Italiak baimena eman dio Aita Mari salbamendu ontziari, apirilaren 14tik ontzian dituen 34 migratzaileak Italiako lurretan lehorreratu daitezen. Horretarako, apirilaren 19an ferry batera trasbordoa egingo dute.
Apirilaren 14an 47 pertsona erreskatatu zituen Aita Mari itsas salbamenduko GKEak Maltako uretan. Maltak ukatu die bertan lehorreratzea, eta uretatik jasotako pertsona horietako batzuen egoera "muturrekoa" zela-eta, 13 hauek Lampedusan lehorreratzea lortu zuten.
Lampedusatik Sizilia mendebaldera jo zuen ondoren Aita Marik, Italiak hala aginduta. Apirilaren 18an jaso du salbamendu ontziak baimena, erreskatatutako gainontzeko 34 pertsonak leku seguruan uzteko: ferry batera trasbordoa egingo dute. Baliteke hauek berrogeialdian jartzea, koronabirusa saihesteko.