Hondarribiko alardea

"Hasierako emakumeei esker gaude gu hemen; orduko hartan 26 ziren eta orain mila baino gehiago gara"

2026-08-10

Larruskainek urteak daramatza Jaizkibel konpainiarekin desfilatzen Hondarribiko Alardean. Gogotsu dago datorren irailaren 8rako, urtemuga "garrantzitsua" baita, aurten 30 urte beteko direlako lehen emakumeek alardean parte hartu zutela. Alardeak "pribatua" eta "baztertzailea" izaten jarraitzen badu ere, hondarribiarrak adierazi du herritarren artean iritziak aldatzen ari direla, eta gehiengoak "alarde herrikoia eta baketsua" nahi duela.

Jaizkibel konpainiak konpainia guztietako kolorez beteko ditu Hondarribiko kaleak bere 30. urteurrenean

2026-08-08

Lehen emakumeak Hondarribiko Alardean irten zirenetik, konpainiaren hitzetan, erakutsi da berdintasunak "gehitu" egiten duela, festak "herrikoiagoak" bihurtzen dituelako. Urtemuga ospatzeko, Alarde egunean konpainiako kide bakoitzak gustuko konpainiako jantzia eramango du, koloreak, espazioak bezala, "herritar denenak" direla aldarrikatzeko.

Alardearen auzian zaharrak berri Hondarribian bezala, Gasteizen ere

2026-06-12

Jaizkibel konpainiak Eusko Legebiltzarreko Berdintasun Batzordean parte hartu zuen atzo, martxoko udalbatzan EAJk eta PSE-EEk Hondarribiko II. Udal Berdintasun Planaren kontra bozkatu ondoren. Berdintasun Legea jaietan ere betearazteko lagundu dezatela eskatu zieten. Egoera «distopikoa eta erridikulua» izanik, 30 urteotan «diskriminatzen dutenekin hitz egiten saiatu eta gero, orain zuen laguntza eskatzen dugu», adierazi zien legebiltzarkideei Ixabel Alkainek bideokonferentziaz. Haatik, jeltzaleak eta sozialistak Hondarribiko alderdikideen diskurtsoa babestu zuten, Berdintasun Planaren eztabaida edukian baino formetara mugatuz.

Alardeagatik piztutako polemika gainditu nahi du Hondarribiko udal gobernuak Berdintasun Plan berriarekin

2026-03-27

Gaurko Udal Osoko Bilkuran onartzera eramango duten Hondarribiko Berdintasun Plan berriak aurreikusten dituen 124 ekintzetatik Alardeari lotutako 2 puntuek polemika piztu dute herrian. Alardearen afera planean txertatzera behartuta daudela aditzera eman du udal gobernuak. Eta Igor Enparan alkateak partaidetza prozesuan «eragileei betorik edo diskriminazio politikorik» eman denik ukatu du, eta gogoratu du emakumeen eta gizonezkoen arteko berdintasuna ez dela aukera politiko bat. «Udala ezin da neutral izan, ezberdintasunak dauden heinean administrazio publikoek ezin dute aukeratu esku-hartu ala ez, Hondarribiak ezin ditu begiak itxi», azaldu du.

Jaizkibeleko bi kidek alardean jasandako erasoak salatu ditu konpainiak

2025-10-10

Alardea egin eta hilabetera argitaratu duen oharrean, Jaizkibel konpainiak erakunde publikoei egotzi die “legeak ez betetzeko bermea” eman izana alarde baztertzailea antolatzen duen elkarteari. Konpainia parekideak adierazi du “elkarbizitzaren garaia amaitzen ari dela eta eskubideen garaia” hasteko estrategia landu beharra dagoela. Alarde egunean gertatutako bi eraso salatu dituzte, bata kapitainari eta bestea konpainiako beste kide bati eta haren lagunei.

