Lapurdi

500 pertsona Baionan bildu dira errepresioari buru egiteko larunbatean

2026-05-18

Errepresioa oro har handituz doala azken bi urte hauetan salatu dute mugimendu politiko eta sozialetako militante batzuek. Ondoko auzia ekainaren 2an izanen da eta U14 kolektiboko lau kide Baionan epaituko dituzte.

Preso politikoekin elkartasunez, Hendaiako futbol txapelketaren 21. edizioa antolatu dute ekainaren 13an

2026-05-15

Euskal preso politikoen aldeko Hendaiako futbol zazpi txapelketa antolatu dute ekainaren 13an. Aurtengo 21. edizio berezi honek Hendaiako Sagardo Egunarekin bat egingo du eta egun osoko plangintza antolatu dute. Lehiaketan eskuratutako dirua presoei laguntzen dien Harrera elkarteari bideratuko diote.

"Ekologia pirata dioenean, Fatima Ouassak-ek proposamen errealista eta berritzailea egiten du"

2026-05-13

Otsailean argitaratu zen, Katakraken eskutik eta Leire Mendiburuk itzulita, Fatima Ouassak-en Ekologia pirata baten alde. Eta aske izango gara. Ez du hauts handirik harrotu –oraindik–, baina ez dago argi zergatik: hautsak harrotzeko moduko liburua baita, guztiz. Aitzakia aprobetxatu dugu Mendibururekin elkartzeko: liburuaz, administrazioko itzulpenaz eta wikiemakumeez aritu gara, besteak beste.

Larunbatean amaituko da Angelun La Passem, okzitanieraren aldeko herri lasterketa

2026-05-08

Korrikaren gisara, La Passem herri lasterketak hamar egun eman ditu Gaskonian zehar, eta larunbatean amaituko da, lehen aldiz, Euskal Herrian. Egitarau zabala antolatu dute Angelun.

Azken urtean muga gurutzatu duten migratzaile kopurua %50 apaldu dela ospatu du prefetak

2026-05-07

Force Frontières dispositiboan 3.784 pertsona harrapatu, atxiki eta Hego Euskal Herrira itzuli zituzten Hendaia eta Biriatun 2025ean. Azken hilabeteetan Espainiako Polizia ere mugan migratzaile andana kanporatzen hasi da.

Urratsez urrats (1999)

2026-05-06

“Hiru ipuinetan pertsonaiek askapen prozesuak bizi dituzte eta zerbait traditu behar dute beren buruarekin leialagoak izateko”

2026-04-30

Jone Bordatok (Hazparne, 1984) urrian eman zuen argitara Erroen Izerdia (Elkar) ipuin liburua eta ostegun honetan aurkeztuko du Azkaineko Bil Tokin, 19:00etan, Azokaroa kari. Ekainaren 6an egingo da Ziburuko Liburu eta Disko Azokaren 7. edizioa, eta horren harira egiten da Azokaroa maiatzean.

Urruñako alkate berriak nabarmen murriztu du euskalgintzaren dirulaguntza

2026-04-29

Euskalgintzak jasoko dituen dirulaguntzak 26.000 euro gutxitu ditu Urruñako (Lapurdi) Herriko Etxeak. Seaska atera da kaltetuena eta 22.000 euro jaso beharrean 2.500 euro eskuratuko ditu. Ipar Euskal Herriko Ikastolen Elkarteak salatu du Sébastien Etchebarne auzapez berriak hauteskundeetan izandako euskararen aldeko jarreraren kontrako neurria hartu duela.

RTZ kolektiboa: segitzen du konkistak

2026-04-29

Rap taldeak Eden izeneko bigarren albuma argitaratu du. Euskal Herrian bizitzeak bi alde dituela adierazi dute lan berrian: batzuetan paradisua izan badaiteke ere, zenbaitetan infernua da. Polizia-indarkeria, eskuin muturraren gorakada, turismoaren eragina... Hitz zorrotz zein argiak erabili dituzte salatu nahi zutena mahai gainean jartzeko.

'Euskaraz bizitzeko behar den dena’ aldarrikatuko du Euskalgintzaren Kontseiluak ekaineko Euskaltzaleon Martxan

2026-04-28

Ekainaren 13ko Euskaltzaleon Martxak hiru zutabe izango ditu, bakoitza aldarrikapen bati lotuta: ofizialtasun osoa, hizkuntza politiketan jauzia ematea eta euskaltzaletasuna. 17:00etan abiatuko da mobilizazioa, baina goizetik kaleak girotzeko hainbat ekimen antolatu dituzte Alde Zaharrean.

Barnealde eta kostaldearen arteko oreka lorturik pozik da Alain Iriart Euskal Elkargoko lehendakaria

2026-04-27

Ostiralean bildu ziren Euskal Elkargoko 232 hautetsiak kontseilu exekutiboa eta iraunkorraren osatzeko. Ezker, zentro eta eskuineko hautetsiak kausi daitezke hamabost lehendakariorde karguetan. Hendaiako auzapezak salatu du bere hiriaren eskasia.

Kokoteraino (1996)

2026-04-22

Ekintza ausarta egin zuten hamar euskal deportatuk 1996ko ekainaren 8an: Euskal Herrira itzultzea erabaki eta Baionako katedralean itxialdia hasi zuten.

Emakumeak eta musika herrikoia, ardatz

2026-04-22

XX. mendeko hainbat artxibotatik abiatuta, emakumeen rolak, musika herrikoia eta haren artxiboak uztartzen dituen Emakumende ikusgarria ondu dute Baionako Maurice Ravel kontserbatorioko Marie Bidart, Marina Beheretche eta Pauline Lafitte irakasleek. Apirilaren 24an, 25ean eta 26an entzungai izanen da Urketan (Lapurdi), Baigorrin (Nafarroa Beherea) eta Baionan.

"Baxoa euskaraz!" aldarriz bete dituzte Baiona eta Donapaleuko ikuskaritzen egoitzak

2026-04-21

Matematikako baxo berria ezingo dute euskaraz egin Ipar Euskal Herriko ikasle euskaldunek, eta hori salatzeko ekintza egin du Azterketak euskaraz! kolektiboak.

Lapurdin emisio ahuleko eremua sortzeko egitasmoa deuseztatu dute Frantziako Legebiltzarrean

2026-04-16

Lapurdiko Hendaia, Urruña, Donibane Lohizune, Ziburu, Getaria, Bidarte, Biarritz, Angelu, Baiona, Bokale eta Landetako Tarnose hiriak ziren gas emisio gutxiko eremuan sartzekoak. Azkenean, eskuin muturrak eta eskuinak aurkezturiko neurriaren alde egin du Frantziako Legebiltzarreko gehiengoak: eremu horiek deuseztatu dituzte. Ingurumenaren eta herritarren osasunaren alde harturiko beste hainbat neurri ere lurperatu dituzte apirilaren 14ko bozketan.

Baionako lau auzipetuek epaia puskatu eta euskaraz deklaratzen uztea exijitu diote epaileari

2026-04-13

Euskararen aldeko margo bat egiteagatik auzipetu zituzten Baionan, otsailean. Epaiketan ez zieten utzi euskaraz egiten. Orain epaiaren idazkia jaso dute epailearen eskutik. Idazkia puskatuta itzuli diote, eta gutuna idatzi. Epaileari exijitu diote euskaraz deklaratzeko daukaten eskubidea betearaztea.

Metanizatzaile baten proiektuak polemika sortu du Itsasun

2026-04-10

Itsasuko Agerrea etxaldean, laborari batek metanizatzaile bat handitu nahi du, baina proiektu horren kontra mobilizatzen hasiak dira herritar batzuk. Petizio bat abiatu dute.

Romastea sortu dute, ijito herria ikusgarri egiteko

2026-04-07

Datorren apirilaren 8an, Ijito Herriaren Nazioarteko Egunean, Romastea izeneko kultur ekimenaren lehen edizioa hasiko da. Proiektuaren helburua da erromani kultura garaikidea ikusgarri egitea, ikuspegi ireki eta eguneratu batetik.

Baionan Palestinaren alde egindako manifestazio baten debekuaren auzia Paueko auzitegian da

2026-04-01

2023an, Baionan Palestinaren aldeko elkarretaratze bat debekatu zuen prefetak. Erabaki horren legezkotasuna aztertzen ari da Paueko administrazio auzitegia, hainbat manifestarik jarritako salaketaren ondorioz.

Euskal Herriko kartzeletan hiru preso hil dira aurten, Baionan ostiralean azkena

2026-03-23

23 urteko preso bat hilik topatu zuten pasa den ostiralean Baionako espetxean, Sud Ouest hedabidearen arabera. Euskal Herriko kartzeletan aurten hil den hirugarrena da. Otsailaren 5ean 35 urteko presoa hil zen Zaballan (Araba), eta martxoaren 9an Salhaketa-Nafarroak jakinarazi zuen 80 urteko presoa hil zela Iruñean.

Ilusioa zapuztu da Baionan

2026-03-23

Ezkerraren itxaropena zapuztu eta Etchegarayk segituko du auzapez Baionan

2026-03-22

Gehiengo osoa lortu du zentro-eskuineko zerrendak, Jean-René Etchegarayren hautagaitzak: botoen %51 inguru. Atzetik gelditu da Jean Claude Iriart abertzalearen zerrenda, Henri Etcheto sozialistenarekin elkartuta. Harro mintzatu da Etchegaray: “Baionarrek egonkortasunaren alde egin dute”.

Peio Etxeleku abertzalea izango da auzapeza Kanbon

2026-03-22

EAJko Peio Etxelekuk bozen %46,54 lortu ditu, eta beste bi hautagaiekiko aldea handitu du bigarren itzulian: orain arte auzapez izandako Christian Devèze zentristak %33,74 eta ezkerreko abertzalea den Argitxu Hiriart-Urruty-k %19,7. Ez du aurreratu nahi izan Herri Elkargoan lehendakari gai izango den, eta Marienia proiektuaren indargune hau nabarmendu du: "Gaur gaurkoz kanbotarren gehiengo handiak ezetz esan dio proiektuari".

