Donostiako metroa?

Donostiako metroaren lanetako gainkostua argitzeko eskatuko du EH Bilduk

2025-03-04

Satorralaia plataformak Donostiako Metroaren Mirakontxa-Easo zatiko lanek “%164ko gainkostua” izan dutela salatu zuen joan den astean, eta, horren harira, EH Bilduk gainkostu hori argitzeko eskatu du, Eusko Legebiltzarrean erregistratutako galdera sorta baten bidez.

Donostiako metroko Mirakontxa-Easo zatiaren lanek %164ko gainkostua dutela salatu dute

2025-02-26

Satorralaia plataformak eman du gainkostuaren berri, informazioa Jaurlaritzari eskatutako txosten batetik aterata. Donostiako metroaren Mirakontxa-Easo zatiaren lanak 53 milioi eurotan esleitu ziren, eta egungo aurrekontua 139,4 milioi eurokoa da. Donostiako metro-pasantearen obra orokorrari dagokionez, 2016an 172 milioi euroko aurrekontua zuen, eta egungo aurreikuspena 280 milioi eurokoa da. Gainkostua metroa "kosta ahala kosta" egitearen ondorioa dela salatu du plataformak, herritarrek "behargabekotzat" jotzen badute ere.

Metroaren lanen ondorioz, atzo Donostiako eraikin batetik erlaitz eta balkoi zatiak erori zirela salatu dute

2023-03-09

Satorralaiak mugimenduak azaldu duenez, asteazken eguerdian gertatu da Urbieta eta San Martin kaleetan. Eraikina joan den urtarrilean kalteak jasan zituen beste eraikin baten alboan dago.

Donostiako metroaren lanek eraikin batean eragindako pitzadura salatu du Satorralaiak

2023-02-22

Donostiako Zubieta kaleko eragin baten patioan agertutako arrakala "itzel" gisa deskribatu du mugimenduak. Lanak hasi zirenetik bost urte igaro direnean, Donostiako metroaren eraikuntzan egiten ari den "baliabide publikoen xahuketa etengabea" eta obra Donostian sustatzen ari den "politika urbanistiko kaltegarrien baitan" kokatzen dela salatu du Satorralaiak.

Metroaren lanek beste pitzadura bat eragin dutela salatu du Satorralaiak

2023-01-13

Satorralaia bizilagunen mugimenduak Donostiako Metroaren eraikuntza lanek Loiola kalearen eta San Martinen arteko izkinan dagoen eraikinean –Erviti musika denda zegoen tokian– eragindako kalteak salatu ditu.

Eusko Jaurlaritza Donostiako metroaren pasantearen lanek kaltetutako bizilagunak "isilarazten" ahalegintzen ari dela salatu du EH Bilduk

2021-09-15

Donostiako metroaren lanetan kaltetutako Zarautz hiribideko eta Zubieta kaleko eraikinetako hainbat bizilaguni kalte-ordainak eskaini dizkiete gutun bidez. Donostiako EH Bilduk salatu du haiek "isilarazteko" saiakera dela.

Xabier Albistur, Donostiako alkate-ohia: “Metroa alferrikako obra da”

2021-09-02

Donostiako alkate izandako Xabier Albisturrek metroaren egungo obren kontrako iritzia azaldu du Diario Vasco egunkariak egindako elkarrizketa batean. Bere ustez proiektua ez da nahikoa “anbiziotsua, obrak suposatzen duen inbertsiorako”.

Donostiako metroko lanen irregulartasunak eta horiek salatzeagatik pairatutako mehatxuak salatu ditu langile batek

2021-05-26

Donostiako metroko obretan kamioilari gisa lan egiten du Imanolek, eta bere testigantza eman dio Berriari. Irregulartasunak eguneroko ogi direla salatzeaz gain, horiek auzitara eramateagatik jasandako mehatxuez eta kalte psikologikoaz mintzatu da.

