Gazete Karinca hedabideak azaldu duenez, Osman Siban ez da joan Mersingo Bigarren Zigor Auzitegi Nagusian egindako entzunaldira, baina abokatua bertan egon da. Fiskalak espetxe zigorra eskatu du, “erakunde terrorista bateko kide izateagatik”. 

Epaimahaiak, lehenik, 9 urteko kartzela zigorra ezarri dio. Ondoren, 7 urte eta 6 hilabetera murriztu du. Erabakian, atzerrira bidaiatzeko debekua ere jarri diote. 

Toturatu eta ustez helikopterotik bota zituzten

2020ean soldaduek 50 urteko Osman Siban eta 55eko Servet Turgut anaiak atxilotu zituzten, biak baserritarrak, Van probintziako Çatan herrian egindako operazio militarrean. Biak bortxaz helikopteroan sartu eta eraman egin zituzten. Torturatu eta helikopterotik bota zituztela salatu zuten. Turkiako Gobernuak ukatu egin zuen gertatutakoa.

Turgut 20 egunez hil ala bizi egon zen ospitalean, eta azkenean, hil egin zen. Siban larri zauritu zuten eta handik egun batzuetara alta medikoa eman zioten.