Zaldibarko zabortegiaren krisia

Zabortegia amiltzearen arrazoiak eta erantzuleak exijitu dituzte seigarren urteurrenean

2026-02-09

Zaldibar Argitu herri plataformak Alberto Sololuze eta Joaquín Beltrán langileak gogoratu ditu, zeinak 2020ko otsailaren 6an zabortegiaren ezbeharrean lurperatuta gelditu ziren. Plataformak kritikatu du ingurumenaren kontrako delituen auzia “oraindik instrukzio fasean egotea eta etengabe luzatzea”.

Jaurlaritzak 2019tik daki zabortegiak zegokiona baino eremu handiagoa zuela, EH Bilduren esanetan

2026-02-02

Zaldibarko EH Bilduk prebarikazioagatik inputatu duten Arantza Baigorri alkate ohiari babes osoa eman dio. Koalizioak dioenez, EH Bilduk zabortegia handitzeko alegazioen aurka bozkatu zuen, Baigorri alkate zela. Gehitu du PSEk eta EAJk bultzatu dutela zabortegia, eta “sinesgaitza” dela Baigorri inputatzea eta EAJko alkateorde ohi Juan Mari Uriarte ez.

Zaldibarko alkate ohia inputatu dute, zabortegia zabaltzeko lanen berri ez ematea egotzita

2026-01-29

Hirigintzari loturiko ustezko prebarikazio delituengatik inputatu dute 2011 eta 2018 artean EH Bildu ordezkatuta Zaldibarko alkate izan zen Arantza Baigorri, bi udal arkitekto eta idazkariarekin batera.

Beltrán eta Sololuze oroitu dituzte Zaldibargo hondamendiaren bosgarren urteurrenean

2025-02-10

Bi langileak oroitzeaz gain erantzukizunak eskatu dituzte, Zaldibar Argituk igandean Eitzagan eginiko ekitaldian. Justiziaren mantsotasuna salatu dute, sumarioa oraindik instrukzio fasean dagoelako.

Zaldibarko hondamenditik bost urtera, erantzukizunak argitu gabe eta zabortegien kontrola ezbaian

2025-02-06

Bost urte bete dira Zaldibarren 800.000 tona zabor maldan behera amildu eta Joaquín Beltrán eta Alberto Sololuze langileak aurretik eraman zituenetik. Ikerketa judiziala amaitu gabe dago oraindik, Verter Recycling enpresak ez du ezer ordaindu zigilatze lanengatik, eta zabortegien gaineko kontrolak ezbaian jarraitzen du: Jaurlaritzak hiru urtetan 147 inspekzio egin ditu zabortegietan, eta soilik zazpi isun-espediente zabaldu ditu.

Erantzukizunak eskatuko dituzte Zaldibarko tragediaren bosgarren urteurrenean

2025-01-30

Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela hartu” salatu dute Zaldibar Argitutik.

Zaldibarko zabortegiaren hondamendia gogoratu dute laugarren urteurrenean

2024-02-05

Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.

Zaldibarko zabortegira hondakinak baimenik gabe isurtzeagatik Lapurdiko bi enpresa zigortu dituzte

2024-01-19

Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.

Hondamendia

2024-01-07

2020ko otsaila: zabortegi baten kolapsoak bi langile desagerrarazi ditu azpian. Patua, zoria edo zorte txarra? Ardura eta erantzukizuna maskaratzeko mozorroak ere izan daitezke.

2020ko martxoa: covida heldu da. Egia, egitatea, kontakizuna... Baina nola adierazi samina mundua pandemia baten menpe izoztu denean? Pantailek hartu dute hitzaren tokia eta zaborrak gure bizien arrasto bihurtu dira.

2022ko otsaila... Zabor meta erraldoian aztarrika, bide-seinale modura erabiliko ditugun galdera... [+]

Zaldibarko zabortegiaren behin-behineko zigilatzea ere Jaurlaritzak ordainduko du

2023-10-03

Enpresari eskatu dio lan horiek egiteko Arantxa Tapiaren sailak, baina Verter-ek ez du erantzun. Lanek “bospasei” urterako ziurtatuko dute zabortegiaren egonkortasuna, 750.000 euroko aurrekontuarekin.