"Elkarbizitzaren garaia bukatzen eta eskubideen garaia irekitzen ari da"

2025-10-10

Jaizkibel konpainiak aurtengo jaien balorazioa egin berri du. Datozen hiletako estrategia definitzeko eta "konponbiderako orria berriz ere marrazteko" lanean hasi dira jada.

Irailaren 8an gertatutako erasoa gaitzetsi dute Hondarribiko Txosnak kudeatzen dituzten elkarteek

2025-09-12

Alarde baztertzailean ardura duen kide bat Jaizkibel konpainiako kide baten kontra oldartu zen. Txosnako kideek inolako erasorik onartuko ez dutela adierazi eta babesa helarazi diote erasoa pairatu zuen pertsonari.

Jaizkibel konpainiak gutuna eman dio alkateari, desfilean: "Estrategia aldatzeko garaia dela adierazi diogu"

2025-09-08

Jaizkibel konpainia berdinzaleak ekintza berezia egin du Hondarribiko alardearen egun honetan. Gutuna eman diote alkateari, mahai gainean bestelako planteamendu batzuk jar ditzala eskatuz.

Erretiradako heroiak ere behar dira Hondarribian

2025-09-08

"Hondarribiko alardearen bi aldeak parez pare jartzea da zilegitasun bera ematea zapaltzaileari eta zapalduari"

2025-09-05

Hondarribiko udal gobernuaren “ausardia faltaz”, kontsentsua bilatzearen tranpaz eta “gatazkaren espiritua berpiztu” nahi duen alarde tradizionalaren aldeko elkarteaz mintzatu zaigu Uxoa Anduaga, Jaizkibel konpainia berdinzaleko kidea. “Ez dira hainbeste emakumeak alardean onartu nahi ez dituztenak, baina boterea dute”.

Genozidioa salatzeko ekintza, Hondarribiko egun nagusian: “Aldarrikapenak zentzu sakonagoa ematen dio jaiari”

2025-09-02

Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza bat”, gogoratu dio ARGIAri Jaizkibelek.

Hondarribiarren gehiengoak alarde parekide bakarraren alde egiten du, udalaren inkesta baten arabera

2025-02-05

Inkestatuen %45,6k alarde parekide bakarra nahiago du herriarentzat eta %65ak baino gehiagok alardearen gatazka konpontzeko herritarrek gai horren inguruko hitzaldi eta tailerretan parte hartu behar dutela adierazi dute.

"Gazteok urte gogor haiek ez genituen bizi, eta karga emozional hori gabe altxa dugu ahotsa"

2024-12-17

Alardean desfilatuta ere honek «herriaren benetazko errealitatea irudikatzen ez zuela» ikusita sortu zen 2019an Guztion Alardea, «herria polarizatua dagoelako, baina ikusten ez den masa gris handia dagoela irudikatu beharra zegoelako». Eneko Gonzalez eta Mikel Arruabarrenak argitu digutenez, «emakumearen parte hartzeari buruzko iritzia emateko beldurra galtzen» lagundu du Guztion Alardeak urteotan, eta «debate hau ireki ahala norbere inguruan eboluzio bat» ikusi dela diote. Elkarrizketa osoa hemen.

Hondarribiko alkatea jotzen saiatu ziren herriko jaietan

2024-10-02

Hondarribiko Alardearen harira herrian aurten bizi izan den tentsioa garbi islatu du Igor Enparan alkateak, hondarribiar guztiei bidali dien eskutitzean. "Gezurrez eta gorrotoz betetako kanpaina pairatu dut. Zurrumurruak eta gezurrak zabaldu dira herritar guztion arteko elkarbizitza gaiztotzeko, min egiteko. Txistuak entzun ditut, irainak, mehatxuak… Norbaitek ere jotzeko ahalegina egin du", dio.