Abertzaleek Urruña galdu dute

2026-03-22

Sébastien Etchebarne zentristak eskuratu du Urruñako (Lapurdi) Herriko Etxea, bozen %48,44 eskuratuta. Orain arteko auzapez Filipe Aramendi abertzalearen zerrenda ezkertiarrak (abertzaleak ere barnebiltzen dituena) bozen %37,64 lortu ditu eta Martine Mignot-Carmé eskuindarrak bozen %13,92. Euskal Hedabideek egin duten zuzeneko jarraipenean, adierazpen hauek egin ditu auzapez berriak, euskaraz: "Urruña euskalduna da eta jarraituko dugu, eskoletan, denetan, eta Herriko Etxean ere bai".

Serge Blanco izango da Miarritzeko auzapez

2026-03-22

Errugbiko aurpegi ezagunak zentroaren eta eskuinaren boza bereganatu du eta bera izango da Miarritzeko (Lapurdi) auzapez, %41,92 lortuta. Orain arte auzapez izan den Maïder Arosteguy eskuindarrak (EAJk babestua) bozen %32,21 eskuratu ditu –bien arteko aldea handitu da, lehen itzulian hamabi bozeko aldea soilik izan zuten–. Ana Ezcurra ezkertiarra hirugarren izan da (EH Baik eta Ekologistek babestua), bozen %27,87rekin.

Alain Iriart berriz ere Hiriburuko auzapeza

2026-03-15

Aurkeztutako zerrenda bakarrarekin, aurkaririk gabe, gailendu da Alain Iriart.

Baionan, Etchegaray auzapeza lehen, eta bigarren Iriart abertzalearen zerrenda

2026-03-15

Lehen indarra atera da Jean-René Etchegaray auzapezaren zerrenda, %42,11 lortuta. Bigarren atera da Jean-Claude Iriart abertzalearen zerrenda zabala, %21,99 eginda, eta hirugarren sailkatu da Henri Etcheto sozialistaren zerrenda, %21,77rekin. Hori horrela, bigarren itzuliari begira ikusteke dago zer adostuko duten ezkerreko listek: guztiak aurkeztu ala lekua utzi ezkerrean lehen atera denari, ezkerretik zerrenda bakarra aurkezteko eta botoak batzeko. Lapurdiko hiriburuan eskuinari lekua... [+]

Batite Laborde izango da Sarako auzapeza

2026-03-15

Saran (Lapurdi) Esteban Barneix izango da auzapez berria (Lekukoa Segi, 1.264 boz, %79).

Angeluko auzapez izaten jarraituko du Claude Olive eskuindarrak

2026-03-15

Besten zazpi urtez, Claude Olivek Angeluko (Lapurdi) auzapeza izaten segituko du, hauteskundeen lehen itzulia erraz irabazi ostean. Bozen %68 eskuratu du, 2020an lortu zuen emaitza bertsua.

Senperen auzapez berria izango dute: EH Baik babestu zerrendako Christophe Jaureguy

2026-03-15

EH Baik sostengaturiko eta abertzaleak barne dituen Hats Berri zerrendak irabazi ditu herriko bozak Senperen (Lapurdi), 2.088 bozekin (%54). Beraz, bigarren itzulirik ez da izanen eta Christophe Jaureguy izango da auzapeza.

Donibane Lohizunen aise gailendu dira eskuindarrak

2026-03-15

Manuel de Lara zentrista (Un nouvel elan avec vous, 1.955 boz, %26,56) atera da bigarren eta ezkerrekoak eta abertzaleak –EH Bairen babesarekin– bildu dituen Donibane Bizi hautagaitza gertu ibili da (1.746 boz, %23,72).

Kanbon aldaketa hobetsi dute momentuz herritarrek, EAJko Peio Etxeleku garaile

2026-03-15

Eskuineko abertzaleak barne dituen Kanbo Elkartu zerrendak bildu ditu boz gehien Kanbon (Lapurdi); bozen %39,55 bildu ditu.

Larresoron berriz ere Laurence Samanos eskuindarra izango da auzapez

2026-03-15

Larresoroko (Lapurdi) auzapez eta Beti Aintzina zerrendako buru Laurence Samanosek irabazi ditu hauteskundeak, 859 boz lortuta.

Mizel Hiribarren auzapez izango da beste zazpi urtez Itsasun

2026-03-15

Itsasun (Lapurdi) auzapez abertzalea izaten jarraituko dute beste sei urtez. Pertsona berak hartuko du kargua, Mizel Hiribarrenek. Sorpresarik ez da izan, 2020an ez bezala, zerrenda bakarra aurkeztu baita eta bozen %83,5 lortu du.

Kanboko Marienian landaturiko garia produktu kimikoekin pozoituta izan dela salatu dute

2026-03-09

Kanboko Marienia eremuan joan den larrazkenean ogia egiteko landaturiko garia produktu kimikoekin pozoitua izan dela salatu dute. ELB, Lurzaindia, Ostia, Le Cade eta Nahi Dugun Herria kolektiboek.

ARGAZKI GALERIA | Milaka feministak kaleak hartu dituzte Martxoak 8an

2026-03-08

Bilboko manifestazioa.Pello Maudo Herrero / ARGIA CC BY SA

Bilboko manifestazioa.Pello Maudo... [+]

Arauak urratzen dituen jabe baten AirBnB etxea okupatu du Aldak Hendaian

2026-03-03

Aldak bi mublatu turistiko okupatu ditu gaur goizean Hendaian eta Donibane Lohizunen, konpentsazio legeak hiru urte bete dituelarik. Hendaiako eta Donibane Lohizuneko hautagaiak haiekin biltzera deitu dituzte Aldako kideek.

Seaskak ARTA baxo profesionala irekiko du 2026ko irailean

2026-02-25

2026ko irailean, Seaskak ARTA-ASSP Pertsonentzako Zaintza baxo profesionaleko sail berria irekiko du Bernat Etxepare Lizeoan.

Ihauteriak Hazparnen

2026-02-18

Hendaiako bi guraso gazte 22 eta 15 urte kondenatu ditu Paueko epaitegiak alabaren heriotzagatik

2026-02-18

Effie, 2 hilabeteko alabaren heriotzaren erantzule egin ditu epaileak. Samuel Pereira, 24 urteko aitari 22 urteko kartzela zigorra ezarri dio Paueko Assize Auzitegiak, "borondatezko indarkeriagatik eta arriskuan zegoen adingabeari ez laguntzeagatik". Amari, aldiz, (Mairi Jauregui Ibarzabal, 21 urteko donostiarra) 15 urteko kartzela zigorra ezarri diote "haurrari janaria eta zaintza kentzeagatik", baina absolbitu egin dute indarkeriagatik. Haurra 2023ko urtarrilaren 18an hil zen Bordeleko ospitalean kolpeen ondorioz hematomak eta hezurren hausturak zituela, eta desnutrizioa pairatzen zuela frogatuta.

Baionako Auzitegiak errugabe jo ditu Korrikan Bidasoa zeharkatzen lagundu zuten zazpi kideak

2026-02-17

2024an, Korrikaren 23. edizioan, 36 migratzaileri Bidasoako muga zeharkatzen lagundu zieten dozenaka herritarrek, eta horietako zazpi auzipetu zituzten “pertsonen trafikoko talde antolatuaren” delitua egotzita. Asteartean errugabe izendatu ditu Baionako Auzitegiak.

Eskuin muturrak Zanpantzarren auzia bere alde manipulatuta

2026-02-13

Badirudi lana ematen diotela faxistek Baionako prokuradoreari. Uztailean Ane Lindane artista transfeministaren EHZko emanaldiari buruzko ikerketa abiatu zuen eta aldi honetan Hazparneko ihauteetako Zanpantzarren auzia ikertzen hasi da, plazaren erdian erretako Zanpantzarrek Jordan Bardella RN Batasun Nazionaleko lehendakaria irudikatzen zuelakoan.

Badirudi Washingtondik Budapestera, oraingoan Hazparnetik pasata, jukutria bera errepikatzen dabilela eskuin muturra: eskandalua sortu dezakeen... [+]

Baionako hautagaien arteko eztabaida

2026-02-12

Baionako herriko bozei buruzko eztabaida publikoa antolatu dugu Euskal Irratiek eta Gure Irratiak, Baionako Kupela Sagardotegian. Parte hartu dute Joseba Erremundegik (Jean-René Etxegarai), Jean-Claude Iriartek eta Iker Etxeparek (Henri Etxeto).

Euskaraz deklaratzea errefusatu eta epaitegitik kanporatu dituzte EHEko lau auzipetuak

2026-02-05

Euskaraz defenditzeko eskubidea ukatu die Baionako auzitegiko epaileak Euskal Herrian Euskarazeko lau kideei. Beraien desadostasuna eta kexua adierazten ari zirela, Frantziako Poliziak kanporatu ditu epaitegitik eta epaiketak aitzina egin du beraiek gabe. 1.500 euroko isuna eta bi urteentzako eskubide zibilen ukapena ukan du zigor gisa batek, eta beste hiruek, berriz, 500 euroko isuna.

Ipar Euskal Herriko mugimendu abertzaleak Baionan deitu du Aberri Eguna

2026-02-02

Apirilaren 5ean deitu du Ipar Euskal Herriko mugimendu abertzaleak Aberri Eguna Baionan, Euskal Herria. Etorkizuna. Itxaropena lelopean. Eguna ospatzeko, manifestazioa, bazkaria eta kontzertuak antolatu dituzte.

