ARGIA mozalik gabe

Gasteizko Herritarren Defendatzaileak arrazoia eman dio ARGIAri: Polizia grabatzea eskubidea da

2021-01-15

Gasteizko udaltzain batek polizia operazio baten irudiak hartzea debekatu nahi izan zion mehatxuka ARGIAko kazetari bati 2020ko maiatzaren 7an. ARGIAk salaketa aurkeztu zuen Gasteizko Herritarren Defendatzailearen aurrean. Sindikoak arrazoia eman dio ARGIAri: Polizia grabatzea eskubidea da; herritar guztiona, ez soilik kazetariona. Sindikoari emaniko erantzunean, Udaltzaingoak berak onartzen du kazetariaren eskubidea. Udaltzaingoaren esanetan, “egon daitezke, kasuren batean, oker egon daitezkeen agenteak”, baina ez zen udaltzainaren aurkako neurririk hartu “diziplinazko arau hausterik ez zelako egon”.

ARGIAk eta HALA BEDIk kexa bana aurkeztu dugu Sindikoan eta Arartekoan, Poliziaren jarrera salatzeko

2020-06-25

Iragan maiatzaren 7an eta 8an ARGIAko eta HALA BEDIko kazetarion lana oztopatu zuen Poliziak Gasteizen, mehatxuak eta gezurrak erabilita. Bi hedabideok Ertzaintza eta Gasteizko Udaltzaingoaren jarrera salatu dugu Arartekoan eta Gasteizko Sindikoan aurkeztutako kexen bidez.

Mozala zaunka egiten duenarentzat

2020-06-02

Gasteizko udaltzain batek ARGIAko kazetari bati: "Mugikorra ez erabiltzeko agintzen dizut"

2020-05-12

Gasteizko Udaltzaingoa legea urratuz sartu zen okupatutako etxebizitza batean ostegun gauean. ARGIAko kazetari bat han zen lanean. Udaltzainetako bat, legeak dioenari muzin eginez eta gezurrak erabiliz, kazetariaren lana oztopatzen saiatu zen desalojoaren lekukotasun grafikorik egon ez zedin. Udaltzaina eta kazetariaren arteko audioak argi erakusten du gertatutakoa [ikusi behean].

2017ko martxoaren 19a

2019-11-13

Isilarazteko enegarren saiakera

2019-03-29

Nafarroan 3.000 aldiz aplikatu dute Mozal Legea Foruzaingoak eta udaltzainek

2017-05-15

Libre-Eleak mugimenduari esker eskuratu ditugu Nafarroako Gobernuaren menpeko Poliziak Mozal Legeari emandako erabileraren datuak. Hala, 2015eko uztailetik eta 2016ko abendura bitartean, Mozal Legea erabiliz, 11.000 isun jarri dituzte Hego Euskal Herriko bi Polizia autonomikoek. Bi legebiltzarretako gehiengoek legea behin baino gehiagotan arbuiatu izana ez da nahikoa izan milaka isunei amaiera emateko.

EAJ and PSOE's attempts at reform "to leave the law as it is"

2017-03-21

We will examine EAJ and PSOE's proposals for reforming the Citizen's Security Law – the Muzzle Law – in the following lines. As well as the the initiative against it taken by the Eleak-Libre organization.

No Joy for the Silent

2017-03-21

There have been important results a year after we stood up to the Muzzle Law and the fine which Spanish Government

mso-bidi-font-family:"Myriad Pro Light";color:black;letter-spacing:-.3pt;

border:none;mso-ansi-language:EU;mso-fareast-language:EN-US;mso-bidi-language:

AR-SA;mso-no-proof:yes"> the gave us under its terms. In the first case connected with journalism, the Muzzle Law has taken a step backwards. Those of us who have decided not to remain silent when confronted with human rights violations have a grin on our faces, having won another reason to carry on providing information and influencing.

Isiltzen denak zorionik ez du

2017-03-15

Urtebetez Mozal Legeari eta haren izenean Espainiako Gobernuak ezarri zigun isunari aurre egin izanak emaitza garrantzitsua ekarri du. Kazetaritzarekin lotutako lehen auzian Mozal Legeak atzera egin du. Eskubide urraketen aurrean isilik ez geratzea hautatu dugunok, irribarre txikia ezpainetan, informatzeko eta eragiten jarraitzeko beste arrazoi bat irabazi dugu.

