Kartzela

Delitu arinengatik kartzela zigorrak ezartzea onartu du Espainiako Kongresuak

2026-02-13

PSOE, PP, Vox, EAJ, Junts eta UPNren babesarekin ‘multireincidencia’ deituriko legea onartu dute Espainiako Kongresuan. Horren bitartez, delitu arinak hainbatetan errepikatu dituzten pertsonak gogorrago zigortu ahal izango dituzte. Neurriak kritikak hauspotu ditu ezkerrean, "ideia faxistei proiekzio izugarria" emango dielako.

Data berria du Zubietako kartzelak: "Maiatza edo ekaina"

2026-02-12

Agerraldi bateratua egin dute asteazkenean Eusko Jaurlaritzako eta Espainiako Gobernuko ordezkariek Txomiñenean, Martuteneko eta Zubietako kartzelen etorkizunaren inguruan. Aurreratu dutenez, “maiatza eta ekaina bitartean” eramango dituzte egungo presoak Zubietara, eta horren ostean, 2027ko lehenengo seihilekoan botako dute Martuteneko kartzela, etxebizitzak egiteko.

Urtarrilaren 24an ospatuko dute All in da house txapelketaren finala Gasteizko Gaztetxean

2026-01-21

Larunbatean ospatuko da All in da house freestyle txapelketaren finala Gasteizko Gaztetxean. Oholtza gainean sei freestylerrak izango ditugu Euskal preso politikoen alde inprobisatzen.

Britainiako Gobernuak bertan behera utzi du Israelekin loturiko arma akordio bat, muturrean zen gose grebagatik

2026-01-15

Erresuma Batuan atxilo dauden hiru aktibistak euren eskaera "giltzarrietako" bat lortu ostean utzi dute greba: gobernu britainiarrak ez dio 2.000 milioi liberako kontratua emango Elbit Systems UK Israelgo armagintza enpresaren filialari.

Osasun arreta faltagatik Iruñeko espetxeko presoak "babesgabetasun" eta "ziurgabetasun" egoeran daudela dio Salhaketa Nafarroak

2025-12-19

Berriki Iruñeko espetxean hildako presoa espetxe logikaren biktimatzat jotzen du Salhaketa Nafarroak. Salatu dute asteburuetan ez dagoela medikurik, eta orokorrean arreta “urria” dela.

10 urte murruen aurka eta euskaratik estilo librean errimatzen

2025-12-10

Presoen aldeko eta espetxeen aurkako freestyle lehiaketaren hamargarren edizioa azaroan hasi zen, eta urtarrilean amaituko da Gasteizen. 2016ean hasi zen ekimena Ekaitz Samaniego preso politiko gasteiztarraren etxeratzea eskatzeko, baina behin kaleratuta, desagertu ordez hazi egin da lehiaketa herrikoia. Xabier Antia Zuaznabar eta Ekaitz Samaniego Curiel All in tha house ekimenaren antolaketa taldeko kideek erantzun dituzte ARGIAren galderak.

Nayib Bukele, kartzela edo erbestea

2025-11-26

“Erbestearen edo kartzelara joateko arriskuaren artean aukeratu behar genuela sentitzen genuen”. Noah Bullock Cristosal giza eskubideen defentsarako erakundeko zuzendariaren hitzak dira, baina El Salvadorko gizarte zibileko edozein erakundetako kide baten hitzak izan zitezkeen. Bullockek Guatemalako Hiritik erantzun ditu ARGIAren galderak, aurtengo uztailean erabaki baitu erakundeak bere El Salvadorko egoitza ixtea, gobernuaren errepresioak gero eta gehiago itotzen zituela nabarituta. Bullock eta bere kideen moduan, giza eskubideen edo prentsa askatasunaren alde lanean dabiltzan hamarnaka salvadortarrek egin dute ihes herrialdetik, Bukeleren gobernuaren hatsa kokotean nabaritu dutenean. Edo hori, edo kartzela izango zen, eta bigarren hori ez zen aukera bat, honela dio Bullockek: “Preso egonda ez dugu baliorik gure kide preso politikoen edota erregimenaren biktimen alde lan egiteko”.