Zaldibarko zabortegiaren ezegonkortasuna ikusita, premiazko neurriak eskatu dizkiote Jaurlaritzari

2023-06-26

Eusko Jaurlaritzak eskatutako txosten baten arabera, Zaldibarko zabortegiaren orubea ez da batere egonkorra. Txostenak dio segurtasun-faktoreak behera egin duela, eta horrek esan nahi du egitura irristatzeko eta kolapsatzeko arrisku handiagoa dagoela.

Jendearentzako arriskuaz gain, gasen, usainen eta suteen isurketekiko kezka dago. Zaldibar Argituk, Ekologistak Martxan-ek eta Euskal Herriko Eskubide Sozialen Gutunak elkarretaratzeak egingo dituzte hilaren 29an eta 30ean. Erantzukizun nagusia... [+]

Jaurlaritzako hiru teknikariren deklarazioak bertan behera, epaitegietako lanuzteengatik

2023-04-20

Ostegunean ziren deklaratzekoak Eusko Jaurlaritzako Ingurumen Saileko hiru teknikariak, baina justizia auzitegietako lanuzteen ondorioz ezin izan dute egin. Verter Recycling enpresari Ingurumen Baimen Bateratua nolatan eman zioten azaldu beharko dute.

Eusko Jaurlaritzako hiru teknikarik deklaratuko dute ostegunean, istriputik hiru urtera

2023-04-17

Jaurlaritzaren Ingurumen Saileko hiru teknikarik deklaratuko dute, Zaldibarko zabortegian ingurumenaren kontrako delituak ikertzen dituen auzian. Zaldibar Argitu plataformak eta Euskal Herriko Eskubide Sozialen kartak elkarretaratzera deitu dute Durangoko epaitegi aurrean.

Estoldak

2023-02-14

Hirien hondakinak bildu eta txikitzen diren lekuetara bisitaldia egitea eskoletako derrigorrezko txangoa izan beharko litzateke. Gaileta paketetxo bat ireki barneko bi gaileta irensteko, eta pakete azalaren ibilbidea mentalki eraiki. Helmugan paratzen da giza aktibitatearen lotsaizuna. Kafe bero eramangarriaren bekatuen azken paisaia samingarria. Gure bizimoduak sortzen dituen hondakinek mugatzen dute hiriaren arrasto-mapa. Hegazti-espezien presentzia gorozki eta lumek argitaratzen duten... [+]

Zaldibargo zabortegia ez da oraindik zigilatuko

2023-02-07

Hondamenditik hiru urte bete direnean prentsaren aurrean aitortu du Tapia sailburuak "ikuskapen teknikoak" egiten ari direla, zabortegia "egonkor eta seguru" dagoela, baina oraindik ez dela zigilatuko horretarako baimena eduki arren. Izan ere, Verter Recycling-ek ez du, antza, horretarako borondaterik.

Zaldibarko auzian ardura politikoak hartzeko eskatu dute, luiziaren hirugarren urteurrenean

2023-02-06

Zaldibar Argitu plataformak deituta Alberto Sololuze eta Joaquin Beltran langileak omendu dituzte Eitzaga auzoan, zabortegian harrapatuta geratu zirenetik hiru urtera. Auzia argitzeko beharra berretsi dute eta ardura politikoak hartzeko eskatu.

Bizkaiko hondakinen kudeaketa

2023-02-02

Zaldibarko zabortegiaren hondamendiaz geroztik hondakinen kudeaketan Bizkaian dauden hutsuneak nabarmendu ditu talde ekologistak txosten batean. Azaldu duenez, hondakinak kudeatzeko plan berriaren zirriborroa oraindik ez da onartu eta 2016koa dago indarrean. Hondakin organiko bereizteko eta tratatzeko neurri nahikoak ez hartzea egozten dio, besteak beste, kudeaketa plan berriari.

Zaldibar Argitu plataformak Sololuze eta Beltran oroituko ditu zabortegia amildu eta hiru urtera

2023-01-30

Datorren igande eguerdian, otsailaren 5ean, Joaquin Beltran eta Alberto Sololuze langileak oroitu eta argipenak eta erantzukizunak eskatuko ditu Zaldibar Argitu plataformak.

