O Observatorio presentou os resultados do informe no 21 aniversario da Declaración Universal dos Dereitos Lingüísticos. En total, recibíronse máis queixas que nunca, e en total abríronse ao redor de 1.600 expedientes. A aplicación Akuilari, que leva en marcha desde finais de 2015, contribuíu a este incremento.

“A impotencia, a dor, a rabia, o cansazo… foron moitas veces manifestadas pola cidadanía”, sinalou o Observatorio. “Nos servizos públicos e privados de todos os ámbitos administrativos do País Vasco, como consumidores, tanto por escrito como verbalmente, producíronse importantes carencias”. O ámbito sanitario foi o que máis queixas recibiu, seguido da policía e a xustiza.

Garbiñe Petriati subliñou que moitos empregados da administración vanse a xubilar en breve e que por tanto é o momento do cambio. A directora de Behatokia reclamou que se aproveite esta oportunidade para pór en marcha unha nova política de contratación “que respecte os dereitos lingüísticos e respecte a igualdade de toda a cidadanía”. Doutra banda, o Goberno de Navarra criticou os criterios que se seguiron nas convocatorias de emprego porque en moitas ocasións non se tivo en conta o eúscaro.