Robinson Espainiako kostaldera iritsi den Sahara azpiko Afrikako etorkina da. Batere ezagutzen ez duen munduan galdurik hasiko du ibilia, itxuraz bere arbasoen espirituek inposatu dioten egitekoa bete nahiko du: norbait garbitzea. Solo Turé aktorearen lehendabiziko lana da, eta Ramón Barea, Kandido Uranga eta Álex Merino ditu lagun. Filmak Hanburgoko zinema-jaialdian parte hartu zuen, eta Europako zinemagintzari buruzko Sevillako jaialdian epaimahaiaren aipamen berezia eskuratu zuen. Pedro Aguilera (Donostia, 1979) Espainiako zinematografia-panoramako ustekaberik berrienetako bilakatu zen, bere lehendabiziko lana, La influencia (2007), Canneseko zinema-jaialdiko Errealizadoreen Hamabostaldirako aukeratu zutenean eta Bruselako zinema-jaialdiko Age d’Or saria eskuratu zuenean.
Donostiako Nazioarteko Zinemaldiaren 59. edizioaren jarraipena egingo dugu gune honetan. Irailaren 16tik 24ra, egunero zine kritikak, hainbat adituren hitzak jasoko dituzten bideoak, gomendioak, jaialdiko programa, pelikulen trailerrak, diaporamak, bitxikeriak, lotura interesgarriak... izango dira ikusgai.
© 2008-2011 ARGIA.eus - Komunikazio Biziagoa
Industrialdea, 15 · 20160 Lasarte-Oria (Gipuzkoa)
Tlf: 943 371 545 - 943 373 403
