MIgrazio-nekropolitikak

80 migratzaile baino gehiago hil dira Kanarietarantz noraezean zihoan txalupa batean

2026-09-03

Abuztuaren 7an abiatu ziren 127 lagun Gambiatik eta 83k dute bizia galdu zeharkaldian. 1.500 kilometro dira Gambia eta Kanarien artean, eta geroz eta etorkin gehiagok dute bide hori hartzen, iparralderago diren Polizia kontrolak saihesteko asmoz.

Ia 9.600 gorroto mezu zabaldu dituzte sareetan uztaileko azken bi egunetan, Marokotik Espainiara milaka migratzaile iritsi zirenean

2026-08-25

Arrazismoaren eta Xenofobiaren Espainiako Behatokiaren arabera, Ceutako (Espainia) migratzaileen krisiarengatik areagotu dira mezuak. Gehienak X sarean zabaldu dituzte, eta, indarkeriazko hizkuntza erabilita, migratzaileen aurkako indarkeria fisikoa eta haien kanporatzea eskatu dituzte. Analizatutako mezuen erdia baino gehiago Afrika iparraldeko jatorriko pertsonen aurkakoak dira; musulmanen aurkakoak ere asko dira.

Espainiako Gobernuak Italiako bidaiariei behin-behineko muga kontrolak ezarri dizkie, Melonik bereak kentzeari uko egin ostean

2026-08-13

Italiak Ceutako migratzaileen krisiaren harira, “terrorismo arriskua” areagotu dela erran du, eta baieztatu du ez dituela kontrolak kenduko “arriskua desagertu arte”. Espainiako Gobernuak ere kontrolak berrezartzea erabaki du, “Italiak jasaten duen migrazio irregularraren presioari” aurre egiteko. Neurriak abuztuaren 8tik irailaren 7ra arte egonen dira indarrean. Loiuko aireportuan dagoeneko dozena bat identifikatu dituzte.

Espainiako Gobernuak Marokora itzularazi nahi ditu Ceutara heldutako migratzaile “guztiak”; legea kontra du ordea

2026-08-12

Espainiako Gobernuko Atzerri ministroak erran du “ahalik eta azkarren” kanporatuko dituztela migratzaileak, eta berriro muga zeharkatzen saiatu ez daitezen eskatu du. Dagoeneko 1.527 adin txikiko zenbatu dituzte Ceutan, eta haien jaioterrian muturreko egoeraren batean bizi badira, legeak ez du onartzen Marokora itzularaztea. Gatazketatik-eta ihesi doazenek ere asilo eskubidea dute.

Nafarroako Gobernua prest azaldu da Ceutako adin txikikoak hartzeko; Jaurlaritzak eskatu du “beren familiekin bueltatzeko bide guztiak agortzeko”

2026-08-06

Eusko Jaurlaritzako Ongizate, Gazteria eta Erronka Demografikoko sailburu Nerea Melgosak adierazi du adin txikikoen harrera “adostutakoa” izan behar dela, eta “finantziazio nahikoarekin eta berme guztiekin”. Gogorarazi du Jaurlaritzaren babes sistemak “bere ohiko ahalmenaren gainetik lan egiten” duela dagoeneko. Hego Euskal Herrian gurasoen zaintzapean ez dauden mila adin txikiko inguru daude.

PPk, Voxek eta Juntsek erran dute ez dutela Ceutara ailegatutako adin txikikorik hartuko

2026-08-05

Gutxienez 141 pertsona hil dira Ceutan Espainiaren eta Marokoren arteko muga gurutzatu nahian. Espainiako Gobernuaren arabera, ortzegunetik hona 72.000 migratzaile baino gehiagok lortu dute hiri autonomoan sartzea, baina horietatik 70.000 itzularazi dituzte. Geratu direnen artean mila adin txikiko inguru daude.

Europako Batasunak migrazio politikak are gehiago gogortuko ditu

2026-08-05

Espainiako Gobernuak eskatuta, EBk ezohiko bilera egin du Ceutako (Espainia) migratzaileen krisiaren harira. Bileran 27 herrialde kideak ados agertu dira mugetako kontrolak "indartzearekin" eta migrazioak kontrolatzeko "neurriak" hartzearekin.

"Ceuta migrazioari bizkarra emanda bizi da"

2026-08-04

Dozenaka hildako zenbatu dituzte Ceutan (Espainia), pasa den osteguneko migratzaile oldetik. Espainiako eta Marokoko gobernuek akordioa sinatu eta muga gurutzatutako 72.000 migratzaileetatik 70.000 itzularazi ondoren, hiri autonomoan egoera ez da oraindik baretu: hondartzetan dauden ehunka migratzaileek elikagaiak falta dituzte, eta zenbait erakundek salatu dute asilo eskatzaileak ere itzularazten ari direla. Elkarte horietako bat da Elin, ostegunetik egoerari bertatik bertara jarraipena ematen ari dena. María Jimenez-Castro (Ceuta, Espainia, 1997) bertako kide boluntarioarekin hitz egin du ARGIAk.