Donostiako Metroko zuloa orain arteko handiena dela esan du ETS-k

2021-05-25

Euskal Trenbide Sareak Donostiako Metroaren obretan agerturiko azken zuloa aurrekoak baino lau aldiz handiagoa dela adierazi du. Maiatzaren 7an eragindako zuloak 138 metro kubiko dauzka.

Donostiako metroko obrek sortutako azken zuloa aurrekoen hirukoitza da EH Bilduren arabera

2021-05-13

Pasa den astean Donostiako Zubieta kalean agerturiko zuloa estaltzeko 100 metro kubo hormigoi behar izan dituztela jakinarazi du EH Bilduko zinegotzi Garbiñe Alkizak, eta azkeneko honen tamaina aurrekoen hirukoitza dela.

Hirugarren zulo bat agertu da Donostiako metroaren lanetan

2021-05-07

Donostiako EH Bilduk salatu duenez beste zulo bat agertu da metroaren obretan, oraingoan Kontxako hondartzako kabinetan. Herritarren eta langileen segurtasuna arriskuan jartzen dutelako eta dagoeneko atzerapen eta gainkostu handiak pilatzen ari delako "zentzugabekeria" gelditzeko eskatu du EH Bilduren udal taldeak.

Donostiako metroan izandako istripu baten ondorioz langile bat ospitaleratu dute

2021-01-29

Donostiako metroaren lanetan istripua izan da ostiral goizean, Benta Berriko tunelean. Oraindik informazio xeherik ez badago ere, ARGIAk jakin ahal izan du kofratua egiten ari zen langile bat dela zauritua eta ospitalera eraman behar izan dutela anbulantzian.

"Hormigoiaren mafia ala Euskal Errepublika" lelopean, Donostiako Metroaren sarbideetan ekimena egin dute

2020-12-14

Euskal Errepublikaren aldeko Ehun mugimenduak larunbatean Donostiako metroaren lau tunelen sarreretan pankartak jarri ditu. "Metroaren zuloak frankismotik datorren eta 78ko erregimenarekin jarraitu duen sare klientelar-mafiosoaren adierazlerik ilunenak dira", salatu dute.

EH Bilduk, Elkarrekin Donostiak, ELAk, LABek eta Satorralaiak Donostiako metroko obrak gelditzeko eskatu dute

2020-11-18

Donostiako Kontxa hondartzatik gertu dagoen Zubieta kalean metroko obretan berriro ere zulo bat agertu da astearte goizean. Horren harira, hainbat sindikatu, alderdi eta kolektibok obrak berehala gelditzea eskatu diote Eneko Goia Donostiako alkateari.

Donostiako metroaren lanek beste zulo bat eragin dute Zubieta kalean

2020-11-17

Kontxa hondartza ondoan dagoen Zubieta kalean, metroko obretan berriro ere zulo bat agertu da astearte goizean. Trafikoa moztu behar izan dute udaltzainek eta Donostiako alkateak adierazi du badirudiela ekainean gertatu zen zuloarekin zerikusia duela, modu horretan aitortuz metroaren obren ondorio izan dela. Larunbatean protesta jendetsua egin zuten azpiegitura hau egiteari uzteko, diru publikoa behar sozialetara bideratzeko eta ardurak argitzeko eskatuz.

Metroa gelditzeko eta lanek eragin dituzten kalteen ardurak argitzeko eskatu du martxa jendetsuak Donostian

2020-11-16

Satorralaia bizilagunen mugimenduak deituta, hainbat herritar kalera atera dira protesta egitera Donostian. Proiektuak izango duen gainkostua salatu eta lanak bertan behera uzteko exijitu dute.

Donostiako metroaren aurka larunbatean egingo den manifestaziora joateko deia luzatu du Satorralaiak

2020-11-12

Satorralaia bizilagunen mugimenduaren ustez metroaren lanak eten behar izatean “proiektuaren zentzugabekeria egiaztatu baino ez du egiten”. Manifestazioa azaroaren 14an abiatuko da eguerdiko 12:00etan Koldo Mitxelenatik.