Hondatu da mendia, jausi zaigu bizia

2022-10-12

Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute lehen emanaldia, Luhuson.

Zaldibar Argitu: "Lakua ez da neutrala izan, auziaren parte izan da"

2022-10-05

Europako Batzordeak beste behin adierazi du Eusko Jaurlaritzak legedia bete zuela Zaldibarko zabortegiaren kasuan. Zaldibar Argitu plataformak nabarmendu du Lakuak bidalitako informazioa soilik izan duela kontuan Bruselak.

Bi

2022-02-16

Otsailean urte bi bete dira Zaldibarko zabortegia amildu zela. Martxoan pandemiaren bigarren urteurrena dator, bi hilabetez etxean geratu ginenekoa. Katastrofe bi. Bigarrenak lehenengoa estali zuen, baina Eitzagako hondamendiaren gestioak erakutsi zigun izurritea zelan kudeatuko zen.

Hondakindegiak behargin bi, Alberto Sololuze eta Joaquin Beltran, eroan zituen. Beltranen gorpua ez zuten topatu. Zaborra ere bertan geratu da. Eitzagako biztanleak abandonatuta daude hondakinen ondoan. Inguruan... [+]

Erantzukizunak argitzeko eskatu dute Zaldibarren, istriputik bi urtera

2022-02-07

Ehunka lagun ibili dira iganean Ermuko plazatik Zaldibar auzoko Eitzagara, Verter Recycling zabortegia bertan behera erori zeneko bigarren urteurrenean.

Zaldibarko hondamendiaren urteurrenagatik igandean manifestazioa egingo dute Ermuan

2022-02-02

Luiziaren ondorioz hildako Joaquin Beltran eta Alberto Sololuze oroitzeaz gain, Zaldibar Argitu plataformak otsailaren 6a baliatuko du Eusko Jaurlaritzari erantzukizunak bere gain har ditzan eskatzeko.

Verter Recyclingeko arduradunak mutu, epailearen galderen aurrean

2021-12-20

Zaldibarko zabortegia kudeatzen zuen Verter Reyclingeko arduradunek astelehen honetan deklaratu dute Durangon, auzia daraman epailearen aurrean. Haietako bik uko egin diote epailearen galderei erantzuteari eta hirugarren batek ezin izan du auzitegira joan, koronabirusarekin gaixo dagoelako.

Sei hilabeteko kartzela zigorra adostu dute Verter Recyclingek eta fiskaltzak

2021-09-03

Zuhurtziagabekeriazko hilketagatik eta langileen segurtasunaren aurkako delituagatik auzipetuko dituzte zabortegia kudeatzen zuen enpresako hiru arduradun, horrela espetxea saihestuz.

Zaldibar kasuan herri-akusazio izatea galarazi diete Zaldibar Argituri eta Eskubide Sozialen Kartari

2021-08-02

Zaldibar Argitu eta Euskal Herriko Eskubide Sozialen Kartak salatu dute abuztuaren 2an kanpo utzi dituztela Zaldibarko zabortegiko hondamendian ea langileen eskubideen alorrean deliturik izan den ebatziko duen epaiketatik.

Zabortegiak handitu eta berriak ireki nahi dituzte EAEn

2021-06-08

Zabortegien edukiera bikoiztu egin beharko da EAEn 2030 urtera arteko epean, Eusko Jaurlaritzak aitortu duenez. Horri aurre egiteko hainbat proiektu daude mahai gainean, egungo zabortegiak handitu eta berriak irekitzeko, hala jaso du Berria egunkariak.

Joaquin Beltranen gorpua aurkitzeko lanak bertan behera utzi ditu Jaurlaritzak

2021-05-14

Zaldibarko zabortegiaren hondamendian hil zen bi langileetako bat da Joanquin Beltran zallarra. 463 egun igaro dira haren gorpuaren bila hasi zirenetik. Ostiralean, Eusko Jaurlaritzako Segurtasun sailburu Josu Erkorekak publikoki jakitera eman duenez bilaketa lanak bertan behera utzi dituzte.

