Islamofobia

Zabaltzen ari den morofobiaren azken adibidea, Gasteizen

2025-07-22

Gasteizko hainbat auzotan ezarri dituzten “Moros fuera de España” kartel eta pegatinak ikertzen ari da Ertzaintza. Irun, Hernani, Barakaldo… Ez dira kasu isolatuak, eta “etorkinen kontura jarraitzaileak irabazi nahi dituen ideologia” ikusten du atzean Gasteizko islamiar komunitateak.

Palestinaren eta islamaren aurkako margoketak egin dituzte Azpeitian

2024-07-02

Azpeitian Palestinari elkartasuna adierazteko mural batean mezu islamofoboak margotu dituzte. "Palestina Akatu" eta Islama minbiziarekin parekatzen duten pintaketak dira. Elkar-ekin mugimenduak salatu du ekintza.

"Beloak egoiliarrak aztoratu ditzakeela" argudiatu du Iruñeko zaharren egoitza batek, garbitzaile bat lanik gabe uzteko

2024-02-27

Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena ez ziotela eskatu hiyab-a kentzea erlijio arrazoiengatik, baizik eta egoiliarrak "ez asaldatzeko beloa ikustean".

Neska musulmanek erabili ohi duten tunika debekatu du eskoletan Frantziako Gobernuak

2023-08-30

Irailetik aurrera, ikastetxe publikoetan abayah janztea debekatuta izango dute ikasleek Frantziako Estatuan. Neska musulman ugarik soinean eraman ohi duen tunika edo bata modukoa da abayah. Laikotasunaren defentsa ala islamofobia, hautsak harrotu ditu erabakiak.

Beloa eramateagatik emakume bati sarrera ukatu zion jatetxeko jabea epaituko dute

2022-06-07

Beloa zeraman emakume bati “historiaurrean bezala” jantzita zihoala esan eta Hendaiako jatetxe batean sartzea eragotzi zion jabeak. Semeak bideoan grabatu zuen gertatutakoa eta diskriminazioagatik epaituko dute orain jabea.

Hiriburukoa ez dadila errepikatu

2021-11-02

Frantziako presidenteak musulmanak haserretu ditu

2020-11-03

Mahomaren karikaturak ikasgelan erakusteagatik muturreko islamista batek irakasle bat hil ostean, “separatismo musulmana” kritikatu zuen Frantziako presidente Emmanuel Macronek eta eraikin publikoetan Mahomaren karikaturak proiektatu zituzten ondoren. Gehiegizkoa izan da musulman askorentzat: protestak egin dituzte eta Frantziako produktuak boikoteatzera deitu dute. Eztabaida piztu da iritzi publikoan eta Macronek eskuin muturraren botoak nahi dituela iritzi dio hainbatek.

Musulmanen kontrako indarkeria areagotu du koronabirusaren krisiak Indian

2020-04-16

Musulmanak Indian koronabirusa zabaldu nahian ari direla diote zenbait nazionalista hinduk; “korona yihada” egitea egozten diete. Pandemiaren aurretik ere Delhiko zenbait auzotan musulmanen aurkako zenbait eraso egin zituzten hinduek; koronabirusaren krisiak areagotu egin ditu eraso horiek.

39 dira jada nazionalista hinduek hildako musulmanak Indian

2020-02-28

Joan den igandetik, otsailaren 23a, Delhiko kaleetan iskanbilek ez dute etenik. Komunitate musulmana baztertzen duen lege berri baten aurkako protestei nazionalista hinduak oldartu zaizkie, eta musulmanak bizi diren auzoetan biolentzia piztu da.

21 lagun hil dituzte Indiako nazionalista hinduek musulmanen aurkako istilu bortitzetan

2020-02-26

Iskanbilen arrazoia Indiako gobernuak onartutako Herritartasun Akta da, zeinek errefuxiatu estatusa onartu dion Hego Asiako erlijio nagusietako jendeari musulmanei izan ezik. Musulmanek lege horren aurka egindako protestei aurka eginez, hinduek hiru egunean zehar meskitak eta musulmanen lantoki eta etxeak erre dituzte Delhin.

Baionako meskitako atentatuko biktimei elkartasuna adierazteko martxa eginen dute igandean

2019-12-13

Meskita dagoen auzoko herritar eta elkarte batzuek osatu kolektiboak antolatu du "elkartasunezko eta bakearen aldeko martxa". SOS Arrazakeria elkarteak ere bat egin du mobilizazioarekin. Baionako Gaskoien plazatik abiatuko da igandean 14:30ean.