Gizonak falta dira Hondarribiko alardean

2024-09-09

Zerbait mugitzen hasi da Hondarribian

2024-09-09

Hondarribiko jai egun handian, Alarde tradizionalak eta Jaizkibel konpainia parekideak bat egin behar zuten lehen aldiz abiapuntuan, baina argazki hori saihesteko, tradizionaleko konpainia guztiak berandu joan dira hasiera puntura. Plantoak planto, ordea, lehen aldi ugari bizi izan ditu aurten Jaizkibel konpainiak, mugiezinak ziruditen gauzak mugitzen hasi baitira, kasik hiru hamarkada pasa direnean.

"Orain arte alarde baztertzaileak okupatuak zituen espazioak partekatzen hasi beharko dira"

2024-09-04

Hondarribiko Alarde tradizionala eta Jaizkibel konpainia desfilatzen aterako dira, urtero bezala, irailaren 8an. Baina orain arte EAJk gobernaturiko udala Abotsanitzek eskuratu du eta egin dituen aldaketek hautsak harrotu dituzte Alarde tradizionalean. “Konpainia guztiak elkarren ondoan egongo garen argazki hori saihestu nahi dute”, azaldu digu Uxoa Anduaga Jaizkibel konpainiako txilibituak.

Alardearekin legea betetzen hasteko eskatu diote EH Bilduko militanteek Hondarribiko alkateari

2024-07-19

«Gatazkaren konponbidean baliagarria izango delakoan» EH Bilduko Lantalde Feministak egindako hausnarketa plazaratu du Arma Plazan. Igor Enparan alkateari «Jaizkibel konpainiak bakarrik betetzen duen legea betearazten hasteko, eta Alarde bakarra, guztiona eta publikoa izan dadin bere karguari dagozkion erantzukizun eta baliabide guztiak erabil ditzala» galdegin diote.

Jaizkibelek elkarrizketa mahai bat bideratzeko eskatu dio Hondarribiko alkateari

2023-09-18

Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea "ez dela neutrala".

Jaizkibeli ere harrera egin dio lehen aldiz Hondarribiko alkateak

2023-09-08

Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.

"Nor dira haiek, guztiona den ondarearen inguruan herri osoaren izenean hitz egiteko?"

2023-09-06

Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu Oihana Etxebarrieta Jaizkibel konpainiako kidearekin: "Ahaldun nagusiaren jarrerak hauspotzen du herritar oso gutxik partekatzen duten ideia, bi aukera posible eta legitimoren ideia".

Hondarribiko hurrengo alkatearentzako gutuna plazaratu du Guztion Alardeak

2023-05-25

Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.

Guztion Alardeak egindako proposamenekiko desadostasuna agertu du Alarde Fundazioak

2023-03-08

Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.

Jaizkibel konpainiak aurrera egin du aurten ere: "Inoiz ez genuen plaza horrela bete"

2022-09-08

Hondarribiko alardean konpainia parekide bakarrak egindako desfilea oso jendetsua izan da eta txalo artean hartu dute ibilbidean zehar.

Guztion Alardea elkarteko 64 emakumek alardean parte hartzeko eskakizun formala egin dute

2022-07-07

Alarde fundazioari eta Hondarribiko Udalari bideratu diete alardean parte hartzeko eskakizuna, kantinera bezala ez ezik, soldadu gisa ere bai. Guztion Alardea elkarteak eman du urratsaren berri. Alarde baztertzailearen bueltako gazteek sortu zuten elkartea, defendatzen baitute emakumeek desfilean parte hartzeko eskubidea dutela.

25. urteurrenean, Jaizkibel Konpainia alardeko konpainia bat gehiago izateko eskaeran berretsi da

2021-09-08

Koronabirusagatik desfilerik gauzatu ez den arren, Jaizkibel Konpainiak kaleak hartu ditu. Elkarretaratzea egin dute alarde parekidea aldarrikatzeko, eta uztailean egindako proposamena berriz plazaratu dute: datorren urtean alardeko konpainia bat gehiago izatea.

Jaizkibel konpainiaren 25. urteurrena gogoratuko dute Hondarribian

2021-09-07

Emakumeek ere alardean desfilatu ahal izatea helburu, duela 25 urte atera zen lehen aldiz Jaizkibel konpainia Hondarribian. Aurtengo irailaren 8an ez da alarderik izango, baina elkarretaratzea egingo dute, “1996 urrun hartan, alarde parekidearen aldeko aldarria kaleratu zeneko unea gogoratzeko asmoz”.