Gose grebari ekingo diote Gasteizko lorezainek, akordiorik ezean

2025-10-02

Sei hilabete bete dituzte Gasteizko lorezainak greba mugagabean. Hamaika mobilizazio eta Enviser enpresarekin zein Udalarekin eginiko bilera batzuen ostean “epe laburrean” akordiorik lortu ezean borrokarako fase berri batean sartuko direla iragarri dute langileek. Enviser Estatu Batuetako inbertsio-funts putre baten esku dagoen azpikontratatutako enpresa bat da.

Iruñeko espetxeko osasun arreta "urria" dela salatu du Salhaketa Nafarroak

2025-07-18

Nafarroako Gobernuak espetxeetako osasun zerbitzuaren eskumena eskuratu zuenetik, baliabideak “indartu” dituzten arren, presoek nabarmendu dute ez diela sobera eragin egunerokoan.

40 minutu Iratxerekin

2025-05-22

Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen urratzea". Bestela esanda, 2001. urtean atxilo hartu ondotik, Guardia Zibilak Iratxe torturatu egin zuen, inpunitate osoz.

Iratxek lehen unetik kontatu zion Euskal Herriari gertaturikoa: 2001eko martxoan atxilotu zuten,... [+]

Instituzioek preso atzerritarren birgizarteratzea oztopatzen dutela salatu du Salhaketa Nafarroak

2025-04-04

Elkarteko Andoni Burguetek nabarmendu du espetxean dauden presoek egindako delitu gehienek behar sozioekonomikoekin lotura dutela.

EAEko espetxeetako kultur emanaldiei Jaurlaritzak ezarri nahi dien "zentsura"-ren aurkako manifestua sinatu dute 51 kulturgilek

2025-04-01

'Espetxeak libre' manifestuan adierazi dute Eusko Jaurlaritzak "ataka txarrean" jarri dituela kulturgileak, espetxeetara kultur emanaldiak egitera sartu nahi dutenei dokumentu bat sinatzea eskatzen baitie, eta salatu dute ezin dutela sartu ez sinatuz gero. Kultur munduko norbanako eta taldeei Lakua salatzeko dei egin diete. Sinatzaileen artean daude, besteak beste, Fermin Muguruza artista, Iban Zaldua eta Garazi Arrula idazleak, Xebastian Lizaso eta Aitor Bizkarra bertsolariak, Odei Barroso musikaria, Javier Barandiaran antzerkigilea eta Askoa Etxebarrieta dantzaria. Sinadura bilketa irekia dago.

"COPELen leloa argia zen: amnistia ala ihesa"

2025-02-19

Banku atrakatzailea, presoa, Trantsizio garaian espetxetan borroka historikoa piztu zuen COPEL taldeko sortzailea, euskal talde armatuetako kideen laguna, ostalaria, militantea, libertarioa, ortuzaina. Gauza asko izan da eta da oraindik ere Daniel Pont. Abenduan Girona utzi eta Euskal Herrian itzulia egin zuen bere bizitza jasotzen duen liburua aurkezteko, Entre el azar y la necesidad. Historia de una vida (Zoriaren eta beharraren artean. Bizitza baten historia, Virus, 2024).

Ateratzeak, elkartasunaren zirkua eta alzheimer politikoa

2024-12-11

Zerk harritu zintuen gehien kartzelatik atera zinenean? Galdetu didate maiz azken urte eta erdian.

Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen jarraitu, jakina! Bigarrena, iritziak iritzi, ez da harridurako motibo izan bederen; barruan gaudenean, egoera jarraitu ez ezik, lanean dihardugulako gure herriaren alde.

Jendearen harridurak harritu nau ni. Zeinenak?... [+]

Baldintzapeko askatasunean aske geratu dira bi preso iruindar

2024-10-29

Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.

Lokutorio greba Zaballan

2024-09-12

Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono deiei dagokienean ere, garestiegiak izateaz gain, gaizki kokatutako gailu zaharkitu eta matxuratuak erabili behar ditugu. Hainbat bider eskatu diogu espetxeari egoera molda dezan eta eroarena egin du aldiro.