Inoiz, inola, inon, ez gara isilduko

2017-03-13

Joseba Larratxeren ilustrazioak hartu du aste honetako ARGIAren azala. Titularra, Gabriel Arestiri keinu eginez: Inoiz, inola, inon, ez gara isilduko. Asteazkenetik aurrera kioskoetan, eta Argia Jendeak etxean. Proiektua babestu nahi baduzu, hemen aukera.

ARGIAren bidetik, Mozal Legea borrokatu

2017-03-13

Axier Lopez ARGIA-ko kazetariari epaiketaren atarian zuen isuna kentzeak Mozal Legea deuseztatzearen alde lan egiten dugun guztioi erakutsi digu posible dela lege injustuei aurre egitea. Kasu honek erakusten digu nola jokatu behar dugun injustiziaren aurrean: lehenik eta behin gertakaria jaso (kasu honetan argazkien bidez); ondoren publiko egin. Neurri errepresiboa, (isuna oraingoan), iritsi denean, isuna ordaintzeari uko egin eta kaltetuaren inguruan elkartasuna eraiki.

Mozal Legearen aurkako bataila hau irabazi dugu

2017-03-08

Lehen ere esan genuen. Ez genuela uste, jaso genuen zigorrean iradokitzen zen bezala, inori “baimenik eskatu” behar genionik gure lana egiteko.

Espainiako Gobernuak atzera egin du: ARGIAk irabazi du Mozal Legearen auzia

2017-03-08

ARGIAko kazetari Axier Lopezi ezarritako isuna bertan behera utzi du Espainiako Gobernuak, Javier de Andres EAEko Espainiako ordezkariaren bitartez. Hedabide honek isunari ezarritako helegitearen ondorioz, martxoaren 13an epaiketa egitekoa zen Gasteizen. Epaiketa egin gabe, ARGIAk ez du isunik ordaindu beharko kazetaritza egiteagatik.

The Spanish government stepped back: Basque magazine ARGIA has won the Gag Law lawsuit

2017-03-08

The Spanish government, via its Basque Autonomous Community representative Javier de Andres, has desisted from its attempt to fine ARGIA journalist Axier Lopez. As a result of the magazine's appeal against the fine, a trial was to be held in Gasteiz on March 13th. Without having to go to trial, ARGIA is free from having to pay a fine for its journalism.

Poza sareetan ARGIAk Mozal Legearen isuna gainditu ostean

2017-03-08

Ehunka lagunek adierazi zuten sare sozialetan beren poza, ARGIAk jakinarazi ostean Espainiako Gobernuak atzera egin zuela Mozal Legea aplikatuz ezarritako isunaren auzian. Bilduma egiten ari gara.

"Inortxok ere ez du Mozal Legea defendatu, polizien sindikatuak edo Carmelo Barriok salbu"

2017-03-02

Martxoaren 13an epaituko dute Axier Lopez, ARGIAko lankideekin batera erabaki eta gero Mozal Legearen ondorioz jarri zioten isuna ez ordaindu eta haren kontra egitea. Zumaiako Baleike-k elkarrizketatu du kazetaria.

Mozala askatu ezinik

2017-02-22

Hego Euskal Herriko herri mugimenduaren osotasunak eta herritarren gehiengoak arbuiatu dute Mozal Legea–Herritarren Segurtasunerako Legea PPrentzat–. Kazetari, abokatu talde eta legelari andana kritiko azaldu dira. EAEko parlamentua legea desobeditzeko prest agertu da –hitza bete ez badu ere–, eta Nafarroako eta Kataluniako parlamentua, Gipuzkoako Diputazioa, Espainiako Estatuko hainbat hiriburu legearen aurka azaldu dira. Oposizioko alderdi guztiek legearen aurka hitz egin dute. Espainiako Kongresuak bi aldiz eskatu du legea indargabetzeko. Lege batek gutxitan piztu du horrelako kontrakotasunik –kantitate eta kalitate aldetik–, baina errealitatea da mozala ezarri zutenetik urte eta erdi igarota, isunen eta eskubide urraketen kopuruak nabarmen gora egin duela.

Ertzaintzak Mozal Legea aplikatzen jarraituko duela esan du Beltran de Herediak

2017-02-20

"Ertzaintzaren irizpidea legea betetzea dela" esanez erantzun dio Eusko Jaurlaritzako Segurtasun sailburuak EH Bilduko Julen Arzuagaren galderari. Iazko ekainean Legebiltzarrak Mozal Legea ez aplikatzeko konpromisoa hartu bazuen ere, ordutik hona 2.857 isun jarri ditu Ertzaintzak lege hori baliatuta.

