Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Gutxienez hemeretzi pertsona hil ditu Israelek Khan Yunis hiriko Nasser ospitalearen kontra egin duen erasoan. Erasoaren biktimen artean hainbat hedabidetako kazetariak daude. Gazako osasun ministerioaren arabera: "Lehen erasoaren helburua Nasser ospitaleko laugarren solairua izan zen, ondoren, bigarren eraso bat egin zuten iritsi ziren zaurituak eta hildakoak erreskatatzeko anbulantzien kontra".
Antzekoa gertatu zen Al-Shifa-ko ospitalean: Israelgo armadak Al Jazeerako bost kazetariren familia osoa hil zuenean. Astelehen goizeko erasoan, Reuters-eko Hossam Al Masri, Al Jazeera-ko Mohamed Salama, AP agentziarentzat lan egin ohi zuen kazetari independente Mariam Abu Daqa, NBC-ko Moaz Abu Taha eta The Associated Press-eko Ahmed Abu Aziz hil ditu Israelek.
300 pertsona inguru desnutrizioz hil dira Israelen erasoa hasi zenetik.
Igandean soilik gutxienez 11 pertsona hil dira Gazan desnutrizioa dela medio. Guztira, Gazako agintarien arabera, 300 pertsona inguru desnutrizioz hil dira 2023ko urriko Israelen erasoa hasi zenetik; haien artean, 117 haur inguru.
El Salto-ren arabera, Netanyahuren plana Gazako biztanleria hegoaldera bultzatzea da bertan "gune humanitarioa"sortzeko. Hainbat herrialdek salatu dute plana "gune humanitarioak" ez direla izango arrazoituta, kontzentrazio esparruak baizik.