Azken... [+]

Amurrioko epaia: mendekurik gabeko akordioa, indultua errazteko bidean

2024-06-12

Hiru urte eta bederatzi hilabeteko espetxe zigorra gogorra badirudi ere, akusazio partikularrak ahalegina egin du Lezamako polizia nazional ohia espetxera joan ez dadin. “Ez da garaia kartzelak betetzeko”, adierazi du bere abokatuak.

"Gutun trukeak isolamendua apurtzen eta mina eta borroka kolektibizatzen laguntzen digu"

2024-05-31

Zigor sistemak gizartean eragiten dituen ondorioez mintzatu da Naiara Perea, larunbat honetan Gasteizen izanen diren espetxeen aurkako jardunaldi transfeministen asanbladako kidea.

Garaipen gazi-gozoak

2024-05-02

Gure kuadrillan, gazteagotan, askotan komentatzen genuen galtzera ohituta geundela. Hamaika gatazka txiki zein handitan murgilduta ibili ginen, ia beti arrazoiz jantzita eta irudimen handiz, baina gehienetan galdu. Pentsa! Guggenheimen aurkako plataforman aritu ginen Guk geuk ein leloa aldarri. Eta okupatu genuen gaztetxea zahar-egoitza da egun. Lagun batek esaten zuen moduan... “galduta ere hain ondo pasa eta hainbeste ikasten dugu... irabaztea laostiatik gorakoa izan behar... [+]

"Kartzelak gaixotzen du eta kartzelak hiltzen du"

2024-04-19

Espetxeetako osasun zerbitzuaren gabeziez mintzatu da Libertad Francés Lecumberri, Salhaketa Nafarroa elkarteko koordinatzailea: “Osasun arloko langileak espetxeko logikekin eta irizpideekin kutsatzen direnean, zenbait eskubideren bermatzaile izan beharrean, espetxearen interesak babesten dituzte”.

Datorren urtean hustuko dute Martuteneko kartzela

2023-12-29

Donostiako alkate Eneko Goiak azaldu duenez, datorren urtean hustuko dute Martuteneko espetxea, eta Txomiñeneako proiektuaren bigarren fasea martxan jarriko du udalak. Honela aurreratu du Goiak, Tokiko Gobernu Batzordearen ostean egindako prentsaurrekoan, datorren urteko aurreikuspenak azaltzerakoan.

Frantziako kartzeletako gainpopulazioa bukatzeko neurriak eskatu ditu Kartzelen Ikuskari Orokorrak

2023-09-14

Abuztuaren 1ean 74.237 preso ziren 60.000 lekurentzat, 179 presondegitan banaturik. Baionako kartzelak, demagun, 75 leku ditu eta 135 preso daude gaur egun bertan. Gainpopulazio horren ondorioak zerrendatzen ditu bere oharrean CGLPL Frantziako Kartzelen Ikuskari Orokorrak: duintasunaren ahultzea, intimitate falta, artaren txartzea, jardueren eskasia eta beste.

Presoen suizidioa: zer gertatzen da kartzela barruan?

2023-05-25

Preso dauden pertsonen artean portaera suizida areagotu egiten da, faktore psikologiko eta soziodemografikoengatik. Hego Euskal Herrian, 2023an, bi presok egin zuten beren buruaz beste astebetean. Orain gutxi, Eusko Jaurlaritzak “laguntzarako presoen” irudia indartzen duen protokolo berria jarri du martxan.

Ahaztu aurretik: Martuteneko ihesaldia

2023-05-19

ETB1eko Ur Handitan saioak Joseba Sarrionandia eta Iñaki Pikabea ETAko presoek Martuteneko espetxetik ihes egin zuteneko pasarteaz egindako lana.