Zaldibarko luiziak lotura du zabortegiaren zigilatze ezaugarriekin

2021-05-13

Zaldibarko luizia zergatik gertatu zen argitzea helburu zuten bi ikerketaren emaitzak jaso ditu Berria egunkariak. Jaurlaritzak eskatutako peritu txostenek ondorioztatu dute zabor masak gainditu egin zuela jarritako geotestilaren euste ahalmena, Iñaki Petxarroman eta Imanol Magro kazetariek azaldu dutenez.

Auto zatiak eta lanerako tresneria aurkitu dute Zaldibarko zabortegian

2021-03-24

Jaurlaritzak ohartarazi du aurkikuntzak Joaquín Beltrán langilearenak direnik ezin daitekeela ziurtatu, hala egiteko aztarnen faltan.

Zartadak

2021-03-01

Orain urtebete lehertu zen dena, amildu zen magala Eitzagan. Halere, amiltze horren benetako arrazoiak zeintzuk diren ez dakigu oraindik. Zabor olatu erraldoiak beste horma batzuk ere zartatu zituen, barnekoak. Nire barruan eta beste askoren barruan. Zartatu zen agintarienganako geneukan konfiantza txiki hori. Uste genuelako ―txarto ala ondo, gustatu ala gustatu ez―, kargudunak gu babesteko zeudela halako hekatonbe larri baten aurrean. Konturatu ginen ezetz.

"Ikasi... [+]

Zaldibarko lur-jausiaren urteurrenean erantzukizunak eskatu dituzte

2021-02-08

Otsailaren 6an amildu zen Zaldibarko zabortegia eta urtebete ondoren gertatu zenari buruzko erantzukizunak eskatu dituzte hainbat herritan egindako elkarretaratzeetan. Hondamendia argitzeko ere eskatu dute.

Kanpaina onenaren Argia Saria: Zaldibar Argitu!

2021-02-05

Bost hitzekin gaur egungo mundua zalantzan jarri eta milaka pertsonak babesteko moduko programa politikoa laburbiltzeko gaitasuna erakutsi dutelako: Langileak, osasuna, erantzukizunak. Zaldibar Argitu. Jokin Bergara, Janire Lazkano eta Gaizka Zabarte mugimenduko kideek jaso dute saria.

2020an webguneko irakurrienak izan dira...

2021-02-03

Kanpaina onenaren Argia Saria: Zaldibar Argitu

2021-02-02

Bost hitzekin gaur egungo mundua zalantzan jarri eta milaka pertsonak babesteko moduko programa politikoa laburbiltzeko gaitasuna erakutsi dutelako: Langileak, osasuna, erantzukizunak. Zaldibar Argitu. Jokin Bergara, Janire Lazkano eta Gaizka Zabarte mugimenduko kideek jaso dute saria.

"Gustatzen zaigu futbol jokalarien alineazioak jakitea, baina ez gure enpresenak"

2021-01-27

Ahoztar Zelaieta Zamakona ikerketa kazetari zailduak Zaldibar auziaren atzean dauden izenak agertarazi ditu Txalapartarekin plazaratu duen liburuan. "Euskal oasi"ko biztanleok ez gaitezen iragazkaitz izan ziri-ziri edo zarra-zarra ari duten ingurumen eta ustelkeria delituekin.

Zaldibarko zabortegiko "ingurumen kalteen" erantzukizuna Verter enpresari egotzi dio Eusko Jaurlaritzak

2021-01-21

Eusko Jaurlaritzak ondorioztatu du Zalbibarko zabortegia kudeatzen duen Verter Recycling enpresa dela zabortegiak eragindako ingurumen kalteen erantzule.

U30 Aldaketaldia: ingurumen larrialdi globala herriz herri salatzeko ekimena antolatu dute

2021-01-14

Urtarrilaren 30aren bueltan "trantsizio ekologiko eta sozialki justu baten alde" mobilizatzeko deia luzatu du Gipuzkoako hainbat eragile sozial eta sindikal biltzen dituen Larreko Mahaiak. Donostian manifestazioa egingo dute egun horretan, Gladys Enetatik Bulebarreraino.

