Gustavo Antépararen negozioak

Gasteizko Udalak bosgarrenez espedientatu du PPko zinegotzi Antépararen enpresa

2026-05-17

Alde Zaharreko atiko batean lizentziarik gabe egindako obra eraisteko agindu zion Gasteizko Udalak jabeari, Luxury Rental Apartments SL enpresari. Atikoa etxebizitza turistiko gisa alokatzen jarraitzen du Luxuryk, Jaurlaritzak horretarako ezinbestekoa den erregistrotik kanporatu badu ere. Enpresaren sortzailea eta %50aren jabea Gustavo Antépara da, EAEko PPko kide esanguratsua.

Tentsioa eta liskarra Gasteizko Udaleko osoko bilkuran, herritarrek PPko zinegotzi Antépararen negozioak salatzean

2025-06-30

Ekainaren 20ko osoko bilkuran, herritarren txanda baliatuta, hitza hartu zuen Auzoan Bizi etxebizitza sareak, gasteiztar guztiei errolda eskubidea bermatzea aldarrikatzeko. Etxebizitza sareko kideek PPko zinegotzi Gustavo Antépararen negozioak ere salatu zituzten, eta horrek tentsio handia piztu zuen, beheragoko bideoan ikusi daitekeenez.

Baimenik gabeko etxebizitza turistikoak ustiatzen jarraitzen du PPko Antépararen enpresak

2025-05-19

Gasteizko Alde Zaharreko Pintore kalean, atari bateko lau etxebizitzen jabe da Luxury Rental Apartments enpresa. Horietako bi etxebizitza turistiko gisa alokatzeko Jaurlaritzaren beharrezko baimena eskuratu du enpresak, eskuratu aurretik ere alokatu baditu ere, baina Turismo Saileko iturri batek ARGIAri azaldu dioenaren arabera auzitan daude. Beste biak etxebizitza turistiko gisa esplotatzeko baimenik ez du, baina alokairuan ditu.

PPko Antépararen Luxury enpresa zigortu du laugarrenez Gasteizko Udalak legez kanpoko obrak egitea egotzita

2025-05-19

Hirigintza Sailak Luxury Rental Apartments SL enpresa zigortu du 2025eko urtarrilean, Pintore kaleko etxebizitza batean obra “klandestinoak” egitea egotzita. Enpresako partaidetzen %50 Gustavo Antépararena da, eta administratzailea bere bikotekidea. Antépara PPko kide esanguratsua da, besteak beste zinegotzia da Gasteizko Udalean eta EAEko PPko buru Javier de Andrésen hurbilekoa.

Gasteizko Hirigintza Saila eta gardentasuna: urtebete eskaera ofizialei erantzunik eman gabe

2025-05-19

ARGIAk hamaika aldiz eskatu dio Gasteizko Hirigintza Saileko Eraikuntza Zerbitzuari, urte batez, bi espedienteren inguruko informazioa. Hainbat aldiz ziurtatu zaio hedabide honi informazioa igorriko zitzaiola. Inoiz ez dute egin, eta hainbat hitzordu eta eskaera ofizial utzi ditu sailak erantzun gabe.

PPko Antepararen “inpunitatea” salatu dute Luxuryren obrek kaltetutako hainbat bizilagunek

2023-12-18

Alain Luxury enpresak Gasteizko Alde Zaharreko Hedegile kalean duen pisuaren azpiko etxebizitzan bizi da, lehen solairuan. ARGIArekin harremanetan jarri zen Luxury enpresaren eta Gustavo Antepararen ibileren inguruko erreportajeak irakurri ostean, hainbat arazo izaten ari zelako enpresarekin eta PPko kidearekin. Salatu du baimenik gabe burututako obren ondorioz kalteak izan zituela eta izaten ari dela oraindik ere etxean, eta Anteparak oldarkor eta gezurrekin erantzun diela bere eskaerei. Elkarrizketa egiteko Hedegile kaleko atarira hurbiltzean, kasualitateak eragin du obra berdinengatik kaltetutako beste bi bizilagunekin topo egitea. Bere lekukotza ere jaso du ARGIAk labur-labur. ARGIA Antéparararekin harremanetan jarri da telefono bidez, bere bertsioa jasotzeko, baina ez du adierazpenik egin nahi izan.

Gasteizko Udalak isunak ezarri dizkio Luxury enpresari obra “klandestinoak” egiteagatik

2023-12-11

Hedegile eta Pintore kaleetako bi etxebizitzetan baimenik gabe eginiko eraberritze lan integralengatik isun bana ezarri dio udalak Gasteizko PPko kide Gustavo Antéparak sortu zuen Luxury Rental Apartments enpresari. Arau urratzeagatik 500 eta 5.000 arteko isuna aurreikusten du legeak, eta bi kasuetan 500 eurokoa ezarri dio udalak.

PPk mailaz igo du pisu turistikoak legez kanpo ustiatu dituen Antépara: Gasteizko udal taldeko aholkulari

2023-12-11

Gustavo Antépara Gasteizko Alde Zaharrean pisu turistikoak baimenik gabe ustiatu dituela eta bertan obra “klandestinoak” egin dituela argitaratu zuen ARGIAk 2023ko apirilean. Maiatzeko hauteskundeen osteko berregituraketan, Arabako eta Gasteizko PPko kide esanguratsua hirigintzako 21 Zabalgunea sozietate publikoko administrazio kontseilutik kendu du alderdiak bi legegintzaldiren ostean. Ardura berria eman diote, ordea: udal taldearen aholkulari izendatu du, hilabeteko 3.449,14 euroko soldatarekin.