Kazetarien Euskal Elkargoak salatu du Espainiako Gobernuak ARGIAren kontrako isuna berretsi izana

2017-02-14

Euskal Kazetarien Elkarteak eta Kazetarien Euskal Elkargoak salatu dute Espainiako Gobernuaren EAEko Ordezkaritzak ARGIAko kazetari Axier Lopezi ezarritako isuna berretsi izana. Mozal Legea berehala indargabetzeko eskatu dute "diktaduraren garaira eramaten gaituen" legea delako.

Espainiako Gobernuaren ordezkaritzak uko egin dio ARGIAren kontrako isuna indargabetzeari

2017-02-13

Egun Alderdi Popularreko Javier De Andresek kudeatzen duen EAEko Gobernu ordezkaritzak berretsi egin du Mozal Legeak kazetari beti ezarritako lehen zigorra. Espainiako Arartekoak eskatuta eman dute erantzuna. Isun hori Espainiako Konstituzioak agintzen duenaren aurkakoa dela adierazi zuen Soledad Becerril Arartekoak iazko azaroan.

Mozal Legeak ARGIAri jarritako isuna kentzeko eskatu du Espainiako Arartekoak

2016-11-30

Axier Lopez ARGIAko kazetariari, Mozal Legea erabiliz, Espainiako Gobernuak ezarritako isunari buruzko iritzia eman du Espainiako Arartekoak, PDLI kazetarien elkarteak eskatuta. Argudio falta eta proportzionaltasun ezagatik zigorra bertan behera uzteko eskatu du.

ARGIAren mahaian dugu hitzordua

2016-11-24

Durangoko Azokara bazatoz, ARGIAren mahaian opari berezi bat duzu zain: Mozal Legeak ARGIAri jarri zion isunari erantzunez aurten atera dugun azala, poster bihurtuta. Horrelako erasoei aurre egiteko ARGIAren indarra jendea da. Horregatik, ARGIA-jende gehiago egitea eta bakoitzak ahal duen ekarpena egitea izango da aurten helburu nagusia. ARGIAren mahaian eskuratu ditzakezun liburu eta egutegien artean, aurten ere ez da saltsarik eta umorerik faltako. Pasa mahaitik eta esan ARGIAkoa zarela. Posterra emateko aitzakian, elkar ezagutzeko desiatzen gaude.

Mozal Legea ez aplikatzea erabaki du Eusko Legebiltzarrak

2016-06-22

Giza Eskubideen, Berdintasunaren eta Herritarren Partaidetzaren Batzordeak aho batez onartu du –PPk salbu– Mozal Legea Araba, Bizkaian eta Gipuzkoan ez aplikatzeko konpromisoa.

Espainiako Kazetarien Elkarteen Federazioak ere Ertzaintzak Bereziartuari egindako erasoa salatu du

2016-06-22

FAPE Espainiako Kazetarien Elkarteen Federazioak Ertzaintzak Gorka Bereziartua ARGIAko kazetariari egindako erasoaren salaketan babestu ditu Euskal Kazetarien Elkartea eta Kazetarien Euskal Elkargoa.

Zergatik urratu zuen Ertzaintzak informazio eskubidea?

2016-06-22

Gorka bereziartua ARGIAko kazetariari egin dio eraso oraingoan Ertzaintzak, Gipuzkoa Zutiken batzar baten nondik norakoak jasotzen ari zela. Grabatzen ari zela hurbildu zitzaion ertzain bat eta bere lana egitea eragotzi zion, kamara kentzeko ahaleginean lurrera botaz eta, galtzak eta jertsea apurtuz. Erasoaren aurrean, kazetaria zela argi adierazi zion Bereziartuak ertzainari, baina horrek ez zuen honen oldarra gerarazi. Bai eragotzi zuen, ordea, kazetariak bere lanarekin jarraitu ahal izatea,... [+]

Ertzaintzak Gorka Bereziartuari egindako erasoa salatu dute kazetarien elkarteek eta Hekimenek

2016-06-21

Euskal Kazetarien Elkarteak (EKE), Kazetarien Euskal Elkargoak (KEE) eta Hekimenek elkartasuna adierazi diote ARGIAko kazetari Gorka Bereziartuari, joan den igandean lanean ari zela Ertzaintzak egin zion erasoagatik. Ohar baten bidez, EKEk eta KEEk haserrea eta kezka adierazi dute "euskal poliziak bere burua profesional bezala identifikatzen duen kideari erasotzeagatik" eta Jaurlaritzari gertatua ikertzeko eskatu diote.

