Film hau Karlovy Varyko zinema-jaialdian aurkeztu zuten, eta bost sari eskuratu zituen Malagako zinema-jaialdian: emakumezko aktorerik onena (Begoña Maestre), argazkirik onena, jantzirik onena, soinu-banda onena, eta film onenaren Asencar-Ópera Prima saria. Filmak gizabanakoaren eta traizioaren arteko gatazka jorratzen du, bi familiaren arteko ika-mikaz eta aspaldiko gorrotoz jositako herri baten deskribapenaren bitartez. Begoña Maestre ez ezik, Iban Garate eta Sara Casanovas ere protagonista dira. Alberto Gorritibereak (Zumaia, 1970) aurretik Eutsi! (2007) filma zuzendu zuen, 2007ko Euskal Zinemaren Egunean eman zutena. Era berean, Asier Hilariorekin batera Flysch, el susurro de las rocas (2009) dokumentala zuzendu zuen.
Donostiako Nazioarteko Zinemaldiaren 59. edizioaren jarraipena egingo dugu gune honetan. Irailaren 16tik 24ra, egunero zine kritikak, hainbat adituren hitzak jasoko dituzten bideoak, gomendioak, jaialdiko programa, pelikulen trailerrak, diaporamak, bitxikeriak, lotura interesgarriak... izango dira ikusgai.
© 2008-2011 ARGIA.eus - Komunikazio Biziagoa
Industrialdea, 15 · 20160 Lasarte-Oria (Gipuzkoa)
Tlf: 943 371 545 - 943 373 403