Baionan, hainbat antifaxistak merkatutik kanporatu dituzte RNko hautagaiak asteburuan

2026-01-27

Ultraeskuineko alderdiko zenbait hautagai larunbateko merkatuan izan ziren eskuorriak banatzen, baina aurre egin zieten antifaxista batzuek, irina botaz eta faxismoaren aurkako oihuak eginez.

Euskal filmei ohi baina leku gehiago emanen die Miarritzeko Fipadoc jaialdiak

2026-01-23

35 herrialdetako 150 filma baina gehiago erakutsiko ditu Fipadoc Miarritzeko film dokumentalen nazioarteko festibalak. Aurten, Donostiako Zinemaldiarekin partaidetza berezi baten bidez irailean Donostian aurkeztutako lau filma izanen dira Miarritzen.

Baxoa euskaraz, hitza hitz

2026-01-22

Euskal Herriko ikastolakide eta euskaltzale guziei zuzendua da lerro hauen bidezko dei beroa. Urte luzez, guraso, irakasle eta ikasleek Seaskaren aldeko parioa egin dute, euskarazko murgiltze eredua eguneroko praktikaren bidez eraikiz. Orain, borroka horren mugarri erabakigarri baten aitzinean gara: baxoa euskaraz ala ez.

Euskal hautetsiekin Parisen egin azken bilkuran, Hezkuntza ministroak onartu du Blanquer-en erreformak hizkuntza gutituak bazter utzi zituela, eta prest agertu da 2027rako... [+]

Xilabako finalistak prest Donibane Lohizuneko finalerako

2026-01-20

Urtarrilaren 31n izango da Xilaba Bertsolari Txapelketako azken hitzordua, finala. Donibane Lohizuneko Jai Alain izanen da. Seikotean bost izanen dira emazteak. Hiru bertsolarik lehen aldikoz abestuko dute finalean. Sei buru eta txapel bat, Maialen Hiribarrenek emango duena

Maddi Ane Txoperenak irabazi du Bardozeko saioa eta osatu da Xilabako finala

2026-01-20

Xilabako azken final aitzinekoa irabazita, urtarrilaren 31n jokatuko den finalerako sailkapena eskuratu du Maddi Ane Txoperena bertsolariak. Finala Donibane Lohitzuneko Jai Alain izanen da.

GKS soldadutza-ereduaren aurka mobilizatu da Baionan

2026-01-19

Larunbatean egin dute zubi mozketa hiriburu lapurtarrean, Frantziako Estatuak "inposatu" nahi duen soldadutza-ereduaren aurka. GKSk salatu du, Alemaniak egin antzera, Frantziak derrigorrezko izan daitekeen soldaduska ezarri nahi duela, eta Frantziako presidente Macroni aurpegiratu dio “programa autoritario eta gerrazalea” izatea.

A63 autobidea eta Baionako portua blokeatu dituzte, Araban blokeo bat Ertzaintzak eragotzi du

2026-01-12

A63 autobidearen lau eguneko blokeoa amaitutzat eman du A63ko ultrak taldeak, baina Ipar Euskal Herriko laborariek ez dituzte protestak eten. Astelehen goizean Baionako portua blokeatu dute ELB, Confédération Paysanne eta Modef sindikatuek. Frantziako Gobernuak dermatosi nodular kutsakorraren kontra abiatutako protokoloengatik dira kexu, baita Europar Batasunak eta Mercosurrek sinatutako akordioagatik ere. Bestetik, Araban, Ataca nekazarien elkarteak deituta, Done Roman Millan parean A-1 autobideko errei bat hartzeko bildu da hainbat traktore, baina Ertzaintzak eragotzi egin die errepide nagusira sartzea, eta inguruan dira. Mercosur akordioagatik ari dira protestan haiek ere bai.

Laborariek autobidea blokeatu dute Baiona parean, EBren eta Mercosurren akordioaren aurka

2026-01-09

60 traktore inguru erabilita blokeatu dute A63 autobidea goizeko ordu biak aldera, Europan nekazariak egiten ari diren protesten lerro berean. Ostiral honetan ziren bozkatzekoak Europar Batasunean Mercosurrekin akordioa sinatu ala ez, eta 26 urteren ondoren, Europar Kontseiluan oniritzia eman diote EBren eta Mercosurren itunari. Nekazariek adierazi dute akordioak “lehia desleiala” ekarriko duela, eta beraientzat “hondamendia” izango dela.

Langile bat hil da ostegunean Urruñan, lan istripu batean

2026-01-09

Euskal Hirigune Elkargoarentzat ur biltegi baten eraikuntza egiten ari zen hildakoa Urruñako Xukutun bidean. Bertze langile bat larri zauritu da. Eraikuntza bertan behera utzi dute ikerketak dirauen artean.

U14 kolektiboko lau kideak askatu dituzte

2026-01-07

Baionako prokuradoreak poliziaren kontrako heriotza-mehatxuak edo kalte mehatxuak leporatzen dizkie. Berrehun bat lagun elkartu dira Kanboko jendarmeria aitzinean oren batean, eta arratsaldean, zazpiak aitzin, libre geratu dira.

Baratze eta sukalde munizipala, herri langileek aurrera eramanak

2025-12-29

Urteak daramatzate Urruñako Herriko Etxean zirkuitu laburrak eta tokiko elikadura bultzatzen. “COVID-19a bizi izan genuenean argi gelditu zen hurbileko mozkinak beharrezkoak direla, kamioiak hiru egunez gelditzen badira aski gaizki gelditzen baikara gehienak”, adirazi du Marie Christine Elizondo zinegoziak, laborantza eta elikadura gaien arduradunak. 2020an sartu ziren udalean, eta bi proiektu garrantzitsu jarri dituzte martxan tarte honetan: herriko etxearen baratzea sortzea, eta sukalde munizipala eraikitzea.

"Iparraldeko gazteen artean bada halako galde bat bertsotan hasteko"

2025-11-26

Beñat Larrory (Iruri, Zuberoa, 1990) eta Xermin Camblong (Luhuso, Lapurdi, 1997) lehen aldiz ari dira bakarkako Xilaba bertso txapelketan. Ahots ezagunak dira haatik Ipar Euskal Herrian, euskal irratietan egiten baitute lan. Ez bata ez bestea ez zen umetan bertso eskolan ibili; gerora bertsozaletu ziren, eta bertsolari izateko gogoz daude.

'Meditazioneak': gogoan hartu ta segi aurrera

2025-11-19

Euskal idazle klasikoen artean ezagunenetarik ez izan arren, Martin Duhaldek (Uztaritze, Lapurdi, 1733-Baiona, 1804) baditu hainbat alderdi interesgarri, nola bizitzan hala obran. Beraz, mainstream-etik pixka bat urrundurik –euskaraz zeozer idazten hasi aurretik, izan ere, nork ez ditu irakurri orain arte orrialdeotan aipatu ditugun Axular, Tartas, Barrutia, Oihenart edo Kardaberaz bezalako egileak?–, hizpide hartuko dugu 1809ko Meditazioneak, a.k.a. Meditazione handiak, herriak... [+]

Eraikuntza kolektibo bat, iraganetik sortua

2025-10-29

Zazpi aktorek eta ekipo tekniko zabal batek hartu dute parte Axut eta Artedrama konpainien elkarlaneko proiektuan. Luhusoko lehen emankizunaren ondotik, Donostian egon dira. Bilbon dira segidan, eta Baionan gero. Bira luze bat dute desio.

Aline Etxeberri eta Maialen Diaz aktoreekin, eta Harkaitz Cano gidoigilearekin egin du hitzordua ARGIAk, ostiral goizez, Donostiako lau emanaldietako lehenaren biharamunean. Eguzkipean jazo da denbora mugarik gabeko solasa.

Euskararen hastapenak

2025-10-22

Urriaren 11z geroztik, Baionako euskal erakustokian ikusgai dugu zenbait astez Bernat Etxepare apez idazlearen Linguae Vasconum Primitiae (1545) lanaren jatorrizko alea, beste gisaz Parisko Liburutegi Nazionalean kontserbatzen dutena. Nahi duenak han ikusteko aukera izanen du datorren urtarrilaren hastapen arte, baita hainbat konferentziaren entzuteko parada ere.

Literatura eta historia zale gisa, gertakari zirraragarria da. Izan ere, Etxepareren liburua, berak zioenez harroki, eta... [+]

Jalgi hadi mundura... eta hator etxera

2025-10-16

Baionako Euskal Museoan aurrenekoz ikusgai dago euskaraz idatzitako lehen liburua, Bernat Etxepareren Linguae Vasconum Primitiae, Bordelen inprimatua 1545ean. Behin behineko erakusketa da, ondoren Frantziako Liburutegi Nazionalera itzuliko baitute. Beraz, goza dezagun kristalaren bestaldean obra aitzindaria izateak sortzen duen zirraraz. Eta, bide batez, galde diezaiogun gure buruari zergatik den ale bakarra, zergatik daroaten bueltan Parisera, zergatik zaigun oraindik hain ezezagun.

Zazpi lurraldeetako laborantza herrikoia ohoratzeko jaia

2025-10-16

Euskal Herriko Laborantza Ganbera elkarteak (EHLG) hogei urte bete zituen urtarrilean. Laborantza herrikoi eta iraunkorra sustatzen dihardute hasieratik gaur arte, eta erreferenteak dira sektorean. Orain, azaroaren 7, 8 eta 9an, Lurrama azokaren 20. edizioa ospatuko du EHLGk Miarritzeko Irati erakustazokan. Dena den, urteurrena izanik atzera begira jarri ordez, etorkizunari heldu diote: ‘Bihar ere laborari’ lema hautatu dute, erreleboaren gaia eta etorkizuneko laborantzaren eta elikaduraren auziak mahai gainean jartzeko. Beste behin, hainbat ertz elkartzeko zubia izan nahi du Lurramak.