"Lagundu Argitzen": Zaldibarko zabortegian gertatutakoa argitzen jarraitzeko elkartasun ekitaldia

2021-01-14

Zaldibarko zabortegia amildu zenetik ia urtebete igaro den honetan, elkartasun ekitaldia antolatu dute ondoko helburuekin: gertatu zena oroitzea, erantzukizunak eskatzea eta epaiketan herri akusazioa martxan jartzea. Ekitaldia urtarrilaren 23an egingo da Eibarko Armeria Eskolan.

Erantzukizunak eta gertatutako ez ahazteko eskatzeko mobilizazioak egin ditu Zaldibar Argitu plataformak

2021-01-07

Hamaika hillabete pasatu dira Alberto eta Joaquinek lana egiten zuten Zaldibarko zabortegia amildu zeneti. Gertatutako ezbeharraren erantzuleak argitzea eskatu du beste behin Zaldibar Argitu plataformak Gipuzkoako eta Bizkaiko hainbat herrietan egindako mobilizazioetan.

Zaldibar Argituk mobilizazioak deitu ditu urtarrilaren 6rako

2021-01-05

Urtarrilaren 6an 11 hilabete beteko dira Zaldibarko Verter Recycling zabortegia erori zenetik, azpian harrapatuz Alberto Sololuze eta Joaquín Beltrán langileak. Zaldibar Argitu plataformak sei herritan deitu ditu mobilizazioak egun horretako eguerdirako.

Zaldibarko zabortegian gertaturikoa ikertuko du Europako Batzordeak

2020-11-24

Europako Parlamentuko Eskaeren Batzordeak tramiterako onartu du Zaldibar Argitu plataformak eta Bizkaiko Ekologistak Martxan elkarteak aurkezturiko eskaera: zabortegian gertaturikoa eta egindako hondakinen gestioa ikertuko dute.

Zaldibarko hondamendiaren erantzukizun guztiak argitzeko eskatu dute Zallan, Joaquin Beltran gogoan

2020-10-09

Zortzi hilabete pasa dira Joaquin Beltranen gorpua aurkitu gabe. Zaldibar Argitu plataformak deituta, dozenaka lagun kalera atera dira Zallan ostegunean hondamendiak hil zituen bi langileak oroitzeko eta kasuaren erantzukizun politiko guztiak argitu daitezen eskatzeko.

Zaldibarko hondamendiaren auzian Herri Akusazioa aurkeztuko dute

2020-10-06

Euskal Herriko Eskubide Sozialen Kartak eta Zaldibar Argitu plataformak “kalean erakutsitako kezka eta indarra epaitegietara eramateko garaia” dela azaldu dute. Erantzukizun “zehatzak” argitzea eskatuko dute herri akusazioan.

Zabortegien kudeaketa ikertzeko lantaldea eratzeari ezezkoa eman diote EAJk eta PSE-EEk legebiltzarrean

2020-10-01

Zaldibarko zabortegiaren eta antzeko hondakindegi industrialen egoera ikertzeko proposamena egin dute Elkarrekin Podemosek eta PPk, EH Bilduk babestuta. EAJk eta PSE-EEk baina atzera bota dute ponentzia euren botoekin. Jeltzaleen aburuz “Joaquin Beltranen gorpuzkinak aurkitzea” da lehentasuna.

Zaldibarko zabortegiaren kudeaketa ikertzeko Legebiltzarrean batzorde berezia osatzea proposatu dute

2020-09-29

EH Bilduk egin du proposamena, Zaldibarko hondamendia eta ardura politikoak argitzeko Eusko Legebiltzarrak eskura dituen baliabide guztiak erabili behar dituela adieraziz. “Inork ezkutatzeko ezer ez badu, ikerketa batzordea osatzearen alde agertu beharko lukete talde parlamentario guztiek”.

Iñaki Arriola, irregulartasunaren itzala daraman kontseilari bat, berriz ere AHTren gidari

2020-09-10

Iñigo Urkulluk bere exekutiboan egindako aldaketa nabarmenetako bat da Iñaki Arriola PSOE-EEko buruzagiarena. Lurralde Plangintza, Etxebizitza eta Garraio sailburu izango da hemendik aurrera. Zaldibarko hondamendiaren erantzukizuna saiheste aldera egindako mugimendua dela dio zenbaitek; baina askok ahaztu dute AHTren obretan hainbat irregulartasun gertatu zirela bera arduradun politiko nagusi zen garaian. Orain, Arriolak gidatuko du berriz azpiegitura faraonikoa.

