nahastea erabaki du aurtengo katalogoan: jendeak egindako presioak ahalbidetu du konpainiak kontzientzia hartzea, aitortu dutenez.

"ETBko aurkezleak ezkontza batera joanen balira bezala doaz jantzita"

2017-11-15

Ideien mundua maite du Inma Erreak eta horregatik da kazetaria, itzultzailea eta idazlea. Iruñeko Udaleko Euskara Zerbitzuko bere bulego berritik euskara aktibatzea da orain esku artean duen lan nagusia.

Bai, jostailu-katalogo ez sexistak egin daitezke

2017-11-14

Sexu erasoagatik atxilotu zituzten bost lagunetatik hiru, espetxera

2017-11-07

Aurreko ostiralean, 18 eta 25 urte bitarteko lau gizon atxilotu zituzten, sexu erasoa eta indarkeriaz egindako lapurreta egotzita.

"Emakumezkoei itzuli diet pornografiaren generoa"

2017-09-18

Zientzia Politiko, Feminismo eta Sexualitate ikasketak egin zituen Lundeko Unibertsitatean Erika Lustek (1977, Stockholm). Pornografia konbentzionala gizonezkoentzat egina zegoela ikusirik, helduentzako zinemagintza alternatiboaren aldeko apustua egin du Bartzelona bizitoki duen zinema zuzendari suediarrak.

Logikaz armatuta

2017-07-05

Denborak aurrera egiten du ezinbestean eta berarekin batera gizarteak. Baina denborari eta logikari berari aurre eginez, gotortuta geratzen denik bada, tradizioa ezkutu hartuta. Mundu osoan dira horrelako kasuak, gehienak erlijioarekin lotutakoak eta gehienetan emakumeak jo-puntu dituztenak. Logikaren kontra doan pentsaera horrek gurean Irun eta Hondarribiako alardeetan agertzeko tradizioa du. Urtero emakumeak jaietan parte-hartzea oztopatuz, diskriminazio sexistari maila ofiziala ematen diote, Gipuzkoan agintean diren EAJ eta PSE-EE alderdien babesari esker. Zorionez, logikari urtero eusten dionik bada, inori debekurik ezarri gabe jaiak normaltasunez ospatzeko eta aldarrikatzeko prest kalera ateraz.

"Asko gara eszenatokira igo nahi dugun neskak, ateratzeko zain gaudenak"

2017-06-20

Euskal musika eszenaz eta genero harremanekin duen loturaz aritu dira topatu eta Klitto atariak Izaro Andres Zelaieta (Izaro), Ane Bastida Saiz (Hesian, Lauroba…) Onintza Rojas Olazabal (Koban), eta Olatz Salvador Zaldua (Skakeitan, Olatz Salvador) musikariekin.

"Alkate joan eta mutil-dantzan ez parte hartzea ez zen aukera"

2017-04-06

2013an Elbeteko mutil-dantzan irainka hartu zuten Baztan bailarako alkate eta ordezkari gorena. Garbiñe Elizegik esku bete lan izan zuen lau urteko agintaldian: ohiko eginbeharrak ez ezik, mutil-dantza parekidearen aldeko borroka eta Aroztegia kudeatu behar izan zituen. Hertsi gabeko zauriak dira biak ere Baztanen.

"Askok uste dute gizon bat gurpil gainean gizonagoa dela, eta emakumea mari-mutila"

2017-02-15

Laia Sanz (1985, Corbera, Herrialde Katalanak) Dakar Rallya aldi gehienetan amaitu duen emakumea da. Zazpi ediziotan parte hartu du eta guztietan bete du helmugara iristeko erronka. Ez hori bakarrik, azken lau urteetan lehen hogeien artean sailkatu da. Baina motoziklismoaz aparte, lasterketa esanguratsua egiten ari da berdintasunaren bidean ere.

Genozidioa, poltsikoan mugikorra edukitzearen prezioa?

2017-01-17

Lehen marfila, esklaboak, kautxua, kobrea edo uranioa. Gaur koltana da, mugikorrak, bideo-kontsolak, ipad-ak eta goi mailako gailu teknologikoak eraikitzeko oso urria den minerala. Mendebaldeko gizartearen “beharrak” asetzeko, kongotarrek ondo dakite zer den beren baliabideen erauzketa masiboa. Baina batez ere horren ondorio lazgarriak ezagutzen dituzte.

Amara Berriko eraso sexistak salatzeko performance-a

2016-12-13

Amara Berriko jaietan gertatutako bi eraso sexista salatzeko agerraldia egin du gaur Superxagu jai batzordeak. Salaketa publikoan idatzi bat irakurrik ez ezik, elkartu diren hamarnaka lagunek performance bat ere egin dut.

