Joan den martxoaren 1ean, ELAren Bilboko egoitzan, ospakizun oihuak entzun ziren. Ez zen gutxiagorako. Zerbitzuen federazioako arduradunak IMQk kaleratutako garbitzaileei buruzko epaia irakurtzen ari ziren; aurrekaririk gabeko epaia, sindikalismoarentzat eta feminismoarentzat, historikoa. EAEko Justizia Auzitegi Nagusiak IMQren kaleratzeak baliogabetzat jo zituen bi arrazoi desberdinengatik, eta langileak beren lanpostuetara itzultzeko agindu zuen. Epaileak sindikatuari arrazoia ematen zion puntu guztietan. Epaia haratago doa, genero begirada nabarmenarekin emanda dagoelako. IMQk epaia Gorenean errekurritzea erabaki duen arren, emakumezko langileak ahaldunduta daude eta lan-karga eskatzen jarraituko dute.