"Eusko Jaurlaritzak ez dezala Mozal Legea aplikatu"

2016-06-14

Giza Eskubideen Batzordean, Axier Lopez ARGIAko kazetariak eskaera zehatza egin die legebiltzarkideei: Jaurlaritzak ez dezala Mozal Legea aplikatu, herritarrei oinarrizko eskubideak murrizten dizkien kasuetan behintzat.

Informazio gehiago: http://www.argia.eus/albistea/eusko-legebiltzarra-mozal-legeari-aurre-egiteko-legez-besteko-proposamena-lantzearen-alde

Irudiak: Eusko Legebiltzarra

Eusko Legebiltzarra, Mozal Legeari aurre egiteko legez besteko proposamena lantzearen alde

2016-06-13

Giza Eskubideen Batzordean, Axier Lopezek eskaera zehatza egin die legebiltzarkideei: Jaurlaritzak ez dezala Mozal Legea aplikatu, herritarrei oinarrizko eskubideak murrizten dizkien kasuetan behintzat. EH Bilduk aurkeztutako legez besteko proposamenaren bidez gaia lantzearen alde agertu dira alderdi guztiak (PP ez da bertan egon).

Gipuzkoa Mozal Legerik gabeko lurralde izendatu dute Batzar Nagusiek

2016-06-08

ARGIAk aurkeztutako Mozal Legearen inguruko proposamena onartu dute Gipuzkoako Batzar Nagusiek. EH Bildu, PSE-EE, EAJ eta Podemosek elkarrekin aurkeztutako testuak jasotzen du Mozal Legea Gipuzkoan ez aplikatzeko konpromisoa.

Mozal legeari aurre egiteko epaiketara joateko prest

2016-05-19

Mozal legearen ondorioz zigortutako lehenengo kazetaria da Axier Lopez. Argiako lantaldeak, Lopezek barne, planto egitea erabaki du eta Espainiako Gobernuak ezarritako isuna ez ordaintzea. Argi diote epaiketara heltzeko prest daudela eta eskura dituzten bide guztiak baliatuko dituztela legeari aurre egiteko.

"Makurrena da Mozal Legeak jendearen artean uzten duen beldurra"

2016-05-04

Axier Lopez ARGIAko kazetaria Nafarroako Parlamentuan izan da, bere kasuaren berri eman eta Mozal Legearen aurkako eztabaida planteatzera. "Lege honi desobedientziaz erantzutea zilegia dela esateko baliatu dugu, eta gure pozarako alderdi guztiek begi onez ikusi dute"

Mozal legea baliatuta, Euskal Herrian zigortutako lehen kazetaria izan zen Axier Lopez, baina gaurko agerraldian argi utzi nahi izan du ez dela bere arazoa soilik, hedabide, kazetari eta herritar guztiena baizik... [+]

ARGIAko Axier Lopez kazetaria Nafarroako Parlamentuan

2016-05-04

Mozal Legea baliatuta ARGIAri jarritako isuna dela eta, Nafarroako Legebiltzarreko Herritarrekiko eta Erakundeekiko Harremanetarako Batzordean parte hartu du Axier Lopez kazetariak. Saio osoaren bideoa da honakoa.

Lopezek Mozal Legea ez aplikatzeko konpromisoa eskatu dio Nafarroako Gobernuari

2016-05-04

Axier Lopez ARGIAko kazetaria Nafarroako Legebiltzarrean izan da Mozal Legearen ondorioz jasotako isunaren berri ematen. Lege honek kazetaritzan eta herri mugimenduen jardueran dituen ondorioak azaldu ditu.

Axier Lopez Mozal Legeaz arituko da Nafarroako Legebiltzarrean

2016-05-03

Axier Lopez ARGIAko kazetariaren agerraldia izango da asteazkenean goizeko 9etan Nafarroako Legebiltzarreko Herritarrekiko eta Erakundeekiko Harremanetarako Batzordean.

Mozal Legea indargabetzeko eskatu dute Zumaiako eta Barakaldoko udalbatzetan

2016-04-29

Barakaldoko udalbatzako alderdi politiko guztiek, PPk izan ezik, onartu dute Axier Lopez ARGIAko kazetariari ezarritako isunaren aurkako mozioa.