Donostiako metroaren igarobidearen gainkostua salatzeko elkarretaratzea egingo du EH Bilduk

2020-10-21

Larunbaterako elkarretaratzera deitu du EH Bilduk Zentzugabekeriak goia jo du; metroaren gastua lehentasun sozialetarako lelopean. 12:00etan izango da Euskal Trenbide Sareak Amarako topo geltokian duen bulegoaren aurrean. “Donostian jende gehienak ondo daki ez dela beharrezkoa eta, gainera, oraintxe bertan beste lehentasun batzuk daudela”, azpimarratu dute.

Auzitegiak ebatzi du enpresak kamioilariari kalte moralak ordaintzea, gehiegizko pisua garraiatzeagatik

2020-06-23

EAEko Goi Auzitegiak ebatzi du Donostiako metroan lanean ari den kamioilari batek Gehienezko Pisu Baimendua baino gehiago garraiatu behar izan duela eta nahiz eta ez duen istripu edo lesio zehatzik jasan, Bizi eta Osasun Fisikorako eskubidea urratu zaiola.

Donostiako metroko lanek eraikin gehiago "desegonkortu" dituztela dio Satorralaiak

2020-06-18

Satorralaiak gogorarazi du 2019an Donostia Defendatuz koordiankundeak txostena aurkeztu zuela, hiriko hareatzetan azpiegiturak sortuko zituen arriskuen inguruan alarma jotzeko. Datorren igandean elkarretaratzea egingo du metroaren kontrako kolektiboak, salatzeko ekainaren 5ean tuneleko obretan gertaturiko hondoratzea.

Donostiako Metroaren lanak gelditzeko eskatu du ELA sindikatuak

2020-06-10

Hilaren 5ean Donostiako Metroaren lanek Zubieta kalean lur jausi bat eragin ondoren, lanak gelditzeko eskatu du ELA sindikatuak, “langileen eta herritarren segurtasuna bermatu arte”. Hain zuzen, Mariezcurrena S.L., Zubieder, Campezo, Sacyr eta Cavosa enpresek osatutako Aldi Baterako Enpresa Elkartearen (ABEE) –Eusko Trenbide Sareak (ETS) sustatutako Donostiako Metroaren Mirakontxa-Easo zatiaren lanen arduraduna da ABEE hori– aurkako salaketa aurkeztu du ELAk Gipuzkoako Lan eta Segurtasun Ikuskaritzan.

Metroko obren ondorioz, bi eraikin desalojatu behar izan dituzte Donostian

2020-06-05

Donostiako erdialdean, Zubieta kalean dago lau izarreko hotela eta honekin batera Hegalak izeneko gimnasioa eta beste eraikin bat ere desalojatu dituzte, Sos Deiak jakinarazi duenez “ur jario baten” ondorioz. Metro polemikoaren obrak egiten ari dira hor azpian. Hasieran Nekane Arzallus zinegotziak ukatu egin du metroaren obrekin zerikusirik zuenik gertatuak.

Ur-jauzia izan da Donostiako metroaren obretan

2020-06-03

Donostiako metroko obretan ur-jauzia hasi da langileak tunelaren zulaketa-lanetan ari zirenean.

Donostiako metroan ez zuten lanak geratzeko agindua errespetatu eta istripu bat gertatu zen

2020-05-05

"Litekeena da hamabost egun barru ni kaleratzea". Horixe dio Victor Gonzalo Riffok, asteartean Berriak argitaratu duen elkarrizketan izen-abizenak emanez publikoki adierazi duenez. Gonzalo Riffo Donostiako metroko langilea da eta publikoki salatu du besteren artean, soilik funtsezko lanak egiteko agindu zutenean, metroko obretan mantenimendu lanak egitera bidali zutela. Lan istripu bat gertatu zela ere jakinarazi du: Cavosa-Sacyr enpresako mekanikari batek istripu bat izan zuen makina batekin.