1985eko uztailaren 7an Martuteneko espetxetik ihes egin zuten Joseba Sarrionandia eta Iñaki Pikabea presoek, Imanol Larzabalek emandako kontzertua profitatuz haren bozgorailuen barruan ezkutatuta. Pikabea bi urtera atxilotu zuten berriz, baina Sarri kanpoan bizi izan da orduz geroztik,

Preso pilaketak eta indarkeriarako deia eragin ditu El Salvadorreko "megakartzela" berriak

2023-03-03

“Amerikako kartzelarik handiena” sortu du Bukele presidenteak, bandakideak sartzeko. Banda guztietakoak egongo dira nahastuta, 2020tik egin moduan. Giza eskubideen aldeko taldeek kartzeletako egoera salatu dute, eta ohartarazi bandak nahasteak hilketak eta matxinadak eragin ditzakeela.

Zaballako espetxean hildako presoa zigortuta zegoen, ustez telefono mugikor bat izateagatik moduloz aldatzera behartua

2023-03-02

Hala Bedik jakin duenez, 22 urteko gaztea zigortu egin zuten hil aurretik: moduluz aldatzera behartu zuten ustez telefono mugikor bat izateagatik. 13. moduluan zegoen, Zaballan bizi-baldintza kaskarrenak dituenetako batean.

Preso bat hil da Martuteneko kartzelan, Euskal Herriko espetxeetan hil den bigarrena bi egunetan

2023-03-01

Hildakoa 57 urteko gizonezkoa da, eta erizaintzan zegoen. 24 orduan Euskal Herriko espetxeetan hil den bigarren presoa da.

"Espetxeari eta zigorraren kulturari buruz hausnartuko dugu ostiraleko emanaldian"

2023-02-10

Txori urdinak solasaldi musikatua eskainiko dute Orbeko Etxean ostiralean, 20:00etan. Izen bereko liburuan oinarritutako emanaldia izango da. Santi Cobos preso sozialaren bizitza izango dute hizpide, espetxeari eta zigorraren kulturari buruzko hausnarketa bat plazaratzeko. Horretarako, liburuaren pasarteak, audioak eta Ziklone taldearen abestiak tartekatuko dituzte.

Zigor Olabarria (liburuaren idazlea) eta Gorka Lazkanorekin (Ziklone taldeko kidea eta Santi Cobosen laguna) hitz egin... [+]

Beste 12 euskal preso hurbildu dituzte Euskal Herriko espetxeetara egunotan

2022-09-27

Manex Castro, Oskar Zelarain, Jon Bienzobas, Xabier Garcia, Jon Rubenach, Unai Parot, Ainhoa Garcia, Alberto Lopez de Lacalle, Aitor Agirrebarrena, Jon Igor Solana, Juan Manuel Inziarte eta Jose Antonio Zurutuza dira Euskal Herriko kartzeletara ekarri dituztenak.

Espetxe sistemaren eta zigorraren kulturaren inguruko hausnarketari bidea irekitzen

2022-09-14

Espetxe sistemaz, zigorraren kulturaz, gatazkak mendeku eta biolentzia bidez konpontzeko ditugun moduez, hausnartzeko bidea irekitzen dute Txori Urdinak liburuaren aurkezpenek, aitzakia hori probestuz.

Aita Mari ontziko migratzaileek gose greba hasi dute lehenbailehen porturatzea eskatzeko

2022-06-20

Mediterraneo itsasoan erreskatatutako 112 lagun daude ontzian, eta ez diete portu seguru batean lehorreratzeko baimenik eman; batzuek sei egun daramatzate itsasontzian. Gose greba agintariei presio egiteko erabili nahi dute.

Tattoo Circus, ekainaren 17tik 19ra Errekaleor auzoan

2022-06-08

Tatuaiaren kultura eta kartzelen aurkako borroka uztartzen ditu presoen aldeko elkartasun topaketak. Kabareta, suspensing, tatuaiak, hitzaldiak, kontzertuak, liburu aurkezpenak... askotariko jarduerez beteko da Gasteizko auzo okupatua hiru egunez.