Baionako meskitako atentatuaren kasua ez du bere gain hartu Terrorismoaren Aurkako Fiskaltzak

2019-10-30

Asteazken honetan jakinarazi ditu Baionako prokuradoreak Claude Sinkéri egindako proba psikiatrikoaren emaitzak. Azterketaren arabera, astelehenean Baionako meskitaren aurka egindako atentatuaren ustezko egileak ez zeukan kontrolik, hein batean behintzat, bere ekintzen gainean. Parisko Terrorismoaren Aurkako Fiskaltzak ez du momentuz kasua bere gain hartuko.

Suarekin jolasten duten politikariak eta erretzen diren meskitak

2019-10-29

Gutxienez bi zauritu, Baionako meskitan jazotako erasoan

2019-10-28

Gizon batek molotov koktela jaurti du gaur Baionako meskitara, eta tiroketari ekin. Balaz zauritu ditu bi pertsona, eta larri dago horietako bat. Frantziako Poliziak Landetan atxilotu du erasotzailea.

Islamofobiaren kontrako elkarte batek Yolanda Couceiro salatu du, Bizkaiko PPren hautagaia

2019-03-21

Islamofobiaren Kontrako Musulmanak elkarteak Bizkaiko fiskaltzan salaketa jarri du Yolanda Couceiroren kontra, immigrazioaren eta Islamaren inguruan egindako adierazpenengatik. PPk bere zerrendetan hautagai izatea eskaini dio Portugaleten jaiotako ultraeskuindarrari.

Futbol modernoaren aurka egin, islama erasotzeko

2019-01-10

Alaia, euskalduna eta musulmana

2017-12-06

"Islamari erasotzeko egiten da emakume musulmanen eskubideen aldeko diskurtsoa"

2017-10-17

Bartzelonako Udaleko Immigrazio, Kultura Aniztasun eta Dibertsitate zinegotzia da Lola Lopez (Galizia, 1957) antropologoa. Bizikidetzaren alde eta islamofobiaren kontra ibilbide luzea egin du Kataluniako hiriburuan, eta aurretik Kataluniako Ikus-entzuneko Kontseiluan (CAC) eta Zurrumurruen kontrako Sarean lanean aritua zen.

"Kultur balioak babestu behar ditugu iritzi politikoen gainetik"

2017-10-10

Sahararra da, Mendebaldeko Saharan sortua, egiazko Saharan, exodoa bizi izandakoa. Sahararra da gaur egun Gasteizen, ikastolako ama, euskaldunetara guztiz irekia, izatea bera ere partez herri honetara jarria, bere baitan harrera beroa egina euskarari eta euskaldunari.

Islamofobia eta generoa uztartuko dituen topaketak antolatu ditu SOS Arrazakeriak

2017-09-27

Erakundeek dituzten jarduerak, feminismoek zer dioten, eta gizartean eta hedabideetan gaia nola lantzen den aztertuko dute.

Mendebaldeko baloreak?

2017-09-08

Faxismoari aurre egin behar zaio, ekitaldi faxista bat dagoen bakoitzean (…) Hannah Arendt-ek hiru pertsona mota bereizten ditu, nazismoa ahalbidetu zutenen artean: dogmatikoak, nihilistak eta herritarrak orokorrean. Herritar ‘normalek’ ere nazismoa onartu zuten eta gorrotoaren normalizazio hori arriskutsua da, jende batek ez duelako ezer egingo edo justifikatu egingo dutelako. Kataluniako atentatuen kasuan ikusi dugu: ustezko terroristak garbitu dituzte eta jendeak txalo... [+]

Islamofobia

2017-09-05

Kalifa-herria. Gerra santua. Antisionismoa. Nazio Batuak. Suniak. Xiiak. Burka. Xaria. Nakbah. Niqaba. Hijaba. Jihada.

Ez zergatik, ez zertarako ez dira galdera interesgarriak. Ezezagun bezain hutsal zaizkigu, mehatxatzen gaituen horren des-arrazoiak. Zentzugabekeriak ez du, definizioz, zentzurik. Ez eta, beraz, zentzuzko definiziorik ere.

Estatu islamiarra. Yihadistak. Daesh. Isis. Terroristak. Islamista erradikalak. Erradikal islamistak. Moha. Youssef. Omar. Said. Musulmanak... [+]

Faxismoaren beldur barik

2017-08-31

No tinc por atera zitzaion eztarritik Bartzelonan herritar bati. Deiadarra sentimendu askoren katalizatzaile izateaz gain, bizi dugun garai nahasien isla ere bada.

