Oinarriak

1. Sariketa honetara 30 urtez azpiko pertsona orok aurkeztu ahal izango du.

2. Aurkeztuko diren lanak erreportajeak izango dira, barne har ditzaketelarik elkarrizketak, aipamenak, dokumentuak edo interesgarritzat jotzen den edozein material. Erreportajeak argitaragabeak izango dira.

3. Gaia librea izango da. Egile bakoitzak nahi adina lan aurkez ditzake. Egile bakoitzak ordea, ezingo du sari bat baino gehiago irabazi.

4. Hiru kategoria izango dira:
a) Erreportaje laburra: 4.000 - 6.000 karakter.
b) Erreportaje luzea: 10.000 - 15.000 karakter
c) Interneterako erreportajea: 3.000 - 5.000 karakter.

5. Erreportaje bera, kategoria desberdinetara moldatuta aurkeztu ahal izango da, baina erreportaje bakoitzak sari bakarra irabazi ahal izango du.

6. Erreportajeak disketean, CD-an edo Internetez entregatu beharko dira. Lana izengoitiz sinatuko da eta datuak aparteko gutunazalean edo artxiboan bidaliko dira. Parte hartzaile guztiek izen-abizenak, adina, helbidea, e-posta eta telefono zenbakia jarriko dituzte. Lanak urriaren 28a baino lehen entregatuko dira, honako helbide hauetako batean:

ARGIA astekaria (« 2000 ARGIA » Erreportaje Lehiaketa)
Industrialdea 15, 142. P.K.
20160 LASARTE-ORIA
promozio@argia.eus

7. Lanak epaitzerakoan, testuei emango zaie garrantzirik handiena eta era honetako aldagaiak hartuko dira kontuan: gaiaren erakargarritasuna, emandako informazioaren deigarritasuna eta ulergarritasuna, edukien ekarpena, originaltasuna, idazkera... Nolanahi ere, testuekin batera elkar daitezkeen irudi, argazki, infograma edo bestelako elementuak ere baloratuko dira.

Interneteko erreportajearen kasuan, aipaturiko aldagai horiei erantsi behar zaie, Internetek eskaintzen dituen adierazpenerako aukerak baliatzea: edukien antolaketa sarean pentsatuz, esteken egokitasuna, hipertestuaren erabilera, sareko baliabide eta informazioaren aprobetxamendu egokia...

8. Epai-mahaia kazetaritzan ezagunak diren pertsonek eta Argia eta Sareko Argiako zuzendariek osatuko dute.

9. Sariak hutsik gera daitezke eta epaia ezin izango da errekurritu. Saririk jaso ez eta argitaratuko ez diren lanak ezabatu egingo dira eta ez dira erabiliko.

10. Lanen jabetza egilearena izango da. Komunikazio Biziagoak bere gain hartzen du lanak urtebeteko epean argitaratzeko eskubidea. Lanek saririk jaso ez eta argitaratzen diren kasuetan, argitalpena ordaindu egingo da, ARGIAn ohikoak diren irizpideen arabera.

Sariak honako hauek izango dira:
Erreportaje luzea: 600 euro eta Argiaren urtebeteko harpidetza.
Erreportaje laburra: 400 euro eta Argiaren urtebeteko harpidetza
Interneteko erreportajea: 400 euro eta Argiaren urtebeteko harpidetza
2 akzesit : 200 euro eta Argiaren urtebeteko harpidetza

11. Sariketaren emaitzen berri abenduaren 4ko alean emango da.

12. Sariketa honetan esku hartzen duten guztiek oinarri hauek onartuko dituzte, Komunikazio Biziagoak eskubidea duelarik oinarri hauek aldatzeko, horretarako arrazoirik edo komenigarritasunik ikusiz gero.