Peltier: 45 urteko injustizia

2022-04-25

Hilaren 18an 45 urte bete dira AEBetako Ipar Dakotako jatorrizko herrien aldeko ekintzaileari bizi arteko espetxe zigor bi ezarri zizkiotenetik. Peltier-ek, epaiketatik bertatik, bere errugabetasuna mantendu du, eta nazioarteko hainbat erakundek –tartean AEBetako dozenaka kongresistak– salatu du bere zigorra epaiketa bidegabe batek eragin zuela.

Nortasun juridikoa eskatzeko gose greba hasi du Asier Guridi errefuxiatu politikoak Venezuelan

2022-03-29

Martxoaren 29an gose greba hasi du Asier Guridi Zaloña errefuxiatu politikoak Venezuelako Espainiako Kontsulatuaren aurrean "nortasun judirikoa" eskatzeko: izan ere, Espainiako Estatuak ukatu egin dio nortasun juridikoa eta ondorioz, oinarrizko eskubideetara sarbidea itxita dauka, adibidez lana lortzea, bozkatu ahal izatea edo 13 urteko semea ordezkatzea eta defendatzea.

Kalera, zertara?

2022-03-16

Borrokara lotu ginenean, jakin bagenekien gure ideiak defendatzeak estatuen errepresio beldurgarria pairatzea ekar ziezagukeela: tortura, kartzela, deserria... baita heriotza bera ere. Preseski horregatik egin genuen borroka! Gure herri txikitik hasi eta mundu zabalera, botere desoreka eta bidegabekeria gehiegi zegoela sentitzen genuelako eta, halaber, Ama Lurraren, herrien zein pertsonen kontrako zapalkuntza hori bazela ikusten genuelako. Gai honen gainean buru beste aburu badago ere,... [+]

Frantziako gobernuak "bereziki zaindu beharreko preso" estatusa kendu die bi preso politiko korsikarri

2022-03-11

Korsikako lurralde elkargoko lehendakariak Frantziako lehen ministroari egindako eskakizunetako bat zen. Alain Ferrandi eta Pierre Alessandri preso politiko korsikarrei “bereziki zaindu beharreko preso” estatusa kendu die Frantziako gobernuak, giroa baretzeko asmoz.

"Gutako bakoitzaren intimitatean intimitate komun bat dago"

2022-03-10

Kartzelatik atera eta sei urtera, orduko argazki eta gutun artxiboa errepasatzean, ohartu zen Arantza Santesteban (Iruñea, 1979) lehen aldiz esku artean zeukanaren dimentsioaz. Orduan hasi zen forma hartzen 918 gau, bere militantzia-esperientzia kontatzen duen filma. Iaz estreinatu zenetik, nazioartean sari garrantzitsuak jaso ditu: DocLisboako Nazioarteko Film Onena, Torino Film Festivaleko Nazioarteko Dokumental Onena eta Pontevedrako Novos Cinemasen Latexos saria. Euskal Herriko estreinaldia martxoaren 14tik 19ra Iruñean egingo den Punto de Vista jaialdian izango da.

Haserrea Korsikan Yvan Colonna preso politikoaren aurkako hilketa saiakeraren ostean

2022-03-07

Asteburuan milaka lagun batu dira Cortin egindako manifestazioan. Astelehen goizean ere herrialdeko hainbat lizeo itxi dituzte ikasleek. Joan den astean beste preso batek Colonnari eraso egin zion Arlesko espetxean, koman dago geroztik. Frantziako estatua erruduntzat jo dute korsikar independentistek.

Yvan Colonna preso politiko korsikarra hilzorian dago, beste preso batek emandako jipoiaren ondorioz

2022-03-02

2003an atxilotu zuten Yvan Colonna, eta biziarteko kartzela zigorra betetzen ari da Arlesko (Okzitaina) espetxean.

Musikartzela, Lannemezango presondegiko bisiten kroniken bilduma

2022-01-28

2008az geroztik Mixel Etxekopar musikari Lannemezango presondegira joan etorrian izan da, Didier Agerre preso politiko pagolarrak txirula jotzen irakastea eskatu ziolako. Hala, urte askotako bisitetan bizi izandakoak Musikartzela liburuan bildu ditu.