Gutxienez 1.317 pertsona hil dira urtarrila eta maiatza artean Espainiako Estatura iritsi nahian

2026-06-18

Caminando Fronteras GKEak eman ditu datuak. Horretarako, Mendebaldeko Muga Euroafrikarreko migrazio-fluxuak aztertu ditu. Besteak beste, 27 ontzidi desagertu dira, eta 129 adingabekok bizitza galdu dute aldi horretan.

Migrazio politiken "joera arrazista eta bortitzen" aurrean, Mugen Aurkako Europako Agentzia eratu dute

2026-06-10

Europako hainbat elkartek sortu dute, "desobedientzia sare" bat osatzearen helburuarekin. Egitasmoaren barruan daude Negu Gorriak elkartea eta Artea Sarea. Ostiralerako deialdia egin dute.

Europari, migratzaileak bost

2026-06-08

Aurten bete da hamarkada bat Europak migrazio berbari krisi abizena gehitu zionetik. Orain hamar urte sinatu zuten Europako Batasunak eta Turkiak akordio famatu hura, Siriako gerratik ihesi EBko herrialdeetara heltzen ziren migratzaileei ateak itxi zizkiena. Lehen akordio horrek Mediterraneoko beste ibilbide batzuetakoak ere ahalbidetu zituen, eta antzerako tratuak egin ditu Europak Afrika iparraldeko eta mendebaldeko zenbait estaturekin. Eta lehen pauso horren urteurrena ospatzeko-edo, orduko... [+]

Bikoiztu egin da Hendaiako atxikitze zentroko atxiloaldien iraupena azken hamar urteotan

2026-05-21

Batezbesteko 33,1 eguneko da Hendaiako atxikitze zentroko atxiloaldien iraupena. 2025ean Hendaiako atxikitze zentrotik pasatako 287 pertsonen arten, 71 kanporatu zituzten –96 izan ziren 2024an–. Aske utzitakoak, berriz, 160, hau da, %66,1. Atxiloaldien "banalizazioa" eta giza eskubideen "hauskortasuna" deitoratu ditu Cimade elkarteak.

Iruñeko Anasse Fajerdinen deportazioa eta migratzaileen aurkako “hitzordu tranpak” salatu dituzte

2026-03-26

Iruñeko Negu Gorriak taldeak salatu duenez, Anasse Fajerdin Iruñean bizi da duela lau urte, eta deportatua izateko arriskuan dago. Salatu dute "hitzordu tranpak" erabiltzeak gora egin duela Espainiako Gobernuak iragarritako erregularizazio-data hurbiltzean, eta deportazioen gorakadaren helburua deportazio-kupoak betetzea dela.

Baionako Auzitegiak errugabe jo ditu Korrikan Bidasoa zeharkatzen lagundu zuten zazpi kideak

2026-02-17

2024an, Korrikaren 23. edizioan, 36 migratzaileri Bidasoako muga zeharkatzen lagundu zieten dozenaka herritarrek, eta horietako zazpi auzipetu zituzten “pertsonen trafikoko talde antolatuaren” delitua egotzita. Asteartean errugabe izendatu ditu Baionako Auzitegiak.

'Aita Marik' 53 pertsona lehorreratu ditu Italian, itsasoan erreskatatuak

2025-12-15

Aurreko ostiralean erreskataturiko pertsonak Italiako Brindisia portuan lehorreratu dituzte. Itsas Salbamendu Humanitarioak esan duenez "ondo" joan da dena. Erreskatatuen artean bi hilabeteko haur bat eta hamasei adin txikiko zeuden. Salatu dute “sistematikoki” urruneko portuak esleitzen dizkietela.

'Aita Mari'-k 26 pertsona erreskatatu ditu Mediterraneoan

2025-12-02

26 lagunen artean hamabost adin txikiko, jaioberri bat eta emakume haurdun bat daude. Gehienak onik daude, eta laguntza humanitarioa jasotzen ari dira. Italiako agintariek Erromako Civitavecchia portura joateko agindu diote Aita Mari ontziari, eta erreskate tokitik bi eguneko bidaia egin beharko dute.

Mauritanian migratzaileentzako espetxeak finantzatu ditu Espainiako Gobernuak, haurtxoentzako sehaskekin

2025-11-07

Espainiar "lankidetzak" 1,08 milioi euro gastatu ditu bi "atxilotze-zentro" finantzatzen. Adingabeak kartzelaratzea baimenduta dago horietan; Espainiako Estatuan debekatuta dagoen praktika bat.