"Zerbait kondenatzeko eskatzen dizun jendeak ez du nahi ezer kondena dezazun"

2017-08-28

“Jende askok mozorroa kendu du egunotan, benetan den bezalakoa agertu da”. Islamofobiaz, horri aurre egiteko komunitate musulmanak harturiko estrategia okerraz, batasunaren hipokresiaz… Aho-bilorik gabe mintzatu zaio EsRacismori Fátima Aatar, argazkian Bartzelonako kontzentrazio faxista batetan nazi bati aurre egiten ageri den musulmana. Hona pasarte interesgarrienak euskaratuta:

Molotov koktelekin eraso egin diote Baionako meskitari

2017-08-11

Igande gauean eraso egin diote Baionako meskitari. Gutxienez bi molotov koktel jaurti dituzte. Ez da inor zauritu eta kalte material txikiak egin dituzte.

Belgikan niqab-a debekatzea bidezkoa da Estrasburgoren ustez

2017-07-13

Estrasburgoko Giza Eskubideen Auzitegiak ontzat eman du Belgikako hainbat herritan ezarritako niqaba janzteko debekua. Hainbat norbanako eta GKEk helegitea jarri zieten, 2008tik 2011ra indarrean jarritako hainbat lege diskriminatzaileri.

"Hemengoek ere hurbildu behar dute kanpotik etorri garenongana"

2017-06-29

Batzuetan, halaxe datoz gauzak. Ostiralerako egina duzu hitzordua Tarana Karimekin, Tolosan, han baitabil eragin eta astindu aktibista azerbaijandarra, eta zenbait egun lehenago, galderak prestatzen ari zarela, hara non Mursegok bi kantu zabaltzen dituen, Oiongo herritarrekin batera eta elkarbizitza sustatzeko ondu duen diskoaren aurrerapen. Elkarrizketara bidean, ezin ezpainetatik kendu egoerari propio jarria dirudien doinua: “Ni ez naiz zu / eta zu ez zara ni / baina biok batera bagara”.

Gasteizko meskita bati eraso egin diote berriro

2016-11-11

Gasteizko Errota auzoko meskitaren atean Islamaren aurkako pintaketak agertu ziren pasa den astelehenean. Lehenago ere izan dira antzeko erasoak Arabako hiriburuan. Martxoan, esaterako, Zabalgana auzoan irekitzekoa zen meskitaren kontrako gutun arrazistak banatu zituzten ezezagun batzuek, eta astebete beranduago txerri haragia eta odola bota zituzten lonja horretara.

"Emakume musulmanok jendeak ezagutzen ez dituen eskubide asko ditugu"

2016-09-01

Marokon Letra Modernoetan lizentziatu ondoren, 22 urte zituela iritsi zen Taleb (1976, Berkane) Badalonako La Pau auzora, bitartekaritza kulturalaren eta bizikidetzaren alde lan egitera. Guanyem Badalona en Comú plataformaren bortzgarrena zen maiatzaren 24ko udal hauteskundeetan; Xavier Garcia Albiol (PP) udaletik kanpo utzi ondoren, egun, Parte Hartze eta Bizikidetza Saileko zinegotzia da.

Arropa eranztera behartua eta umiliatua, burkiniaren aurkako gurutzadan

2016-08-24

Pistoladun lau polizia gizonezko gerturatu eta tunika urdina eranztera behartu dute emakume bat Nizako hondartzan, burkiniaren aurkako debekua aitzakia hartuta. Alaba negarrez eta inguruko jendea txaloka eta “joan zaitez etxera” oihukatuz, horixe egun bizi dugun islamofobiak utzitako eszena tamalgarria.

Burkinia, bikinia... Kontua emakumeek egiten dutena epaitzea da

2016-08-18

Cannesko hondartzetan hainbat emakumeri isunak jarri dizkiete "burkini" delakoa jantzita eramateagatik. Uda honetako polemika izaten ari da Frantziako hondartzetan, baina zorionez, badago janzkeraren kontra edo alde agertze hutsetik harago doanik.

Gazte musulmanak selfie umoretsu batekin egin die aurre Flandriako ultra-eskuindarrei

2016-05-16

Eszena asteburu honetakoa da: Anberesen (Flandria) kultura musulmanari buruzko erakusketa antolatu dute. Erakusketa horren kontrako elkarretaratzea deitu zuen Vlaams Belang alderdi ultra-eskuindarrak.

Korana “libreki” itzultzen Iruñean

2016-04-20

Iruñea, 1143. Robert of Ketton (Robertus Ketenensis, latinez) teologo, astronomo, itzultzaile eta arabista ingelesak Korana itzuli zuen latinera lehenengoz. Bere bizitzako lehen urteez gutxi dakigun arren, badirudi Kettonek Parisen ikasi zuela. 1134an lau urte iraungo zuen bidaia luzea abiatu zuen Ekialdera. Bizantziar Inperioan, Palestinan eta Damaskon izan zen eta, gerora, arabierako itzultzaile gisa ezagun egingo zen.