Satorralaiak metroaren aurkako protesta egin du Donostian legebiltzarkideen aurrean

2020-01-23

Pio Barojako obragunean egin dute elkarretaratzea, Eusko Legebiltzarreko Ekonomiaren Garapen eta Azpiegitura Batzordeko kideek Donostiako Metroaren obrara egin duten bisitarekin batera.

Eneko Goiak ez die beren egoera azaltzen utzi luiziak kaltetutako herritarrei

2019-11-21

Donostiako Antiguo auzoan izandako luiziaren ondorioz etxean sartu ezinik geratu diren auzotarrak udal plenoan izan dira ostegun goizean. Eneko Goia alkateak ez du haien iritzia entzuteko baimenik eman, batzarraren araudia errespetatu behar dela argudiatuz.

Lur-jausia izan da Donostian metroko obrekin zulatzen ari diren mendian

2019-11-19

Antigua auzoan jazo da lur-jausia, gas jarioa eraginez. Auzotarren arabera, Donostiako Udalak mendi magalaren egoera “ezegonkorra” ez du kontuan hartu metroaren obrei ekiterako orduan.

Donostiako metroaren segurtasun neurriak ere auzitan

2019-11-07

Hans Heydemann ingeniari alemaniarrak 80 urte bete berri ditu. Bere hirian, Stuttgart 21 bataiatutako 60 kilometroko lurpeko tunel festa erraldoiaren aurkako borrokan murgilduta daramatza urteak. Suteen aurkako prebentzioa eta larrialdi irteerak ditu espezialitatea. Satorralaia elkarteak ekarri du Donostiara metroaren proiektua medio. Planoetan ikusi dute larrialdi irteera bakarra jarri nahi diotela, eta honek 500 metroko luzera eta 400 eskailera maila dituela. Horrekin, fiskaltzan salaketa jarri dute “segurtasun kolektiboaren kontrako delitua” izan daitekeen ikertzeko eskatuz.

Eusko Jaurlaritzaren Gobernu Kontseiluan protesta egingo du Satorralaiak

2019-08-27

Eusko Jaurlaritzak Gobernu Kontseilua egingo du Miramar jauregian ostegunean, abuztuaren 29an. Hori dela eta, Satorralaia bizilagunen mugimenduak “Metroaren aurkako oposizioa adierazteko” martxa deitu du egun horretarako, Arantxa, tapia el metro, eta kitto! lelopean. Mobilizazioa Kontxako erlojuetatik abiatuko da, 10:30ean.

Donostiako metroko obretan langileek 19 ordu sartzen dituzte jarraian, ELAk salatu duenez

2019-07-15

Donostiako metroa egiteko obretan, Mirakontxa eta Easo arteko zatian, azpikontrataturiko langileak egoera prekarioan ari direla salatu du ELAk, gehiegizko lanaldiak eginez erritmo handiarekin. Lan ikuskaritzan jadanik lau salaketa jarri ditu sindikatuak.

Klima aldaketaren aurkako mobilizazioak Donostian

2019-03-07

Klima aldatzen duten proiektuekin amaitzeko eskatu dute Donostian Errausketaren Aurkako Mugimenduak eta hainbat eragilek deitutako mobilizazioetan.

Donostiako metroaren obrek etxebizitza batean dagoeneko pitzadurak eragin dituztela salatu dute

2019-02-27

Donostiako metroaren obrek hiriko lurpe hareatsuan zimendatuta dauden Cortazar zabalguneko eraikinetan arrisku larriak dakartzatela ohartarazi du Donostia Defendatuz koordinakundeak. Etxebizitza batean dagoeneko agertu diren pitzadurak erakutsi dituzte (ikusi argazkia).

