Xilaba 2020

Xilaba bertso txapelketa eten dute konfinamendu neurriengatik

2020-10-29

Xilaba 2020 txapelketak etenaldia izango du Emmanuel Macron Frantziako Presidenteak iragarritako konfinatze neurrien ondorioz. Hala jakinarazi du Bertsularien Lagunak elkarteak. "Kultura segurra dela sinetsirik, garaian garaiko baldintzek ahalbidetzen duten heinean, bertsolaritza sustatzen segituko dugu", adierazi du oharrean.

Maddi Sarasua Laskaraik irabazi du Final Herenetako bigarren saioa

2020-10-26

XILABA Bertsulari Xapelketako Final Herenetako bigarren saioa jokatu da urriaren 24an Sohütan. Egoitz Zelaia eta Elixabet Etxandi Goienetxek egin dute bigarren eta hirugarren, hurrenez hurren. 180 bertsozalek bete dute Sohütako Herriko Gela. Urriaren 31n fase honetako hirugarren saioa jokatuko da Izturitzeko Herriko Gelan.

Irati Alcantarilla Urdanpilleta izan da lehena Xilabako final herenetako lehen saioan

2020-10-19

XILABA Bertsulari Xapelketako final herenetako lehen saioa jokatu da Senperen urriaren 17an. Aitor Servier Etxexurik eta Miren Artetxe Sarasolak egin dute bigarren eta hirugarren, hurrenez hurren. 200 bertsuzalek bete dute Senpereko Larreko gela. Datorren larunbatean bigarren final herena jokatuko da Sohütako Herriko gelan.

XILABAk areto handiagoetara egingo du jauzi, arrakastak behartuta

2020-10-13

Urriaren 10ean Larzabalen jokatu da kanporaketa faseko azken saioa, eta beraz, finkatuta geratu da zein hemezortzi bertsolarik kantatuko duten final herenetan. Urriaren 17a jokatuko da hurrengo faseko lehen saioa, baina ez hasieran iragarritako Bokalen, izan ere, "aurtengo txapelketak duen arrakasta ikusirik eta Covid-19ak ekarri dituen hertsadurak kontuan harturik", Bokaleko gela "ttikiegi" gelditu zaiela azaldu du Bertsularien Lagunak Elkarteak eta Senpereko Larreko aretora aldatu duela saioa.

Maddi Ane Txoperena nagusitu da Ainhoako saioan

2020-10-05

XILABA Bertsulari Xapelketako hirugarren kanporaketa jokatu da urriaren 3an Ainhoan. Maddi Ane Txoperenak eskuratu ditu puntu gehien eta Xumai Murua Berra eta Ramuntxo Christyk egin dute bigarren eta hirugarren, hurrenez hurren. Urriaren 10ean Larzabalen laugarren saioa jokatuko da, fase honetako azkena.

Maddi Sarasua Laskarai nagusitu da Muskildiko saioan

2020-09-28

Xilaba Bertsulari Xapelketako bigarren kanporaketa jokatu da Muskildin. Patxi Iriart eta Maindi Murua Berrak egin dute bigarren eta hirugarren, hurrenez hurren. Giro ederra bizi izan dugu Muskildiko Posonpesenea aretoan. Datorren larunbatean Ainhoan iraganen da hirugarren saioa.

Aitor Servier Etxexuri nagusitu da Xilabako lehen saioan

2020-09-21

XILABA Bertsulari Xapelketako lehen kanporaketa jokatu da irailaren 19an Hiriburun. Egoitz Zelaiak eta Irati Alcantarilla Urdanpilletak egin dute bigarren eta hirugarren, hurrenez hurren. 150 bertsuzalek bete dute Hiriburuko La Perle aretoa. Irailaren 26an Muskildin iraganen da bigarren saioa.

Irailaren 19an abiatuko da Xilaba Bertsulari Txapelketa

2020-08-28

Aurtengoan guztira hamar saio egingo dira Lapurdi, Nafarroa Beherea eta Zuberoan zehar, eta 28 bertsolarik hartuko dute parte. Azaroaren 21ean jokatuko da finala, Donibane Lohizuneko Jai Alai ezker paretan.