1141erako Iberiar penintsulan zegoen; lurraldea musulmanen eta... [+]

Meskita baten aurkako mezuak azaldu dira Gasteizko Zabalgana auzoan

2016-03-08

Gasteizko musulmanak jopuntuan daude berriro ere. Zabalganan irekiko duten meskitaren aurkako gutun bat zabaldu da auzoan azken egunotan.

Patruila herritarrak jarriko ditu martxan auzapez eskuindar batek Okzitanian

2015-12-04

Robert Menard Beziersko (Okzitania) alkateak iragarri du “Beziersko guardia” eratuko dutela emergentzia egoera indarrean dagoenerako. Fronte Nazionalaren gertukoa da Menard, eta alkate denetik polemika ugari sortu ditu hartutako zenbait neurrigatik.

Espainiako Estatuko gorroto krimenen lehen mapa aurkeztu dute

2015-12-02

Azken 25 urteetan 86 gorroto krimen kasu eta 88 hildako zenbatu dituzte. Euskal Herriko hiru kasu barne. Guztiek dute ezaugarri komun bat: ezberdina denaren gutxiespena. Mapa osatzen jarraitzeko herritarren laguntza eskatu dute.

Laudioko komunitate musulmanak Guardia Zibilaren jazarpena eta mehatxuak salatu ditu

2015-11-30

Guardia Zibilak joan den astelehenean meskita bat miatu zuen. Gasteizko Komandantziak ohizko kontroltzat jo zuen baina Laudioko komunitate musulmaneko kideek salatu dute modu txarrean eman zirela miaketak.

Michel Houellebecq-en 'Sumisioa': dekadentzia gaur da

2015-11-20

François Bayrou, Tariq Ramadan, Jean-François Copé, Marine Le Pen, Florian Philippot, Jules Ferry, François Hollande, Barbier, Onfray eta ez dakit zenbat izen ezagun baino gehiago dauzkan liburu bat da hau. Baina ez da saiakera. Ez da azken hamarkadetan gainbeheran dagoen Frantziako beste best-seller hura ere –Eric Zemmour-en Le suicide français–. Nahiz eta bataren eta bestearen argitalpenen artean bi hilabeteko tartea soilik igaro zen. Michel Houellebecqek idatzi du. Eta bere liburu interesgarriena da Sumisioa (Meettok 2015). Ez da –kritika negatibo gehienak horretan zentratu badira ere– probokazioz jositako liburu bat. Alegia. Ez da aurreko liburuak baino misoginoagoa, arrazistagoa, eta finean, klasistagoa. Baina bada, lehenengo aldiz, beldurrik gabe eta egungo Frantziako politikari buruz agerian idatzi duen lehena.

Humanitatea txikitzen

2015-11-17

Kontzientziarik gabeko hilketak behin eta berriz, herri zapalduak, zapaltzaileak diruz beterik. Beldurra aurkitzen da gure gorputzean murgildurik, ez baikara ausartzen eta geratzen baikara zenbaitetan isilik.

Musulmanen aurkako 54 ekintza bost egunetan Frantziako Estatuan

2015-01-13

Frantziako Musulmanen Kontseiluak (CFCM) musulmanen aurkako 54 gertakari identifikatu ditu Charlie Hebdo aldizkariaren aurkako erasoaren ondoren.

Charlie Hebdo, adierazpen askatasuna edo islamofobia?

2015-01-12

Charlie Hebdo aldizkari satirikoaren aurkako erasoa adierazpen askatasunari mugak jarri behar zaizkion ala ez eztabaida berriz piztu du gurean ere. Martxelo Diaz, Haritz Paskual eta Uxue Barkos kazetariekin hitz egin dute Ahotsa.info-ko lagunek, baita Katakrak liburudendako kidea Hedoi Etxarterekin ere

Mendebaldeko bortxa

2015-01-12

“Je suis Charlie” ikurritza zabaldu da asasinatuekiko elkartasunetik. Agerraldiak sortu dira giro antiterrorista berri batean, adierazpen askatasunaren eta hildakoen oroimenaren alde. Alta, “Je suis Charlie” oihukatzeko ez dute aukerarik izan Egipton hil ziren hamaika lagunek, estatu kolpearen ondorioz akabatuak izan zirenek.

Parisko atentatuen kontrako manifestazio historikoaren ostean, badator kontrol soziala

2015-01-12

Urtarrilaren 11n manifestazio historikoa izan zen Parisen, Charlie Hebdoren aurkako atentatua eta ondorengo egunetako gertakariak salatzeko: 1,5 milioi lagun batu ziren Frantziako hiriburuan eta Estatu osoan berriz 4 milioi.

Musulmanei buruzko usteak gezurtatzen

2015-01-12