CSN

Garoña itxita, besteak zabalik

2017-03-28

Joan den larunbatean azalean zekarren El Correo-k: Nuclenorrek aitortu du Garoña berriro martxan ipintzea ekonomikoki bideraezina dela. Vocento taldeko egunkariek jaso dutenez, zentral nuklearraren jabeengandik oso hurbileko iturriek baieztatu diete Nuclenor –erdibana Endesak eta Iberdrolak osatua– ez legokeela prest Garoña berriz pizteko beharko lituzkeen 205 milioiak gastatzeko. Horietatik, 170 inguru Espainiako Segurtasun Nuklearraren Kontseiluak (CSN) baldintza modura ipinitako hobekuntzei dagozkie. Horiek gabe zentrala ezin izango litzateke berriro ireki, 2031ra arte funtzionatzeko CSNk emandako onespenean zehazten denez.

Eusko Legebiltzarra Garoñaren berrirekiera galarazten saia dadin nahi du EH Bilduk

2017-03-14

Garoñako zentral nuklearra berriz irekitzeari Espainiako Segurtasun Nuklearraren Kontseiluak (CSN) emandako onespenaren aurka helegitea aurkez dezala eskatu dio EH Bilduk Eusko Legebiltzarrari. Mikel Otero legebiltzarkideak koalizioaren izenean azaldu duenez, Legebiltzarreko zerbitzu juridikoek auzia aztertu –EH Bilduren beraren eskariz– eta ebatzi dute CSNren erabakiaren kontrako bide judiziala hartzeko aukera badagoela.

CSNko teknikarien lana "aitortu gabeko helburuetarako" erabili izana salatu dute

2017-02-14

Espainiako Segurtasun Nuklearraren Kontseiluak (CSN) Garoñaren bizitza 2031ra arte luzatzeko baimena eman zuen otsailaren 8an; egun bereko iluntzean zabaldu zen zentralaren jabea den Nuclenorrek (Endesak eta Iberdrolak osatua) ez duela Garoña berriro martxan jartzeko asmorik. ASTECSN Kontseiluko teknikarien elkartearen ustez, “horrek indartu egiten du erakunde erregulatzailea aitortu gabeko helburuetarako erabilia izan delako tesia”.

CSNk onespena eman dio Garoña berriz irekitzeari

2017-02-08

Ez da ustekabekorik izan eta Espainiako Segurtasun Nuklearrerako Kontseiluak (CSN) oniritzia eman dio Garoñako zentralaren bizitza 2031ra arte luzatzeko eskariari, Kontseiluak berak eskatutako zenbait erreforma oraindik egin gabe badaude ere. Behin CSNk argi berdea emanda, Industria Ministerioari dagokio orain zentrala berriz martxan jartzeko baimena ematea edo ukatzea.

Garoñari bizitza luzatzea baldintza egokirik gabe erabakiko dutela salatu dute

2017-02-07

Espainiako Segurtasun Nuklearrerako Kontseiluak (CSN) datozen egunetan erabakiko du Garoñako zentral nuklearrak berriz ere funtzionamenduan jartzeko baldintzak betetzen dituen. Ordea, ASTECSN, Kontseiluko teknikariak biltzen dituen elkarteak salatu du erabakitze prozedura behar bezainbesteko gardentasunik gabe egin dutela, eta ez dagoela baldintzarik zentrala berriz abiatzea baimentzeko.

Garoña berriz irekitzearen aldeko txostena, gero eta hurbilago

2017-02-01

Espainiako Segurtasun Nuklearrerako Kontseiluaren (CSN) osoko bilkurak beste astebeteko epea eman dio bere buruari Garoñako zentralaren bizitza luzatzeko eskariaz erabakitzeko, otsailaren 1ean egindako bileraren ostean. Nolanahi den ere, itxura osoz zentrala berriro martxan jartzearen aldeko iritzia emango du CSNk.

Hemen ari da jokatzen espainiar nuklearren etorkizuna

2016-10-24

Otsailean iragarritakoa betetzen badu, Espainiako Segurtasun Nuklearrerako Kontseiluak urtea amaitu baino lehen emango du Garoñako zentrala berriro martxan jartzeko eskaerari buruzko txostena. Aldekoa balitz, eta litekeena da hala izatea, zentralaren jabeek hurbilago izango lukete itxura guztien arabera euren benetako helburua dena: parke nuklear osoaren bizitza luzatzea. Izan ere, 2012tik lo dagoen Garoña berpiztea ez litzateke batere negozio ona beraientzat. Edozelan, zaila da zer gertatuko den igartzea.

Arabako PPk Garoñako zentralarekiko duen jarrera hipokrita salatu dute

2016-02-11

Garoñaren Kontrako Foroak deituta, ehundik gora lagun –tartean hainbat alderdi politikotako ordezkariak– bildu dira Arabako PPren egoitza nagusiaren aurrean, Gasteizen, arabar popularrek zentralaren aferarekiko agertzen duten zurikeria salatzeko xedez.

Garoña berriz irekitzeko prozesua gelditu dadila eskatuko dute hainbat alderdik

2016-02-02

Greenpeace eta Ekologistak Martxan talde ekologistekin egindako bileran adostu dutenez, Espainiako Kongresuan ordezkaritza duten sei taldek eskatuko dute ez dadila har Garoñako zentral nuklearrari buruzko erabakirik gobernu berria osatu arte.