Azken agurra eman diote Zaldibarko zabortegian hil zen Alberto Sololuzeri

2020-09-09

Alberto Sololuzeren senide eta lagunek Xemeingo elizan agurtu dute Zaldibarko zabortegia erori ondoren otsailaren 6an lurperatuta hil zen langilea.

Zaldibarko tragedia hondakinen kudeaketa ereduaren ondorioa dela azpimarratu dute mugimendu ekologistek

2020-08-20

Alberto Sololuzeren gorpuaren identifikazioak familiari dolua egiten lagunduko diola adierazi dute, baita Joaquín Beltránen bilaketa lanak jarraitzea eskatu ere. Erantzukizun politikoek "argitu gabe" jarraitzen dutela salatu dute.

Alberto Sololuzerenak dira Zaldibarko zabortegiko hezurrak

2020-08-19

Forentseek astearte gauerdian amaitu dituzte DNA probak. Bilaketa lanak Joaquín Beltránen bilaketan zentratuko dira orain.

Giza aztarna berriak aurkitu dituzte Zaldibarren

2020-08-18

Astelehenean hezur gehiago aurkitu dute Eizagako zabortegian. Gorpu beraren aztarnak direla da hipotesi nagusia. ADN proben emaitzak aste amaiera aldera izatea espero du Ertzaintzak.

Zaldibarren aurkitutako hezurra Alberto Sololuzerena edo Joaquin Beltranena den argitzeko esperoan

2020-08-17

Igandean Eizagako zabortegian aurkitutako hezurra pertsona batena dela baieztatu du Eusko Jaurlaritzak. Hildako bi langileetako batena ote den zehaztu beharko du orain Ertzaintzaren Polizia Zientifikoaren Unitateak. Sei hilabete baino gehiago pasa da zabor luizia gertatu zenetik.

Zaldibarko hondamenditik urte erdira Sololuze eta Beltran gogoan izan dituzte

2020-08-07

Zaldibarko zabortegiaren hondamendian desagertutako langileen herrietan kontzentrazio jendetsuak egin dituzte ostegunean, Zaldibar Argitu plataformak deituta. Urte erdiaren ostean, bilaketa-lanetan oraindik ez dute gorpuak aurkitu.

Astea 60 segundutan | Uztailak 20 - 26

2020-07-24

Aste honetan Zaldibarko zabortegiko irudiak berreskuratu behar izan ditugu beste behin ere. Uztailaren 21ean, asteartea, Zaldibarko zabortegiko enpresaren arduradunak atxilotu zituzten epailearen aginduz, baina aske utzi dituzte eta ez dute deklaratu epailearen aurrean.

Zaldibarko zabortegiaren enpresako arduradunek ez dute deklaratu epailearen aurrean

2020-07-23

Verter Recycling 2002 enpresaren sortzaile eta jabe Jose Ignacio Barinaga, enpresaren kudeatzaile (eta Barinagaren iloba) Arrate Bilbao eta azpiegituraren injeniari Juan Etxebarria eguerdian eraman dituzte epailearen aurrera. Berria-k jakinarazi duenez, ez dute deklaraziorik egin epaitegian, ezta aurretik ere poliziaren aurrean. Uztailaren 21ean atxilotu zituen Ertzaintzak eta Eibarko polizia etxean egon dira geroztik. Baina EAEko Justizia Auzitegi Nagusiak esan du Zaldibarko kasua aztertzen ari diren Durangoko eta Eibarko epaitegiek ez dutela halakorik agindu eta Durangoko epaileak esan du "polizia operazio hutsa" izan dela hauen atxiloketa.

Zaldibarko zabortegiaren arduradunak atxilotu dituzte

2020-07-22

Verter Recycling 2002 enpresaren sortzaile eta jabe Jose Ignacio Barinaga, enpresaren kudeatzaile (eta Barinagaren iloba) Arrate Bilbao eta azpiegituraren injeniari Juan Etxebarria atxilotu dituzte ertzainek uztailaren 21ean. Zaldibarko zabortegia erori ostean auzitegietan zabalik dauden bi ikerketetako baten barruan atxilotu dituzte, astearte goizean epaileak hala eskatuta. Eibarko komisarian daude, eta ostegunean epaile aurrean deklaratutakoan erabakiko du epaileak atxilotutakoekin zer egin.