Los Chicos del Maiz eta ARGIA jazarpenari buruzko mahai-inguruan Andoainen

2016-04-21

Errepresioaren ikuspegi ezberdinei buruzko mahai-ingurua antolatu du Andoaingo Irunberri kultur elkarteak larunbatean 18:30ean hasita. Andoaingo herriko tabernaren abokatu Oscar Padurak hitz egingo du, Axier lopez kazetaria eta Valentziako rap taldearekin batera.

Mozal Legea arbuiatu eta ARGIAri elkartasuna adierazi dio Gipuzkoako Aldundiko Imanol Lasak

2016-04-20

Imanol Lasa Gipuzkoako Gobernantza eta Gizartearekiko Komunikazioko diputatuak elkartasuna adierazi die ARGIAri eta legea aplikatuz isuna jaso duen Axier Lopezi.

Mozal Legeaz mahai-ingurua: Kolektiboan geldiarazteko urratsak irudikatzen

2016-04-15

Mozal Legea pairatu duten hedabideetako kazetarien mahai-inguruan: Ahotsako Sergio Labaien, Lahaineko Boro, Argiako Lander Arbelaitz; eta III. Araña operazioan atxilotu zituzten bi txiolari: @erreharria eta @JEgurzegi.

Prentsaren Nazioarteko Institutuak ere Mozal Legea bertan behera uzteko eskatu du

2016-04-15

Axier Lopez ARGIAko kazetariari jarritako isuna eta Mozal Legea bera landu dituzte, besteak beste, Prentsaren Nazioarteko Institutuak (IPI ingelesez) egindako erreportajean (gaztelerazko bertsioa).

Mozal Legea eta adierazpen askatasuna

2016-04-14

Donostiako Eleak/Libre mugimenduak antolatutako mahai ingurua Kaxildan. Solaskideak: Sergio Labaien (Ahotsa.info), Lander Arbelaitz (Argia), Boro (La Haine) eta @erreharria eta @jegurzegi txiolariak.

"Egoera ez justuetan, beti atera behar dugu smartphonea eta grabatu"

2016-04-14

Espainian 2013an Zigor Kodearen erreforma plazaratu zenean sortu zen No Somos Delito plataforma eta ehun taldetik gora biltzen ditu. Zigor Kodea, Herritarren Segurtasunerako Legea eta Segurtasun Pribatuaren Legean egindako erreformak atzera bota nahi ditu.

"Autozentsura bilatzen du Mozal Legeak"

2016-04-14

Zigor Olabarria (Gasteiz, 1977) Eleak-Libre Dinamikako kidea da. Eleak 2011n sortu zen Euskal Herriko eskubide zibil eta politikoen alde jarduteko eta oraintsu bat egin du Herri Harresien inguruko Libre dinamikarekin.

"Isuna onartuko bagenu, hurrengoak zigortzeko ateak parez pare irekiko genituzke"

2016-04-14

Zurrunbiloaren erdian harrapatu dugu ARGIAko lankide Axier Lopez (1979, Barakaldo). Mozal Legea aplikatu dioten lehen kazetaria da Euskal Herrian. Dozenaka elkarrizketa eman ostean, ostiral arratsaldean, patxadaz hitz egiteko tarte bat hartu dugu. Sei urte egingo ditu laster ARGIAn. Oso garbi du Mozal Legea borrokatu behar dela, eta indartsu dagoela dio kasua kolektibizatu denetik jasotako elkartasunari esker.

Isiltzen bagara dena galtzen dugu

2016-04-14

Mozal Legea aplikatuz lehen zigorra jaso dugu. Editorial hau da ARGIA egiten dugunon erantzuna.

Mozal Legearen aurrean, erantzunak kolektiboa behar du izan

2016-04-13

Donostian adierazpen askatasunaren alde bildu dira hamarnaka lagun, Eleak-Libre dinamikak deituta. Axier Lopez kazetariak hitz egin du bertan ARGIAren izenean.

Axier Lopez ARGIAko kazetariari elkarrizketa

2016-04-13

Axier Lopez ARGIAko kazetariari elkarrizketa egin dio Lander Arbelaitzek. Hainbat gai izan dituzte hizpide: jasotako isuna, horrek eragin duen elkartasun uholdea, Mozal Legeak dituen ondorioak eta legeari aurre egiteko bidea, besteak beste.