"Bizitzeko baino, negoziorako ari dira eraikitzen Donostia, herritarren kaltetan"

2019-01-17

"Donostia Defendatuz izenarekin, hiriaren defentsan kezka bertsuak partekatzen ditugun zenbait talde eta herri-mugimenduk hirigintza garbi, partehartzaile eta jasangarri baten aldeko koordinadora ez-alderdikoi bat sortzea erabaki dugu". Hala aurkeztu dute beren burua ondorengo eragileek asteazkenean Donostiako udaletxearen kanpoaldean eskaini duten prentsaurrekoan: Dendartean, Ondare-SS, Satorralaia, Uliako Auzo Elkartea, Bizilagunekin, Belartza 2 Gelditu plataforma eta Haritzalde talde naturalistak.

Donostiako metroari ezetz esateko martxa eta eltze-jotzea antolatu dute

2018-12-12

Beste behin, Donostiak ez duela metroa behar aldarrikatzeko kalera aterako dira herritarrak, abenduaren 20an. Hainbat bizilagunek egindako salaketen aurrean Udala “entzungor egiten ari dela eta pertsonen eskubideak ezerezean uzten dituela” salatu nahi dute.

Donostiako Metroari Stop (abestia)

2018-07-04

Donostiako Metroaren aurkako abestia bidali digute ARGIAra.

Egilea: Antiguo Revolution Zaunk System.

Autobus elektrikoaren aurkezpenean, metroa "aukerarik txarrena" dela salatu dute Donostian

2018-06-13

Donostian zirkulazioan jarriko duten dBus-en 28 zenbakiko autobus elektriko berriaren aurkezpenean protesta egin du Satorralaiak. Gipuzkoako Diputatu Nagusi Markel Olano eta hiriko alkate Eneko Goia aurkezpenera batu direnean, "Donostian busean bai, metroa ez dugu nahi!" aldarrikatu dute oihuka hainbat lagunek.

Abian da hamar orduko kontzentrazioa metroa gelditzeko eskatuz Donostiako udaletxe aurrean

2018-05-29

Hainbat talde sozial eta erakunde Donostiako Metro-pasantearen aurka hamar orduko kontzentrazioa egiten ari dira. 10:00etatik 20:00etara ordu beteko txandak egingo dituzte, protestara biltzen diren herritarrekin batera. Ondorengo eragileek batu dituzte indarrak ekimenean: Satorralaia bizilagunen mugimendua, Ikasle Abertzaleak, Stop Desahucios, Dbus-eko langileen Kurpil elkartea, Ongi Etorri Errefuxiatuak, Podemos-Ahal Dugu, Equo, LAB, Juventud Combativa, Stop Metroari Antiguon, Eguzki, Erraustegiaren Aurkako Mugimendua, Eleak-Libre eta Bizilagunekin plataforma.

Donostiako metroaren lanetako hondeamakinen kristalak hautsi dituzte ezezagunek

2018-05-11

Donostiako Antigua auzoan, Pio Baroja kalean egiten ari diren metroaren lanetako lau hondeamakinen leihoak hautsi ditzute goizaldean, ETS Eusko Trenbide Sareak salatu duenez. Azpiegitura proiektu honen lehen tunela han zulatzen hasi dira. Ekintza ez du inork hartu bere gain.

Txosten batek agerian utzi du Donostiako metro-pasantea ez dela bideragarria

2018-05-10

Donostian eraiki asmo den metro pasanteari buruzko txosten teknikoa garatu du bizilagunen lantalde batek, eta bertan auzitan jartzen da Eusko Jaurlaritzak pasanteari emandako inbertsioa bideragarria ote den.

Donostiako Metroaren pasantearen aurka ekintza ugari antolatu dute

2018-04-26

Donostiako metro-pasantearen kontrako Satorralaia mugimenduak ekimen ugari antolatu du maiatzean, ekainaren 2ko manifestaziorako deialdia indartu asmoz.