Santi Cobos: "Txori urdina, kaiolan bai, baina txoria"

2021-12-01

Santi Cobos presoaren bizitzaz eta espetxeaz, ARGIAko Zigor Olabarria kazetariak ondu duen Txori Urdinak liburua aurkeztu zuten azaroaren 27an Gasteizko Hala Bedi irratian.

Emakume bat hil da Iruñeko presondegian

2021-11-11

Salhaketa elkarteak eman du heriotzaren berri. Emakumea astelehenean hil zen eta zehaztu denez, presondegiko langileen erantzuna ez zen behar zitekeena bezain azkarra izan.

Erasoen aurrean elkar-babesa, antolakuntza eta autodefentsa

2021-11-05

Azkeneko hilabeteetan Euskal Herrian eta hemendik kanpo izandako eraso LGBTfobiko bortitzek, nolabait, sexu disidenteoi barrenak mugitu zizkigutela ikusita, eta azkenaldian “gorroto delituen” inguruan izan diren irakurketa eta erabilpen interesatuak direla eta, Ehgam-en berrameste prozesuan gai honi heltzeko beharra ikusi dugu eta horrela egin dugu azaroaren 4an Hernaniko Urumea Herrigunean.

Ibai Aginaga euskal preso politikoak gose greba hasi du Basauriko kartzelan

2021-10-13

Aurrez aurreko bisita baten ostean konfinatu dutela eta konfinamenduaren baldintzak salatzeko hasi du protesta. Joan den larunbatetik daukate konfinatuta, ostiralera arte. Jakinarazi dutenez, ordura arte egongo da gose greban.

Espetxe eskumena lortzeko hiru astetara, sindikatuek salatu dute Jaurlaritzak ez dituela zehaztu langileen baldintzak

2021-09-09

ELA eta Acaip-UGT sindikatuek salatu dute kartzeletako beharginen lan baldintzak ez direla erabaki, eta hartutako neurri batzuekin desados agertu dira. EAEk urriaren 1ean lortuko du Basauriko, Zaballako eta Martuteneko presondegien gaineko eskumena, eta 700 langileri eragingo die aldaketak.

Zigorraren kultura haustea, gizartea eraldatzeko begirada

2021-08-26

"“Kondena luzeagoak edo zigor gogorrak entzun dira aldarri mugimendu antiespezistaren inguruetan maiz. Zenbaitek, legedia aldatzeko kanpainak egiten dituzte, animaliei ematen zaien tratua erregulatu nahian, indarkeria bortitza ekiditeko asmoz. Baina zigorra al da zapalkuntzaren aurkako erreminta? Kartzelak behar dituen gizartea da eraiki nahi duguna?"
Nafarroako Salhaketa taldeko kide June San Millánen hitzaldia.

"Prozesua egin beharra kaka zaharra da baina eraldaketarako bide bilakatu ahal dugu"

2021-05-06

Villabonan Lurgatz talde feministak antolatuta egin zuten Espetxeak apurtu... eta bortxatzaileak? mahai-inguruan Joxemi Zumalabeko kide Ainhoa Narbaizak eta Marta Luxanek kontatu zuten herrietan eraso sexistak lantzeko sortu diren autokudeatutako taldeetako esperientzia.

Espetxeen transferentziaz, espetxeak abolitu artean

2021-05-06

Martxoaren 24an Lurgatz talde feministak Espetxeak apurtu! Eta bortxatzaileak...? mahai-ingurua antolatu zuen Villabonan. Bertan mintzatu ziren Salhaketa Nafarroako Libertad Francés Lecumberri, Demokraziarako Epaileak taldeko Garbiñe Biurrun Mancisidor, Joxemi Zumalabeko Ainhoa Narbaiza eta Marta Luxán Serrano eta EH Bilduko kide izateaz gain genero indarkeria kasuak ere eramaten dituen abokatua den Larraitz Ugarte Zubizarreta.