Emigrazioaren gaia euskal literaturan

2025-10-16

Sarako idazleen biltzarra kari, Jon Casenave Bordeaux-Montaigne unibertsitateko euskal literatura irakasle emeritoak eskainitako hitzaldia duzue honakoa. Euskal literaturaren historian emigrazioaren gaia nola landu den aztertu du irakasleak eta hori da bertaratuei aurkeztu ziena, Sarako Biltzarrak, Bilketa sareak, Euskal Kultur Erakundeak eta Biblio64-ak antolatuta.,

Uda leku

2025-09-28

Pantzo Hirigaraik idatzi eta zuzendutako antzezlana da 'Uda leku'. Opor garaiko kanpaldi baten istorioa kontatzen du eta 2024ko martxoan Itsasun egindako emanaldia da honakoa, Kanaldudek bideoz grabatua.

Israeli boikot mugimendua

2025-09-24

Milaka pertsonaren inplikazioari esker, Ibaitik itsasora martxak lortu zuen Tuteran hasitako ibilbidea Hendaian burutzea, bidean Gazako genozidioaren eta apartheidaren konplize diren zenbait enpresatan salaketak egin ostean: CAF, M. Torres, Teva, Zara, Carrefour... Irailaren 20an heldu ziren Kantauri itsasora, hamar egunen ostean koloregabetzen hasitako pankarta eta palestinarren itzulerarako eskubidea irudikatzen duen giltza buru zituztela. Israelen sustengu oro eteteko eskatu, eta boikoterako... [+]

Irun ez da Iran

2025-09-17

Nahiz eta, entzun dudanez, hala deitzen dioten gertuko herri batekoek. Mugako biztanleok izaera jakin bat omen dugu; nabaritzen omen zaigu inguru horretakoak garela, esaterako, irundarroi. Ba omen dugu zera berezi bat. Ez dut gehiegi sinesten kontu horietan, ondoren zera hori ez baita inoiz zehazten, hitzetara ekartzen. Topiko kaxkar bat, gehienez ere.

Orokortzea beti da arriskutsua, baina, gaia beste esparru batera eramanda, orokorrean maite ditut lau hankako txakurrak; hanka biko jabe asko... [+]

Ederki galdua

2025-07-09

Nunquam polluta dio Baionako lemak, erran nahi baitu "sekulan zikindu gabea" edo "sekulan hartu gabea", eta erreferentzia egiten die inbasio saiakera historikoei, espainiarrengandiko, frantsesengandiko eta ingelesengandiko saiakerak ez omen baitziren emankorrak izan, eta ezin izan omen baitzuten Baiona konkistatu. Baliteke hala izatea, baliteke mitoa izatea. Baina iraganeko zintzotasun horrek gutxi du ikustekorik gaur egungo egoerarekin.

Bego horretan Historia,... [+]

Euskal sorkuntza patxadaz aurkezten dizun plaza

2025-06-11

Ziburuko Euskal Liburu eta Disko Azoka iragan da ekainaren 7an, 40 bat argitaletxe eta diskoetxe eta milaz gora bisitari elkarturik herriko plazan. Euskaraz bagara lelopean iragandako seigarren edizio horren balorapen baikorra egin dute Baltsan eta ARGIA antolatzaileek: euskara hutsezko plaza osatu dute eta beste behin, kopuru handian erantzun diote proposamenari, bisitariek eta sortzaileek.

Bidaide eta gogaide, poesiaren ibilietan

2025-06-11

Bidaide eta gogaide XVII. mendeko Arnaud Oihenarteren Atsotitzak eta neurtitzak liburuan kausitu dezakezu, eta bidean kausitu eta gustura ondoan harturiko bidai-lagunari erraten zitzaion "gogaide". Aurelia Arkotxak ekarri zuen gurera, Zubiburu solasaldian, hain justu ere, bideaz, bidaiaz eta idazketaz, poesiaz aritu zirelako bertan Arkotxa azokaren seigarren edizioko omendua eta Rakel Pardo baztandar poeta gaztea. Juntatzaile lanean aritu zen Leire Vargas, bera ere idazlea, bi poesia... [+]

Albert Le Layek ez zuen trukean ezer eskatu

2025-06-04

Canfranc (Huesca, Espainia), 1940ko ekaina. Charles De Gaulle jenerala buru zuen Londresko Frantzia Askearen gobernuak erabaki baten berri eman zion Albert Le Lay Canfranceko nazioarteko tren geltokiko Frantziako aduanako arduradunari: bere postuan geratu behar zuen. Ez zirudien aginduak garrantzia berezirik zuenik, baina Frantziako erbesteko gobernu sortu berriaren lehen erabakietakoa izan zen, eta gerora pisu handia izango zuen.

Albert Le Lay Brest-en (Bretainia) jaio zen 1899an... [+]

"Galdera da lan batek noiz balio digun, ez geuk distira egiteko, baizik eta kolektibo gisa"

2025-06-04

Diziplina askotan ibilia da Amaiur Epher (Izpura, 1994). Aktore lanak egiten ezagutu nuen orain urte batzuk. Diabolo Kiwi edo Frigo taldeekin erritmo dantzagarriak joz ikusi eta entzun du, ziur, batek baino gehiagok. Eta idazlea ere bada. Bigarren liburua argitaratu berri du: Haize beltza (Txalaparta, 2025), nobela beltz bat idazteko lanetan ari den idazlea protagonista duen eleberria. Baionan jarri dugu hitzordua. Bazkaldu bitartean egin ditugu gaurkotze eta beroketa lanak; eta kafearen ostean, Aturri ibaiaren ertzeko eguzki epeletan hasi dugu bigarren solasaldia, grabagailuak jasoko duena.

"Azoka hedatzen ari gara, baina gure neurrian, era kontrolatuan"

2025-04-30

2019an hasi zen Ziburuko azoka eguneko ekitaldi gisa, baina azken urteetan azoka egunaz aparteko ekitaldiak antolatu izan dira inguruko herrietan ere: Azokaroa da. Ladix Arrosagarai Baltsan elkarteko kidearekin mintzatu gara Azokaroaren nondik norakoez.

Eta zuk, egin duzu inoiz Boleroarekin?

2025-03-05

Duela 150 urte, 1875eko martxoaren 7an jaio zen Maurice Ravel musikagile eta konpositorea, Ziburun. Mundu mailan ospetsu dira haren lanak, bereziki Boleroa. Sarri aipatzen da Parisen bizi izan zela, kontserbatorioan ikasi zuela aro berri bateko irakasleekin, munduko txoko guztietan entzun izan direla bere piezak... Baina inoiz gutxitan nabarmentzen da, euskaraz mintzatzen ez bazekien ere, "txundituta" zeukala Euskal Herriko kulturak.

Erreportajearen abiapuntu izango dugu Boleroa konposizio ezaguna, kantu horrek ere baduelako Euskal Herriarekin lotura estua.

Bigarren aukera bat gerraren erdian

2025-01-15

1937 eta 1940 artean, Eusko Jaurlaritzak bere zerbitzu sozialen bidez, Iparraldeko osasun zentro handiena izango zena zabaldu zuen Bidarten: La Roseraie ospitalea. Helburua zen Hego Euskal Herritik gerraren ondorioz uholdeka zetozen zauritu eta elbarriak artatu eta birgizarteratzea. Ospitaleko egoiliarren artean Federico González zegoen, 20 urteko erandioarra, ofizioz tipografoa, eta beste asko bezala gerrara deitua. Gudari ohi baten, ospitalearen eta han atera zituen argazki batzuen historia harrigarria duzu hau.

Atera kontua(k)

2024-10-04

TABERNARIA. INSTRUKZIOAK BOTATZEKO ONDO BAT KAÑA
Egilea eta zuzendaria: Patxo Telleria
Aktorea: Mikel Martinez
Noiz: Irailaren 20an
Non: Biltxokon (Baiona)

--------------------------------------------------------

Bezeroak kontua eskatzen duenean izan ezik, tabernariaren ahotsa entzuten da. Eta nagusiak kontuak eskatzen dizkionean izan ezik. Antzezlan honetan tabernaria da protagonista bakarra, eta ikus-entzuleak ikusi eta entzuten du normalean ikusi eta entzuten ez den... [+]

"Migratzaileak autoan hartu eta Polizia egon zitekeen errepideak saihestuta eramaten nituen"

2024-09-18

Pertsona migratzaile asko eraman ditu Aritzek bere autoan, Poliziak ez ditzan harrapatu, gaueko iluntasunean ez daitezen galdu eta batetik bestera seguru ibili daitezen. Bereziki gogoan ditu Irundik Hendaiara muga gurutzatzen lagundu eta etxean lotan izan zituen emakumea eta haren bi alabak, tratu txarretatik ihesi; Parisen bizi dira egun. “Migratzaileen bila aritzen nintzen, Polizia bezala, baina hain justu Poliziaren kontrako helburuarekin”.

“Badirudi lagunarteko hizkera, Hegoaldean eta Iparraldean, ezin dela banandu gaztelaniatik eta frantsesetik”

2024-09-11

Maddi Kintanak ekainean aurkeztu du Master Amaierako Lana Bordeleko Unibertsitatearen eta Iker ikerketa-zentroaren laguntzarekin. Gazteen hizkera BAM eta inguruan du izenburu eta Biarritz, Baiona eta Angeluko 18 eta 24 urte bitarteko gazteen hizkera aztertu du. Horretarako, beraiei eskatutako Whatsapp audioak eta berariaz antolatutako eztabaida saioak egin ditu. Irantzu Epelde izan du zuzendari. Baionan bizi den donostiarrak bizi den lekuko euskara aztertu nahi zuen, baita bere lagunen hizkera ere.