Donostian metroaren aurkako protesta egin dute lanak hasi dituzten lekuan

2018-03-02

250 bat lagun batu dira Donostiako Antigua auzoan hasi dituzten metroaren lanetan, Satorralaiak deituta. "Hiritarrok argi dugu: Stop metroari" lemapean kontzentrazioa egin dute Zarautz etorbidean.

Donostiako metroaren obretan kontzentrazioa deitu dute datorren ostegunerako

2018-02-22

Datorren ostegunean, martxoaren 1ean, Antiguan hasi dituzten Donostiako metroaren obretan kontzentrazioa deitu du 17:30ean Satorralaia bizilagunen mugimenduak Hiritarrok argi dugu: stop metroari lelopean.

Satorralaiako kide bati 'Mozal Legea' ezarri izana salatu dute Donostian

2018-02-12

Donostiako auzitegian bildu dira protestarako. Epaiketa emaitzaren zain gelditu da. Ertzaintzak ehun euroko isuna jarri zion norbanako bati, 2016an ustez kontzentrazio baten kokagunea baimenik gabe aldatzeagatik. Honek helegitea jarri zuen.

Herri mugimendu ugari elkartu zituen kontzentrazioa Mozal Legearekin zigortu izana salatuko dute

2018-02-07

Datorren asteartean, otsailaren 13an, 9:00etan Mozal Legearen aurkako kontzentrazioa deitu dute Donostiako epaitegiaren aurrean. Metroa gelditzeko Satorralaia bizilagunen mugimenduko kide bat zigortu dutela eta honek helegitea jarri duela baliatu dute deialdia egiteko. 2016ko azaroaren 16an, Donostiako Udalak bere buruari "demokraziaren munduko hiriburu" deitu ziola baliatuz, udaletxearen aurrean herri mugimendu ugarik egin zuten protestaren harira zigortu dute.

Donostiako metroko obretan baso-mozketa baimendutakoaren bikoitza izan dela salatu du Satorralaiak

2017-12-28

Donostiako Antiguako hainbat eremutan zuhaizti eremu zabalak kaltetu zituzten metroko obrek joan den abenduaren 12tik 15era egindako baso-mozketek. Eguzki talde ekologistak eta auzotarrek jo zuten alarma.

Donostiako Metroa geratzeko eskatu dute beste behin Donostian

2017-12-20

Gipuzkoa Plazatik abiatuta Donostiako udaletxera egin duten protestan berrehun lagun inguruk metro pasantearen lanak geratzeko eskatu dute. Parte-hartze prozesu bat irekitzeko eskatuz 9.000 sinadura aurkeztu zituztela gogoratu eta proiektua inposizio gisa ikusten dutela azaldu dute. Eusko Jaurlaritza eta Donostiako Udala jo dituzte errudun.

Donostiako Udaletxea inguratuko du giza kate batek, metroaren proiektuan herritarrei ahotsa ematea eskatzeko

2017-12-19

“Inposaketaren aurkako eta parte hartzearen aldeko” martxara deitu du Satorralaiak, Donostian metroa egiteko egitasmoari aurre egiteko sortutako mugimenduak. Asteazkenean hasiko da mobilizazioa, 17:30ean Gipuzkoa Plazan, eta Alderdi Ederrera iritsitakoan giza katea antolatuko da Udaletxeko eraikina inguratzeko.

"Partaidetza bai: metroaren inposaketari ez" lelopean martxa deitu du Satorralaiak

2017-12-14

Abenduaren 20an 17:30ean Gipuzkoako Aldunditik Donostiako udaletxera martxa egingo dute Satorralaiak deituta egun horretan udalbatzarra egingo baitute. “Metro igarobidea geldiarazteko eta auzi honetan herritarren partaidetzari bideak irekitzeko” eskatuko dute.