Cabacas auzian kondenatutako ertzainari kartzela zigorra bertan behera utzi dio auzitegiak

2021-04-20

Bizkaiko Auzitegiak erabaki du bi urtez bertan behera uztea Iñigo Cabacas hiltzea kondenatutako Ertzaintzako agenteari ezarritako bi urteko kartzela zigorraren gauzatzea. Ebazpenaren arabera, espetxe zigorra betearaziko diote, baldin eta Juan Jose de Pablo ertzain kondenatuak legea hausten badu datozen bi urteetan.

Preso bat agertu da hilda Zaballako espetxean, abenduaren 25ean

2021-01-05

2020an Arabako espetxean hil den seigarren presoa da F.A, 50 urte ingurukoa. Salhaketak adierazi duenez, "5.moduluan egonda, Zaballako makro-kartzelaren barruan arreta mediko faltagatik, arduragabekeriagatik, hiper medikalizazioagatik eta gainerako ankerkeriengatik hildakoen zerrenda makabroko azken presoa da. Bere gorpua abenduak 25eko goizean agertu zen". Salhaketak urtarrilak 12an elkarretaratzea deitu du.

Iñaki Bilbao preso politikoa erietxera eraman dute arnasteko arazoengatik

2020-11-10

Azaroaren 9an erietxera eraman dute Iñaki Bilbao preso politikoa, arnasteko zailtasun handiak zituelako.

Kartzela, zaintza eta emakumea* bertsoak

2020-11-04

Lurgatz talde feministak antolatuta urriaren 14an egin zuten mahai-inguruari, publikoarekin batera bertso hauek elkarrekin abestuz eman zioten amaiera. Hemen irakur daiteke Maite Ortiz, Katia Reimberg, Nekane Txapartegi eta Maite Aranaldek beren bizipenetatik osatu zuten mahai-inguruaren erreportajea.

Kartzela, zaintza eta emakumea*

2020-11-04

Lurgatz talde feministak Villabonan mahai-inguruan bildu zituen kartzelatik pasatako lau emakume: Maite Ortiz, Katia Reimberg, Maite Aranalde eta Nekane Txapartegi. Bizipenetatik laukote aberatsa osatu zuten, gaia ertz anitzetatik lantzeko: garai ezberdinetan eta Euskal Herriko, Espainiako, Frantziako eta Suitzako kartzeletan egondakoak dira, hauetako batzuk torturak jasandakoak, hauetako batzuk ama izanik preso sartu zituztenak, hauetako batzuk preso migranteak...

Espetxeak arazoa zu zarela berresten saiatzen dira...

2020-10-12

... eta mugimendu feministatik pentsakera hori irauli behar dugu: arazoa sistema patriarkal, arrazista eta kapitalista da!

Gose greban dagoen Iñaki Bilbao presoa ospitaleratu dute

2020-09-29

Andaluziako Puerto III kartzelan dagoen Iñaki Bilbao Goikoetxea euskal presoa ospitalera eramateko agindua eman du Espainiako Auzitegi Nazionalak, Amnistiaren Aldeko eta Errepresioaren Aurkako Mugimenduak jakinarazi duenez. Irailaren 9tik gose greba mugagabean da Bilbao.

Ez da "hilik agertu"

2020-09-07

Espainiako Estatuan hamabost presok gose grebak abiatu dituzte espetxeetako bizi-baldintzak salatzeko

2020-09-01

Irailetik urtarrilaren amaierararte baraualdiak txandakatuko dituzte presoek. “Euren bizitzen aurkako erasoak” agerian uztea eta Espetxe Erakundeetako Idazkaritza Nagusiak aldarrikapen taulari jaramon egitea dute helburutzat.

Celestino Córdova militante maputxeak 107 eguneko gose greba utzi du, Txileko Gobernuarekin akordioa lortu ostean

2020-08-19

Txileko Justizia Ministerioak jakinarazi duenez, Inperial Berriko Kultur Arteko Ospitalean egongo da erabat berreskuratu arte. Ondoren, Hezkuntza eta Lan Zentro batera eramango dute, eta baimena izango du 30 orduko irteerak egiteko bere komunitatera.