20. Txikilinux Eguna II: Euskarak Software librea behar du

2024-06-09

Donibane Ikastolan Txikilinux zerbitzaria instalatu dute eta ospatzeko Txikilinux egunaren bigarren edizioa antolatu dute. Bertan egon gara Peio Etxeleku, Donibane ikastolako zuzendariarekin hitz egiten. Egunak aditu ezberdinak elkartu dituela aprobetxatu dugu eta gaia ikuspuntu ezberdinetatik lantzeko mahai-inguru bat antolatu dugu Egoitz Urrutikoetxea, Seaskako hezkuntza arduraduna; Iñigo Gebara, Bigarren hezkuntzako teknologia eta informatika irakaslea; eta Orai zentroko Muitze... [+]

Zin degizut, euskara eta bagara

2024-06-05

Ziburuko Euskal Liburu eta Diskoen Azoka iragan da ekainaren 1ean, 40 bat argitaletxe eta diskoetxe eta milaz gora bisitari elkartuz herriko plazan. Euskara ala ezkara lelotzat zeukan bosgarren edizio horren balorapen baikorra egin dute antolatzaileek: jendetza bertaratu da, euskara hutsezko plaza bat osatu izana eskertu dute parte hartzaileek eta argitaletxe zein diskoetxeekin ukandako balorapen informalei fidatuz gero, horiek ere poz-pozik itzuli dira etxera.

Afoka

2024-05-29

"Poeta naizen? Poesia sentimenduak dira, besteek erantzun beharko diote horri"

2024-05-22

Elkarrizketa bat papereratzerakoan galtzen dira isilune eta esku keinuak. Pena da. Daniel Landart entzuten ari zela gogoeta hori zeukan kazetariak, eta gauza bera pentsatzen zukeen argazkilariak ere, ikusirik ondoko egunean esku keinuen argazki andana bidali ziola kazetariari. Ziburuko Azokatik Baltsan elkarteak eta ARGIAk bideratuko dioten omenaldiaren bezperan bildu gara kulturgile donoztiritarraren saloian, liburu artean, 60 urtez euskal kulturari ekarritakoaz xeheki solastatzeko.

"Sentitu bezala egin dut ene bidea, barnean nuen oldarrarekin"

2023-11-29

Ezagunak dira poesiaren bideetan egin dituen lanak. Batean, bere olerkiak argitaraturik; bestean, askorenek argia ikus dezaten lan eginez. 25 urte daramatza Hatsaren Poesia egunak Senperen antolatzen, eta delako egun horretan irakurtzen diren poemak liburuetan biltzen. Aurkia agerian, binperrari begira jarri gara, ifrentzuari.

"Argazkiekin ez nabil errealitatea harrapatzeko bilaketa batean"

2023-08-29

Gabrielle Duplantier argazkilariarekin elkartu gara Baionan, Aturri bazterreko terraza batean. Esku artean erakusketarik ala liburu berririk ez duela, elkarrizketa zertaz izango den galdetu dio kazetariari, zehaztuz gainera argazki guti egiten duen bizi fase batean dela. Espazio "huts" horretaz baliatu gara soa zabaltzeko eta luze eta zabal aritzeko bere sorkuntzaz. 45 urte dituen artistak ibilbide luzea duelako argazkilaritzan. Eta ohargabean lortu du leku bat egiten mundu horretan: "Oraindik ez dut ulertzen nola heldu naizen honaino. Guztia bat zetorren ondorioztatzeko ez nuela lortuko". Bideaz eta biziaz hitz egin dugu.

Luhusoko kabalkada 2023: Historiak istorio

2023-08-24

Luhusoko kabalkada sasoiko azkena izanen da. Herritarrak ari dira jo eta ke ikusgarria prestatzen, antzerkilariak alde batetik Peio Berterretxen zuzendaritzapean, eta plazan musikariak, makilariak eta dantzariak. Agorrilaren 26an eta irailaren 2an Luhusoko plaza mukuru beteko da herritarren kabalkada gozatzeko.

'Parez pare' dantza emanaldia

2023-07-27

Zarena Zarelako dantza taldearen ikusgarri hau Pascale Lascanoren ideia berezitik abiatzen da eta 24 bikotek sorkuntzak eta ohiko dantzak eskaintzen dituzte. Begi keinu bat egiten diote ere Nafarroari Larrain dantza emanez gaiteroen laguntzarekin. Dantza ikusgarri hau Hazparneko Mendeala gelan filmatua izan da, 2022ko apirilean, Arberoako ikastolak antolatutako gaualdi batean.

Antxondoa Etxaldeko esperientzia

2023-06-28

Aste honetan Itsasuko Antxondoa Etxaldea ezagutu dugu eta bertako Mirentxu Elissalde izan da gurean. Gereziengatik da ezaguna Itsasu eta Antxondoan gereziekin egiten dute lan, baina horrez gain, ardiak dituzte eta gazta ere egiten dute. Itsasuko gerezien erreximentak eta bertako ardi gaztak bikote aparta osatzen dutela ikasi dugu gaur.

‘Laia’ aldizkaria, ARGIArekin batera

2023-06-27

Bidasoaldeko irakurlea bazara, honezkero izango dira hiru urte Laia aldizkariaren lehen alea jaso zenuela etxean. BDSKOOP eraldaketa fabrikak –eskualdean Ekonomia Sozial Eraldatzailean dabiltzan kooperatiba eta proiektuak biltzen dituen elkartea– Behe Bidasoan eta inguruko bailaretako beste herri batzuetan banatzeko sortutako argitalpena da, zonaldeko Ekonomia Sozial Eraldatzailea (ESE) erakutsi eta ekonomia egiteko beste modu bat kontatzeko helburuz sortua.

Noiz arte

2023-06-09

Historiako kapitulu ilun bat dakar gogora lan honek. 1914-1918ko I. Mundu Gerlara deituriko 25.000 gazteetako baten bizitzaren pasartea du oinarri: 20 urteko Joseph Gracy azkaindarra.

Kanaldudek zabaldu du lana.

Ziburuko IV. Euskal Liburu eta Disko Azoka iruditan

2023-06-05

Ziburuko Euskal Liburu eta Diskoen IV. Azoka egin da ekainaren 3an, larunbatez. Inoiz baino handiagoa izan da metro, saltzaile eta bisitari kopuruari dagokionean. Eguraldia lagun, giro ederrean ospatu da euskararen festa. Aurten, gainera, estreinakoz, zuzeneko musikaz gozatzeko parada izan da, baita Ziburuko ikasle gazteen lanen erakusketa bisitatzeko aukera ere.

Irakurri hemen Gorka Peñagarikano kazetariak Ziburuko Azokaren inguruan egin duen erreportajea.

Iragan ilunak auzitan jarri du gaurko aberastasuna

2023-05-23

Europa esklabotzarekin aberastu zela ez da sekretua. Hainbat mendez milioika pertsona garraiatu zituzten Afrikatik Amerikara, eta esplotazio horri esker ekoiztutako kakaoa, azukrea eta kotoia izan ziren Liverpool, Bartzelona edo Bordele bezalako hirien garapen ekonomikoaren kapital iturri nagusietakoa. Denbora askoan ezikusia egin diogu iragan horri, baina Black Lives Matter eta antzeko mugimenduek afera azalera ekarri eta eztabaida pil-pilean da orain. Haatik, esklaboen trafiko globalarekin lotura estua izanagatik ere, Euskal Herrian apenas hitz egiten da horri buruz.

Azoka egunarekin nahikoa ez

2023-04-24

Maiatzetik hasiko omen dira euskal literatura eta musikaren inguruko ekitaldiak Ziburun, Baltsan elkartean bertan, antolatzaileek azaldu dutenez. Ekainaren 3an, larunbatarekin, egingo da Ziburuko 4. Euskal Liburu eta Disko Azoka, baina motorrak berotzeko lehen hitzordua gainean dugu.

Hazparneko libertimenduak

2023-04-20

Hazparne eta auzo herrietako zirtzilek umorez jorratu dituzte hainbat gai: herrriko obrak eta munduko pilota txapelketa, besteak beste. Emanaldian Haira Aizpurua eta Ramuntxo Christy bertsolariek abestu dute.

Beñat Durruty Kanaldudeko laguntzaileak egidako grabaketari esker egin du Kanaldudek bideo erreportaje hau.

AHTren lanak gelditzeko eskatu dute azpiegitura honen aurkako borrokaren 30. urteurrenean

2023-04-17

Biriatuko udaletxearen aurrean, AHTren aurkako agerraldi masiboa egin dute mugaren bi aldeetan egitasmoaren aurka azken 30 urte hauetan agertu diren mugimenduek. Azpiegituraren aurkako borrokak bizi dugun krisi ekosozial honetan inoiz baino zentzu handiagoa duela aldarrikatu dute, eta lanak gelditzeko eskaera egin dute bertaratu direnek.

Plazara, euskara plazara!

2023-03-21

Martxoaren 15ean aurkeztu dute euskara hutsezko plazen sarea. Badira Euskal Herrian hizkuntza oinarri eta helburu hartuta euskara hutsezko liburu eta diskoen azokak antolatzen dituzten herriak.

3. Ziburun hasi zen dena

2023-03-14

Ziburun hasi eta Sobietar Batasuneraino iritsi gara oraingoan, tartean Ana Obregoni aipamena eginaz eta historiako bolerorik ezagunenaren erritmora. Bitxia dirudi aste honetako istorioak baina entzun eta ulertuko duzu, agian.

8. Esker ona

2023-03-09

Esker ona ematera etorri gara gaur; izan ere, Larrungo Uhinak emankizuna hasi zenetik, hainbat entzuleren erantzunak heldu dira gure belarrietara: Baionatik, Amikuzetik, Hendaiatik… Hain zuzen, azken bietako ikasleek igorri dizkiguten iritziak eman ditugu gaurko saioan. Milesker anitz, bihotzez, zuei!