[BIDEOA] ARGIArekiko elkartasuna ETBko 'Egunon Euskadi' saioan

2016-04-13

Euskal Telebistako Egunon Euskadi saioan Axier Lopzen kazetariari jarritako isunaz eta Mozal Legeaz jardun ziren astelehenean.

Mugarik Gabeko Erreportariak erakundeak Axier Lopezen kontrako isuna arbuiatu du

2016-04-13

Mozal Legea ezartzeak kazetarien eta erreportari grafikoen lanerako askatasuna mugatzen duela iritzi du RSFk eta nabarmendu du “autozentsura” eragin dezakeela.

Asteazkenean Donostian Mozal Legearen aurka kontzentrazioan parte hartzeko deia

2016-04-12

#ArgiaMozalikGabe zenbaki berezia

2016-04-11

Zenbaki berezia izango da ARGIAren hurrengoa. Informazio eskubidearen eta adierazpen askatasunaren aldeko eta Mozal Legearen aurkako mezuak hartuko du azala, eta barruko orrialdeetan gaiari buruzko elkarrizketa eta analisiak aurkituko ditu irakurleak.

ARGIArekin, herri komunikabideekin, guztion eskubide zibil eta politikoekin

2016-04-11

Sarri, gehiegikeria eta bortizkeria instituzionalizatua hain egiturazkoa eta denboran jarraitua denean, komenigarria da geure buruei jada ahaztuta ditugun oinarri-oinarrizko ideiak gogoraraztea: zergatik ezarri diote isuna ARGIAko Axier Lopez kazetariari? Lan-orduetan haien lana esparru publikoan egiten ari ziren funtzionario publiko batzuen argazkia zabaltzeagatik. Horrela nahiko balute aurpegia estaltzeko eskubidea dutenek, gainera (eskubide eztabaidagarria, bestalde).

Axier Lopez kazetariaren aldeko elkarretaratzea 13an Donostian

2016-04-08

Donostiako Eleak/Libre dinamikak deituta, ARGIAko kazetari Axier Lopezi elkartasuna adierazteko elkarretaratzea egingo dute hilaren 13an Easo plazan, 18:30ean.

Nola lagundu ARGIA? #IzanArgia

2016-04-07

Kazetaritza independente eta konprometitua egiten duen proiektua gara ARGIA, komunitate baten babesean sortua. Egun ere, ARGIA sostengatzen duten pertsonek egiten dute posible, oztopo guztien gainetik, kazetaritza askatasunez egin dezagun.

Ez dugu isuna ordainduko, Mozal Legea borrokatuko dugu

2016-04-07

ARGIAko lantaldeak erabaki du Espainiako Gobernuak Axier Lopez kazetariari jarritako isuna ez ordaintzea, Mozal Legea injustua eta informatzeko eskubidearen kontrakoa delako. Helegitea jarriko diogu Gobernu Ordezkaritzak hartutako neurriari.

Basque journalist first punished under the controversial Spanish "Gag-law"

2016-04-07

The Spanish government has punished a journalist for the first time using the controversial “gag law”. A Basque journalist working in ARGIA has been fined with 601 euros. According to the lawsuit the magazine has received from the Spanish government’s local office in Gipuzkoa, the Basque magazine’s journalist Axier Lopez published images of a police raid on Twitter "without permission". It’s the first sanction imposed to a Basque journalist using the "gag law" in such a context.

ARGIAren aurkako zigorra Espainiako Kongresura eraman du EH Bilduk

2016-04-06

EH Bilduko Onintza Enbeita diputatuak babesa adierazi dio Axier Lopez kazetariari eta ARGIA hedabideari Espainiako Kongresuan.

ARGIAren aurkako zigorrak babes zabala eragin du

2016-04-06

Axier Lopez Argiako kazetariaren aurkako isuna publiko egin denetik, babes mezu ugari hedatu da sarean. Erabiltzaileek #ARGIAmozalikGabe traola darabilte horretarako.

Informatzeagatik ARGIA zigortu du Espainiako Gobernuak, Mozal Legea baliatuz

2016-04-06

ARGIAko kazetari bat zigortu dute Mozal Legea aplikatuz eta 601 euroko isuna ezarri diote kazetaritza lana egiteagatik. Espainiako Gobernuak Gipuzkoan duen ordezkariordearen izenean heldu den salaketak jasotzen duenez, “baimenik gabe” polizia operazio baten irudiak sareratu zituen Axier Lopez kazetariak. Lege hau horrela aplikatuta, Euskal Herriko kazetari bati jartzen dioten lehen zigorra da.