Un mundo casi perfecto (Zinemira)
Akzioa eta nahasketa dira nagusi Malagako zinema-jaialdian aurkeztutako komedia honetan. Onenak emandako gidoilari baten ibiliak kontatzen ditu; lapurreta baten lekuko izanik, bizitza osoa hankaz gora ipiniko zaio: poliziak presio egingo dio lapurra identifikatzeko, lapurra atzetik jarraika izango du ezer esan ez dezan, eta bidean gurutzatzen zaion prostituta batekin maiteminduko da. Filmeko protagonista Javier Merino, Antonio Dechent eta Álex Angulo dira. Esteban eta José Miguel Ibarretxe anaiek Solo se muere dos veces (1997) eta Sabotage!! (2000) filmak zuzendu dituzte.
Donostiako Nazioarteko Zinemaldiaren 59. edizioaren jarraipena egingo dugu gune honetan. Irailaren 16tik 24ra, egunero zine kritikak, hainbat adituren hitzak jasoko dituzten bideoak, gomendioak, jaialdiko programa, pelikulen trailerrak, diaporamak, bitxikeriak, lotura interesgarriak... izango dira ikusgai.
© 2008-2011 ARGIA.eus - Komunikazio Biziagoa
Industrialdea, 15 · 20160 Lasarte-Oria (Gipuzkoa)
Tlf: 943 371 545 - 943 373 403