7. Inkisizioa Lapurdin

2023-02-23

Erdi aroko gertakari latza izan zen inkisizioa Euskal Herria, bereziki Nafarroan eta 1609an Lapurdin emandako sorgin ehiza. Azken hau hobeto ezagutzeko asmoarekin, Larrungo Uhinak emankizunak Asisko Urmeneta komikigile eta historialari nafarra eta Xabet Andueza Lapurdi 1609 Elkarteko kidea elkarrizketatu ditu.

“Komikiak aukera ematen digu gauzak askeago kontatzeko”

2023-02-21

Itsasuko lurretan dagoen Altzuieta etxean jarri digu zita Adur Larrea komikigileak (Bilbo, 1982). Hemen biltzen ziren Lurbinttoko ohoinak (Elkar, 2022) istorioko protagonistak diren pertsonaiak: Konbentzio Gerrako galtzaileak, desertoreak eta, oro har, kaltetuak; taldean bat eginda, inguruko herrietan lapurretan eta izugintzan aritu ziren XVIII. mende amaieran. Ordutik dago hemen etxea, beraz. Ez da 200 urte baino gehiago iraun duen bakarra: elkarrizketa egiteko toki bila Itsasun bertan eta Kanbon bueltaka gabiltzala, komikian agertzen diren beste toki asko ere seinalatu dizkigu Larreak. Lekuen eta historiaren arteko harremanaz hizketan hasi dugu solasaldia.

Iparraldeko mugimendu abertzalearen 60 urteko historia

2023-02-17

24 pertsonak hartu dute hitza Itsasun antolatutako ekitaldian Ipar Euskal Herriko Mugimendu Abertzalearen 60 urteko historia kontatzeko. Hamarkadaz hamarkadako lekukotasunen bidez, 1963az geroztik mugimenduak izan dituen data esanguratsuak izan dira aipagai.

Hizlariak: Christiane Etxaluz, Marikita Tambourin, Luzien Etxezaharreta, Gexan Alfaro, Lilian Hirigoyen, Grazi Etxebehere, Patxi Noblia, Gabi Oiharzabal, Dominika Daguerre, Jeanne Kreckelberg, Xabier Manterola, Peio Iralour,... [+]

Larrungo uhinak #06: Senperen ibiliz

2023-01-24

Entzule: ba ote dakizu zer den “Senperen Ibiliz”? Gure podcast berri honetan ezagutzen ahalko duzu; hain zuzen, Frédéric AEKko ikaslea da eta laguntzaile lanak egiten ditu “Senperen Ibiliz” zerbitzuan. Horrez gain, Pierre ikaskidearekin batera, elkarrizketa egin diote Dominique Idiart Senpereko auzapezari. Eta, nola ez, musika ere lagun izan dugu: Fermin Muguruzaren “Lagun nazakezu”.

Larrungo Uhinak #05: Amaiurko gudua

2023-01-09

Urte berriarekin batera, Larrungo uhinak emankizuna bueltan da. Oraingoan ordea, gertakizun historiko garrantzitsu bat izan dugu hizpide: Amaiurko gudua.

Euskara, hedabideetatik karrikara!

2022-12-13

Euskararen eguna baliatu dute Euskal Hedabideek zuzenezko emankizun bat egiteko Baionako merkatutik. Euskaraldia ekimenaren bezperetan, ekimen honen bilana egin dute Zilia Heredia eta Eneko Gorrirekin, bigarren partean aldiz Sebastien Caset Euskal Konfederazioak taldeko koordinatzailea eta Antton Kurutxarri Euskararen Erakunde Publikoko lehendakariak hizkuntza politikaren betebeharrak aztertu dituzte.

Larrungo Uhinak #04: ‘Azkaine euskaraz’ gaualdia

2022-11-29

Azaroaren 10ean gaualdi berezia egin genuen Azkaingo Gaztetxean. Helburua zen gau eskolako ikasleek elkar ezagutzea, eta elkarrekin momentu goxo bat pasatzea. Euskaraz, bistan dena. Aurkezpen ttipi bat eta euskaraz maite duten hitz bat galdegin genuen.

Larrungo uhinak

2022-11-23

Gau eskolatik plazara, plazatik oihan-zolara, oihan-zolatik mazeletara, mazeletatik mendi-kaskora, mendi-kaskotik uhinetara… euskara zabaltzen ari gara”. Azkaingo AEK-ko ikasleen bloga. Hori da ARGIAn sortu zaharra ez den blog berriaren aurkezpena. Azkaingo gau eskolako ikasleek euskara praktikan jartzeko duten formula berria da irratsaioa eta lehen hiru saioak zintzilik daude.

Larrungo Uhinak #03: Sarako ‘mintzalagun’ elkartea

2022-11-22

Euskararen erabilera sustatzeko helburuarekin, 2016an sortu zen Sarako ‘mintzalagun’ elkartea, AEKko zenbait ikaslek bultzatuta. Mixel Gerendiain elkartearen presidentearen ahotik, elkarte honen lana eta nondik norakoak ezagutuko ditugu.

Esatariak: Elisabeth, Marc eta Thierry.

Larrungo Uhinak #02: Gure Irratia

2022-11-15

Gure Irratia hedabide lapurtarraren historia errepasatuko dugu Larrungo Uhinak emankizunaren bigarren saio honetan, Lukas eta Armelle, Azkaingo gau eskolako ikasleek gidatuta.

Gela bat denondako

2022-11-11

Larhun gailurrean, etxean, hartu dituzte Itziar, Dani eta Xanek hamaika musikari. Helburu argi batekin elkartu ziren bakarlari eta talde diferenteetako kideak: urriaren 30ean emanaldi bateratu bat eskainiko zuten Sarako Lur Berri aretoan, Mapa Galduak festibalari itxiera emanen ziona. Ez zekitena zen askoz ere harago joanen zela afera; musikari gisa sartu eta familia gisa atera dira egonalditik Peio, Nahia, Gartxot, Paxkal, Maia, Alan, Kamille, Jonas, Felix, Anne-Lise eta Xabi astebetez... [+]

'Hondamendia' antzerkiaren aurkezpena Luhuson

2022-11-09

Hondamendia deitzen da Axut! kolektiboak & Artedramak taularatu duten antzezlan berria. 2020an milioi erdi bat metro kubo industria-hondakin isuri ziren A-8 autobidean, Bizkaian. Bi hildako izan ziren. Arauen errespetu eskasa, kutsadura, prozedura judiziala, nahasmendu politikoa… Harkaitz Canok idatzi eta Ximun Fuschek zuzendutako antzezlana da 'Hondamendia'. Luhusoko Harri Xuri gelan, Hendaiako Irandatz eta Kanboko Xalbador kolegioko ikasleen aurrean aurkeztu zuten... [+]

Larrungo Uhinak #01: Gau beltza

2022-10-25

Benoit eta Marlene AEKko ikasleen eskutik, Gau Beltza edo Arimen gaua zer den ezagutuko dugu. Lapurdiko hainbat herritan nola ospatzen den azaltzeaz gain, esatariek Senpereko ikastolako haurren bizipenak ekarriko dizkigute.

Nguyen Van Dong, euskal errefuxiatuen aldeko keinu ahaztua

2022-10-12

Biarritz, 1972ko urriaren 14an. Javalquinto lorategietan, udaletxearen ondoan, Nguyen Van Dong vietnamdar herritarra suizidatu zen, bere buruari bonzo erara su emanda.

Arbonako okupazioa | Laborantzako lurrak zaindu

2022-09-22

Nork ez du gogoan 2021ean Lurzaindiak eta ELB sindikatuek Arbonako Berroetan burutu 120 eguneko okupazioa? Lurren espekulazioaren kontra borrokatu ziren hainbat bilkura eginez herritarrekin, hautetsiekin, elkarte eta erakundeekin, SAFER egiturarekin..

Hainbat animazio eta mobilizazio bost kolektiboarekin batera eramanik. Urte bat geroago, bi etxeak eta lau hektarea berriz salgai emanak direlarik 3 milioi eurotan, Lurzaindiak diru laguntza eta informazio kanpaina abiatu du. Hona hemen... [+]

Arteetatik komunitate arteko nahasketaz gozatzeko gunea

2022-06-23

Tarte luze batez espazioa eraldatzen ibili ondoren, azkenik, 2021eko martxoan zabaldu zuten Borderline Fabrika; Hendaiako geltokiaren albo batean dagoen "lan egin eta topatzeko lekua". Proiektua ezagutzeko asmoz, bertako kide eta bultzatzaile den Ander Fernandezekin egin dugu zita, konta diezagun zer den Bordeline Fabrika eta zerk bultzatu zituen Hendaian horrelako ekimen bat abiatzera.

'Hitzen Ahairea' musika emanaldia

2022-06-22

2022ko Sarako idazleen Biltzarrean Gotzon Barandiaran eta Rafa Ruedak Hitzen Ahairea liburuan oinarrituta eskainitako musika emanaldia duzue honakoa. Euskal kantuaren eremu zabalean, mota berezi bat dugu idazleek idatzitako letrekin sortutakoa, literatura eta musika josten dituena. Gisa horretakoak dira Gotzon Barandiaran eta Rafa Ruedak hautatutako abestiak.