Jaizkibel konpainiak alardearen formatu tradizionalean hartu nahi du parte

2021-07-19

Emakumeak onartzen dituen konpainiak desfile nagusiaren barruan egon nahi du 2022tik aurrera. Hondarribiko alardearen auziari konponbidea bilatzeko pausoa dela adierazi du elkarteak.

Aurrera egin badugu

2021-03-23

Jaizkibel Konpainiak bultzatutako eta Julen Hernandezek zuzendutako dokumentala. Konpainiako Arantxa Urretabizkaia, Jaime Altuna eta Oihana Etxebarrietak, Garbiñe Biurrun, Kattalin Miner eta Itziar Ituño elkarrizketatu dituzte. Festez, parekidetasunaz, borroka feministaz aritu dira elkarrekin.

Hondarribiko Alardearen auzia konpontzeko prozesua gelditua dela salatu dute

2021-01-08

Jaizkibel konpainiaren ustez, aurten baldintza guztiak zeuden eztabaida modu lasaian egiteko. Hondarribiko herriko etxeak, eztabaida prozesua gelditua dela onartu du. Txomin Sagarzazu Hondarribiko auzapezaren esanetan, elkarrizketak bertan behera gelditu dira osasun krisiarengatik. Hala ere eztabaida prozesua berriz martxan jartzeko borondetea dagoela azpimarratu du. Oposizioko udal taldeek berriz, eragileen arteko elkarrizketa abiatzeko baldintzak daudela gogoratu dute.

Hondarribiko Alarderik gabe, amabirjinaren botoa bihurtu da bazterketarako gaia

2020-09-07

Plastiko beltzik ez da ikusiko aurten Hondarribiko kale nagusian, koronabirusak eragindako egoerak irailaren 8ko desfilea bertan behera uztera derrigortu baitu. Baina emakumeek Alardean parte hartzearen aurkakoek Jaizkibel konpainia parekidea baztertzeko beste leku bat aurkitu dute: Guadalupeko amabirjinaren botoa.

Hondarribiko jaiak beste gisa batean ospatzeko aukera ez galtzea nahi luke Jaizkibel konpainiak

2020-06-10

Irungo San Pedro eta San Martzial Jaiak egoerara egokitzeko erabakia hartu zuenetik, Irungo Udalak ez du zertan egokituko dituen berririk eman gehiago. Eta elkarteek antolatu ohi dituzten jarduerak ere, dilindan dira une hontan. Alarderik ez dela ospatuko, aldiz, aspaldi jakina da. Alarde Publiko eta parekidea izan zen lehena desfilatzeari uko egiten. Eta hiru aste beranduago jakinarazi zuen Alarde tradizionalak ez zirela baldintzak ematen.

Alardea hondarribiar ororena dela, gizon zein emakume, aldarrikatu dute Kultur Etxean

2020-01-07

Alardea hondarribiarren ondarea dela nabarmendu du Guztion Alardeak, eta emakumeak soldadu gisa parte hartzea ahalbidetzen duen desfilea dela gatazkaren konponbide bakarra ohartarazi dute.

Normandiako lehorreratzea Hondarribian

2019-10-09

Alarde tradizionalaren inguruko Hondarribiko herritar talde batek astelehenean adierazi zuen emakumeek herriko jaietako desfilean parte hartzeko eskubidea dutela. Horrek orain arte ezagutu gabeko egoera eragin du bi hamarkada baino gehiagoz luzatu den gatazkan. Eta kontuak desfile militarrekin zerikusia duenez, egoera ulertzeko ez dator gaizki konparazio beliko bat.