Donostiako Metroaren lanetan leherketak egitea aurreikusia dagoela salatu dute, Jaurlaritzaren hitzak gezurtatuz

2017-11-28

Donostiako Metroaren lanen harira, Moyua enpresaren izenean "gutun faltsuak" banatu dituztela salatu du Eusko Jaurlaritzak. Bertan bizilagunei ohar egiten zitzaien leherketak izango zirela lanek iraun bitartean. Satorralaiak eta Antiguon Metroa Gelditu mugimenduek ez dute beren gain hartu gutunaren zabalkundea, baina salatu dute Gasteizko gobernua gezurretan ari dela, lehergailuak erabiltzea jasota baitago 2012an onartu zuten Donostialdeko Metroaren Ingurumen-Inpaktuaren Deklarazioan.

Donostiako Metroaren aurkako mugimendua Antiguon indar hartzen ari da

2017-11-24

Ostegunero batzar irekia egiten hasi dira Antigua auzoan metroaren pasantearen lanak nola geratu eztabaidatzeko. Azaroaren 24ean 90 lagun batu dira. Behin amaitutakoan, Zarautz etorbidean jarritako hesiak kendu dituzte, pankarta bat jarri eta pinkateta bat egin. Udaltzaingoak ezabatu egin du eta gauez berriro egin dute pintaketa bera. Metro pasantearen proiektua aurkeztu zela urte batzuk igaro diren arren, lanen hasierarekin batera giroa berotzen hasi da Gipuzkoako hiriburuan.

Manifestazio jendetsua Donostian metroari ezetz esateko

2017-11-20

3.000 pertsona inguru elkartu dira Donostiako metroaren egitasmoari aurka egiteko. Larunbatean izan zen protesta “Stop metroari, inposaketarik ez” lelopean. Satorralaia bizilagunen mugimenduak antolatutako ekintza izan zen, proiektu “xahutzailea, inposatua, eta behar gabekoa” dela salatzeko.

Donostiako metroko obren hasiera gelditzeko: laranja zukua... eta manifestazioa

2017-11-16

Gosari batekin egin die "ongi etorria" Satorralaia herritar taldeak Donostiako metroko obrei. Larunbatean manifestazioa egingo dute Antiguatik Alderdi Ederreraino.

Donostiako Metroaren lanak geldiarazteko mobilizatzera deitu dute

2017-11-15

Donostiako Metroaren lanak aste honetan hastekoak dira, eta egitasmoaren aurkako hainbat mobilizazio antolatu ditu Satorralaia mugimenduak. Ostegun goizean aldarrikapen gunea paratuko dute azpiegituraren lanak hasiko diren tokian, eta larunbaterako manifestaziora deitu dute.

Bizilagunen borrokak Donostian

2017-02-16

Donostiako Koldo Mitxelenan egindako mahai-ingurua ondorengo parte-hartzaileekin: Satorralaia, Metroaren pasantea gelditzeko bizilagunen mugimendua (Belen Martinez), Belartza 2 Gelditu (Mikel Esnaola), Uliako Lore Baratzeak (Leire Rodriguez), Sos Miracruz 19 (Josean Arrieta), Errausketaren aurkako Donostiako plataforma (Juanmi Malatas). Aurkezle eta moderatzailea: Lander Arbelaitz (ARGIAko kazetaria).

Donostiaren elitizazioa azeleratzen ari da

2016-07-27

Donostiako botere faktikoek hiria eraldaketa prozesu batean murgilduta daukate instituzioen laguntzarekin. Geroz eta garestiagoa den hirian, “proiektu estrategikoak”, turismoa erakartzeko politikak eta etxebizitzekin negozioa egiten duten higiezinen interesak elkarri lotuta doaz. Ikus dezagun gertuagotik zer ari den gertatzen, ziurrenik, urte gutxian ezberdina izango baita 2016ko Europako Kultur Hiriburua.