Zaldibar inguruko herrietan EH Bilduren igoera nabarmena izan da

2020-07-12

Zaldibarren EH Bilduk aurre hartu dio 29 botogatik EAJri. Ermuan PSE izan da lehena, EAJ erori baita, eta igoera nabarmena izan du EH Bilduk, duela lau urte bosgarren izan zen koalizio hau 229 bototaraino hurbildu baitzaio EAJri. Eibarren EAJ izan da lehena, eta EH Bildu asko igo da: duela lau urte 1.400 botokoa izan zen bien arteko aldea eta oraingoan 405 botora geratu da. Dardara nabaritu dute EAJ-PSEk, baina eskualdean duten nagusitasuna ez da zabortegiaren gisa berean erori.

"Eskandalu publikoa" salatu eta erantzukizunak exijitu ditu Zaldibar Argitu-k

2020-07-06

Zaldibarko zabortegiko luizia gertatu zenetik bost hilabete pasa direla, ehunka lagun batu dira Eibarren, egia eta erantzukizunak exijitzeko.

EAJ urduritu zuten maskarak

2020-07-03

Zaldibarko zabor-jauziak EAJren urtetako kudeaketa eredua jarri du zalantzan, hauteskunde oro bere zigilutzat saldu izan duen kudeaketa hori. Herritarren masa zabal batek ulertu du osasuna eta ingurumena diruaren azpitik daudela EAJ-PSEren negozioetan. Eta erakundeekiko konfiantza ere urratuta geratu zen inguruko herritarren artean, bizi izan zutenean erakundeok normaltasun itxura zaintzea lehenetsi zutela, herritarren osasuna babestea baino. Ez dira orban makalak trajea zikindu barik mantendu nahi izan duen lehendakariarentzat, baina...

Zabortegiarentzako biltegia Verter enpresak egitea gaitzetsi du Zaldibar Argitu plataformak

2020-07-02

Zaldibar Argitu plataformak adierazi du "ulertzeko zaila" egiten zaiola Jaurlaritzak Verter Recycling enpresari ematea segurtasun biltegia eraikitzeko baimena, enpresa hau baita erori zen zabortegiaren jabea eta arduraduna eta agerian geratu baita arau hauste franko egin dituela. Plataformak salatu du "larrialdiko lege bat erabili dutela lurrak zabortegi bilakatzeko" eta "behin-behineko gobernu batek" hartu duela erabakia. Biltegi hau eraikitzeko argudio gisa oraindik zabortegian lurperatuta dauden bi langileak "erabiltzea maila moral oso baxukoa" dela adierazi du.

Lau hilabete Zaldibarren lurperatuta

2020-06-17

Trantsizio ekologikoak egon behar du kanpainan

2020-03-12

Zaldibargo zabortegia bi langile jan dituen munstro kutsakor bat baino askoz gehiago da. Zaldibargo zabortegia mundu bat da. Zaldibargo zabortegia hautu batzuen emaitza da. Bizitza zentroan eman beharrean, zaborra –hots, etenik gabeko kontsumoa– zentroan ematen duen eredua da. Sistema bat ez da ez lurretik loratzen, ez eta zerutik erortzen ere. Sistema bat erabakitzen da, gauzatzen da eta akuilatzen da. Eta botere politikoen lekua ez da ttipia horretan. Erabaki, gauzatze zein... [+]

Ekofaxismoaren alternatiba

2020-03-10

Txernobyli buruzko telesailaren zenbait meme ikusi nituen Zaldibarko krisia zela-eta, orain dela aste batzuk. Umore beltza baino, kritika politikoa zen xedea. Gobernuaren jarrera, arduradunen ustelkeria, ezaxola zabortegiko eta larrialdi zerbitzuetako langileen osasunarekin, ingurune pozoitua eta, oro har, hasieratik ustela zen modelo baten kolapsoa: denak lar ezagunak ziren jende askorentzat. Iaz, pantailetan jende askok drama haren irudikapena larritasun handiz ikusten zuen bitartean,... [+]