EAEko Arartekoak positiboki baloratu du Hondarribiko Alarde tradizionaleko gazte batzuek berdintasunaren alde egin izana

2019-10-08

EAEko Arartekoak adierazpena argitaratu du Hondarribiko Alarde tradizionalean parte hartzen duten gazte batzuek astelehen honetan publiko egin duten adierazpenari buruz. "Pozik" agertu da Manu Lezertua urrats horrekin, "argi eta garbi erakusten baitu gizartea aurrera doala".

Alarde tradizionaleko gazte talde batek adierazi du emakumeek Hondarribiko desfilean parte hartzeko eskubidea dutela

2019-10-07

Hondarribiko herritar talde batek adierazi du “emakumeek Alardean parte hartzeko eskubide osoa” dutela. Ez dira Jaizkibel konpainiako kideak, orain arte emakumeek kantinera gisa bakarrik desfilatu zezakeen Alardean ibilitakoak baizik.

Jaizkibel konpainiako kideak Batzar Nagusietan izan dira: konponbidearen alde lanean jarraituko dute

2019-10-02

Berdintasun Legea aplikatzeko beharra nabarmendu dute, eta Hondarribiko alardearen gatazka ez dela bizikidetza arazoa, berdintasun arazoa baizik. Izaskun Larruskain eta Ana Mari Aristondo kideek parte hartu zuten Gipuzkoako Batzar Nagusietako solasaldian, astelehenetan.

Problema ez zen bizikidetza, problema berdintasuna da oraindik

2019-09-12

Egun alaia izan da irailaren 8a Hondarribiko Alardea berdintasunean ospatu nahi dutenentzat. Emakumeak diskriminatzearen aldekoek iaz eragindako liskar giroa apalduta, inoizko desfile jendetsuena egin du Jaizkibel konpainiak eta herritarren babes handia jaso du. Eztabaidak irekita jarraitzen du ordea: nahikoa al da jai eguna lasai antzean pasatzea? Emakumeek soldadu gisa parte hartzeko eskubideaz hitz egingo da hemendik aurrera?

Ukazioaren gainetik, aurrera goaz: Zorionak Jaizkibel!

2019-09-10

Urteak daramatzate Jaizkibeleko kideak aldarrikapen tinko eta argi batekin: euren herriko festez gozatu nahi dute. 20 urte baino gehiago daramatzate hamarnaka kolore ezberdin dituzten zapiak soinean, irailaren 8ro alarde parekidean parte hartzen. Kolore haina kide, kolore haina ezberdintasun, kolore haina indar.

Jaizkibel konpainiaren desfilea iruditan

2019-09-09

Goiz bat Hondarribiko Alardean: bizikidetza ala berdintasun arazoa?

2019-09-09

Euripean, inoiz baino konpainia jendetsuagoa osatuz eta babes handiarekin desfilatu du Jaizkibelek Hondarribiko Alardean. Goizean ikusitakoak plano subjektiboan kontatzen saiatu gara ondorengo lerroetan.

Alardearen gatazka tarteko, Hondarribiko Udalak ez du Emagin kontratatu jaietarako

2019-09-05

Indarkeria sexistarik gabeko gunea jartzeko eskatu dio Hondarribiko Udalak Emagin elkarteari. Elkarteak alardearen gaia gunean sartzeko asmoen berri eman dionean, atzera egin du.

Jaizkibel konpainiak lehenbiziko entsegu jendetsua egin du igandeko Alardea prestatzeko

2019-09-03

Hondarribiko Alardean emakumeek gizonen pare desfilatu dezaketen konpainia bakarrak lehenbiziko entsegua egin du astelehen honetan. Parte hartzaile askorekin ibili dira herriko kaleetan barrena eta ez da istilurik izan Alarde baztertzailearen aldekoekin gurutzatu direnean.