Jordi Cuixart, hirugarren graduan irten berritan TV3n eginiko elkarrizketan: "Berriz egingo dugu"

2020-07-20

Uztailaren 17 goizean irten ziren kartzelatik hirugarren graduko baimenarekin Kataluniako independentzia erreferenduma antolatzeagatik atxilotutako preso politikoak. Gauak espetxean eman beharko dituzte eta Fiskaltzak hirugarren graduaren aurkako helegitea aurkeztu dezake. TV3 kate publikoak audientzia handiko telebista saioan elkarrizketatu ditu Jordi Cuixart, Josep Rull eta Raül Romeva.

"Emakumea eta gaizkilea izatea modu bikoitzean kriminalizatzen du gizarteak"

2020-06-04

Bazterketa, hainbat lanpostuetara sarbidea debekatua izatea, kartzelako jardueretarako ordu murrizketa edo gizonezkoen espetxeetako emakumeen moduluetan preso egoteak eragiten dituen desberdintasunak dira, bertzeen artean, emakume presoek ordaintzen duten kondena bikoitza. Halaxe azaldu dio ARGIAri Kataluniako prozesuaren sententziarengatik hamabi urteko kartzela zigorra duen Dolors Bassa (Torroella de Montgrí, 1959) Generalitateko Lan eta Gizarte Gaietarako kontseilari ohiak. 800 egunetik gora daramatza giltzapetuta.

Presoei eta funtzionarioei testak egiten hasi dira EAEko kartzeletan

2020-05-12

Martuteneko eta Arabako kartzeletan egin dituzte jada test azkarrak. Basaurikoan aste honetan egingo dituzte. Momentuz ez du inork positibo eman. Testak egitea Espainiako Espetxeetako Erakundeek presoen osasuna bermatzeko hartu beharreko neurrien parte da.

Dozena bat presok gose greba hasi dute Espainiako estatuan preso zaharrak eta larri gaixo daudenak askatzeko eskatuz

2020-05-05

Espainiako estatuko kartzeletan dauden dozena bat presok gose greba hasi dute, preso zaharrak eta larri gaixo daudenak askatzeko eskatuz. Maiatzaren 1ean ekin diote gose grebari eta hamabost egunez burutuko dute. Koronabirusak kartzeletako baldintzak zenbat gogortu dituen eta behar den moduko osasun arretarik jasotzen ez dutela ikusarazi nahi dute ekintza honen bidez.

NBEk presoak askatzeko eskatu du, kartzelen segurtasun eza argudiatuz

2020-03-26

Kartzelek segurtasun neurriak babestu ezin ditzaketela, eta batez ere arrisku taldeetako presoak eta preso politikoak askatzeko eskatu die Estatuei. Horrez gain, adierazi du konfinamendua betetzen ez dutenentzako “azken neurria” izan beharko litzatekela kartzela.

23 hildako Kolonbiako kartzeletan koronabirusaren beldurrak eragindako istiluetan

2020-03-23

23 preso hil eta 83 zauritu dira Kolonbiako Modelo kartzelan. Koronabirusaz babesteko material faltagatik protesta egin zuten presoek, izan ere Amerikako herrialdean jada 231 kutsatu eta bi hildako utzi ditu birusak.

Koronabirusaren krisia Italian: matxinadak kartzeletan eta militarren esku-hartzea

2020-03-10

Italiako Gobernuak koronabirusa dela eta hartu dituen neurriak herrialdeko 27 kartzelatako presoen matxinadak piztu ditu. Italiar guztien mugimendu askatasuna murriztu du, presoei familiako kideen bisitak debekatuz. Horrez gain, birusaz kutsatuta dauden funtzionarioak daudela salatu dute, eta ez dela neurririk hartu espetxeen barruko hedapena saihesteko.

Iruñeko espetxeak medikurik gabe jarraitzen duela salatu du ELAk

2020-02-18

"Egoera hau ezin da luzatu eta Nafarroako Gobernuak horren gaineko erabakia berehala hartu behar du", dio sindikatuak. Hala ez bada, mobilizazioak deituko dituela iragarri du.