6.000 lagun kontrolatu ditu martxotik mugan Frantziako poliziak Force Frontières operazioan

2025-10-14

6.000 lagun kontrolatu ditu Poliziak mugan, martxotik urrira indarrean ezarritako Force Frontières operazioan

2025-10-10

Martxoaren 27an "presio migratorioa kontrolatzeko eta trafikatzaile-sareak deuseztatzeko" indarrean ezarritako dispositiboak Bidasoaldeko muga, eta departamenduko bide, tren-geltoki zein nazioarteko autobus zerbitzuetan kontrolak zorroztu ditu. Horietatik, egoera irregularrean zeuden 28 lagun atxiki dituzte kanporatzeko, baita migratzaileen 19 trafikatzaile atxilotu ere.

Beste sarraski bat itsasoan: 160 bat lagun hilak Mauritanian, ontzi bat hondoratzean

2025-09-03

Kanaria uharteetako kostaldera iritsi nahian ari ziren, baina Mauritanian urperatu zen ontzia. Desagerturik jarraitzen dute 100 pertsonak baino gehiagok.

AEBek beltzez margotu dute Mexikoko mugaren hesia haren tenperatura igo eta migratzaileak pasatzea saihesteko

2025-08-21

Mexikoko mugako hesia beltzez margotu du AEBetako Gobernuak. Lehenengo brotxakadak ematera bertaratu da Segurtasun Nazionaleko idazkaria bera, Kristi Noem. Neurri horren bidez, hesiaren tenperatura igo nahi dute, eta horrela migratzaileen pasabidea zailtzeko.

Delitugile migratzaileak zuzenean deportatzea proposatuko du Erresuma Batuko Gobernuak

2025-08-13

Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko deportatuak izateko.

Nekropolitiken politika

2025-06-23

"Oxala Mediterraneoko herrialdeek beren betebeharrak beteko balituzte, eta bilaketa eta erreskateko uretan eskura dauzkaten operatibo guztiak martxan jarriko balituzte, jendeak itsasoan arriskurik izan ez dezan". Mikel San Sebastian Aita Mari erreskate ontziko kidearen hitzak dira horiek, 2023an egindako erreportaje batetik ateratakoak. Denbora pasatu izanagatik ere, hitzok ez dute gaurkotasunik galdu, pasa den asteko titular batek gogorarazi duenez: 2025a hasi zenetik 1.800 pertsona... [+]

Mayotteko papergabeak: Chido zikloiaren biktima ikusezinak

2025-02-05

Gurera ekarri dugu Achille Mbenbe politologo kamerundarraren "nekropolitika" terminoa. Heriotzaren prismatik begiratzen die herritartasunari eta botereari, eta argi uzten digu pertsona multzo batzuen biziak gutxietsiak, balio gabekoak eta beraz, lasai asko desagertu daitezkeenak direla. Botereak –eta agintariek– bizitzetan nola eragiten duten ari da aztertzen. Hortik begiratu diogu Chido zikloiaren biharamunari. Ofizialki, "berrogei bat" hildako izanik ere, errealitatean "milaka edo dozenaka milaka" izan direlako. Nekropolitikak dakarren irakurketa-giltzei esker bakarrik ulertu daiteke alde hori: frantses herritartasuna dutenak kontatu dituzte, atzerritarrak ez. Dena den, aitzinetik ere ez zituzten kontsideratzen txaboletan bizirauten zebiltzan papergabeak. Hori da nekropolitika, Frantziako Estatuak daramana.

Italiak lehen migratzaileak deportatu ditu Albaniara eta Von der Leyenek ekimena Europa osora zabaltzea proposatu du

2024-10-16

Kritiken artean deportatu ditu Italiak hamasei errefuxiatu Albanian eraiki duen "harrera-zentro" batera. Proiektua 2023. urtean erabaki zen Meloniren Italiaren eta Albaniako Ramaren arteko akordio bat izan zela eta, eta "migrazio-kudeaketak bizkortzea" du helburu. Giza Eskubideen defendatzaileek gogor egin diote kritika eta horietako askok espetxe batekin konparatu dute. Orain Europar Batasuneko 27 herrialdeek gauza bera egin dezaten proposatu du Von der Leyenek, migrazioari dagokionean “aurrera egiteko bide "berritzaileak" aztertzea eskatu die.

Pertsona migratuen deportazioaren alde agertu da Pedro Sanchez

2024-08-30

"Migrazio zirkularra" sustatu nahi du PSOEren gobernuak, langile batzuek behin-behineko hainbat lan egiteko migra dezaten Espainiako Estatura, eta gero euren jatorrizko herrialdeetara itzul daitezen.