"Hondarribian, herriaren tenorea konponbidearen aldekoa da"

2019-08-28

Jaizkibel konpainiako kapitania da Oihana Etxebarrieta Legrand (Hondarribia, Gipuzkoa, 1987). EH Bilduko legebiltzarkidea 2016. urtetik. Ekintzaile feminista. Kazetaria, ofizioz. Mugimendu feministetan lan asko egindakoa, batean eta bestean. 2016an, Borroka armatua eta kartzelak liburua idatzi zuen Zuriñe Rodriguezekin batera. Ez du bere burua luzaroan ikusten politika instituzionalean: "Iraungitze data du horrek".

Jaizkibel konpainiaren ordutegia aldatu nahi du Hondarribiko Udalak

2019-08-27

Hondarribiko alkate Txomin Sagarzazuk (EAJ) eman du ordu aldaketa egiteko asmoen berri, bi desfileek kointziditu ez dezaten. Aldaketak alarde baztertzailearen aspaldiko eskaerarekin bat egiten du.

Jaizkibel konpainiak elkarrizketak berrartzeko deia egin du

2019-08-08

Elkarrizketa bideratzeko Hondarribiko Udalak kontratatu zuen bitartekariak adierazi du "baldintzarik ez dagoela, elkarrizketaren oinarriei" heltzeko. Jaizkibelek saiakera "sendoagoa" egingo duen bitartekaritza bat finantzatzea proposatu die Hondarribiko Udalari eta Gizpuzkoako Foru Aldundiari. Bien bitartean irailaren 8ko alardean "errespetua" eskatu du.

Hondarribiko Alardeko auzia bideratzeko Gipuzkoako Aldundiak jarritako bitartekariak ez du lanean segiko, EH Bilduk salatu duenez

2019-06-27

Hondarribiko EH Bilduren izenean Bidasoko Hitzan argitaratu den gutun batek salatu duenez, Gipuzkoako Foru Aldundiak Hondarribiko Alardearen gatazka bideratzeko jarri zuen pertsonari kontratua amaitu zaio eta eten egingo da hark hasitako bidea.

Jaizkibel konpainiako kideek ez dituzte ordainduko Jaurlaritzak Mozal Legearekin jarritako isunak

2019-01-26

Hondarribiko Alardeko Jaizkibel konpainia parekideak ostiral arratsaldean jakinarazi du ez dituela ordainduko Eusko Jaurlaritzaren Segurtasun sailak Mozal Legea erabiliz konpainiako bi kideri ezarri dizkien isunak.

Jaizkibel konpainiari isunak jarri dizkio Jaurlaritzak Mozal Legea erabiliz

2019-01-22

Hondarribiko Alardeko Jaizkibel konpainia parekideak salatu duenez, Eusko Jaurlaritzako Segurtasun Sailak isunak jarri dizkie konpainiako bi kideri.

Uriarte sailburuaren dimisioa eskatuko du STEILAS sindikatuak, alarde diskriminatzailea babestegatik

2018-10-09

"Uriarte baztertzaile, hezkuntzatik alde" leloarekin elkarretaratzea deitu du STEILAS sindikatuak urriaren 22an EAEko Legebiltzarrean. Hezkuntza sailburuak Hondarribiko alarde diskriminatzailea babestu izana deitoratu du sindikatuak.

Hondarribiko Alardea berdintasun problema dela gogorarazi dio Jaizkibelek Gipuzkoako Foru Aldundiari

2018-10-09

Hondarribiko Jaizkibel konpainia parekideko ordezkariak Gipuzkoako Batzar Nagusietako Berdintasun Batzordean izan dira astelehenean Podemos-Ahal Duguk eskatuta eta salatu dute atzerapausoak eman dituztela instituzioek legegintzaldi honetan, Alardearen gatazka konpontzeko bidean.

Hondarribiko parrokoak lekuz aldatzeko eskatu du Alarde baztertzailearen aldekoen presioagatik

2018-09-18

Parrokoaren sermoian polemika sortu zen Alardearen inguruan bakea eta bizikidetza eskatu zuelako. Bizi zena “ikuskizun arbuiagarria” izan zela esan ostean Alarde baztertzailearen aldeko emakume bat aldarera igo zen eta meza moztu zuen.