2018an abiatu zen Aldahitz Proiektuko Ikerketa taldearen eta Osakidetzako Euskara Zerbitzuaren artean.
Aldahitz-en hizkuntza-ohiturak aldatzeko sorturiko metodologiak hartu dira abiapuntu. 2018an eginiko Eusle metodologiaren lau esperientzien datuak aztertu eta ondorioak atera dira. Horrez gain, esku hartze esperientzia berriak antolatu dira.
Eusle metodologiaren esperientziez gain, Ulerrizketa metodologian oinarritutako esku hartze esperientziak antolatu dira bost osasun zentrotan. Azkenik, Osakidetzako ezaugarrietara egokituriko “Biko eusle” metodologiaren proba pilotuak egin dira (bi esperientzia).
Formazioa ere eman zaie gai hauetan bertako teknikariei, Garapen Taldeko saioetan eta bai berariaz antolaturiko saioen bidez.