Ikastaro hau apirilaren 14an egingo da, eta bere helburuak hauek dira:
Hizkuntza-komunikaziorako eta literaturarako konpetentziaren
baliabide digital berriak (hitzezkoak, hitzik gabekoak) ezagutzea eta
aztertzea, modu sakonean. Ondoren, ikasitakoa praktikara eramateko,
aktibitate didaktikoak sortzea eta aplikatzea.
Hizkuntza-komunikaziorako eta literaturarako konpetentzia ebaluatzeko estrategiak eta tresnak ezagutzea eta baliatzea.
Material didaktikoak hizkuntzen munduan duen garrantzia ikusirik,
irizpide eta gida batzuk mahaiaren gainean jartzea, horiek praktikan
ipintzea (diseinua, edukiak…) eta ondoren aukeratzea.
Lehen eta Bigarren Hezkuntzako ikasleen konpetentzia ebaluatzeko praktika onak identifikatzea eta aztertzea.
Irakasleen arteko elkarlana bultzatzea.
Oinarrizko konpetentzien esanahiaren inguruan, gogoeta egitea eta
konpetentzia horiek ebaluatzeko alderdietan sakontzea (ebaluazio
hezigarria, azken ebaluazioa, ebaluazio-egileak, ebaluatzeko moduak eta
tresnak…). Ikasleen oinarrizko konpetentziak bultzatzerakoan, ahozko
komunikazioari indar berezia ematea.
Helburuetan talde-lanak bere biziko garrantzia edukiko du; nahiz eta
ikastaro-amaierako proiektua (txostena edota memoria) bakarkakoa izan.
Bertan, ebaluazio-irizpideak eta adierazleak ezagutu eta aztertuko dira.
Irakasleak hauek izango dira:
Maria Jose Altube Madina Euskara
eta gaztelerazko irakasle (enpresak, kooperatibak, Erasmus -EHU-…; bai
taldeetan, bai one to one). Itzultzaile eta hizkuntza aholkulari.
Komunikazioan aditu. HKZ, Hitza Komunikazioa Zerbitzuak enpresako
fundatzaile eta arduradun.
UEU, Udako Euskal Unibertsitatea lukuru asmorik gabeko kultur elkartea da, zeinaren helburu nagusia Euskal Unibertsitatea sortzea den. Euskara eta unibertsitatea uztartzeko bide horretan, ikastaroak, graduondokoak, aldizkari espezializatuak, jardunaldiak, mintegiak, testu-liburuak, on-line proiektuak eta abar antolatzen ditu.