Ez “ondo esan beharko”, ez “hainbestean”: Otxandioko Aintzane Pérezek bere Facebook orrian idatzi du 2020an “pozik” sentitzen dela. Ertzaintzaren Zerbitzu Iraunkor Prebentibo Autonomiko Integratu Orokorrak kasua ikertu du eta mezuak bigarren zentzurik ez daukala ziurtatu duenean, patruila bat bidali du 37 urteko bizkaitarra atxilotzera. Estefania Beltran de Heredia jarduneko Segurtasun sailburuak esplikatu duenez, Ertzaintzaren ohiko jardueren artean dago jendea oso alai ez sentitzea, baina koronabirusaren krisia hasi zenetik neurri zorrotzagoak hartu dituzte poza guztiz eragozteko: “Otxandion pozak berragerpen txiki bat izan du, baina egoera kontrolpean dago. Euskadiko biztanleak triste eta miserable senti daitezen lanean jarraituko dugu”.