PPk informazio faltsua eman die kazetariei, Gustavo Antépara errugabetu nahian

2023-05-09

Gasteizko PPko kide Gustavo Antépara: obra “klandestinoak” legez kanpoko pisu turistikoetan ikerketa erreportajea argitaratu zuen esklusiban ARGIAk apirilaren 25ean. Hainbat hedabidek jaso zuten bere edukia hurrengo egunetan. PPk Antépararen errugabetasuna defendatu du, eta hori frogatu nahian Antéparak berak alderdiaren eskutan utzi dituen dokumentuak erakutsi dizkie horrela eskatu duten kazetariei, tartean ARGIAri. ARGIAk, bere aldetik, Antéparak emandako informazioa faltsua dela frogatzen duten dokumentuak erakutsi dizkio PPri. Alderdiak, hala ere, Antépara babesten jarraitzeko hautua egin du.

Gasteizko PPko kide Gustavo Antépara: obra “klandestinoak” legez kanpoko pisu turistikoetan

2023-04-26

Gasteizko Udalak hiru espediente behintzat ireki dizkio Gustavo Antépara presidente den Luxury Rental Apartments enpresari, Alde Zaharreko Pintore eta Hedegile kaleetako hiru etxebizitzatan “obra klandestino” handiak egiteagatik. Pintore kaleko etxebizitzak pisu turistiko bezala ari da ustiatzen aspalditik, horretarako baimenik ez badu ere. Antépara, batetik, Gasteizko PPko kide esanguratsua da. Zinegotzi izan zen 2016-2019 aldian, eta maiatzeko hauteskundeetarako Araba zein Gasteizko zerrendetan doa. 2015etik 21 Zabalgunea sozietate publikoko administrazio kontseiluko kidea da PPren ordezkari gisa; bertan hartzen dituzte hirigintzari loturiko erabaki nagusiak Gasteizen. Bestetik, Alde Zaharreko etxebizitzak turistifikatu ahal izateko udal araudiaren aldaketa bultzatu du Antéparak, Arabatur elkartearen bitartez eta elkarteko presidente Pilar Perosanzekin lankidetza zuzenean. Hori guztia frogatzen duten dokumentuak eta lekukotzak eskuratu ditu ARGIAk.

Antépara PPren Gasteizko eta Arabako maiatzeko hautes zerrendetan doa

2023-04-26

Gustavo Antépara Gasteizko PPko kide esanguratsua da. Javier Marotoren ordez sartu zen PPko zinegotzi 2016an 2019 arte, eta maiatzean egingo diren hauteskundeetan PPren bi zerrendatan doa: Araban (hamalaugarren postuan) zein Gasteizen (zazpigarrenean).

Nor da Arabaturreko presidente eta Luxuryren administratzailea?

2023-04-26

2022ko uztailaren 1ean Gustavo Antéparak Luxury Rentals Apartments enpresako “administratzaile bakarra” izateari utzi zion, eta bere postua Pilar Perosanzek hartu zuen. Perosanzek Pintore eta Hedegile kaleetako etxebizitzetako obren izapideak egin ditu udalean Luxuryren izenean. Perosanz Arabatur elkarteko presidentea da; elkarteak lobby lana egiten du udalak Gasteizko eta bereziki Alde Zaharreko etxebizitzen turistifikazioa onartu dezan. Perosanz eta Antépararen arteko lotura estuak azaleratu zituen ARGIAk Nor dago Gasteizko etxebizitza turistikoen lobbyaren atzean? ikerketa erreportajean: orain, lankidetza zuzenean ari direla frogatzen dute ARGIAk eskuratutako informazio berriek.

"Lotsagarria litzateke etxebizitza turistikoen araudia pertsona horiek baldintzatzea"

2023-04-26

Hamarkadak dira Gasteizko Alde Zaharreko eragile eta auzokideek salatzen dutela udaletik bultzatzen den auzo eredua, turismoan eta gentrifikazioan oinarrituta. Eredu horren azken aurpegia da etxebizitza turistikoena, auzoan kontrako ahotsak altxatu dituena. Gasteiz Txiki auzo elkarteko Manu Arakamarekin hitz egin dugu kontrakotasunaren zergatiez, etorri daitekeenaz eta hori geldiarazteko moduez. Baita etxebizitzen turistifikazioaren bultzatzaile nagusien legez kanpoko jardunaz ere, ARGIAk ezagutzera eman duena.

Esku batekin etxebizitzak erosi, bestearekin araudia moldatu

2021-06-01

Gasteizko Alde Zaharreko etxebizitzen turistifikazio ahaleginaren aurpegi publikoak Arabatur elkartea eta bere presidente Pilar Perosanz dira. Baina bada beste pertsona bat, publikoki horrela agertu ez bada ere: Gustavo Antépara Benito. Berak eta Luxury Rental Apartments bere enpresak, Arabatur eta Perosanzekin lotura zuzenak dituzte. Antépara Gasteizko PPko kide garrantzitsua da: zinegotzi izan zen 2016-2019 artean Gasteizko Udalean; eta 2015etik 21 Zabalgunea sozietate publikoko kontseilu administrazioko kidea da PPren ordezkari bezala. Hor hartzen dituzte hirigintzari loturiko erabaki nagusiak Gasteizen. Auzokideen artean kezka eta kontrakotasun handiak sortu dituzte Arabaturren ekimenek. Alde Zaharreko etxebizitzen turistifikazio saiakeraren atzean dauden zenbait pertsona, enpresa eta interesen inguruan argia egiten saiatu gara.