Hau guztia horren latz, triste, arriskutsu eta mingarria ez balitz

2020-03-10

Oraingo artikulu hau lanari eskaini behar nion. Berreskurapen ekonomikoak gora egiten duen heinean, zelan galtzen diren abiadura berean langileon osasuna eta bizitza. Inoren ardura barik, inorentzat dirua egitera behartuta gauden momentutik, izaera lapurtu eta pertsonak baliabide (giza baliabide) bihurtzen gaituztenez gero. Beste tresna bat baino ez gara, erosi, erabili, apurtu eta bota egiten dena. Gero eta merkeago. Gero eta prekarioago.

Hau idazten ari naizen momentuan hamabost lagun hil... [+]

"Ez alarmistak izateko diote baina alarma kalean dago, eta beren gezurretatik sortu da"

2020-03-10

Zaldibarko zabortegi amildutik metro gutxira batu gara Janire Lazkano (Elgeta, 1989) eta Jokin Bergararekin (Eibar, 1994). Zaldibar Argitu plataforma sortu berriko kideak dira, eta eskualde hau astindu duen ezbeharretik abiatuta, egoera nola ikusten duten eta zer eskatzen duten galdetu diegu.

Moko-belarretan

2020-03-09

Udari begira jarri gaituen eguraldi honek landareak ederki mugitu ditu. Gu ere bai. Zaldibarren, Eitzaga auzoko zabortegiko madarikazioaren ardurak eskatzera, eta langileei, haien senideei eta auzotarrei babesa emateko manifestazioan Eibarko Amañatik abiatu ginen. Hasi zain ginela hor non ikusten dudan balkoi bat leiho-geranio lorez bete (Pelargonium x hortorum). Loretza gorriak begia jo zidan.

Inorekin mokoka edo moskoka hasteko asmo zipitzik ez dut. Mokotik mokora bai ordea, ez... [+]

Zaborrak

2020-02-25

Zaborrak, hondakinak, zarama, zakarra, lohiak... Euskarak ez ditu eskas sortzen ditugun soberakin gogaikarriak izendatzeko hitzak, ezin esan, hortaz, alde horretatik ongi hornitutako hizkuntza ez dela. Dena beharko da, antza.

Gure auzoan (ni ekialdeko erkidego autonomokoa naiz, kasu) bosgarren edukiontzia jarri zutenean, auzokide batek, dagoeneko jubilatuak eta bizitza erdia hondakinen kudeaketarekin zerikusia duten gaietan ibiliak, destinora iristean hondakinak nahasten zituztela gaztigatu... [+]

Herrian zabortegiak debekatzetik, hamarkadako krisira

2020-02-20

Nahi beste sinbolismorekin, 2,8 milioi tona tona hondakin biltzen dituen zabortegi toxikoa amildu da Bizkaia eta Gipuzkoa artean. Bi langile desagerrarazi, autopista moztu, sutea piztu, irregulartasunak agerian utzi eta inguruetan hodei gaixotzaileak zabaldu ditu, besteren artean. Instituzioen kudeaketa politikoa jo-puntuan jarri du, Eusko Jaurlaritzak 40 urtean izan duen hegemonia krisirik handienean EAJ eta PSE murgiltzeraino.

Zer dago Zaldibarko eskandaluaren atzean?

2020-02-20

Zaldibarko zabortegia behera erori eta bi langile desagerrarazi, autopista moztu, sutea piztu, irregulartasunak agerian utzi eta inguruetan hodei gaixotzaileak zabaldu ditu, besteren artean. Instituzioen kudeaketa politikoa jo-puntuan jarri du. Honetaz guztiaz aritu gara Pello Zubiria, Estitxu Eizagirre eta Lander Arbelaitzekin.

"Zaldibar argitu orain, egia zor digute"

2020-02-19

Manifestazioa egin zuten otsilaren 15ean ehunka lagunek Zaldibarko zabortegian gertatu dena argitzeko eskatuz. Eibar, Ermua eta Elgetatik abiatutako zuutabeek Eitzaga auzoan egin zuten bat eta bertan kaltetutako herritarrek zein desagertutako langileen senitartekoek hartu zuten hitza.