Maddiren trajeria pastorala prestatzen

2022-06-02

Xareta eskualdeko herritarrak, lehentze, ari dira pastorala baten prestatzen. Gerardo Mungia "Pintx"-ek idatzi Maddiren trajedia eskainiko dute urriaren 15 eta 16an Zugarramurdin eta berantxago Saran. «Behin batean, ez dakigu nola, sorginen bidean, neska gazte bat oreina bilakatu zen. Tragedia gertatuko zen ehiztariaren zakurrek hil zutenean"... Piarres Lafittek bildu zituen bertsoak ezagunak bilakatu dira Benito Lertxundik kantatu dituelarik eta hauetan oinarritu da... [+]

“Paziente euskaldunekin euskaraz mintzatzearekin konplizitatea berehala sortzen da”

2022-05-25

26 urte besterik ez ditu eta gaztetasunaren ilusioarekin bizi du bere lana. Emagina da Baionako erietxe publikoan. “Berant heldu nintzen lehen egunean eta erran zidaten hala izanik kontratu mugagabea irabazia nuela, beste ainitzi ere gertatua baitzitzaien”, aitortu digu irri ttipi batekin. Zorionez, Lapurdin, Zuberoan eta Behe Nafarroan uste baino ohikoagoa bilakatzen ari da euskaldunak topatzea osasungintzan.

Egun bat Euskararen Errepublikan

2022-05-25

Ekainaren 4an euskal kulturak hartuko du Ziburuko plaza. Baltsan elkarteak eta ARGIAk antolaturik, hirugarrenez egingo da Euskal Liburu eta Diskoen Azoka. Bertaratzen diren herritarrek etxeratuko dute aurtengo udarako irakurgai edo entzungai gustukorik, jai-giroan murgilduta: hango lagunak eta hemengo ezagunak agurtu; idazle, marrazkilari edo musikariren bati bere lana sinatzeko aitzakian zerbait galdetu; eztarria freskatuz bertso-komiki emanaldia gozatu; idazleen mahai-ingurua eta hitzaldiak belarri zorrotzez aditu...
Hori guztia euskara hutsean, XVII. mendean euskal literatur pizkundeko idazle izan zen Joanes Etxeberriren herrian. Ziburu idazle belaunaldien zubi ere izango da aurten, Janbattit Dirassar omenduz eta zaildutako idazle hau Amaiur Epher gaztearekin buruz buru literaturaz elkarrizketan jarriz.

Leinuruak dantza emanaldia

2022-05-20

Leinua dantza konpainiak 2014ko maiatzean Luhuson eskainitako emanaldia duzue honakoa, Kanalduderen eskutik.

"Memento tzarrak pasatu ditut baina erreusitu dut nire bizia"

2022-05-12

Hogeita hamazazpi urtez izana da pilotagile, oraindik orain erretretan sartu den artio. Badiote, eta ez diote dohainik eta alferretan, pilota bat ikusiz batera jakiten ahal dela Martina Ursuegi-Huguenardek egina den. Dakitenek badakite, pilotan izena ezarri beharrik ez du Martinak, larrua josteko puntu fina du sinadura.

2022ko Hazparneko libertimenduak

2022-05-10

Hazparneko libertimenduak herriko eta inguruetako dantzari, zirtzil, musikari, joaldun eta bertsolariak berriro bildu ditu eta hilabeteetako lanaren ostean, ikuskizuna eskaini diote jendeari. Eguraldia lagun, giro gozoan egin ziren dantzak, bertsoak eta antzerkia Hazparnen. Honakoa Kanaldudek eginiko bideo erreportajea da.

Ainarak ikuskizuna

2022-03-29

Zarena Zarelako taldeak 'Ainarak' sorkuntza aurkeztu zuen Biarritzen 2013ko Korrika Kulturalaren baitan. Dantza tradizionalean inspiraturik, Nafarroatik eta Aragoitik Mauleko espartin entrepresetan lan egitera etortzen ziren neska gazteen istorioa kontatzen du emankizunak. Euskal Kultur Erakundeak eta Iparraldeko Dantzarien Biltzarrak sustengatutako proiektuak 'Ekimen' saria jaso zuen.

“Bi edo hiru administraziopean bizi bagara ere euskarak eta euskal kulturak lotzen gaitu”

2022-03-10

Bada hogei urtez, ahots goxo eta irmoa entzuten ari den bidasoarrik. Antxeta Irratiaren hogeigarren urteurrenaren karietara, bertako kazetari beteranoenetariko bat ezagutzeko parada baliatu dugu: Maia Muruaga (Donibane Lohizune, 1977), “Maia Antxeta” askorentzat. Mikrofono berdea du lagun eta ahotsaren mundua atsegin du, irudiari ihes eginez. Ipar Euskal Herriko kultur kazetari ezaguna den arren gutxitan mintzo da bere lanaz publikoki. Ez dut egunero lankide bat elkarrizketatzeko aukerarik izaten, are gutxiago horrelako aitzakiarekin.

Espetxe barneko zuzenbidea

2022-02-23

Udako Euskal Unibertsitateak eta Eusko Ikaskuntzak antolatutako hitzaldi honetan Joana Faltxak espetxe barruko zuzenbidearen nondik norakoak azaldu ditu eta Kanaldudek jaso du solasaldia bideo batean.

Patria liburuaz

2022-02-18

Patria liburua euskal gatazkaren kontakizunean edo memorian bete-betean sartu da. Rodríguez Hidalgoren hitzaldiak liburuak eztabaida horretan izan duen eragina aztertu eta iteraturaren eta gizartearen arteko harremana analizatzen du.

"Mesede baino kalte handiagoa egin dit besteen onarpenaren arabera bizitzeak"

2022-02-09

Bertsolaria eta raplaria da. Urruñarra da eta Baionan bizi da. 2zio rap taldeko partaide izana, ODEI bakarkako proiektuan dabil orain, buru-belarri.

Monbar

2022-02-01

Mizanbu gaztetxeak 20 urte

2022-01-21

2021eko urte hondarrean, Biarritzeko Mizanbu gaztetxeak 20 urteak ospatu ditu belaunaldi guztiei zuzendu animazioak proposatuz egun guzian. Parada izan da Kanalduderentzat, gaztetxeko kideak laguntzaile, erreportaje hau osatzeko proiektua abiatu zutenekin baita gaur egun gaztetxea biziarazten dutenekin ere.

Aiete 10 urte irakaspenak eta erronkak: Euskal Herriko hautetsi eta politikoen begirada

2022-01-18

2021eko urriaren 16an Baionako Henri Grenet Entzutegian egin dituzte "Aiete 10 urte irakaspenak eta erronkak: Euskal herriko hautetsi eta politikoen begirada" nazioarteko jardunaldiak.

Hizlariak : Jean-Jacques Lasserre (Departamenduko kontseiluko presidentea, Modem), Jean-René Etchegaray (Euskal Elkargoko presidentea eta Baionako auzapeza, UDI), Max Brisson (Pirinio Atlantikoetako senataria eta Miarritzeko kantonamenduko departamenduko kontseilaria, LR), Vincent Bru (Pirinio... [+]

Hil ala biziko muga Euskal Herrian

2021-12-21

Etorkinen parean blindatzen dabil Europa. Kanpoko mugez gain, barneko anitz ditu poliziaz josiak ala zuzenean hetsiak. Tartean, Irun eta Hendaia artekoa. Aitzina egin beharra hil ala bizikoa izanik, haien bizia arriskuan jarriz dabiltza milaka immigrante muga zeharkatzen. Gutxienez zazpi dira 2021ean gurean hildakoak. Irungo Udala, Hendaiakoa, Eusko Jaurlaritza eta Euskal Hirigune Elkargoarekin mintzatu gara, drama gehiago ez gertatzeko bideratu beharreko urratsei buruz hausnartzeko xedez. Orriok ilustratuz, Gari Garaialde fotokazetariaren lanarekin gozatzeko aukera du irakurleak.

Gure Irratiak 40 urtez euskarari ahotsa emanez

2021-12-17

1981ean abenduaren 24an, Milafrangan Ernest Hirigoien-en etxean Xabier Leteren Nafarroa Arragoa hedatu zuten irratilari berri batzuk. Gure Irratia osoki euskaraz emititzen zuen irratia sortu zuten Lapurdin. Baionan egon ondoan gaur egun Uztaritzetik hedatzen ditu bere emankizunak, ahotsak, irratiak, Euskal Irratiak sareko kide diren beste lankideekin Ipar Euskal Herriko biztanleei euskarazko hedabide bat eskainiz. 40 urteen kari, irratia egin eta egiten dutenei ahotsa eman diegu dokumental... [+]

"Interesgarria litzateke ikustea herritarren asanblada batek zer neurri hartuko lituzkeen COVID-19ari dagokionez"

2021-12-16

Demokrazia posible da. Zozketa zibikoa eta deliberazioa herritarren boterea berreskuratzeko (La democracia es posible... gaztelaniaz) liburuaren egileetako bat dena elkarrizketatu dugu, gure eguneroko bizitzako oinarrizko erabakiak inoiz baino gutxiago herritarrok hartzen ditugun honetan.

Eskubidea salgai

2021-11-23

Muga

2021-11-16

Mugan jaio nintzen. Tira, teknikoki Donostiako Arantzazuko Amaren ospitalean, baina ulertzen da: kontzienteki mugan jaio nintzen mundura. Ez mugaren alde batean edo bestean, mugan berean. Niretzat gauza bakarra baita Hondarribia, Irun eta Hendaiak osatzen duten partzuergo, eurohiri edo dena delakoa. Dei diezaiogun Txingudi. Nik neuk ez ditut ulertzen, ezin, bata besteak gabe, zera bereko auzo bailiran, nahi bada bat gehiago logela, bestea bizigarri, laketoki hirugarrena, trukagarriak izanik... [+]

2021eko Lurrama

2021-11-03

Lurramaren 16. edizioa Arbonako Berruetan egin da ELBk eta Lurzaindiak okupatu eremuan. Urriaren 24ko egunak okupazioaren 120. eguna markatu du. Besta giroan bukatu da okupazioa. Kanaldudek Arbonatik eskaini zuzeneko emankizunean lau lagun gomitatu dituzte: Lurramako lehendakari Iñaki Berrokoirigoin, Lurzaindiako kide Dominique Amestoy, EHLGko langile Patxi Hiriart eta Mirentxu Doyhenart baratzezaina.