Gurasoen nahia Euskaltzaindiaren menpe

2016-07-27

Euskarazko pertsona izenen sorkuntzak abiadura handiagoa eraman du arautzeak baino. Horri esker ditugu Izaro, Amaiur eta Eneritz izeneko neskak eta mutilak. Euskaltzaindiak ordea euskal izendegia finkatu du, eta bere hitzetan esanda “erregistro zibilari aholkuak” ematen dizkio. Erregistroetan, oro har, erakunde horren erreferentziak arau nagusitzat dituzte. Orain oso zaila da mutilari Izaro jartzea eta neskari Iraitz. Generoari lotutako eztabaida ordea, hainbat izen mistoren gorabeheratik haratago doa. Fokua zabaltzen saiatu gara ondoko erreportajean.

Etxekogizon lanetan, zaratarik atera gabe

2016-05-31

Pello Ulazia Ibarzabal (1966, Mutriku) hamar urtez arduratu da etxeaz eta hiru seme-alabez, etxetik kanpoko enplegurik izan gabe. Urtetako bizipenetan oinarrituta Isilean erakusketa antolatu du. Mendeetan emakumeek isilean egindako lan duinari omenaldia egin nahi izan dio, eta era berean, gizonek ere zaintzaren ardura hartu behar dutela aldarrikatu. Gizonak “iraultza” isilik egin behar duela uste du Ulaziak, zalapartarik gabe. Andoaingo Bastero Kulturgunean egon zen erakusketa udaberri hasieran. Hurrengo erakusketak Mutrikun eta Hernanin izango dira.

Etxea plaza zeneko bertsolaria

2016-03-02

Garai bateko bertsolarien eskola, taberna. Hala esan ohi dugu. Sagardotegia, hobea! Zizurkilgo otañotarrek erakusten digute, ordea, etxean egiten zela egunerokoan bertsotan. Eremu pribatuan, eta hor emakumeak ere aritzen zirela, normal-normal. Hortik Plazida Otañoren bi bertso indartsu iragazi dira memoria kolektibora. Baina “plaza publikoa”ren ikuspegi murritzarekin, gure begiradak emakume hauek guztiak desterratu ditu Bertsolari izenetik. Eta orain datoz lanak, bertsolari haien berri jakiteko grina piztu zaigunean, Zizurkilen martxoaren 4an egingo den Plazidatik plazara hitzaldia horren adibide. Bertsotan egiten zuen emakumerik ezagutu baduzu (etxean, zergatik ez?) deitu ARGIAra lehenbailehen (943-371545), izen eta bertso hauek berreskuratzeko erlojuaren kontrako proba galtzear gara-eta.

Jolasaren bidez sexismoa lumatzen

2016-02-17

Generoaren eta parekidetasunaren inguruan eztabaidatzeko Elhuyar Fundazioak sortutako solas-jolasa da Bizentaren Lumak. Gazteak –eta ez hain gazteak– gaiaren inguruan hausnartzera eta konpromisoak hartzera bultzatu nahi ditu jokoak.

Gasteizko jaietan eraso sexistak ekiditeko kanpainaz

2015-08-03

Gasteizko Udalak eraso sexistekin lotutako sentsibilizazio eta prebentzio kanpaina sustatuko du Andre Maria Zuriaren jaietan. Gasteizko Plataforma Feministako kideak kanpainaz eta jaietan aplikatu beharko litzatekeen protokoloaz mintzatu dira gurekin.

Hiru belaunaldi, hiru kontakizun

2015-07-22

Euskal Herriko Mugimendu Feministaren kronika idatzi dute Edurne Epeldek, Miren Arangurenek eta Iratxe Retolazak (Gure genealogia feministak liburua). Feminista militante bakoitzak konta lezake berea. Guk hiru belaunalditako kideei eskatu diegu haien argazkia ateratzeko. Epelde eta Arangureni, Anabel Sanzi eta Maite Axiariri sei galdera egin dizkiegu: haien garaiko aldarrikapenak; mugimenduaren erakundetzea; mugimenduaren indarra eta prestigioa; jendarteak zertan egin duen aurrera; eta zertan egin duen atzera.

"Indarkeriarekiko neutralizatuta gaude, baina ez, ez da normala norbaitek ipurdia ukitzea"

2015-06-17

Jai giroa arnasten da jada Euskal Herrian, baina herrietako festekin batera, eraso sexistak ugaritu ohi dira. Nagore Laffage irundarra dugu adibide lazgarrienetakoa; José Diego Yllanesek 2008ko Sanferminetan hil zuen, ezetz esan ziolako. Asun Casasola Nagoreren amarekin eta haren borroka eredutzat izan duten Txingudi Anti Sexistako Oihana Etxebarrietarekin izan gara.

Normaltasun testa

2014-12-02

Irudika ezazu murru bat. Irudika ezazu bertan idatzirik NORMALA hitza eta jar zaitez ahalik eta gertuen. Eta orain pentsatu ondorengo baieztapenetan, eta zure burua baieztapenean sartzen bada, geratu geldi, sartzen ez bada, eman pauso bat edo bi, atzera:

Nire sexua nire generoarekin bat dator. Nire aukera sexualak “gehiengoarekin” bat datoz. Nire itxura, estetika, gorpuzkera, gizon/emakume multzoetan sartu daitezke. Nire arraza edo azalaren kolorea, ingurura begiratzen dudanean... [+]