30 urte mihigintzan

2021-11-02

Eusko Ikaskuntzak eta Udako Euskal Unibertsitateak antolaturik, irailaren 23an Baionako euskal museoan Txerra Rodriguezek eman hitzaldia bere liburu berriaren haritik: "30 urte mihigintzan".

Aña-Mari Vergez (Arrantzalea): "Ontzijabe handien eskuetan dira arrantzaren sektoreko egitura guztiak"

2021-10-06

Erretretara sartu eta etorri zaio arrantzari gisa eramandako bere azken batailaren emaitza: 2017an Frantziako Estatua auzitan ezarri eta orain jakin du administrazioa kondenatua izan dela, atun gorriaren kuoten banaketan ez dituelako kontuan hartzen ingurumenean, sozialki eta ekonomikoki itsasontziek eragindakoak. Kuoten gehiengoa arrantza industrial eta intentsibora banaturik da, arrantzari ttipiak kaltetuz. Errealitate hori eraldatzeko borrokatu da azkarki Donibane Lohizuneko arrantzaria. Ziburuko plazan hitzordua jarri eta xeheki azaldu digu lehorrekooi ezezaguna zaigun itsasoko errealitatea.

Arrapitz sareak 30 urte

2021-08-24

Arrapitz federazioak 30 urteak ospatu ditu 2020ko abuztuaren 21ean Arbonako lur okupatuetan. Sarea osatzen duten 17 elkarteetako kideak goizean bildu ziren urteko biltzar nagusiarentzat, ondotik erakus mahainak antolatuak zituzten bakoitzak bere lana aurkezteko xedearekin. Gogoeta eta trukaketa egun goxoa izan da, beti ere gogora ekarriz laborantzako lurren zaintzea zenbaitetaraino garantzitsua den.

Euskal Zirko Kabareta

2021-07-06

Oreka zirko eskolak antolatuta Euskal herri osoko 13 artista talde bildu dira Cirkulez konpainiaren karpan, Baionan. Parte hartzaileak Andouble, Charlotte Castier eta Julien Alda, Elixabete Barandiaran, Garazi Pascual Esnaola, Gaspar Zeozen, Emma eta Ines, Alicia Rechac, Ivana, Jeff Olmvi, Unai Rojo Eiguren, Nicolas el Ingeniero, Camille Mougnos, Jon, Suhaits, Uhain eta Elaia. Maddiane Txoperena eta Amets Arzallus bertsolariek lagundurik, musikari Bastien Marianne, Ximun Garat eta Patxi Amullet... [+]

Iturri Zaharreko Ipuina

2021-06-28

"Iturri Zaharreko ipuina" Maddi Zubeldiak Ziburuko Aristide Briand, Gurutze Gorria, St.Michel eta Kaskarotenea ikastetxeetako ikasleekin prestatutako emankizuna da. Ziburuko bigarren Liburuko eta Disko azokan plazaratu zutena. Bartolo Ziburutar baserritar gaztea eta Maritxu kaskarota ausarta iturri zaharrean elkartzen dira maiz. Bien arteko maitasun istorioa kontatzen du ipuinak, Zibururi bere nortasuna zizelkatu dion balearen arrantzaren garai haietan barna.

2021eko Ziburuko Liburu eta Disko Azoka

2021-06-25

Baltsan elkarte ziburutarrak eta ARGIAk elkarlanean antolatu dugun Euskal Liburu eta Disko Azokaren bigarren edizioa ederki iragan da ekainaren 12an Ziburun. Guztira 23 argitaletxe batu dira eta Euskal Herri osotik bertaratu da jendea. Plaza euskaratik eta euskaraz bizitzeko helburua bete dute. Erreportaje honetan bildu du eguna Luxi Detchart Kanaldudeko laguntzaileak.

Baionako antzoki okupatua: "Herriak kultura behar du!"

2021-04-21

Apirilaren 24an, hilabete bat eginen du Ipar Euskal Herriko kultur eragileek Baionako antzokia okupatzen dutela. Ostirale guziz, kolektiboa bildu eta elgarrekin erabakitzen dute zer nolako ekintza egin beren abotsa entzunarazteko. Azken ostiralean, kadera meta bat antolatua zuten antzokiaren aitzinean eta aldarrikapenak ozen oihukatu dituzte merkatu plazara mugitu aitzin. Ekimenaren berri Maika Etxekopar artistarekin.

Libertimendua 2020 Amikuzen

2021-03-03

Kitzikatzank, Iruski eta Burgaintzi elkarteek antolaturik, usaiako libertimendu arrakastatsuak egin ziren Amikuzen. Luhuso-Makea-Lekorneko gazteek filmatu ikusgarriaren laburpen bat proposatzen dauku Martta Irigoien amikuztarrak.

Kolonizatua Euskal Herria?

2020-11-18

Euskal Herriaren historia begiratzen denean sekula konpondu gabeko arazo baten aitzinean gaudela argi da, ziklikoki gerla eta gatazkez, okupazio eta oldartzez josia baita historia hori. “Euskal arazoa” deitua ez ote litzateke hobe “kolonizazio arazoa” deitzea? Kolonizatua ote da Euskal Herria? Galdera honen itzulian eztabaidatu dute Ane Ablanedok eta Eneko Bidegainek Baltsa Elkarteak antolatu hitzaldian Ziburun.

Herriarekin

2020-11-13

Ipar Euskal Herriko apaiz batzuek independentziaren aldeko borrokan ETAko eta Iparretarrak-eko militanteekin izandako harremanak azaltzen ditu. 1960ko hamarkadan, apaiz hauek Herriarekin taldearen inguruan bildu ziren, euren konpromiso erlijioso eta politikoaren konplexutasuna azalduz. Gaur egun, egitura bereko apaizek aktiboki parte hartzen dute borroka armatuaren biktimak eta eragileak biltzen.

Andere Serora pastorala

2020-08-04

2018an Andere Serora pastorala aurkeztu zuten Hiriburun. Erdi arotik bi gerlen erditsurarteko Hiribururen historia kontatzen du pastoralak, herri gehienetan izan ziren Andere Seroraren begietatik. Pantxika Urruty-ren gidaritzapean, 150 pertsona bildu ziren taula gainean. Uda honetatik goiti, ikusgarri osoa Kanalduden ikusgai da.

Notak mugimenduan

2020-04-07

XVII. mendean, Frantziako Luis XIV erregeak Musika et Dantza Akademia sortu zuen Versaillesen. 2013ko ekainean, leku berean, Biarritzeko Malandain Ballet konpainiak bere azken koreografia eskaini zuen, Euskadiko Orkestra Sinfonikoaren musikaz lagunduta. Euskal Herriko bi lurralde, bi hiri eta bi diziplina artistikok elkarrekin sortu zuten proiektu kulturala izan zen: Serguei Prokofieven Errauskine ikuskizuna.

Notak Mugimenduan dokumentalak obra berri honen prestakuntza lan osoa erakusten... [+]

Ekhikume

2020-02-19

Erro Bat elkartearen sorkuntza Baionako antzokian. Dantzariek gaurko adierazpenak nahasi dituzte ohiko urratsekin, arte plastikoak eta teknika modernoak erabiliz. Régis Pochelu zizelkaria eta Gérard Cuesta koreografoa eskuz esku lanean ari izan dira ikusgarri honen prestatzen. Dantza, kantu, eskulturak taula gainean mogimenduan eguzkiaren sortze eta bilakaera irudikatzen...

Carmen Castillo, Txileko erresistentziaren zinegilea

2020-02-18

Carmen Castillo zinegile txiletarraren azken urteetako dokumentalak erakutsi dituzte Biarritzeko FIPADOC festibalean. Hauetarik bat, "Calle Santa Fe" dokumentala, 2007an egina izan da. Bertan, zinegileak Txileko historiaren memoria eta bere bizia bera aipatzen ditu. 1974ko urriaren 5ean, Pinocheten estatu kolpearen ondorioz, Santiagoko Santa Fe karrikan, Carmen Castillo lurrean zauriturik da eta Miguel Enriquez, bere bizilaguna eta MIR ezker iraultzailearen buruzagia, poliziaren aurka... [+]

Xabier Luberriaga luthierrari elkarrizketa - Dapa 04

2020-02-07

Xabi Luberriaga Saran jaio zen 1978an. Luthier profesionala da. Gaur egun tailer propioa du Zugarramurdiko bere etxean eta gitarrak egiten espezializatuta dago. Besteak beste, Ruper Ordorika, Andoni Tolosa edo Joseba Irazokiren hainbat instrumentu egin ditu. Dapa, Azpeitiko Kulturaz kooperatibak ekoiztutako proiektuaren baitan egin diote elkarrizketa.

Beskoitzeko Ikastola: ttipitik handitzen

2020-02-04

Duela 40 bat urte sortu zuten Lapurdiko Beskoitzeko lehen ikastola. Hura itxi ostean, beskoiztarrek 2013an berriz beste ikastola bat sortu zuten, gaur egunera arte lanean ari dena.

Baionako lanbide foroa: euskara lan munduan

2019-12-18

Euskal Konfederazioak lanbideen foro bat antolatu du 2019ko abenduaren 7an Baionako Bernat Etxepare lizeoan. Euskal Hedabideek hiru mahain-inguru egin ditu eta zuzenean hedatu. Euskarak duen tokia lan munduan eztabaidatu dute Iñaki Etxeleku aurkezlearen eskutik. Hiru gonbidatu izan dira : Elixabet Aizager Etxepareko irakaslea, Amikuzeko Ximun Lacroix ingeniaria eta Maider Beheran erizaina. Artetik Aña Supervielle eta Mikela Guiressek haien lekukotasuna eman diote Xan Idiart eta... [+]